‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي

‏عن الاعترافات بـ هزيمه الحب :

‏سعود مبارك :
‏أنهزمت وقلت أحبك وهذا أكبر دليل
‏ما يهزم أكابر القوم . . غير قلوبها

‏جابر النشيرا :
‏أطيح طيحة قوي ماهي بـ طيحة ضعيف
‏طيحة شجاعٍ هزمه الحب لين . . أعترف

‏سعود مهدي :
‏معك عشت أول هزيمة بطعم الإنتصار
‏والعيون تشوف ضحكتك ضمن حقوقها

إليكي أكتب وإليك أحتضن حبر قلمي.. 🖋️
اااماااا___بعد: ياملآك الروح
كيف حالك؟؟
"اشتقتُ لك" ...
لم أعجز أن أرسلها لك... #قررتُ أن يقرأها الجـميـع
لعلّك تكـوني__منهم... ❤️🌹

‏شفت الفجر مع طلعة النور ضاحك
‏قلت الأكيد إنه لمح بسمتك لمّح

‏مدري صباح الخير وإلا صباحك ؟
‏بالحالتين الخير في وجهك السمح

‏طبيعة الــدنيا مصــافح و توديع
‏لاتتعب احساسك ورى شي .. تشقى

‏اللي تخاف انه يبي يضيع .. بيضيع
‏و اللي تمنيت انـــه يروح .. يبقى

اببات المجاراة* 👇

الـلـه يــا دنـيــا الـعـجـــــب والالاعـيــب
مــا يـعـشــقـش الا مـضــيــع صــــــوابه

صارت قيـمـنا كم مع الشخـص فالجـيب
ونمــــيزه يا للاســـــف مـــن ثيـابه

مــا همـــنا اخـــلاقه وطـــيب الاسـاليب
اهــــم شــي كــم يمـتــلك فــي حســابه

بعـض البـشـــر كـنـا وياهــم اصـاحـيـب
حـتــى جـعـلـنـاهـــم مـقـــام الصحـــابه

لـكــن حــقـيـقـتــهــم تـثـيـر الاعـاجـيـب
شــيـاب راس الـجــيــد مـنـهــم شــيـابه
ابورعدالقطنه_الحجاجي

يامرحبا ابو رعد واجمل تراحيــــــــب
ترحيب ماشنت مــزون السحابـــــــــة

اخلاقنـــــــــا متكبلــــة بالكلاليـــــــب
أمست رهينة ما عليهــــــــا رقابـــــــة

كانت قيمنا تحتشــــم بالجلابيـــــــب
والآن ما عـادت حصينــــــة مهابــــــة

كنا نســـــوي للصداقـــة دواليـــــــــب
نروي مناقبها بغيـــــــث الصبابـــــــــة

وكم تبادلنا الوفـــــــاء بالمكاتيــــــــب
واليوم بطلنا نصيــــــــغ الكتابــــــــــة

المشكله طاح الصحب في السراديـب
ما باقي الا البهذلـــــــــة والغلابــــــــة

تركــــتني مــن دون تـبــرير وانذار
تركـــــت قلبـــي يوم جـــالك بداله

فلا تقـــول ذا فعل من فعل الأقدار
وانـــت الـذي هديتنــــــي لا محاله

تلاشت أفـــراحي معــك ليل ونهار
وانـــهار قلبي وانـــتقل لا خــــياله

رغم اننــي حطيت لصـدمه اجدار
لكنّ فعــلك حطني بألـــــــف حاله

زعزعتني واشعلت في داخلي نار
واليوم قلبي من رمــاد البقــــا له

ما بنتهي واموت مــن بعـــد غدار...
الله خلـقنا كـــــل واحـــــــد لحاله "

يا للاسف يا عـــــــــز انسان حبيت
ما كنـــــــت افـكر يوم للقلب تأذّيه

مزّقت قلبــــي في يدينك وصدّيت
بصدّ قاســــــــي هـــدّ قلبي وبكيه

خذلان ما يرحـــم وكم فيه عانيّت
وما لقيت للقــلب واحــــد يواسيه

يا حسرتي في عشقتك كـم تأذّيت
ياللي زمان للجرح كنــته مـداويه

خـــذ التجــــــارب يا مـحب التجارب
فــــــي ذا الحيــاة الظالمه والصعيبه

ما كل من يضحك معك صار صاحب
ولا الـــذي ناداك واجـــــب تجيـــــبه

ولا تقـــــول الــــــــسر لإنسان كاذب
ولا تسامح مـن زرع فــــــــيك خيبه

ولا يغــــرك اجتمـــــــاع الاقــــــارب
من قبل تصدم في مواجــــــع قريبه

كم واحدٍ له ظن قــد صـــــار خايب
في كل من حوله وهــذي مصـــــيبه

يا كم وقعنا في شــــباك العـــــقارب
واليوم ندفـع كل ساعـــــه ضــــريبه

اللي تظـــــــنه فــــي الحياه عزّ انسان
بكـــــــره يـــــغادر ما كأنك حـــــــبيبه

فــلا تلــــــوم أللـــي تغيّر ونــــــسيان
حـــتى المريض إن طاب ينسى طبيبه

يتــــغيرون أصحاب وأحباب واخـوان
والبعـــض يشكـي مــــن تغيّــر قريبه

وتشوف بعض الناس عايـش بوجهان
وكل يـوم، مـــن وجه تلقــــى مصيبه

ما كل من يضحك في الوجه ي فـلان
صادق، وواجب في الحياه تعتني به

خليك حذر.. بذات مــن كل خـــــوّان
مــن قبل تلقــى الف خيــــبه وخيبه