လျှိဝှက်ဆန်းကြယ်ပြီး မကောင်းဆိုးဝါး သရဲတစ္ဆေတွေနဲ့ ပြည့်နှက်နေတဲ့ နန်းတော်ကြီးတစ်ခုအကြောင်းကို အခြေခံထားပါတယ်။ နနန်းတွင်းမှာ ထူးခြားဆန်းပြားတဲ့ ဖြစ်ရပ်တွေ တစ်ခုပြီးတစ်ခု ဖြစ်ပွားလာခဲ့ပါတယ်။ မင်းကြီးဟာ ဂူချွန်း (Nam Joo Hyuk) နဲ့ အထိန်းတော်ဆိန်းဂန်း (Roh Yoon Seo) တိုကို တိတ်တဆိတ် ဆင့်ခေါ်ပြီး အိမ်ရှေ့စံမင်းသားရဲ့ စံအိမ်တော်မှာ စွဲကပ်နေတဲ့ ကျိန်စာကို ဖော်ထုတ်ပေးဖို အမိန့်ပေးပါတော့တယ်။

ဂူချွန်းဟာ ဝိညာဉ်လောကထဲကို ကူးလူးသွားလာနိုင်တဲ့အပြင်၊ သူ့ရဲ့ ဓားရှည်နဲ့ တစ္ဆေသရဲတွေကို အပြတ်ရှင်းနိုင်တဲ့ ထူးခြားတဲ့စွမ်းအင်ရှိသူပါ...။

တစ်ဖက်မှာလည်း အထိန်းတော် ဆိန်းဂန်းဟာ မွေးရာပါ ဝိညာဉ်တွေရဲ့ အသံကို ကြားနိုင်တဲ့ ထူးခြားတဲ့ အကြားအာရုံ ပါရှိလာသူပါ။ သူမကတော့ သူမရဲ့အစွမ်းကို ဘဝတစ်ခုလုံးအတွက် ကျိန်စာတစ်ခုလို သတ်မှတ်ပြီး စိတ်ဒုက္ခရောက်ခဲ့ရပါတယ်။ ဒါပေမဲ့ သူမက ဒီအစွမ်းကို အသုံးချပြီး ဂူချွန်းနဲ့အတူ နန်းတွင်းထဲက လျှိဝှက်ချက်တွေကို ဖော်ထုတ်ဖို ကြိုးစားပါတော့တယ်။

ချွန်းယောရီ (Park Eun Bin) ဟာ ချမ်းသာကြွယ်ဝတဲ့ လုပ်ငန်းစုကြီးရဲ့ အမွေခံသူဌေးသမီးတစ်ဦးဖြစ်ပြီး ဟိုတယ်ပိုင်ရှင်လည်း ဖြစ်ပါတယ်။ သူမဟာ အပြင်ပန်းမှာတော့ ပြီးပြည့်စုံနေပုံရပေမဲ့ သူမရဲ့ နောက်ကွယ်မှာတော့ ကြောက်မက်ဖွယ်ကောင်းတဲ့ လျှိဝှက်ချက်တစ်ခုကို ဖုံးကွယ်ထားရသူ ဖြစ်ပါတယ်။ အဲဒီလျှိဝှက်ချက်ကတော့ သူမဟာ သရဲတစ္ဆေတွေကို မြင်တွေ့နိုင်စွမ်းရှိတာပဲ ဖြစ်ပါတယ်။ မာဂန်းအု (Yang Se Jong) ကတော့ တောင့်တင်းကြံ့ခိုင်တဲ့ ခန္ဓာကိုယ်၊ ထက်မြက်တဲ့ ဉာဏ်ရည်နဲ့ တရားမျှတမှုကို မြတ်နိုးတဲ့ ထိပ်တန်းအစိုးရရှေ့နေတစ်ဦး ဖြစ်ပါတယ်။ ဒီလိုနဲ့ ချွန်းယောရီနဲ့ မာဂန်းအုတိုဟာ တိုက်ဆိုင်မှုတစ်ခုကနေတစ်ဆင့် မလွှမရှောင်သာဘဲ ထူးဆန်းစွာ ဆုံတွေ့မိကြရာကနေ...နှစ်ဦးကြားမှာ ထူးခြားပြီး မျှော်လင့်မထားတဲ့ ဆက်ဆံရေးတစ်ခု စတင်လာပါတော့တယ်။ အဲဒီနောက်မှာတော့ သူတိုဟာ တစ်ယောက်ချင်းစီရဲ့ စွမ်းရည်တွေကို အသုံးချပြီး အမှုအခင်းတွေကို အတူတကွ ပူးပေါင်းဖြေရှင်းရင်း သံယောဇဉ်အချစ်ဇာတ်လမ်းလေးကလည်း တဖြည်းဖြည်း တိုးတက်ပြောင်းလဲလာခဲ့တော့တာပေါ့...