ب ناڤێ یەزدانێ دلۆڤان

#سەر_چیێ_مە

سەر چیێ مــــە تــــژی مژە
ئەورەک ل ســەر دگــورمژە
دلێ مــــن تــــــی بتــەرکژە

ســـەر چیێ مــــــە تژی ئارە
کانیــەک ل ســــــەر گرفتارە
ئەورەک ل سەر خوین دبارە

ســـەر چیێ مــە تژی تیکان
هێستر کەتیە چاڤێن چیکان
کــــول کەتیە گەوریا دیکان

سەر چیێ مە خوین و باران
خوین دبارە ل ســــەر یاران
گــول دبارە ل ســــەر واران

سەر چیێ مە خوینا کوردان
کانیـا ژانـان, ژینـا کـــوردان
مەزلووم تونە مینا کـوردان

سەر چیێ مە ئێش گرانن
بـــرا, شینــــدارێ بـــرانن
خـــوا, بانگـی و ئسترانن

سەر چیێ مە دەنگێ تیران
ئالیــــەک بــرینێن نێچیران
ئالیـــەک هـــاوارا هێسیران

سەر چیێ مە هالێ کەونە
گولیێ بووکێ, تەژ و تەونە
ڤا چ خــەوە, ڤا چ خەونە؟

سەر چیێ مە, بن چیێ مە
زاران لــۆر دکــــن دیێ مە
هین ژی ددۆمـــە ریــێ مە

سەر چیێ مە دەنگێ دل تێ
بارانــەک ژ چــاڤێن شل تێ
کوردەک ئالا ل سـەر مل تێ

دەنگ; #ئارژین_رەجەب‌زاده_سەرهەد
هەلبەست; #مامۆستە_ئەلی‌ڕزا_سپاهی_لایین
پرتووک; #سێ‌دلۆپ

کانال تلگرامی, #مالا_گولان 👇👇👇

@Mala_gulan

🌸🍃 وە ناڤێ خوەدێ 🍃🌸

#شاپەری_سەردار

یــا هــا کیـــــە دل‌ب‌دارە؟
شێرەک ل هــەسپێ سیارە
خـەلکۆ شاپەری ســەردارە

برنۆ ل ســەر پیل شاپەری
چـەپەر ب چەپەر دگـەری
ساتێ روونێ, کودا تـەری؟

شاپــەری, دل و جانــی تو
تاجا ســــەرێ ژنانـــــی تو
تیفەگـــولا دودیانــــــی تو

کەچکا کـــوردان, ژنا میران
شاپــــــەریا مایــی ل بیران
کینگا تێ, بـەردی هێسیران؟

شــاپــــەریا جـــریستانـــی
تفانـگ ل پیل, ل چیـانــــی
هین سا تە چاڤ‌ل‌رێ مانی

خەبەر هات شاپـەری گرتن
کوردان, کۆچ ژ رێ داگرتن
شەهیدەک دن ژی هێژمرتن

هلکشاندن ســـــــەرێ دارێ
بەژنا شاپــــەری ســەردارێ
لێ, ناڤ ژ بیــر نابە جــارێ

دیسا کینگا بــە ســـەرداران
ل چیێن مە چــێ کن واران
بپــارێـزن دۆست و یـــاران

بێ ئشق و ئێش و بێ ئەنجام
خــوە پیــــر دکــن ئارام ئارام
هەرای ژ دەست خەلکێ نافام!

دەنگ; #سەلما_بەخش‌پوور_تەکمەران 💐
هەلبەستڤان; #مامۆستە_ئەلی‌ڕزا_سپاهی_لایین
پرتووک/کتاو; #سێ‌دلۆپ

کانال تلگرامی, #مالا_گولان 👇👇👇

@Mala_gulan