ယူဘိုနာ (Gong Hyo-Jin) ဟာဆိုရင် ဥပဒေရဲ့ ဟာကွက်ကြောင့် လွတ်မြောက်သွားတဲ့ ရာဇဝတ်သားတွေကို ရှင်းလင်းပေးရတဲ့ တစ်ချက်ပစ် ၊ တစ်ယောက်သေတဲ့ လက်ဖြောင့်လူသတ်သမားတစ်ဦးပါ။

ပိန်ညှင်းငှက်တွေလို အမြင့်တစ်နေရာမှာ ထိုင်နေရင်းက အစာကို တွေ့တာနဲ့ ကျည်ဆန်လို ပြေးဝင်လာတတ်လို့လည်း "Kingfisher" ဆိုတဲ့ နာမည်ပြောင်ကို ရထားသူပေါ့။ ဘိုနာက ပင်ပန်းခက်ခဲခဲ့စဉ် အတိတ်ကာလက ရေစက်ပါပြီး ဆုံတွေ့ခဲ့တဲ့ ဂွန်ထယ်ဆောင်း (Jung Jun-Won) နဲ့ အေးချမ်းသာယာတဲ့ အိမ်ထောင်ရေးတစ်ခုကို တည်ဆောက်ထားပြီး ယခုအချိန်မှာတော့ ချစ်စဖွယ် သမီးလေးတစ်ယောက်လည်း ရှိထားကြပြီဖြစ်ပါတယ်။

ဆိုးတာကတော့ ထယ်ဆောင်းက "Kingfisher" အကြောင်းကို သတင်းလိုက်ခဲ့ဖူးတဲ့ သတင်းထောက်တစ်ယောက် ဖြစ်နေတာပါပဲ။ ဒီလိုနဲ့ ၃ နှစ်တာ မီးဖွားခွင့်ကာလ ပြီးဆုံးတဲ့နောက် ဘိုနာက လူသတ်သမားလောကထဲ ပြန်လည် ဝင်ရောက်လာပြီး တစ်ဖက်မှာလည်း ထယ်ဆောင်းက "Kingfisher" အကြောင်းကို တစ်ဖန် ပြန်လည်စုံစမ်းရဖို့ ဖြစ်လာတဲ့အခါမှာတော့...

ချမ်းသာတဲ့ Chaebol မိသားစုက ဆင်းသက်လာတဲ့ Jin Isoo (Ahn Bohyun) ဟာ မမျှော်လင့်ဘဲ ရဲစုံထောက်တစ်ယောက် ဖြစ်လာခဲ့ပါတယ်။ အစပိုင်းမှာတော့ မတော်တဆ စတင်ခဲ့တဲ့ ရဲအလုပ်ဖြစ်ပေမယ့်၊ အချိန်ကြာလာတာနဲ့အမျှ သူဟာ ဒီအလုပ်ကို တကယ်နှစ်သက်လာပြီး ရဲစုံထောက်အဖြစ် တာဝန်ထမ်းဆောင်ရတာက သူ့ဘဝရဲ့ အမှန်တကယ် လျှောက်လှမ်းရမယ့် လမ်းကြောင်းဖြစ်ကြောင်း သိရှိလာခဲ့ပါတယ်။

နောက်ပိုင်းမှာတော့ သူဟာ ရဲအကယ်ဒမီရဲ့ တရားဝင်လေ့ကျင့်ရေးသင်တန်းကို အောင်မြင်စွာ ပြီးဆုံးပြီး၊ အကြမ်းဖက်ရာဇဝတ်မှုနှိမ်နင်းရေးအဖွဲ့ (Violent Crimes Team) ကို ပြန်လည်တာဝန်ထမ်းဆောင်ဖို့ ရောက်ရှိလာပါတယ်။

ဒါပေမယ့် အဲဒီအချိန်မှာပဲ ရဲအကယ်ဒမီမှာ သူ့ကို အလွန်တင်းကျပ်စွာ လေ့ကျင့်ပေးခဲ့တဲ့ နည်းပြ Joo Hyera (Jung Eunchae) က Violent Crimes Team 1 ရဲ့ ခေါင်းဆောင်အသစ်အဖြစ် ရောက်ရှိလာပါတယ်။သူတို့နှစ်ယောက် ပြန်လည်ဆုံတွေ့ချိန်မှာတော့ တင်းမာမှုတွေ၊ ထိပ်တိုက်ရင်ဆိုင်မှုတွေနဲ့အတူ စိတ်လှုပ်ရှားစရာ အမှုအခင်းတွေ ဆက်တိုက် ဖြစ်ပေါ်လာပါတော့တယ်။

ချွန်းယောရီ (Park Eun Bin) ဟာ ချမ်းသာကြွယ်ဝတဲ့ လုပ်ငန်းစုကြီးရဲ့ အမွေခံသူဌေးသမီးတစ်ဦးဖြစ်ပြီး ဟိုတယ်ပိုင်ရှင်လည်း ဖြစ်ပါတယ်။ သူမဟာ အပြင်ပန်းမှာတော့ ပြီးပြည့်စုံနေပုံရပေမဲ့ သူမရဲ့ နောက်ကွယ်မှာတော့ ကြောက်မက်ဖွယ်ကောင်းတဲ့ လျှိဝှက်ချက်တစ်ခုကို ဖုံးကွယ်ထားရသူ ဖြစ်ပါတယ်။ အဲဒီလျှိဝှက်ချက်ကတော့ သူမဟာ သရဲတစ္ဆေတွေကို မြင်တွေ့နိုင်စွမ်းရှိတာပဲ ဖြစ်ပါတယ်။ မာဂန်းအု (Yang Se Jong) ကတော့ တောင့်တင်းကြံ့ခိုင်တဲ့ ခန္ဓာကိုယ်၊ ထက်မြက်တဲ့ ဉာဏ်ရည်နဲ့ တရားမျှတမှုကို မြတ်နိုးတဲ့ ထိပ်တန်းအစိုးရရှေ့နေတစ်ဦး ဖြစ်ပါတယ်။ ဒီလိုနဲ့ ချွန်းယောရီနဲ့ မာဂန်းအုတိုဟာ တိုက်ဆိုင်မှုတစ်ခုကနေတစ်ဆင့် မလွှမရှောင်သာဘဲ ထူးဆန်းစွာ ဆုံတွေ့မိကြရာကနေ...နှစ်ဦးကြားမှာ ထူးခြားပြီး မျှော်လင့်မထားတဲ့ ဆက်ဆံရေးတစ်ခု စတင်လာပါတော့တယ်။ အဲဒီနောက်မှာတော့ သူတိုဟာ တစ်ယောက်ချင်းစီရဲ့ စွမ်းရည်တွေကို အသုံးချပြီး အမှုအခင်းတွေကို အတူတကွ ပူးပေါင်းဖြေရှင်းရင်း သံယောဇဉ်အချစ်ဇာတ်လမ်းလေးကလည်း တဖြည်းဖြည်း တိုးတက်ပြောင်းလဲလာခဲ့တော့တာပေါ့...

ဂျန်ထယ်ဟာ (Jung Hae-In) ဟာ စကားနည်းပေမဲ့ စိတ်နှလုံး နွေးထွေးသူပါ။ တချိန်က အလားအလာရှိတဲ့ လက်ဝှေ့သမားတစ်ယောက် ဖြစ်ခဲ့ပေမဲ့ ဂိုဏ်းစတားဘဝထဲ ရောက်သွားခဲ့ပြီး ခုချိန်မှာတော့ လက်ဝှေ့အားကစားရုံတစ်ခုမှာ နည်းပြအဖြစ် အေးဆေးနေထိုင်နေသူပေါ့…။

ဂိုဏ်းထဲကနေ လုံးဝထွက်ဖို့အတွက် ဂိုဏ်းရဲ့နောက်ဆုံးတာဝန်တစ်ခုကို ထမ်းဆောင်ရင်း သူ့ရဲ့ အချစ်ဦး ဂိုအွန်းဆယ် (Ha-Young) နဲ့ ပြန်ဆုံခဲ့ပါတယ်။

ဂိုအွန်းဆယ်ကတော့ ဆိုးလ်ဗဟိုအမှုစစ်ရုံး၊ အဂ၊တိလိုက်၊စားမှု တို၊က်ဖျ၊က်ရေးဌာနက အမှုစစ်တစ်ယောက်ပါ။ ရာထူးတိုးဖို့ အခွင့်အရေးကောင်းတစ်ခုအတွက် ဂိုဏ်းအဖွဲ့အစည်းတစ်ခုကို လိုက်စုံစမ်းရင်း မထင်မှတ်ထားတဲ့ မတော်တဆမှုတစ်ခုနဲ့ ကြုံလိုက်ရပါတယ်။

ဆေးရုံမှာ နိုးလာချိန်မှာတော့ သူမဟာ နာမည်၊ အသက်နဲ့ အလုပ်အကိုင်အပါအဝင် ဘာကိုမှ မမှတ်မိတော့ဘဲ ဖြစ်သွားခဲ့ရပါတယ်။ အဲဒီအချိန်မှာပဲ ဂျန်ထယ်ဟာ ရောက်လာပြီး သူ့ကိုယ်သူ သူမရဲ့ ချစ်သူပါလို့ ပြောဆိုလာတဲ့အခါ…