كلمات الشاعر محمود الموسوي

كلمات الشاعر سيد محمود الموسوي

الى السياسين الفاسدين: كلمات:(الشاعر محمود الموسوي )

شكد جبير حسين
ويحب الفقير

جسمه بالعاشر اطشر
حتى يلتم عالحصير

أبداع الشاعر: سيد محمود الموسوي

ياكمر راسك مفرع مدري ليش. الريشه البراس الكمر جنهه علم.
حتى وجهك باهت ومابيك لون.
وكاشخ العباس بعيونه السهم
(الشاعر:سيد محمود الموسوي)

زينب تخاطب أبيها علي ع 2
........

حيدر يرب الشيمه
بطيحتك طاحت خيمه

جرح الله ينزف ويلاه
والعرش شك ثوبه وياه

حيدر يرب الشيمه
......

يابويه ماغزر ملح ردوا ملحنه بطبره
كلبك حنين وصبرك مكتوله عدنه الزهره
طبروا صلاة الله الصبح ونباك ثوب الفقره
اتبدت يبويه البسمله جرح الله بيك شكبره

هامتك من طبروهه
أهل السمه اتلكوهه

كل ركعه دمك نيشان
طشروا بويه القران

حيدر يرب الشيمه

🌹الشاعر سيد محمود الموسوي 🌹

غبشة ضعن .. مدري المن

هوادج من ضوه ويمشن

ضعن بيه سالفه من الله الحجي بگلب الحسين اخيام يترتل

بين الشوگ والمدري اكو صفنة مهر تندل؟

ابو ماودع ابنيته وصفن عالباب تزعل مدري ماتزعل

مشوا والدرب كله اتراب بس لو سولف العباس يتبلل

ضعن بيه كلشي عبدالله شكو شي عدهم امدلل

ضعن حطت ابراگه اطيور چنه الماي!

بس من يلتفت يلگه الوراه يذبل؟

كلشي مصوفر بعيني وانه ادري الضحك ذباح

واول شامت المنجل؟

ضعن يتلعثم عليه ومن يعطشلي بالمرسال يكتب ( ها) واحس ال (ها) دوه وشمل

ضعن عن لا يتعبني حتى بروحته استعجل

ناسين الهدم بفراش ابوي حسين ومن ودوا رقيه ماخذه المغزل

ضعن بمودعين الله مشه وحمل

وانه چلبت بالحيطان مو ماشوف

المتيه ايچلب بالهوى ويسأل

ضعن والغبشه جانت شوگ

حتى الباب ماسدود متقصدين .. ناسينه ..

المهم خلوني اتأمل ؟

عليلة الحسين ع

محمود الموسوي

كلمات الشاعر محمود الموسوي

اللهم وفقنا لمحرم الحرام بحق الحسين ع

السلام عليكم خدام الحسين ع وربعي الرواديد العنده محادثه وياي وبيها قصايد يدزهن إلي واتساب حسابي محذوف وأريد اخدمكم

الشاعر محمود الموسوي

شاهد كيف يخاطب الوطن (الشاعر محمود الموسوي)

عماك الله اكسرت ظهر المضيف شبيك

العاشر ماخلص تونه عله بيبانه

حسين اطاكم العباس والعباس

من اتطيح رايه ايطيح صيوانه

انه حرمه وجبيره ومالي كدره عليك

بس جان استحيت اكبال ديوانه

هدمت البيه إدلال الحسن متربيات

مضيف و طين بس البخت بلسانه

ومن شفتك اتهدم غمضت والله

عبالي خيم والجوه نسوانه

يل مالك حيه ولا ربعك ايشيمون

كلمن كادر عله الماله عوانه

هدمتوا ابيوتنه وراضين خل اتطيح

مضيف حسين هم متجاوز اهنانه

شهدمت التجي المشايه بيه ترتاح

هسه ام البنين عليك زعلانه

انه الماباجيه بس بشهر عاشور

بجت من شافت امطيحين حيطانه

مضيف وبيه كسر ضلع ام حسن ملجوم

وعلي مايقبل اتهدمون باركانه

(يمه عمت عيني اتعوضج الزهره ع)

محمود الموسوي

العباس ع وخطابه مع العقيله زينب ع من راس الرمح فكلما سألها اجابته؟

كتلها العتب كالتلي بابه انسد

كتلها الرمح كالت كمر يصعد

كتلها الخيم كالت نذر لحسين

كتلها الحرك كالتلي يتضمد

كتلها التعب كالت عطش ويروح

كتلها العطش كالتلي مدري شكد

كتلها الركض كالتلي حجة نار

كتلها الطواف وكالت المرقد🕍

كتلها السبي وكالتلي الله يريد

كتلها الذبح كالت يريد ازيد

عمود الخيمه كتلها وعمود الراس

كالت طيحتك يصواب مايبرد

كتلها الدمع كالت عزيز وراح
كتلها ورجع كالتلي لا مارد

كتلها الصبر كالت بكد الشيب

كتلها الوفه وكالتلي ماينعد

الخرابه ونومتج كتلها والنسوان
كالت فاتحه وجادرها ماينهد

عباتج والتراب ودمعتج والليل

كالت ينسن كتلها صبرج حد؟

خدرج والتعب كتلها متنج زين

كالت مدري يمكن هسه صار اسود؟

كتلها السهم كالتلي عد عيناك

كتلها الشمس كالت فيايك هد

كتلها الهزل كالت العصمه أسرار

كتلها الحبل كالت جرح ينشد

زينب حيرتني من الخيم للشام

صبرت صبر زينب مايصبره أحد

كتلها القصر كالت بجلمه ايطيح

كتلها الحجي وكالتلي نتسيد

كتلها العمر محسوب مامحسوب

كالت هو هودج طاح وتفرهد

كتلها اخيرا كالت العباس

عله افراكك اخيتك راح تتعود

محمود الموسوي

احلام شعبيه🇮🇶

الوان تزين جدار الحريه بصمت..

لوحه ممزقه باتجاه الضوء الخافت..

نهاية نفق مظلم يهمس بالحياة..

شعار يشير الى شعار آخر..

وطن يرقد في مستشفى الضمير الاهلي..

ثورة فقراء من سمار الخبز إلى بياض اللافته..

تخطيط قلب بضربات هاجره كالطيور المهاجره في بلادها..

تخدير موضعي ليس في المنطقه؟

صبيان يرسمون أحلامهم الرميله على شاطئ الموت..

تسريب أسئلة الأوكسجين في نهاية امتحان التنفس الاصطناعي..

جياع ينامون قرب أميال الساعه لانتظار الفرج..

تفعيل جرس التنبيه في غفلة العدو..

هتافات يخترقها المطر بسرعة الرصاص..

الى اين.. لوحه في أربع اتجاهات وسط صحراء..

كرسي بلا أقدام كأنه المشنقه.. التالي؟

امان يحمل جريحا الى بر العراق..

احلام تم تفسيرها من قبل الكاهن الخاطئ

عراقي الحبيب🇮🇶

(مجروحك)