- تقعد مجبُور تنهي كل شي ، رغم أنك مزال تبي .

- عزيزي البائس حيفضولك لما تقعد انت المطلوب ، غيرها الحياة مشاغل .

- مرات غلطك انك كنت الشخص العميق ، فِـ حياة الشخص السطحي.!

- السيرة أطول من المسيرة ،يَ خلي الناس تذكرك بالخير ، يَ وخر و تفرج من بعيد .

- نحنا بنقعدوا نقابلوا الناس الغلط لعند مانوصلوا للناس الصح ، وقتها نقعدو نحنا الناس الغلط .

- فيه الي مافيش داعي تدعي عليه لأنه ربي باليه بنفسه و نيته السوده و عقليته المريضة .!

- أستحشتك ؟

لكن خلينا هكِ خير مَ نوجعلك راسك بِخوفي عليك ،
و خير مَ توجعيلي قلبي بِ أفعالك .

اسمها " فتره " يعني حتعدي وتمشي  بعون الله مهما كانت مدتها ومهما خذت من وقت ومهما استنزفت من طاقتك وصحتك ومشاعرك  ومهما  كان حجم الفتره الل أنت مريت بيها ومهما كانت صعوبتها  ، فالأخير بكل اسمها  "فتره " وحتمشي كيفها كيف غيرها .
أي نعم الموضوع مش ساهل ومافيش حد يحس بألم الفتره .

- بعد مرور الوقت الدُنيا ح تعلمك درس مُهم عمرك ما ح تنساه وهو أن وجود ناس جنبك مش مُرتبط  باللي تقدم فيه لهم، إللي يبي يقعد جنبك ح يقعد من غير ما دير ولا تعطيه حاجه وإللي يبي يمشي  ح يمشي مهما درت عشانه بإختصار لموضوع مُوقف على قدر مكانتك في قلوبهم وبس .

غالباً الشخص اللي يعطي فِ نصائح ويواسي ف الناس وديما يساعد فيها هوا أكثر واحد مش لاقي واحد يسمعه ولا حتىٰ يساعده
هذا أنا طبعا 💔

- متعبش روحك وتقعد اكويس انته غير
اقعد بفلوسك والباقي ينسوه برواحهم .

- ليش مُصرّين إن الشخص سريع التجاوز يُعتبر كذاب في مشاعره ؟ أنا ماعنديش مشكلة نعطي الشخص 99 فرصة بدون ما نعاتبه على سوء تصرفاته لكن بين الـ 99 فرصة هذي أنا واقف نطفي مشاعري تجاهه على مهل عشان لما نحول يدي نكون نقذت نفسي من سوء المشاعر والشوق ، القضية أنكم تلعبو بالفرص بدون ماتحسو.

- محد فينا خالي من العيوب بس الفكرة كلها في الشخص اللي يتحمل عيوبك ، في الشخص اللي يشوف عيوبك مزايا ، الفكرة في شخص اللي يدعمك ويطمنك مش يكرهك في نفسك ويحسسك إنك قليل ، شخص يساعدك يكون جنبك ديما لما تكون محتاجله ، الفكرة في حد يردلك ثقتك اللي راحت مع ناس ماتستاهلش .!

تقدرو أتشغلو أشعارات القناة لانها خاليه من الأعلانات والأزعاج ❤️‍🩹

﴿ أَلَا بِذِكْرِ اللَّهِ تَطْمَئِنُّ الْقُلُوبُ ﴾

- انا مش احتياط ولا شيء زايد ولا حل - اخـير ولا خيار محطوط اخر القائمـه ومش الخطه " بِ" ومش ضربة حظ ومنيش فالنص ولا يسدو بيا الفراغ .

الأمل في اللّه مش في عام جديد

- في جُملة مُهمة جدًا تقول :"Don't make yourself too available" يعني بالعربي هكِ  ما تقعدش مُتاح ومضمون للناس اللي في حياتك، ليش؟ عشان الناس للأسف ما تشوفش هضا على إنّه حُب واهتمام منّك يشوفو إنّك شخص مضمون ومهما يديرو فيك مش حتقدر تبعد عنّهُم فبيبدأو يهمّشو وجودك ويتعاملو معاك.!

- لما تستوعب الفُرص اللي موجودة بين ايدك، ح تستوعب ان مستحيل تضيّع وقتك مرة ثانية ابدًا على توافه الامور.

لايك ع فيديو متاعي ع تيك توك ياعيله ❤️
https://vm.tiktok.com/ZMDjbGudY/

- ممكن تكون سيء ف نظر بعض الاشخاص لانك تجاهلتهم او مخليتهمش يوصلو للي يبوه تجاهك ، الاهم راحتك وطبيعتك وقناعاتك الباقي كلا مش مهم .