၇နှစ်တာ ဝန်ထမ်းဘဝနဲ့ အလုပ်ကြိုးစားတဲ့သူဖြစ်ပေမဲ့ လက်ရှိမှာ အလုပ်ရော အချစ်ရေးမှာပါ ပင်ပန်းနွမ်းနယ် စိတ်ကုန်နေတဲ့ အမျိုးသမီး ချာဂျီယွန်း၊ ရုပ်ရည်ချောမောပြီး အရာအားလုံးပြီးပြည့်စုံနေပေမဲ့ စာအုပ်ကြီးတိုင်း တိတိကျကျနေထိုင်ပြီး အေးစက်တဲ့ အမျိုးသား ဂန်ရှီအူ…။

ဂန်ရှီအူကတော့ ကုမ္ပဏီမှာ အေးစက်ပြီး တဲ့တိုးဆန်ဆန်ပြောတတ်တဲ့သူတစ်ယောက်အဖြစ် နာမည်ကြီးပြီး ချာဂျီယွန်းရဲ့ အထက်လူကြီးဆိုလည်း ဟုတ်ပါတယ်…။ သာမန်ဘဝလေးမှာပဲ နေထိုင်နေတဲ့ ရုံးဝန်ထမ်းမလေး ချာဂျီယွန်းရဲ့ဘဝထဲကို ဂန်ရှီအူလိုလူမျိုးရောက်လာတဲ့အခါ ဘယ်လိုတွေဖြစ်လာမလဲ…။

သူတိုနှစ်ယောက်ရဲ့ အချစ်ဇာတ်လမ်းနဲ့အတူ တစ်ရုံးတည်းက လုပ်ဖော်ကိုင်ဖက်တွေ ကိုယ်စီရင်ဆိုင်နေရတဲ့ ဘဝစိန်ခေါ်မှုတွေ၊ အလုပ်ခွင်က ရုန်းကန်ရမှုတွေနဲ့ ကိုယ်ပိုင်ပြဿနာတွေကိုပါ တစ်ပြိုင်တည်း ရှုမြင်ခံစားရမှာဖြစ်လို... ရယ်မောရုံတင်မကဘဲ ရုံးဝန်ထမ်းတွေရဲ့ ဘဝအမောတွေကိုပါ ရင်ထဲထိထိမိမိ ပေးစွမ်းမယ့် အချစ်ဟာသ ဇာတ်လမ်းလေးပဲ ဖြစ်ပါတယ်…