ـ الواحد بعـد يفتح نـت ويشوف العار ولا يطلع للشارع ويشوف بعض الناس التافهه ، يعرف روحه ان عليه دين كبير عند أهله باانهم ربوه كويس والمفروض يحمـد ربي من الصبح لليل عالحاجه هذي ! "

ـ تقعد تخلقلهم في اعذار لأنك ماتبيش تخسرهم ، لكن افعالهم يعيطن عياط تحسهم يقولو نحنا ارخاص فوتنا .!"

ـ خشمك يا عزيزي شم بيه وتنفس بيه وبعد تنزكم أعطس بيه بس ماتخلشي يفلت منك ويخش فحياة غيرك تربح !"

ـ اكتساب القدرة على التجاوز عادةً تكون بعد
شوالات خيبات وقهاير واجد ! "

ـ مفروض تعرفو انه فيه شي اسمه " هكي وخلاص" بدون سبب او اي شي، مهم "هكي وخلاص"!

ـ حتى وانت قاعد لا تهشّ ولا تنشّ
حتلقى ناس حاسدينك على عدم هششّانك ونششّانك

مافي حد يقعد زي آول مرة عرفته ، عطيه فترة و شوف اللقطات الفنية

الشي يلي ماقدرتش نفهمه:

وما زال الشعب مقتنع ان القط الاسود عميل متخفي من الجن

ـ من لم يتحملنا والعقارب متلامسات ؛ فلا مرحباً به والجوُ ميه ميه .

هو النسيان نعمة بس مش قدام ورقة الأمتحان يعني :)

- ماتصاحبش وماتقربش الا من الناس اللي شاريينك، الناس اللي تعرف قيمتك ومحتاجين وجودك زي ما انت محتاجلهم، وكل واحد يدير اللي يقدر عليه عشان يبسط اللاخر ، ومش مهم يعطي حاجات واجد لكن على الأقل ما يضغطش، ما يخذلش، ما يزرعش أي شعور متعب ، وقتها حنرضو ومش حنكونو محتاجين شي أكتر من هكي .

- ‏انا شخص قادر نغرقك فرص لكن مستحيل نبينلك وينها الاخيرة .

- عارفين ليش اغلبنا مزاجهم مش تمام؟ عشان رخصنا زعلنا ونزعلو من اللي يسوى واللي مايسوي، قعد اللي يجي يتحكم في مزاجنا وبكلمة ولا موقف يومنا ينقلب،المفروض زعلنا غالي ومش من أي حاجة، زعلنا شرف للي قدامنا فلما نزعلو من حد لازم يكون الحد هذا يستاهل؛ ماتخليش سلامك النفسي أي حد يتحكم فيه،

- وقت ماتقعد تكتم في حزنك وماتقولش لحد الحاجه اللي مضايقتك ، ياخذوا عليك فكرة انك شخص سعيد وماعندكش مشاكل يحسابوك عايش في ملاهي ، ولكن الواقع انت اللي متبيش تحكي لحد عشان ماحد يستعطف عليك .

قناة للبيع @GG_Gll. للتواصل @AL7ASEI

- الكثير من ال"مربـوحة" تُعادل الكثير من راحة البال والروقان.

- الرسميه والسطحية في المُعامله مطلوبه ، معَ بعض الناس علي خاطر تحفظ قدرك من معيله .

- حتى الاذى مرات يجيك بطريقة تنفعك ويمنعك عن شي غلط كنت انت تدير فيه وتبي توخر منه بس مش قادر توخر ، وربي سخرلك الشي المؤذي هذا عشان تمشي بيه لطريق صح اللي انت كنت مودرها.

‏- الحكاية مش من معاك وانت فرحان ، الحكاية من متقبلك وانت مش متقبل روحك أصلاً .