صباح الـ: "أجيلك مرحبانيّة ووجهي بالوله مبتل ترا النية هي عيونك وأنا دايم على النية."

صباح الخيـر، اما بعد:
وطئتُ أهلاً.🤍

تذكرون بنت يوسف لما قالت:
"نحن من نراهم يسرقون قلوبنا
ولا نبتر يدّ السارق بل نقبّلها أحتراما!"

ويا كثر صحّـته.

هالليلـة توها تبدأ، من هالزاويـة الباردة الدافية مع بعض.
مقابل وجـه حبايبي اللي أحبهم جدًا.
ونغني مع عبادي: "تحسب إني ساليٍ مثلك و انا
في هواك الله حسيبك مُبتلى"
وهيه يا عبادي بس.

هايلايت سريع، داهمني في هاللحظـة:
أنا ما بشد رحالي وأركض لك بالمستحيل، في حال ما غمرتني بكل جانب من الممكن.

-قاعـدة من ضمن قواعـد الـ٢٢-

أعطوني أغنيـة من صندوق بدايات الصباح، اللي يلا نروق؟

@Ha2ii

^ اللي يرسلون لأبو نورة، انتوا تفهمون وشكراً! 🤍
-واضـح لكم وصلتني وحدة جت على قياس قلبي؟-

تحديث حالـة:
نمت بوقت متأخر جداً لهالصبـاح، وتوني صحيت..
بنص مـزاج، صاكه في وجـه الدنيا الباب..

-وكأن فيه مشاعر تقول يلا شوفيها صحت روحي تسلطي عليها-
-مرفوضـه مشاعر الزعل والزعلانين-

لسان الحال:
ما أبي هالليلـة تخلص، ما أبي تطلع شمس بكرة..
-انتظروا أنا ما انتهيت من هاليـوم-

بنام، والأبتسامـة مسروقـة من وجهي.
-وزعلانـة-

سمعت حكي، كأنه أعطى قلبي كف!
ما أبي تتغيـر ألواني من بعد اللي سمعتـه.
ما أبي أسلك طريـق خطآي مو ثابتـه فيه من ورا جمايل أفعالـه.

هالمرّة مبنيـة على واقـع..
-واقـع واقـع ما يمزح-

صبـاح الخيـر، أما بعد:

"ونشكو بالعيونِ إذا التقينا
‏فأفهمهُ ويعلمُ ما أردتُ
‏أقولُ بمقلتي أني مُتّ شوقًا!
‏فيوحي طرفهُ أني قد علمتُ"

في روايـة ما لهذا الصباح، مرّت على خاطري نسمـة!
وممكن بدال النون، بـاء!♥️
-وبكل الحالتين، برد وسـلآم وامـان-

عصريـة طيبـة، اما بعـد:
من الخميس الماضي وأنا في ماراثون..
يتضمن السعيّ فيه عدة أوجـه.
وجه للمكابد وراء الأرزاق.
ووجـه يحدد ويلوّن المواقف.
ووجـه يتلفت وراء النوم والراحـة في سبيل أن نصنع من انفسنا انسان رايق ومسفهليّ.. ولكن هيهات..
وما بين كل هالأوجـه.
فيه وجـه ما يطلع ويشعشع نورة وتتبدل ملامحـة وتزين أوقاتـه إلا مع فلان من الناس، فما بالكم بالمزاجات؟ وهي مترتبـة عليه؟ من وراء جيّـاته؟ وجمَايل أفعالـه؟ سوالفـه؟ ضحكاتـه؟ وأبسط أبسط تفصيل لأيامـه؟
الأيام اللي ملامح وجهنا فيها تجاوب عن كل شيء يمّس الخاطر، ويسرّه، ألف شكر عليها.
وعلى طاري هالمشاعـر اللي تعتريني من كم ليلـة ولا شقينا لها طريق، أحب أنوّه "ساقت لي الأقدار قلب رقيق عذب ودود يشوف عيوني بين زحمـة الناس ويحنو عليها" فلان اللي وهبتـه كل هذه الحصانـة نرجع نقول له اللي قالـه البدّر :
"أنا نجمة في مدارك، ‏ضيّ عيني من نهارك، وانت قلبي واللي فيه"
وبكذا أسدلنا الستار في وجـه العالم، وكشيء أخير، ألحقوا على أيامكم الورديـة الهنيـة جعلها ما تتعداكم.

هايلايت جايكم من فوق كثبان رمليـة ونجوم مشعشعه وقمر مضوّي من وراء كومـة سحاب..
بالصوت المسموع، ومثل ما كنا نقول ونرجـع نقول:
حبو حبايبكم مرّة ولا ترضون على قلبهم وشعـورهم ولا مثقال ذرّة!


-من ضمن بكج نصايح اليوم وكل يوم-

شافنا القمـر، وشفناه.

صباح الليـل:
انا تائـه.