- ليش مُصرّين إن الشخص سريع التجاوز يُعتبر كذاب في مشاعره ؟ أنا ماعنديش مشكلة نعطي الشخص 99 فرصة بدون ما نعاتبه على سوء تصرفاته لكن بين الـ 99 فرصة هذي أنا واقف نطفي مشاعري تجاهه على مهل عشان لما نحول يدي نكون نقذت نفسي من سوء المشاعر والشوق ، القضية أنكم تلعبو بالفرص بدون ماتحسو.
❤8💔2😭2👌1
- محد فينا خالي من العيوب بس الفكرة كلها في الشخص اللي يتحمل عيوبك ، في الشخص اللي يشوف عيوبك مزايا ، الفكرة في شخص اللي يدعمك ويطمنك مش يكرهك في نفسك ويحسسك إنك قليل ، شخص يساعدك يكون جنبك ديما لما تكون محتاجله ، الفكرة في حد يردلك ثقتك اللي راحت مع ناس ماتستاهلش .!
❤7🫡2
- انا مش احتياط ولا شيء زايد ولا حل - اخـير ولا خيار محطوط اخر القائمـه ومش الخطه " بِ" ومش ضربة حظ ومنيش فالنص ولا يسدو بيا الفراغ .
🤣4💔3
- في جُملة مُهمة جدًا تقول :"Don't make yourself too available" يعني بالعربي هكِ ما تقعدش مُتاح ومضمون للناس اللي في حياتك، ليش؟ عشان الناس للأسف ما تشوفش هضا على إنّه حُب واهتمام منّك يشوفو إنّك شخص مضمون ومهما يديرو فيك مش حتقدر تبعد عنّهُم فبيبدأو يهمّشو وجودك ويتعاملو معاك.!
😭4
- لما تستوعب الفُرص اللي موجودة بين ايدك، ح تستوعب ان مستحيل تضيّع وقتك مرة ثانية ابدًا على توافه الامور.
❤4👌1
- ممكن تكون سيء ف نظر بعض الاشخاص لانك تجاهلتهم او مخليتهمش يوصلو للي يبوه تجاهك ، الاهم راحتك وطبيعتك وقناعاتك الباقي كلا مش مهم .
👌2
متحاولش تثبت لحد انك كويس ، خليه لما يعاشر ناس اخرى حيعرف بروحه انك خسارة كبيرة.
❤5💔2
- حتجيك فترة ماتبيش فيها غير نفسك،
تعتزل ع الناس كلها، في سبيل إنك تلقى نفسك وتدور ع السبل اللّي ممكن تسعدك وتخلّي منك إنسان يتصرف ع طبيعته مع الحاجات اللي يحب يديرها
الفترة اللّي تلقى فيها روحك وشن يسرّها
تقريبًا الفترة هذه من أجمل الفترات اللّي حتعرّفك بقيمة نفسك .
تعتزل ع الناس كلها، في سبيل إنك تلقى نفسك وتدور ع السبل اللّي ممكن تسعدك وتخلّي منك إنسان يتصرف ع طبيعته مع الحاجات اللي يحب يديرها
الفترة اللّي تلقى فيها روحك وشن يسرّها
تقريبًا الفترة هذه من أجمل الفترات اللّي حتعرّفك بقيمة نفسك .
❤7👌1
- انا معظم علاقاتي أنتهن عشان حاجتين يا مانعرفش نفتح مواضيع ، يا ديماً حاس اني ثقيل على الشخص اللي نحكي معاه.
👌4