- عارفين ليش اغلبنا مزاجهم مش تمام؟ عشان رخصنا زعلنا ونزعلو من اللي يسوى واللي مايسوي، قعد اللي يجي يتحكم في مزاجنا وبكلمة ولا موقف يومنا ينقلب،المفروض زعلنا غالي ومش من أي حاجة، زعلنا شرف للي قدامنا فلما نزعلو من حد لازم يكون الحد هذا يستاهل؛ ماتخليش سلامك النفسي أي حد يتحكم فيه،

- وقت ماتقعد تكتم في حزنك وماتقولش لحد الحاجه اللي مضايقتك ، ياخذوا عليك فكرة انك شخص سعيد وماعندكش مشاكل يحسابوك عايش في ملاهي ، ولكن الواقع انت اللي متبيش تحكي لحد عشان ماحد يستعطف عليك .

قناة للبيع @GG_Gll. للتواصل @AL7ASEI

- الكثير من ال"مربـوحة" تُعادل الكثير من راحة البال والروقان.

- الرسميه والسطحية في المُعامله مطلوبه ، معَ بعض الناس علي خاطر تحفظ قدرك من معيله .

- حتى الاذى مرات يجيك بطريقة تنفعك ويمنعك عن شي غلط كنت انت تدير فيه وتبي توخر منه بس مش قادر توخر ، وربي سخرلك الشي المؤذي هذا عشان تمشي بيه لطريق صح اللي انت كنت مودرها.

‏- الحكاية مش من معاك وانت فرحان ، الحكاية من متقبلك وانت مش متقبل روحك أصلاً .

" لما راجعت احداث حياتي اكتشفت بـ انه اكثر شخص مدين له بالأعتذار هي نفسي "

- ما تخافش تفقدهم خاف من انك تفقد روحك وانت تجري على رضاهم .

- كثرت الـزحـمَة ، تجِيب الصُداع ونحنُ نـاس رٱيقيِن يـ سـيـدِي.

- فكرة انك تكلمني وتعتذر علي حاجة درتها وضايقتني، هذي كبيرة عندي ، ومستحيل نتعامل معاك على انك غلطان ، أنا الموضوع بالنسبة ليا نكون نسيته وانتهى في وقت اللي عرفت منك ان شيلتي فارقه معاك وانك مقدرني ، أنا شخص بسيط ويكفي ان اللي قدامي يقدرني بس.

الحمدالله حققت أهداف السنه هذي

- نعترف انى شخصيه مش مفهومه ومعظم الوقت نبقى مش متريح  ومش اي حد يفهم اللخبطه الى فى راسي اوقات نكون محتاج حد يتحملني وياخدنى على قد عقلى رغم انى عاقل  اوقات نحب نقعد بروحي بس منحبش نحس انى بروحي والحقيقه ان مفش حد عُمره فهمنى لاني اصلا مش فاهم روحي.

- ﺍﻟﻨﺎﺱ بدت تجهر ﺑﺎﻟﻤﻌﺼﻴﺔ ﻭﺗﻘﻮﻟﻚ ﺍﻟﻌُﻤﺮ ﻣﺮﺓ ، ﻟﻮ ﺍﻟﻌُﻤﺮ ﻣﺮﺓ جهنم ﻋُﻤﺮ !

- تقعد مجبُور تنهي كل شي ، رغم أنك مزال تبي .

- عزيزي البائس حيفضولك لما تقعد انت المطلوب ، غيرها الحياة مشاغل .

- مرات غلطك انك كنت الشخص العميق ، فِـ حياة الشخص السطحي.!

- السيرة أطول من المسيرة ،يَ خلي الناس تذكرك بالخير ، يَ وخر و تفرج من بعيد .

- نحنا بنقعدوا نقابلوا الناس الغلط لعند مانوصلوا للناس الصح ، وقتها نقعدو نحنا الناس الغلط .

- فيه الي مافيش داعي تدعي عليه لأنه ربي باليه بنفسه و نيته السوده و عقليته المريضة .!