اقتباس 🎬

شلون تغير نظرتك للحياة
خليك وياي لأن هل كلام ذا فهمته راح تتغير نظرتك عل حياة ١٨٠ درجة اعتبر نفسك انحكمت بأمر قضائي بالإعدام بعد شهر من تاريخ صدور الأمر يعني اطلع القاضي خلاك حر طليق وين ما يعجبك تروح روح ويتنفذ بيك الحكم بعد شهر شنو راح تسوي بهل حال....
اعتبر نفسك مريت بهاي المواقف انت وبهذا الشهر الموقف

الأول اسمه (زينة الحياة الدنيا)
اجالك شخص وعرض عليك وظيفة جنت تحلم بيها شنو راح يكون ردك أكيد راح تباوعله وتكله : خوية شسوي بيها انا ورة شهر ورايح ختولي وانت قبل يجوز جنت تأخر صلاتك علمود تكمل دراسة للحصول على وظيفة
زين الموقف الثاني اسمه (التسامح والعفو) اجاك شخص وسباك أو ظلمك شنو راح تسوي هل راح تشيل بكلبك علي وتحاول تنتقم، أكيد لا راح تكول هو أنا رايح ما تسوه اختم حياتي بغيض أو حقد خلي اسامحه اللّٰه يحب العافين على الناس وانت قبل جنت ذا واحد غلط عليك تكلب الأمة ومحد يوكفك وفكرة المسامحة والعفو حاذفهن من بالك

الموقف الثالث اسمه (الابتعاد عن الذنوب) اجاك صديق قديم جنت متعود تسوي وياه ذنب معين اجاك وكالك تعال نسوي الذنب الفلاني شنو راح تكله أكيد راح ترفض وتكله بعد أخوك انا مقبل عل موت وما اريد اواجه اللّه وإني مذنب وانت جنت يومية ذنوب ومعاصي

الشي الرابع اسمه (الإقبال على العبادات وفعل الخير ) يجوز انت قبل كانت الصلاة عندك آخر همك ويجوز انت تصلي صح بس مو بموعدها أو تصليها سرعه ومرات ما تصلي
كن بعد اللي صار وياك وسالفة الشهر أكيد راح نتنظر حلول الصلاة بالثانية و قد تصلي النوافل وحته صلاة الليل وراح تسارع لفعل كل خير وتطير طيور لهل شي وراح تبتعد عن كل محَرم

الموقف الخامس اسمه (قيمة الوكت والعلاقات) انت يجوز جنت على خلاف وي صديقك أبو أخوك على شي تافه وما يسوه وكذلك تضيع وقتك عل جهاز المبايل وتتصفح دون فايدة ناسي وقتك ونفسك وتضيعهن بمشاهدة المبارياة والأفلام
بينما بالشهر اللي سولفنة علي اكيد راح تروح لصديقك أو أخوك وتبادر بالاعتذار حت لو جان هو المخطأ وراح تشوف الدقيقة أهم من الذهب لأن عرفت قيمة الوكت وغفت كلشي يضيع وقتك بلا فايدة

________________
شفت شلون نظرتك تغيرت بهذا الشهر لكل الدنيا
هسه تعال نسولف بين الواقع والشهر اللي افترضناه مبدئيا كلنه محكومين بالإعدام هذا حكم إلهي قطعي
(كل نفس ذائقة الموت)
بس شنو الفرق؟ الفرق هو بالشهر انت تعرف موعد حكمك فتكون متأهب لهل شي
بينا الحياة الواقعية اكيد لا انت محكوم وما تعرف يمته ينتفذ الحكم يجوز هسه جوز بعد ساعه يوم أسبوع شهر
ف شنو الاخطر الشهر اللي تعرف موعد حكمك بي أو اللي متعرف يمته اكيد الموعد اللي ما تعرف موعدة ف إذا كل ثانية تمر عليك حاليا هي فرصة نفس الوقت إنذار إلك لذا انا وياك لازم نخلي هل قاعدة أساس بحياتنه كلنه محكومين بالإعدام وهذا السبب كافي بل هو أهم الأسباب اللي تخلي الشخص نتبه على تصرفاته وافعاله ووقته وكلامه

منقول /

اللهم اشهد
قد امرت بلمعروف ونهيت عن المنكر كما بُلغت

❤8

3.41K viewsنئُــطه ♡̷̷ ⍆, edited 15:25