"إِلَهِي أَترَاكَ بَعْدَ الإِيمَانِ بِكَ تُعَذِّبُنِي؟

أَمْ بَعْدَ حُبِّي إِيَّاكَ تُبْعِّدُنِي؟

أَم مَّعَ رَجَائِي لِرَحْمَتِكَ وَصَفْحِكَ تَحْرِمُنِي؟

أَم مَّعَ اسْتِجَارَتِي بِعَفْوِكَ تُسْلِمُنِي؟

حَاشَا لِوَجْهِكَ الْكَرِيمِ أَنْ تُخَيِّبَنِي!"

كُتِبَ القَتالُ عَلى البَريّةِ كُلِّها
فَكَأَنَّما قُتِلوا بِقَتلِكَ واحِدا

ما ماتَ مَن حَفِظَ البِلادَ بِنَفْسِهِ
بَل عاشَ في الأحياءِ حيّاً خالِدا

اولاده واحفاده في مجلس العزاء وهو وحيدا في بيته مع مصابه .

اعان الله قلبك سيدي

خَوَافي الأخلاقِ تكشِفُها الْمُعاشَرةُ.

كم أتمنى أن أضعَ عُمري سنةً سنةً
في علبةٍ وأعطيهِ لأمِّي

ولا جنك يكَلبي بكَلبك النار
ولا جنك ثلج من عاشرت نار
خلص عمر المواسم والنياسين
وظل بس
الغنه الصامت ... والاسرار
نام
وصبح الناعور مشلول
لا ... ماي النهر يصعد للشفاف
ولا بيه حيل يكَدر حيل يندار
جان الفرح عدنا طير محبوس
ولكَـــــــه فرصه وتعلكَ بالسما .... وطار
ولا جنك يكَلبي فوك الارماح
معلكَ... خلصت عمرك بالاسفار
ومادامك يكَلبي فوك الارماح
ولا عندك حبيبه
ولا الك دار
شيفيدك لو تجر كل المواويل
شيفيدك لو تردد كل الاشعار
شيفيد ...!!
تمر نهر بولايه مهجوره
شيفيد ... !!
تمر محابس بيد مبتوره
شيفيدك ....؟؟
يا .... يول
يا كافي ... يا كَلبي
تظل مثل الارض يوميه إلك ...دوره
وشمتانيه الروح ...؟
وبعدها متانيه ...؟
واسنين تكَضي من العمر
كل ... ثانيه
واحلام ياخذها الدمع كل مشوار
وبيوت ياخذها المطر كل مشوار
وانت ...؟ !
انت يكَلبي تعيش للحين
ولا جنك ثلج ومعاشر النار
آنا وياك خلينا غريبين
سولتنا الجكاير... والصبر زين
وبليل الشته يصير الحزن ...حار
دافي ياحزن
للفاركَ اثنين
صاحبته وشبابه انكتلوا ازغار
آنا وياك خلينا غريبين
نحلم بالحبيبه ... وعتبة الدار
وإذا شفتك يكَلبي ... بيوم فرحان
هذا اول عتاب
وآخر
إنذار
كاظم اسماعيل الگاطع ❤️

من عجائب الكاطع

چنه نلعب بالرصاص
ونشرب البارود
ماندري عله اهلنه بوحشة الميتين
يتلم
چنه شبعانين
ماندري الخبز ياهو اليجيبة
صافي مثل الماي املنه
وبطرگ لعب الشوارع
لاجگاير.. لاسياسة... ولاحبيبة
وبطرگ حلم الشوارع
وبطرگ لعب الحدايق
يوم صاحبنه الفخاتي
وصارت الشجرة حبيبة



كاظم اسماعيل الكاطع

‏انة الخواف يا دنيا
‏انة الخواف من كِلشي ،
‏ لو أحلم حلم مو زين
انة أرجف گبل رمشي ..

أحط بالباب ألف رزّة
وأفز بالليل ألف فزّة
وتعز روحي ، وأگلّ للخوف ..
ظل بالبيت وانة أمشي

لان تعبان يا دنيا ،
وأنتِ معذبة أحوالي
أعبر عالنهر عطشان ،
والمي مو علىٰ بالي ..

بـ أولها وخلفتي وياي
شترجاچ من تالي ؟
دنيا وخالفت وياي ،
بيمن أرتجي وإلمن ؟
بس طيور تعبانات
يمي بليل يلتمن
شوالف گلبي ودنياي ؟
بيمن هالگلب أمّن ..
وتعز روحي واگلّ للخوف
ظل بالبيت وانة أمشي


.ابو وسام

وأراك أكبر من حديث خلافة
يستامها مروان أو هارون

الشيخ احمد الوائلي