#باصات_مدينتي | المواعيد الجديدة وخط السير لخط مدينتي - التجمع

https://madinatyru.com/2022/07/13/bus-madinaty-tagmo3/

#رابطة_سكان_مدينتي #مدينتي #madinatyru #madinatyru

بدءا من صباح اليوم الأربعاء ١٣/٠٧/٢٠٢٢ رفع اسعار الوقود ليصبح كالتالى :

سعر البنزين ٩٥ ١٠.٧٥ جنيه بدلاً من ٩.٧٥ جنيه
سعر البنزين ٩٢ ٩.٢٥ جنيه بدلاً من ٨.٧٥ جنيه
سعر البنزين ٨٠ ٨.٠٠ جنيه بدلاً من ٧.٥٠ جنيه
سعر السولار ٧.٢٥ جنيه بدلاً من ٦.٧٥ جنيه

وذلك اعتباراً من الساعه السادسه صباحاً

#البنزين #مدينتي #رابطة_سكان_مدينتي #MadinatyRU #madinaty

#تنويه_هام | ازدحام بمنزل كوبري مدينتي ١ تجاه مصر الجديده بسبب حادث مروري وكذلك غلق جزئي لحارتين بطول حوالي ٢٠٠ متر من طريق السويس بعد الكوبري لاعاده تخطيط علامات خطوط حارات الطرق.

يرجي استخدام بوابه مدينتي رقم ٢ لتخفيف الازدحام.

#رابطة_سكان_مدينتي #مدينتي #madinatyru #madinaty

تم تأسيس جروب " سوق سيارات رابطة سكان مدينتي"
لو عاوز تبيع عربيه او عاوز تشتري عربيه يسعدنا انضمامك للجروب

الجروب مجاني خدمي للتسهيل علي السكان في عرض وبيع سياراتهم

ولان سلامتك تهمنا

١- قابل البائع او المشتري في الأماكن العامة فقط زي (الشوارع الرئيسية - محطات البنزين - المولات).
٢- خد معاك حد وانت رايح... متروحش ابدا لوحدك.
٣- لو انت المشتري عاين العربيه كويس قبل ما تشتري او حتي تدفع عربون ... وده عن طريق فني متخصص او مركز صيانه معتمد.
٤- لو انت البائع اضمن حقك تماما واستلم فلوسك كامله قبل ما تسلم عربيتك.
٥- اوعي تدي لحد كامل بياناتك او عنوانك او تفاصيل شخصيه عنك ابدا

وكمان لازم تعرف كويس
١- مش هنوافق علي نزول أي بوست غير واضح فيه كافه تفاصيل السياره المعروضه للبيع زي "السعر - الماركة - الموديل - سنه الصنع - اللون - عدد الكيلومترات".

٢- مش هنوافق علي اي بوست مكتوب فيه "التفاصيل علي الخاص".
٣- مش هنوافق علي اي بوست فيه لينكات خارجية.
٤- مش هنوافق علي اي بوست فيه اهانه او ألفاظ خارجه او اتهامات.

اخيرا يخلي ادمنز "رابطة سكان مدينتي - Madinaty R U" مسئوليتهم القانونية والجنائية واي مسئوليات اي وعن اي شئ ... لان الهدف من الجروب فقط التسهيل علي السكان في عرض او بيع سيارتهم.

https://www.facebook.com/groups/380156804245955/?ref=share_group_link

زي النهارده ..... ٦ اكتوبر ١٩٧٣ .... الجيش المصري كان بيحرر أرض سيناء المصرية 🇪🇬

ابتدت الحرب لما بدأ الجيش المصري 🇪🇬 بالهجوم على اسرائيل فى ظهر يوم 6 اكتوبر سنة 1973 وكان بيوافق يوم 10 رمضان و يوم الغفران (يوم كيبور بالعبري) اهم عيد عند اليهود.

فى اليوم ده خرجت 222 طياره مصريه 🇪🇬 من مطاراتها و دكت مواقع الجيش الإسرائيلى و مراكز قيادته و اتصالاته فى سينا بدقه كبيره فى حدود 20 دقيقه وضربت مئات المدافع المصريه 🇪🇬 تحصينات خط برليف فى الناحيه الشرقيه من قناة السويس بمعدل قذيفه كل ثانيه و نص ، و عدى 30 الف جندي مصرى 🇪🇬 قناة السويس فى 2500 مركب مطاطى تحت هدير المدافع بمعدل موجة عبور كل 15 دقيقه.

اسرائيل كانت حطت مواسير لكب نابالم فى ماية القنال لتوليعها بالنار فى حالة نزول قوات مصريه 🇪🇬 فى القناه ، لكن المواسير دى سدت فتحاتها قوات خاصه بالليل قبل ماتقوم الحرب ، و اترفع علم مصر 🇪🇬 على قمة خط برليف ، و بعد ما قامت قوات خاصه مصرية 🇪🇬 بعمل فتحات فى ساتر خط برليف واتحطت الكبارى عدت القوات البريه بالدبابات البريه و البرمائيه و المدرعات و المشاه.

اتزال من رمال خط برليف 3 مليون متر مكعب واتعمل ثغرات فى خط برليف ماكانتش عمليه سهله فالخط ده كان عباره عن تل رملى عالى مدعم بصخر و حديد بيمتد على طول الجبهه.

المصريين 🇪🇬 عملو تجارب كتيره عشان يوصلو لطريقه سريعه تمكنهم من عمل فتحات فيه قدام الكبارى عشان تعدى الدبابات و المصفحات و العربيات و الاسلحه التقيله ، و جربو كذا طريقه كان منها استخدام الديناميت

لكن مهندس مصرى 🇪🇬 كان مقدم فى الجيش اسمه "باقى زكى ياقوت" قدر يتوصل لفكرة عبقريه وهى ازالة الرمله و عمل فتحات عن طريق تجريف رملة فى الاماكن المطلوب عمل فتحات فيها بإستخدام مضخات بتسحب المايه من قناة السويس

لمدة 8 ساعات اتصدى الجيش المصري 🇪🇬 على ضفة القناه الشرقيه للدبابات و المدرعات الاسرائيليه لغاية ما اتحط 60 كوبرى عدت عليها الاسلحه التقيله.

وفى نفس الغضون نزلت قوات مصريه 🇪🇬 خاصه خلف الخطوط الاسرائيليه و جوه سينا عشان توقف تقدم القوات الاسرائيلية و تأمن المضايق جوه سينا.

ومن هنا كانت بداية تحرير أرض سيناء المصرية 🇪🇬

انه يوم حرب اكتوبر المجيدة " ٦ اكتوبر ١٩٧٣ م"

#رابطة_سكان_مدينتي #مدينتي #madinatyru #madinaty

https://www.facebook.com/1661521800832632/posts/pfbid023QGa8x4UJKe7Fc7AeZEhrwoa2Nk1RUkUyjB1AaebSVfvcDNcpDsMQb3CwrLzpcTal/

#المولد_النبوي_الشريف | كل عام وحضراتكم بخير | صلوا علي الحبيب محمد رسول الله ♥️♥️

#رابطة_سكان_مدينتي #رابطة_صيادين_مدينتي #madinatyfa #madinatyru #الرابطة_بارتنرز #alrabta_partners

اطمئنوا | والد الطفل استلمه .... ومالك في بيته

جالنا رسائل كتير بخصوص الطفل / مالك من سكان مدينتي ... انه كان في الشروق ومش عارف يتواصل مع أهله
وبنحب نطمنكم بأن والده توجه الشروق من ساعه تقريبا واستلمه من الشرطه

كل الشكر الي رجال الداخلية والرائد / أحمد هندي " لشروق"

#رابطة_سكان_مدينتي #مدينتي #madinatyru #madinaty

Happy New Year 2023 عام جديد سعيد باذن الله
🎉🎊

#2023 #٢٠٢٣ #happynewyear #madinatyru #madinaty #مدينتي #رابطة_سكان_مدينتي

#ابدأ_بنفسك | بيوصلنا شكاوي كثيرة من بعض جيراننا بسبب غلاء الأسعار واستغلال بعض اصحاب المحلات والتجار

وبصراحة مش حابين ننشر لان فيه شكاوي بسبب غلاء منطقي وشكاوي بسبب غلاء جشع تاجر

وحابين نأكد ان فعلا الاسعار غليت طبعا و ده واقع العالم كله متأثر بيه مش في مصر بس

بس فيه غلاء منطقي وغلاء باستغلال ..... واشتري المنتج اللي سعره مناسب لتكلفته وجودته

وحابيين نقول اللي يستغل او يغلي أسعاره بشكل مبالغ فيه ولا يتناسب مع اسعار التكلفة قاطعه ومتشتريش منه ... ومع الوقت ياما هيضبط أسعاره او هيخسر فلوسه وبضاعته هتبوظ او هيلبسها هوه وممكن يتضطر يقفل خالص

من فضلك ابدأ بنفسك وإياك تشتري الغالي طالما حد تاني ارخص منه في مكان تاني .... حتى لو المكان التاني ابعد عن بيتك وممكن يكون من بره المدينه خالص

من فضلك ابدأ بنفسك وكفايا شراء خامات وادوات وملابس مستورده .... دور كويس وهتلاقي منتجات مصرية ومحلية بجوده متميزه وبأسعار مناسبة وشجع صناعتك الداخلية


ومدينتي دلوقتي غير زمان .... مفيش حكر على حد او محل بعينه .... كل منتج فيه بدل المحل اربعه وخمسه وسته .... ولو لقيت الاستغلال من الجميع اشتري من بره خالص

طول ما المستغل لاقي اللي يستغله هيكمل استغلال .... قاطع تماما من فضلك وبلغ حماية المستهلك ....

واعرف ان التاجر حقه يكسب بس يكسب بالعقل .... وده نشجعه وندعمه كلنا

من فضلك ابدأ بنفسك

#رابطة_سكان_مدينتي #مدينتي #madinatyru #madinaty

ثواني يا عمو هطلع اجيبلك الفلوس فوق من البيت .... علموا أولادكم ان دي سرقة وليست شطاره وفهلوه

-------------------------------

صباح الخير .... للأسف انتشرت في الآونة الأخيرة سلوكيات غير سوية من بعض الشباب سن من ١٤ الي ١٨ سنه

اخرها مساء الأمس ..... ٢ شباب أحدهم من سكان منطقة البي ٧ "لابس جاكيت رمادي" والآخر من سكان منطقة اخري "لابس جاكيت أزرق"

طلبوا أوبر من موبايل صاحب كشك بمنطقة الهرم "رقم غريب" لتوصيلهم الي مدينتي .... واحد نزل عند الساوث بارك والثاني كمل معاه لمنطقة بي٧ وقالوا انا اللي هحاسبك .... وقال لقائد أوبر "ثواني يا عمو هطلع اجيبلك الفلوس فوق من البيت"

الولد نزل عند عماره "تقريبا مش عمارته" جنب بيته واختفي وبعد انتظار حوالي نصف ساعه قائد أوبر فضل يدور لحد ما اكتشف ان الولد الثاني فص ملح وداب

وقائد أوبر ضرب اخماس في اسداس وفضل يفكر ويدور هل دخل من ممر جانبي او خرج من مدخل خلفي للعماره أو طلع بيته ومنزلش المهم ان الولد اختفي بعد ٣٠ دقيقه انتظار

تكلفه المشوار تتعدى ال ٢٥٠ جنيه وطبعا للاسف خسرها وتحملها قائد اوبر الشقيان.

وطبعا بعد مراجعه للكاميرات تم تحديد هوية الشباب

-------------------------------

الغرض من البوست التوعيه أطفالنا وشبابنا بأن هذه السلوكيات تسمي ضياع حقوق او سرقة وليست شطاره وفهلوه وحتى أن كانت بدون قصد او حدث ظرف للشباب فلابد من رد الحقوق لاصحابها

وصور الشباب لدينا وواضحة واخفينا الوجوه لانهم شباب في بداية حياتهم ولكن دور الأهل هنا التربية والنشأ السليم ونتمني أن يصل البوست لأهلهم للتعرف على أولادهم من خلال ملابسهم لتوبيخيهم والتواصل معنا لتوصليهم بقائد اوبر

ياريت نتابع تصرفات وسلوكيات شبابنا واطفالنا

#رابطة_سكان_مدينتي #مدينتي #madinatyru #madinaty