*{أخوي}*


أخوي ... شْجابك اليّه و جرحك شْكبره
أخوي ... الما عنده راسِ يْجاوبِ بْنحره

١/ بلايَه راسك جاي ليَّه چبیره هایَه
الماله راسِ يْصير دَربه بْلا نهايه
أردَ أسألك خويَه عن دربِ السّبايَه
هم لگیت رماد واگع من عَبایه

رَماد ... متشوفه بس يصيحكِ بْعطره

٢/ أثر حافر فوگ صدرك هز كِياني
هذا لايِح گلبك و ساحِگ مكاني
چان گلبك بيت أبوي الماله ثاني
شهالحنان بْداخلك جابَك و إجاني

إجيت ... غزر حليب الزهره و الزهره

٢/ منظرك يفطر سمه و هالجاي اليّه
خويه بس لا بنتك تكون عْله جيّه
فوگ راسك ماتتِ الطّفله رقيّه
لا ترد و تموت يم جسمك خطيّه

أخاف ... تموت يم جسمك بعد مرّه

٣/ خويه لا تحچي تظل ساكت أريدَك
عمت عيني الچلمه تطلع من وِريدك
هاك گلبي حطه خنصر كَمل ايدك
و انت اديك تذكرك بقصة عضيدك

إدين ... ما عنده لا يمنه و لا يسره

٤/ چنت أشوفك و أحچي أيام الطفوله
يمته أشوف حسين يتمشّه عْله طولَه
ما چنت أدري الرمح راسك ينوله
لكن وداعة علي هاي الرجوله

اليموت ... موتة شرف للعبره و العبره

٥/ الموت موعد و العمر صدفه طويله
و السنين شما تطول تظل قليله
چانت آخر لیله طف و هاي ليله
ليله بيهه الطيف مو عابر سبيله

أشوف ...طيفك مثل ليل هْدعش عمره



*الشاعر الموفق حسين الفتلاوي*


قناة تعتني بنشر القصائد التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " أخوي " :
https://youtu.be/SHyL04RxL1M

القناة الرسمية للملا مصطفى السوداني على telegram :
https://t.me/Mustafa_Sudane

*{حيَّ على كرب وبلاء}*


نبض الگلب بيّة علا
حيّ على كرب اوبلا


١/ هبّت ارياح المحرّم لا تتاني يا گلب
عيب منك تبقى بارد والمخيّم يلتهب
بهالشهر مهجة محمد خدّه اتوسد ترب
لا تناطر خلّي نارك لجل ابو اليمة تشب

يم گبره إسعى هرْوَلة
حيّ على كرب اوبلا


٢/ حان توقيت المدامع حان تفتيح الجروح
يلا لارض الغاضرية ها يَگلبي ابحسرة روح
هلْ محرّم والزچيّة فاطمة اهناكَ تِنوح
اوريحة الأحزان تطلع من عبايتها اوتِفوح

توْها العزيزة واصِلة
حيّ على كرب اوبلا


٣/ دم ضلعها اعله العباية ابكربلا ينزف سيول
روح واسيها ابنحيبك حيل تعبانة البتول
واگِفة ابحضرت إبنها تلطم الخد اوتِگول
يوم بين احضاني نايم، يوم ما بين الخيول

منها المدامع هامِلة
حيّ على كرب اوبلا


٤/ تگلّه ريجك بعده ناشف ما تبلل بالمَعين
يمة گوم اشرب دموعي هْواية جبت دْموع عين
آنا أمك يمّة جيتك وينه حيلك ياحُسين!
وينه ثوبك ياحبيبي؟ وْخنصرك خبّرني وين!

بدْموعي چبدك بلّله
حيّ على كرب اوبلا


٥/ هذا شهر احسين يعني ياگلب إگْطر دمة
واعله كيفك كون تجزع حتى تسْعد فاطمة
إنچوي ابهاي الرزية اوعيش حال امخيّمة
ياگلب لا اتداوي جرحك عالخيم دوم الچمه

الماله جرح بالله اشإله!
حيّ على كرب اوبلا



*الشاعر الموفق حيدر الدّر العاملي*


قناة تعتني بنشر القصائد التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " حي على كرب و بلا " :
https://youtu.be/71XdY9WXcoI

القناة الرسمية للملا مصطفى السوداني على telegram :
https://t.me/Mustafa_Sudane

*{أما فيكم مسلم}*

١/ أما فيكُم مُسْلِم!
صحْتُ يا جدَّاهُ مُذ ظلَّ وَحيد
أما فيكُم مُسْلِم!
ينْصرُ الدامي على حرّ الصعيد
أما فيكُم مُسْلِم!
صيْحَتي زادت عذابي لَمْ تفيد

قد أثخَنوهُ بالجراح
ضربًا وَطعنًا بالرماح
حتى غدا بين العِدا
دمُ الحُسَيْنِ مُستباح

{آه حُسين بكربلا.. آه حُسين بكربلا}
—

٢/ أما فيكُم مُسْلِم!
قد هوى فوقَ الثرى نجْمُ البتول
أما فيكُم مُسْلِم!
فيُحامي الصدرَ مِن رضَّ الخُيول
أما فيكُم مُسْلِم!
قلْبهُ رقَّ على سبط الرسول

يا جدُّ لا لمْ يرْحَموه
بالخيلِ ظلمًا وذَّروه
يا ليتكَ تنظُر لهُ
كيفَ الأعادي اسْتَضْعَفوه

{آه حُسين بكربلا.. آه حُسين بكربلا}
—

٣/ أما فيكُم مُسْلِم!
ما لَكُمْ عنْدَ ابْنِ خَيْرِ الأنبياء
أما فيكُم مُسْلِم!
أيُّ جُرمٍ ذاكَ بَلْ أيُّ افْتِراءْ..
أما فيكُم مُسْلِم!
يا رسول اللهِ ما لبّوا النداء

جدَّاهُ للهِ البقاء
ذبحًا قضى في كربلاء
كالكبشِ لا فرقٌ سوى
بالذبحِ لم يسقوهُ ماء

{آه حُسين بكربلا.. آه حُسين بكربلا}


*الشاعر الموفق حيدر الدّر العاملي*

قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " أما فيكم مسلم "
https://youtu.be/fZqbUDlEqRw

القناة الرسمية للملا مصطفى السوداني على telegram :
https://t.me/Mustafa_Sudane

*{نقسّم دمعنا}*

بويه زينب .. گابليني
و بالبواچي .. ساعديني

اثنينا نقسّم دمعنا و نبچي عالزهره
آنا أبچي عن ضلعها و إنتِ عالسّطرة

بالبواچي ساعدني


١/ شْما صَعَب حالِچ يا زينب مو مِثل حالي
سْمعت صوتِ اللي رُفسها و طاحتِ گبالي
رگْضوا اتْلاثه عليها وِ نشدَه بالي

إجه الأول دفعها
إجه الثاني صفعها
إجه الثالث على العين ... سد إيده و لطمها

گوّمتها .. و گيّدوني
و باوعتلي .. مِن خذوني

الله يدري شلون حيدر خِنگته العبره
آنا أبچي عن ضلعها و إنتِ عالسطرة

بالبواچي ساعديني

٢/ عين أمّچ حمرة صارت و الگلب لاهب
فوگ كل هذا و إجاها قنفذ ايراقب
شافته و بگراب سيفه طگها عالحاجب

بسوطه طگ متنها
و ابنها طاح منها
و نار الحرگت الباب ... إجت تحرگ إبنها

يشبه أمّه .. و روحه ترفه
و من دِفنته .. بصدره خسفة

خسفةِ البسمار بين الدفعة و العصرة
آنا أبچي عن ضلعها و إنتِ عالسّطرة

بالبواچي ساعديني

٣/ أمّچ بْحجرتها هسّه و خل نروحِلها
خل نصبّرها و نحاول كلشي منگلها
نسكتِ و نبچي بگلبنه و نبتسم إلها

يزينب من حچينه
ترى يِطلع بچينه
نِروحلها و الدموع ... نمسحهن بدينة

لا تشوفِچ .. إنحنيتي
و ديري وجهچ .. لو بچيتي

خاف تبچي و من بچيها گلبچ تْفسرة
آنا أبچي عن ضلعها و إنتِ عالسّطرة

بالبواچي ساعديني

٤/ زينبِ احچي شلون أمّچ نبتعد عنها
بويا ملكِ الموت باچر لو گِرب منها
آنا بيدي عيون أمي راح أسدّنها

بلكت ما تِنُظره
و لو ليلة أأخْره
باچِر آنا و الموت ... يستعجل و صَبره

أردَ أگِلّه .. تِرضه واحِد
تْموت أمّه .. و هوّه گاعِد

حتّى ملكِ الموت باچر حايرِ بْأمره
آنا أبچي عن ضلعها و إنتِ عالسّطرة

بالبواچي ساعديني

٥/ لو نِشيّعها يا بويه لا تِعوفيني
آنه يا زينب ألزمچ و انتِ لزميني
خاف نوگع لو أگوْمِچ لو تِگوميني

ترى الهِجموله بيته
يبيّن من مشيته
صعبه واحدِ يطيح ... و شيباتَه بْلحيته

و بدفنها .. ماكو رَحْمه
دِنيا تُبقى .. بعيني ظلمه

لو صُبر گلبچ يبويه گلبي شيصبره
آنا أبچي عن ضلعها و إنتِ عالسّطرة

بالبواچي ساعديني

*الشاعر الموفق السيد محمد المنصوري*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " نقسّم دمعنا " :
https://youtu.be/rR5sVpFj7wo

القناة الرسمية للملا مصطفى السوداني على telegram :
https://t.me/Mustafa_Sudane

*{ربِّ العزاء}*

١/ نبْدي بِسِم ربِّ العزاءْ ... بِسْمِ النّحر وِ خْيامة
من نور طينة كربلاء ... ربّك خِلق لطّامة
عالسّلبوها عْمامته ... صارِ اللّطم عالهامَة
عاشور ردناه مو شَهر ... كون ألف عام أيّامه

ندعي بْهظم .. ما ننحرُم
من البچي .. و من اللطم

كلما شوفن خيمة تچويني النار
و ابني بدمع عيوني خيماتِ زغار

{لبيك لبيك يا أبا عبد الله}

٢/ حزنك رِسالة مْن العرِش ... بالطّف قرينا آيه
لو ما مصيبة كربلاء ... ما تنخلِق بچّايه
يا حْسين يخنگنا الهَوا ... الما بي لَطم وِ قْرايه
اليبچيله دَمعه بالحشر ... صفحة أعماله مراية

دمعي انحسب .. يسوه ذهب
و الخاطرك .. راح التعب

بسمك ينبض گلبي و عيوني اتصيح
غيرك ما يستاهل كل دمعة اتطيح

{لبيك لبيك يا أبا عبد الله}

٣/وين ألگه لِجْروحك وطن ... يا وَطَنْ كل جروحي
المثلك حبيبي ينكتب ... ليش انْكتب مذبوحي
عين و خذَوْ منها الضّوا ... يحسين دونك روحي
الوادم تعيشِ اعْله النفس ... و آنه أعيش بنوحي

يا كل هلي .. و خيمه إلي
ممنون إلك .. يا بو علي

الما يلطم بچفوفه ويْ هايِ النّاس
كل سنينه مقصّر ويَّ العباس

{لبيك لبيك يا أبا عبد الله}

٤/ جبريل يِصْرخ بالسِّمه ... الحضرت عزا هنيالها
أهل اللطم يوم الحشر ... يم الزچية أعمالها
إنا إليها راجعون ... مأمّنين بْجالها
و تشهد علينا فاطمه ... يا ما لطمنه گبالها

يوم الفزع .. تحني الضلع
وِ تْصيح .. وين أهل الدمع

ما تحتارِ الشيعه من الناس تْحير
و انْفوتِ اعْله الجَنّه بموكب تطبير

{لبيك لبيك يا أبا عبد الله}

*الشاعر الموفق كرار حسين الكربلائي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " ربِّ العزاء " :
https://youtu.be/wYOKNybFDsM

القناة الرسمية للملا مصطفى السوداني على telegram :
https://t.me/Mustafa_Sudane

*{طاح القائد العام}*

طيحن ها يالخيام ... طاح القائد العام

مات .. مات ... الچان اذا يمشي شْحلاتَه
مات .. مات ... اليِنسِبَن بعده خواته

بعيونه السهم نام ... طاح القائد العام

١/ نحره من اتقرَّبِت يابِس لگيته
بچيت بالجّربه و دمع عيني رُويته
ما بُقى بعيني بچي كلّه بچيته
من شِفِت آخر سَهم صَوَّب لحيتَه

شفته حاضن الجود .. مو بيده بالزنود

خلها ببالك هذي يا ماي
منّك عباس اكبر هواي

بحضرته تلبس حرام ... طاح القائد العام

٢/ تحضري يا زينب للسياط الثّگيله
راحتَ أيام ابو فاضل يالعقيلة
مگطّعينه و ردت المَّه بْكل وَسيلة
ما شِفت بي لَزمه خاطِر منها اشيله

گِتله بْداعتي گوم .. مو للمثلك النوم

آه آه ليده من مدّيت اِديّه
آه آه بس رِدانِ و ماكو هِيَّه

راحت ذيچ الأيام ... طاح القائد العام

٣/ چانت أمنيتي أحُط ساعِدِ بْساعِد
بوّست زنده و حُضنته و آنا گاعد
امْوادعِ وْ صارِ الشّبگ من طَرَف واحِد
ردت اموت من البواچي الله شاهد

سمعتَه يگلّي ممنون .. مروتك جيبلي امْ عون

فراگج منّه هوايَ موجوع
زينب غيرچ ماكو موضوع

ذِبحوا مِلحِ الإسلام ... طاح القائد العام

٤/ منين ما باوِعْله توجَع ذِكرياته
الأخو مْن يموت الأخو يكرَه حَياته
لحظَة ما نتفارگ شْلون بمماته
راحِ المدلِّلني و مدلِّل خَواته

يرفس شِفْته مذبوح .. وضعه يطلّع الرّوح

ظلمه حياتي شْما شِفت ناس
شتسوه الدّنيا بلايَه عباس

أبقه بدونه محتام ... طاح القائد العام

٥/ بين أوَدعه و بين أبقه وياه حايِر
خاف أرِد للخِيم واعْثر بالضَّمايِر
خاف أعوفه وْ تِرجع تْسحگه الحوافِر
مْن القهر عباس أخوچِ بْكبري صايِر

و من تْگرّبِت ليه .. شِفِت مگطوعه رِجْليه

زينب گومي و نشفي العيون
زينب بس حَضريلچ مْتون

و تحضري السّبي الشام ... طاح القائد العام

٦/ عِفته عالشّاطي و جِبت ويّاي ونّي
للخيم رِجْليَّه گُوّه وصّلنّي
عطرچ و صوتچ يا زينب عذِّبنِّي
كلهِن بْعباس أخويَ يذكرنِّي

جيت و دمعتي تْفور .. زينب ظهري مكسور

بغيره بريتي يا هوى يْفوت
امنيتي عالشاطي سِوه نموت

شيحقِّقلي الأحلام ... طاح القائد العام

*الشاعر الموفق السيد رفعت الصافي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " طاح القائد العام " :
https://youtu.be/qZyW4aXA4VA

القناة الرسمية للملا مصطفى السوداني على telegram :
https://t.me/Mustafa_Sudane

*{يا عمار}*

يا عمار .. عمري راح عمري راح ويّاها
يا عمار .. بيدي الكون بس مو بيدي أنساها

شحچيلك يا بن ياسر ... چنّك ما چنت حاضر
يا عمار بيدي الكون بس مو بيدي أنساها

١/ يعايشني بحياتك ... و خَذِت مني صِفاتك
يغالي و من غلاتك صار إلك حقِّ العِتاب

تعاتبني عليمَن ... الگلب مو بيدَه من حَن
بچيت عيون يِبْچن مو مدامع من تراب

القبل چم عام أحِسَّه ... يمر گِدَّامي هسَّه
الحِزِن يعيوني نفسه عمري شاب بلا شباب

يا عمار .. تعَّبني الهجُر مو معركه و غزوَه
يا عمار .. و الفاگد نِفس ياخذ نِفس گُوَّه

باطن دَمْعتي و ظاهِر ... چنَّك ما چنت حاضر
يا عمار بيدي الكون بس مو بيدي أنساها

٢/ خَذَت حيلي بْهَجرها ... كِسر گلبي كَسِرها
سطر عمري السُّطرها تِمطر سنيني دِماء

كِرهتِ البوبْ كلها ... التفرِّق بين أهلها
ترى طفلي طفلها اثْنين في واحد عزاء

يا عمار و شفتها ... تصيحِ وْ ما غِثِتها
إجيت و گابلتها ألطمِ بنصِّ النساء

يا عمار .. تِذْكُر بالحروب شْلون نِتراكض
يا عمار .. هسَّه وْداعِتك ما بيَّه حيل أنهض

و خايف گلبي مِن باچر ... چنَّك ما چنت حاضر
يا عمار بيدي الكون بس مو بيدي أنساها

٣/ شِفِتهه من تِنازِع ... و على عيوني تِباوِع
تِضُم عنِّي الأصابِعْ بيهَه چَوْيات و حَمار

أگلها ليش طِحتي ... مثل طيحة دَمِعتي
إنهجم بيتي و رِحَلتي نار صارت فوگ نار

يعمّار الزچيّة ... أعز منّي عليَّه
بختمهم بالوصيَّة ترى ابْن الزهره الفُقار

يا عمار .. تگلّي حني راسَك كون يِتخَضَّب
يا عمار .. عادي بس ترَى گلبي الذي شيّب

شاب الشِّيب بالخاطر ... چنَّك ما چنت حاضر
يا عمار بيدي الكون بس مو بيدي أنساها

٤/ بسوادَه شيّعِتها ... خذِت روحي و خذِتها
بجنازه ما شِلتها بگلبي شايلها و ألوع

وَكِت أحفر گبرها ... الگبل أشتَم عُطرها
أثر دفعه بصدِرها الباب داخِلْ عالضلوع

أشوفَن عين وحده ... أبد ما ترضه تهدى
أحط إيدي وِساده تَحِت خدها بالدموع

يا عمار .. أدري تگول مو حُب هذا لا أكثر
يا عمار .. بس هيَّه ترى الزهره و أنا حيدر

ماكو داعي و انْكابر ... چنَّك ما چنت حاضر
يا عمار بيدي الكون بس مو بيدي أنساها

٥/ أطُبْ للبيت ظَلمه ... يبويَه تصير يمه
الوكِت ما عنده رحمه يتَّم أطفال و بنات

الحَسن يِبچي طِلعلي ... يريد أمَّه يگلِّي
مِشَه عني و رِجَعلي بويه وين الَّليله ابات

أشوف حسين عيني ... يجيبِ إختَه و يجيني
أريد أمي تجيني مو إجَه وكْتِ الصلاة

يا عمار .. ما مرَّة گِعدنا إلا و ذِكَرناها
يا عمار .. ما زارتنا بسِّ هْواي زِرناها

و آنا بدمعتي مْعاشِر ... چنَّك ما چنت حاضر
يا عمار بيدي الكون بس مو بيدي أنساها

٦/ شَسولف يَبْنَ ياسِر ... مُصايب عِدْنا باچِر
حَرِگ خيمه و عساكِر و الأمِس باچِر يصير

يجينَه للسِّمه الدَّم ... و على الدَّم راح نِلتَم
إشاره و كون نِفهم إنْذِبَح ثاني زِغير

سَبايا فاطمَّيه ... مجازِر حيدريَّه
بقِياده زينبيه و الرُّمح صايِر أمير

يا عمار .. آنه و فاطمه طَفْ كربله نِحْضر
يا عمار .. نْدير عيونَّه مو ماي عالمَنْحر

نِلگى عْلىَ الصَّدر حافر ... چنَّك ما چنت حاضر
يا عمار بيدي الكون بس مو بيدي أنساها


*الشاعر الموفق حمزة السماوي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " يا عمار " :
https://youtu.be/sQkIquxXSzM

القناة الرسمية للملا مصطفى السوداني على telegram :
https://t.me/Mustafa_Sudane

*{إذا باچر رحت}*

إذا باچِر رِحِت من بين إدَيَّه
سمايِ و خيمتي يطيحن عليَّه

و اشوفِ الما شِفِت مِثْلَه بْحياتي
إذا عينِ الشِّمر تلمح عباتي

١/ إنتَ يا حسين التِناديني الحبيبة
باچِرِ الوادِمْ يِصيحولي الغَريبة
جَمرةِ خْيامي و جَمُر نارِ المصيبة
كِل هذنِّي و فوگهِن چِلمةْ سِليبه

يخويَه لو صِدگ باچِر عِفِتني
يِشِتْموني و يضِربوني عْلى مَتني

وْ تِحيطِ عْيونهُم أربع جِهاتي
إذا عينِ الشِّمر تلمح عباتي

٢/ باچِرِ عْيونَكْ عَلَيْ وَكْتِ المنيِّه
و شوفني و شوف الشِّمر شِيسَوِّي بيِّه
من يِگلبَك للذَّبح يِنْظُر عَليَّه
و آنا أگِلَّه شْبيك ما عِندك حَميِّه

و اشوفه شْلون من يلْزَم لحيتَك
و اسِمعَك چنَّكِ تْگلِّي بوصيتَك

يا زينب أمَّنِت عندِچ بناتي
إذا عينِ الشِّمر تلمح عباتي

٣/ عِمَتْ عينِ إختك إذا باچِر تِنُظرك
للذَّبح يَحْسين ذبَّاحَك يِحَضرَك
لا يِشَربك ماي لا سَمَّه اعْلى نَحرَك
بس يِشَتِّم بيك و يِدوسِ اعْلى ظَهرك

وَ باوِعله و يِظَل يِگطَع وِريدك
وَ عايِن عَلَى المِحبس بَعدَه بِيدَك

گَطعَتْ خُنصُرَك لحظة وَفاتي
إذا عينِ الشِّمر تلمح عباتي

٤/ مِن يجيني الِّليل آنا خويَه باچِر
وحدي اجيكِ وْ خايِفَه منِّ العسَاكِر
مدري انْتَ حسين لو مو اِنتَ صايِر
شِكْلَك امْخرُّبته يا خويَه الحوافِر

ترى اشْباهِ الزِّلِم تِعْرُف أصِلْهُم
يِشتْموني و انَه اخْتِ حْسين أگِلهُم

و احلفَكْ گوم يا خويا بْغلاتي
إذا عينِ الشِّمر تلمح عباتي

٥/ مِن أجي يَحْسين وَ الگاكِ اعْلىَ حالَك
لا أخو يمَّك و لا عمِّ البِچالَك
لو عَدِل عباس چا هَسَّه اعْتِنالَك
حتَّى لو مِن غير چَفَّه بروحَه شَالَكْ

و انا تِدري بَلا والي بِدونَك
وَ لا أگدر و ارِدْهُم مِن يِجونَك

و الوذِ بْسِد غُرُب مو مِن صِفاتي
إذا عينِ الشِّمر تلمح عباتي

٦/ ما أسولِف خافْ گَلبك لا أجِرحَه
الشِّمر يَحسين كلِّش عينَه وَكْحَه
اشْما أطيحِ اعْليك يِتولَّاني رُمْحَه
و الله لو عباس يِعْلَم چا يِذِبْحَه

لَوَن حاضِر ترَى راعي الكَفالة
راسَك يا رُمُح يا خويَه شالَه

أَخويَه الچانْ كِل هَمَّه بْرِضاتي
إذا عينِ الشِّمر تلمح عباتي


*الشاعر الموفق أحمد الذهبي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " إذا باچر رحت " :
https://youtu.be/DbXWor5b0ZI

القناة الرسمية للملا مصطفى السوداني على telegram :
https://t.me/Mustafa_Sudane

*{تفارگنه شهر}*

علي السجاد وَدِّينا ... نِريدِ نْشوف أهالينا
مِنِّ الشام مَلِّينا .. يا عمَّه

مِنِّ مْوادَعِ العاشِر .. شوگِ البينا ما صايِر
يِشبَه دوسَةِ الحافِر .. يا عمَّه

تِفارَگنه شَهَر .. گَلُبنه ما گِدَر .. يا عمَّه

١/ ذِبَحْنه الشّوگ خَل نِشْتَم لِحِدْهُم
ما شِفنه بْحلم وجهِ النِّوِدْهُم
لنِّ النوم ما شِفناه بَعِدهُم

مِثِل غيمة وْ دمِع يِنزِل مُطَرنه
بْگَد ما بالسَّبي رِحنا وْ رِجَعنا
ظَل حتَّى الدَّرُب حافِظ صُوَرنه

الوَكِت شيريد مِن عِدنا ... ياخِذْنَه وْ يرجِّعنا
مِثِل دورِ الرَّحه ايْفُرنَه .. مِشينه

جَرحِ البينا ما غافي ... و دربُ الموت مِتعافي
نِطينَه اعْزاز مو كافي .. نِطينَه

مُحرَّم و صَفر .. گَلُبنه ما گِدَر .. يا عمَّه

٢/ أنا زينب يَعمَّه اوْ حالي شِفتَه
تَرَى المذبوح معروفِ بْدَفِنتَه
يِلِچمه تراب گَبرَه مِن رُگُبتَه

و ابو فاضِل يَعمَّه أردَ اشوفَه
و عَلَى زنودَه أَرَجِّعهِن چُفوفَه
شبيدي و الوَكِت خلَّاني اعوفَه

أريدَ أشلَع سَهَم عينَه ... جابَت مايَ اِله سْكينَه
نِمشي وِ انْتَ دَلِّينا .. يَغالي

الما يِخْلِف مَواعيدَه ... نِريدِ انْبوسَه مِن إِيدَه
وِ نگِلَّه الماي مَنريدَه .. يَغالي

نَهَر فارَگْ نَهَر .. گَلُبنه ما گِدَر .. يا عمَّه

٣/ أنا ليلَى و للأكبر عندي نِشْدَه
شارِبْ ماي لو عطشان بَعدَه
أفِل عِصَّابتي بْگبرَه وَ گَعدَه

أنا امِّ القاسِمِ و إبني أعُرفَه
إذا سَهرانَه أُمَّه عيب يُغفَه
الِّلحد بايِگْ الحِنَّه الفوگ چَفَّه

بِديَّه شايْلَه شْموعِي ... أحاميهِنِ امْنِ دموعي
أرَجْعَه جِيتْ لِضلوعي .. حبيبي

تَرِف للمَگْبرَه شْجابَه ... صِحِت يَمْعذِّب احْبابَه
الگبُر ما يِنفتِح بابَه .. حبيبي

گُضَت عِشرَة سَهَر .. گَلُبنه ما گِدَر .. يا عمَّه

٤/ أنا أمِّ الطِّفِل لِبْسَهْمَه مَچْتول
أريدِ اوْيَ ابني امدًّا طولْ وَي طولْ
لِسَّه ما غُفه و رايِد دِلِلّول

تِهَنَّى بنومِتَك نومِ العَوافي
نْيالَك عَلَى صَدرِ حسين غافي
حِضني لْخاطِرَك ليهَسَّه دافي

بسِّ اوْصيتي يا يُمَّه ... صَدرِ حسين لَتلِچْمَه
كِلِّ ضلوعَه مِتْهَشْمَه .. يا يُمَّه

گوم و أُغفَه بَحضاني ... مَهدَك بين ذِرْعاني
الأخَذْ عبدَ الله شِنطاني .. يا يُمَّه

أخَذ نورِ البَصَر .. گَلُبنَه ما گِدَر .. يا عمَّه

٥/ أنا البِضْعونكُم يَتْموها مَرْتين
مرَّة بمُسْلمِ اوْ مرَّة بالحسين
شيظلِّ بْحميدَه التُفْگِدِ اثْنين

شريكَة يِتمي وَصَّتني بوصِيَّه
فَرْضِ دموعي ما أنوي إِلِيَّه
راح أبچي نِيابَه عن رُقيَّه

التارِس شوگْ رِجليها ... الباگَوْ تَراچيها
نيابَه ابْچي بُواچیها .. رُقيَّه

وِ الماتَت عَلَى نَحرَه ... يالسجاد هالمَرَّة
أموت آني عَلَى گَبره .. رُقيَّه

نِموتِ امْنِ القَهر .. گَلُبنه ما گِدَر .. يا عمَّه

٦/ اِبِشْرًا يالفُواطِم لو وُصَلنَه
نردِّ الكَربلَه اوْ يِثگَل حِمِلنَه
وَ لا واحِد يِلاگينَه امْن أَهلنَه

صار البينا ما فَد يوم صايِر
كِل يومِ العلينه يومْ عاشِر
نِنْصُب فاتْحَه ابِّين المگابُر

كِل غالي عَلَى فراگه ... يشوفِ التِّمشي عالنَّاگه
تْطيح الگَبره مِشتاگه .. يا عمَّه

يَهَل كَربله رَدِّينه ... اوْياكُم ما تِلاگِينَه
ما مَعقولَه ناسينا .. يا عمَّه

تِعَبنا امْنِ السَّفر .. گَلُبنه ما گِدَر .. يا عمَّه


*الشاعر الموفق السيد محمد المنصوري*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " تفارگنه شهر " :
https://youtu.be/FDVrAJJ6H9Y

القناة الرسمية للملا مصطفى السوداني على telegram :
https://t.me/Mustafa_Sudane

*{يَخُوَّاني}*

كَرْبَلا تِبْعِدْني عَنْكُم .. الله لا يِحْرُمني مِنْكُم
يَخُوَّاني-٣-

١/ مُشكِلَة كِلْ عِشْرَه مَحدودَه ابْنِهايَه
وِ احْنا عِشْرَتنا بَعَدْها بْلا بِدايَة
هَسَّه زينَب أمّ اخوتي و فوگي رايَه
بَعَد شهرين آنا اصير أمِّ السَّبايا

ما بُقَت بَسْ هالَّليالي .. و يِلْتِفِت غالي اعْلَى غالي
يَخُوَّاني-٣-

٢/ ابْدورهَه مِجْتَمْعَه يَخْواني العَوائِلْ
و عائِلَة فاطِمَة تِفْتَر بِالقَبائِلْ
الأرِضْ تِمشي ما أَحِسْ تِمشي المَحامِلْ
بعد شهرينِ لْمُحَرَّم يا بو فاضِلْ

خويا بس صِيحِلْنَه اخونَه .. شگالَّكْ تِذْكُر أَبونَه
يَخُوَّاني-٣-

٣/ نِسْتِغِل الِّليلْ فُرْصَه بْكِلْ مِسِيَّه
و عالمُعَسْكَر تِفْتَرِ اشْباحِ المِنِيَّه
گلبي چَم مَرَّه يِطيحِ ابِّين إِدَيَّه
تْهِمْني روحَتْكُم وَ لا يهِمني سِبِيَّه

أحلَى شي چانِ بْعُمُرنا .. نِتِّفِقْ حتَّى بْكَسِرنا
يَخُوَّاني-٣-

٤/ اثْلاثَه إِحْنا بْروح وِحْدَه عِشْنا مَيْتِين
و ما ضِحَكْنَه اهْوايْ ضِحْكَه لو ضِحِكْتِينْ
وين ما أگْعِدْ أَسولِفْ للنِّساوِينْ
مِنهو بيچَن عِدْها مِنْ عبَّاس وِحْسين

مِنهو مِثلي مْدَلِّلِيها .. و تَالي مَچْتوفَه بْسَبِيها
يَخُوَّاني-٣-

٥/ تِرْكُضِ الأيَّام باچِرْ بعَد باچِر
وآنا مِثْلِ الضُّوَه الضَّايِع بِالمَقابِر
آنا أَسْئَلْ آنا زِينَبْ شِنهو صايِر
مَدْري ابوسِ چْفوفْكُم مَدري المَناحِر

حْسين خويَه انْطيني صَدْرَك .. بْليلَةِ الوَحْشَه أَذَكْرَكْ
يَخُوَّاني-٣-

٦/ هذا أَمْرَ الله ادْري بَسْ مو سَهْلَه يَهْلي
مِن خُوَلَّه وين ابو فاضِل يِگلِّي
اِهْناكَ أگِلْكُم فِزْعو آنا الماكو مِثلي
السُّوط يَهْلي و آنا عالنَّاگه صِعَدْني

و راس عَبْدَ الله بْحِراسة .. و يوگَعِ مْنِ الرُّمُحْ راسَه
يَخُوَّاني-٣-


*الشاعر الموفق حمزة السماوي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " يَخُوَّاني" :
https://youtu.be/0icCxrvO42I

القناة الرسمية للملا مصطفى السوداني على telegram :
https://t.me/Mustafa_Sudane

*{عَلِّمَتْني رُقَيَّة}*

عَلِّمَتْني رُقَيَّة
لو تِحِب حسين لازِمْ يِعْتِنيك
حَتَّى لو چِنْتِ بْخرابَه هَمْ يِجيك
وِ اذا تِشتاگِ الإمامَك مِن صِدِگْ
لازِمِ اتْموت إِذا عَنَّه تِفْتِرِگ .. عَلِّمَتْني رُقَيَّة


١/ رُقيَّة عَلِّمَتني شْلون الذي ايْحِب مِنْ عُمُقْ گَلْبَه
يِظَل يِنْشِدْ عَلَى المَحبوب لَحَد ما يِنْگِضي نَحْبَه
وانَه ما أدري مَحبوبي وِينَه و تيَّهِت دَرْبَه
وَ اعيشِ ابَّارِدِ احْساسي رُغُمْ ما أندِعي حُبَّه

وِ الِّلي يِعْشَگْ إمامه
يِنْشدِ اعْليهِ اوْ فَلا تِغْمُضْلَه عِين
مِثِل ما نِشْدَت رُقيَّة عَلَى الحُسين
وِ اذا مَحسوب إِنَّكِ امْنَ أهلِ العِشِگْ
لازِمِ اتْموت إِذا عَنَّه تِفْتِرِگْ .. عَلِّمَتْني رُقَيَّة

٢/ إذا تِتْوَسَّلِ ابْمولاكْ لازِمْ يِحضَرَك لازِمْ
و لو منِّ الطَّعَن وِ الخيلْ ما ظَلْ بيه عَظُم سالِم
بْطَشِت يِتْعَنَّى ليكِ اهْلالْ يِفَطِّرْ گَلبَكِ الصَّايِم
و لو ثَغْرَه انْضُرَبْ بِالعودْ يْتِلَگَّاكِ بْثَغَر باسِم

بَسْمِتَه العَلى ثَغْرَه
حِلْوَى ما زالَتْ رَغُم دورِ الزَّمان
وَ ابَد ما غَيَّرها ضَرْبِ الخَيْزَرانْ
گَلبَكِ ايْكونِ المُصابَه يِحْتِرگْ
لازِمِ اتْموت إِذا عَنَّه تِفْتِرِگ .. عَلِّمَتْني رُقَيَّة

٣/ و لو گَلبكْ خَرابَه ايْصير أَبَدْ لا تِگْطَعِ الظَّنَّه
تِريدَه ايْجيكْ كونِ ايْجيكْ و لو بَسْ راسْ يِتْعَنَّه
مِثِلْ بِنْتِ الشَّهيدِ احْسين الگُضَتْ سَفْرَتْها بِالوَنَّه
إِجاها اوْ مِنْخُضُبْ شِيبه حَمَارِ ادْمومَه مو حِنَّه

نِيِّتَك صَفِّيها
اتْشوفِ إمامَكْ بالصِّدِگْ مو بِالمَنامْ
ايْوَفُّقَك الله اوْ تِحِب إيدِ الإِمامْ
و عُگُب فَرگاهِ الجِفِن ما يِنْطُبِگْ
لازِمِ اتْموت إِذا عَنَّه تِفْتِرِگ .. عَلِّمَتْني رُقَيَّة

٤/ تِگولِ الرَّاحْ كونِ ايْعودْ باچِرْ لو عُگُبْ باچِر
مِنْ گَدْ ما تِفَكِّرْ بيه لِفاها بالحِلِم زايِرْ
الكِسَر خاطِرها لَمَّن راحْ إِجاها يِجْبُرِ الخاطِرْ
رِجَع بَسْ حاجِبَه مَطبور او شِيبَه امْتَرَّبِ اوْ عافِرْ

عُرفِتَه والِدْها
رَغُم ما خَدَّه بُقَه ابْحَرِّ الرِّمالْ
بَس جمالَ الله يِظَل نَفْسِ الجَمالْ
بْلا هَوَى شلونِ الصَّدِر ما يِخْتِنِگْ
لازِمِ اتْموت إِذا عَنَّه تِفْتِرِگ .. عَلِّمَتْني رُقَيَّة

٥/ ابْعَدَدْ خَطْواتْ ناگَتْها تِنْشِد وِين والِدْها
گَبُل ما ايْكونَ اَبوها احْسين رُقَيَّة اتْشوفَه سَيِّدْها
إِهِي أَيَّام فارَگْها لَچَن حِسْبَتْ سَنَة عِدْها
إِجاها اوْ حُضْنِتَه الطِّفْلة على خدَّه اجْعَلَت خَدْها

شَمِّته مِنْ نَحْرَه
اوْ ماتَتِ اوْ چَفها رُخَه مِنْ هَالمُصاب
مِنْ إِيديها راسَه طاحِ اعْلَى التُّرابْ
عُگُب الحسين الگَلُب لا ما يِدِگْ
لازِمِ اتْموت إِذا عَنَّه تِفْتِرِگ .. عَلِّمَتْني رُقَيَّة


*الشاعر الموفق الميرزا عادل أشكناني*



قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " عَلِّمَتني رُقَيَّة " :
https://youtu.be/jBUyw2_KUtc

القناة الرسمية للملا مصطفى السوداني على telegram :
https://t.me/Mustafa_Sudane

*{الليلة جمعة}*

الليلة جُمْعَة ... وآنا جَمْرَةْ شوگْ بِيَّه
الليلة جُمْعَة ... و للطُم مِشْتَاگَه ادَيَّـه
الليلة جُمْعَة ... امْنِ الَّليالي الفاطِميَّه

١/ بِالدُّموعْ أتوَضَّه وَ ابْدي ابْفَرُضْ هَمِّي
اشْكُبْرَه إِسْمي و خادِمِ الزَّهراءْ إِسْمي
بِالمَجالِس كونْ أعيشِ الدِّنْيَه حِلمي
فاطِمه مِثْل اُمِّي وِ شْأَغْلَه مِنْ أُمِّي

بِالخِدامه ... صاروْا ايْسَمُّوني عابِسْ
بِالخِدامه ... آنـي تَـربـيـةِ المَجالِس
بِالخِدامه ... فـاطِـمَـه تِـرْضَه عَلَيَّه

٢/ الله خالِقْني أَوِن وِ ادْموعي تِجْري
الخاطِرِ الزَّهراءْ فِدْوَه اضْلوعْ صَدْري
عُمري لو ما بي عَزَه ما يِسْوَه عُمْري
أَدري لـو وَنِّيت الله ايْعَظُّمْ أَجْـري

هذا دَمْعي ... مْن الفُروضِ الخَمْسَه أَعْظَم
هذا دَمْعي ... لـو نِـزَل يِـطْـفـي جِـهَـنَّـم
هذا دَمْعي ... ابْـيـاضْ وَجْهي بِـالـمِـنِـيَّـه

٣/ فاطِمَه وِ اليِرْضَه بارينَه الرِضاها
الِّليله جُمْعَه اوْ نِجْتِمِع كِلنا ابْعَزَاها
آنه عايِشْ تَحِتْ رَحْمَتها اوْ دُعاها
الله ياخِذْ گَلبي لو گَلبي نِساها

مِن هَواها ... ماخِذَ انْفاسي اوْ كِياني
مِن هَواها ... ما شِفِت بالدِّنْيَه ثاني
مِن هَواها ... أَفْـخَـرِ اگْبالِ الـبَـرِيَّـه

٤/ فاطِمَه اوْ كِلِّ الخَلَگْ مَخْلوقَه لِيها
بِتْ مُحمَّد هِيَّه صَحْ بَسْ - أُم أَبيها -
اتْقَسِّم أرزاقِ البَشَر كِلها ابْإِديها
و رِدِتْ تِرْزُقْني أَوِنْ وَ ابْچي عَلِيها

هالعَظيمَه ... ما أحَد جاوَزْ فَضِلْها
هالعَظيمَه ... كلشي مَخْلوقِ الأَجِلها
هالعَظيمَه ... بِـتْ نَـبـي يَعْني نَبِيَّه

٥/ كِلشي عِنْدي أَصْلَه مِنْ أَفْضالْ يَدْها
اهْوايَه أَفْرَحْ مِنْ يِصيحولي عَبِدْها
هالعَقيده ابْعَقْلي وِ ابْگَلْبي اعْتِقِدْها
كل خَزائِنْ الله مَوْجوداتْ عِدْها

كِلْ حَياتي ... وَقُفْ لِلزَّهرَه اعْلَنِتْها
كِلْ حَياتي ... مِشْتري الخِدْمه وْبِعِتها
كِلْ حَياتي ... فِدْوَه لِعيونِ الـزِّچِـيَّـه

٦/ فاطِمَه المِنْطَتْني كِلْ خيرِ ابْسنِيني
ما أَجازيها ابْلَطُم صَدري و وِنِيني
عيني لو ما تِبچي رَبَّك يِعْمي عِيني
ديني لو ما فاطِمَه مَنْقوصْ دِيني

الله يِدْري ... نيتي بِيضَه اوْ گَلبي صافي
الله يِدْري ... عِنْدي حُبِّ الزَّهْرَه كافي
الله يِدْري ... يا عِشِگْ مَـزْروعْ بِـيَّـه

٧/ الِّليله جُمْعَه اوْ گلبي مَخْنوگِ ابْحَنينَه
و مُسْتَجابَه الدَّعْوَه اذا نِرْفَع إِدينَه
نِـدعـي اللَّهمَّ بـالـزَّهْـرَه الحَزِينَه
عجِّلِ اوْ خَلْ يِرجَعِ المَهدي عَلِينَه

بِالسَّلامَه ... يِرْجَعِ المَهدي الدِّيارَه
بِالسَّلامَه ... وِ احْنَه كِلْنَه ابإنْتِظارَه
بِالسَّلامَه ... انْقيم دَوْلَـه مَـهْـدَوِيَّـه


*الشاعر الموفق كرار حيدر الخفاجي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " الليلة جمعه " :
https://youtu.be/zytdszW1SXM

القناة الرسمية للملا مصطفى السوداني على telegram :
https://t.me/Mustafa_Sudane

*{صلَّى اللهُ عَلَى الباكينَ}*

١/ لِيلي وِ نْهاري أَشوفَنَّك قَضِيَّة
هايِمِ بْطرْواكْ كِلْ صُبْحِ اوْ مِسِيًّه
گَلبي ما يِنْساكْ شايِلْ غاضِرِيَّة
آنَه وِ جْروحي نِوِنْ وَنَّة رُقَيَّة

أَنْفاسي وِ احْساسي صاحَلَّك نَعَمْ
بِجْروحي وَيْ روحي أَقْرالَك أَلَمْ
صُبْحِيَّة اوْ ليليَّة تِچْويني الخِيَمْ

يِحْرِگني العاشِر يا مَذبوحي مْنَ اجيكْ
- صلَّى اللهُ عَلَى الباكينَ عَلَيكْ ... يا أبا عَبدِ الله -

٢/ أَدِگ وَ الْطُم عَلَى صَدري اوْ ما أَبالي
صَدري قابِل أَغْلى مِنْ صَدْرَكْ يَغالي
شْعِندي غِيرَك يا بَدِر ضَوَّه اللَّيالي
أرْبَعَ اوْ عِشْرين ساعَه انْتَ اعْلَى بالي

بِحْروفَك وِ اطْفوفَك روحي ذايِبَه
لاموني وِ عْيوني دَمْعَه مْعَذِّبَه
لَطْفالَه وِ عْيالَه وَ ابْچي الزَّيْنَبَه

مَيْهِمُّوني يْلوموني مْن اجْزَع إِليكْ
- صلَّى اللهُ عَلَى الباكينَ عَلَيكْ ... يا أبا عَبدِ الله -

٣/ يا بو عَبْدَ الله إِجيتِ اوْ ذُولَه رَبْعي
ساعَه نِلْطُم ساعَه نِبْچي ساعَه نِنْعي
أَحْچي وَيْ روحي وَ اگِلِّلْها إِسِمْعي
عَلَى مْصابِ حْسين وِ العَباس إِجِزْعي

لطَّامَه وْ عَالهامَه نِلْطُمْلَك قَهَرْ
مولانا وِ دْمانا تِجْريلَك نَهَرْ
مِن نِقرَى يالزَّهره مَگْطوعِ النَّحَرْ

أيَّامي اوْ أَحْلامي صَارَتْ كِْلها بِيكْ
- صلَّى اللهُ عَلَى الباكينَ عَلَيكْ ... يا أبا عَبدِ الله -


*الشاعر الموفق السيد علي الموسوي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " صلى الله على الباكين " :
https://youtu.be/bPRqRK3HhUA

القناة الرسمية للملا مصطفى السوداني على telegram :
https://t.me/Mustafa_Sudane

*{يا زهراء}*

١/ أَطْلَع مِن لَطُم وَ ادْخِلْ لَطُمْ ثاني
وَ ادِگِّ اعْلَى الضِّلِع بَسْ حِيلْ أذَّاني
إِيدي اعْلى الضُّلوعِ اوْ اَمْشي مَحْنِيَّه
أَفْتَر مِن حُسَيْنِيَّة الحُسَيْنِيَّة
يَلْ رايِد تِجيني اوْ تِسْأَلِ اعْليَّه
عَلَى بابِ الحُسَيْنِيَّاتْ تِلگاني

-يا زهراء-

٢/ كِلْ مَجْلِس عَزَه تِلْگاني مِتْحَيْرَه
إيدِ اعْلى الضُّلوعِ و اِيدْ عالسَّطْرَة
الخَطيبِ يْبَچِّي عِيني لو نَعي يِقْرَه
و انَه صوتِ النِّواعي هَيَّج احْزاني

-يا زهراء-

٣/ وِ الرَّادود يِقْرَى و عِيني سَچَّابه
وَ شِم عِطْرِ الخَدَمْ مِنْ رِيحَةِ ثْيابَه
أَحِبِّ اليِقْرَه آه يَحسين وِ مْصابَه
و هِنيالَه العَلَى المَذبوح بَچَّاني

-يا زهراء-

٤/ أحِبْ كِلْمَن يِصيحِ بْصوتْ يا زِينب
و مأجورِ الخِدَمْنَه اوْ گالْ ما أتْعَب
أحِب كِلمَن عَلَى راعي العَلَم يِنْحَب
و مأجورِ الذي بْعبَّاس واساني

-يا زهراء-

٥/ كِلْ مجلس بِاسِمْنَه نْعِقْدَتَ ايَّامَه
تِتْمَنَّى المَلائِكْ كون خِدَّامَه
و تِنزِل حَمَلَةْ عَرْشَ الله لطَّامَه
مَلَك تِلگاه يِلْطُم لازِمِ الثَّاني

-يا زهراء-

٦/ خَدَمْنَه بْكِلْ عَزِيَّه ما نِخَلِّيهُم
أنا و امِّ البَنينِ نمُر تَرَى بِيهُمْ
واحِدْ واحِدِ انْسَجِّلْ أَسامِيهُمْ
شلونَ أنْسَى الذي ما لَحْظَة يِنْساني

-يا زهراء-


*الشاعر الموفق كرار حيدر الخفاجي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " يا زهراء " :
https://youtu.be/v9L2s7LJy6s

القناة الرسمية للملا مصطفى السوداني على telegram :
https://t.me/Mustafa_Sudane

*{جنازة أمي}*

جنَازَةْ أمِّي لا تِشَيْعوها
روحي تِطْلَع مِنْ تِطَلْعوها
آنَه بِتْها و يَمِّي خَلُّوها

١/ گَلبي ظَلِّ يْفَرْفِحِ اوْ مَحْروگ دَمِّي
ابوسِ ادِيكُم فاطِمَة خَلُّوها يَمِّي
يا هَلِي بثِگْلِ الجِنازَة صارْ هَمِّي
خَلْ أَطيحِ امْنِ البُواچي و شيلوا أُمِّي

عازَةِ الأُمْ يا هَلي عازَة
روحي طِلْعَتْ گَبْلِ الجْنازَة
چْبيرْ جَرحي بْجرحي دِفْنوها
آنَه بِتْها و يَمِّي خَلُّوها

٢/ لو تِبِعْدوني و تِطَلْعونِ الزِّچِيَّة
أركُضِ اگْبالِ النَّعَش و افْتَحْ إِدَيَّه
بَلْكَتِ اتْگومِ و تِشوفِ شْصارْ بِيَّه
و لا تِشيلوها إذا طاحَتْ عَلَيَّه

وِين أَروحَن أمِّي لو راحَتْ
أمِّي خِيمَة اوْ خِيمِتي طَاحَتْ
شبيها زينب لا تِسِئْلوها
آنَه بِتْها و يَمِّي خَلُّوها

٣/ ما أصَدِّگْ ماتَتِ وْ دَهْري وِلاني
لِيش مَلْكِ الموتِ إجاها و ما إِجاني
يا هَلي خافِ بْحِلِم حَلْمانَه آني
صِيحوا بِيَّه وْ خَل أَفِزَّنْ مِنْ مِچاني

أدْعي رَبِّي كونْ حَلمانَه
و أمِّي عَدْلَة و كِلشي بِمْچانَه
يْطيح بِيتي مِنْ تِشيلوها
آنَه بِتْها و يَمِّي خَلُّوها

٤/ لُو دِفَنْتوها إِدِفْنوني بْگَبُرْها
أمِّي سِتْرَ الله و إِسِتْروني بْسِتِرْها
يَتِّمُوني اليَتِّموها مِنْ زُغُرْها
الله لا يِنطي الدِّفَعْها وِ السُّطَرْها

شِجْرَة چانَتْ نِگْعِدِ بْفَيها
طَيِّحوها وِ نْطُفَه ضَيْها
مِن يِرِدها لو أَخَذْتوها
آنَه بِتْها و يَمِّي خَلُّوها

٥/ لو أَخَذْتوها مِنو يْصَبُّرْني إِلها
لو تِظَل لو أُمْ تِجيبولي مِثِلْها
ماكو مِثْلِ أمِّي أَبَد بالدِّنيا كِلْها
لا مِثِلها و لا بَعَدْها و لا قَبِلْها

عالمَدامِعْ لا تِلومونِي
أبچي وَ أبْچي اوْ يِعْمَنِ عْيوني
شلون أَعَايِنْ مِنْ تِوَسْدوها
آنَه بِتْها و يَمِّي خَلُّوها


*الشاعر الموفق السيد محمد المنصوري*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " جنازة أمي " :
https://youtu.be/2ubF0kBmmNE

القناة الرسمية للملا مصطفى السوداني على telegram :
https://t.me/Mustafa_Sudane

*{يَبُوْ اليِمَّه}*

يَبُوْ اليِمَّه يَبُوْ اليِمَّه
أظَلْ مَمْنُونَكِ اِوْ شُكْرًا عَلَى الخِدْمَه

١/ يَا سَيِّدِي مِنِّيتَكِ اِچْبِيرَه
عَطْشَانْ مَيِّتْ حَتَّى تِرْوِينِي
يَالمِثْل ابُوي اِوْ كِلْشِيْ تِنْطِينِي
مِتْفَضِّلِ اِوْ خيرَكْ تِرَسْ عينِي

مَا أگدَر اوفِيلَكْ وَلَا ذَرَّه
يالرَاسَكِ اِنْشَالِ اِبْرُمُحْ عَالِي
الخَاطِرْ أنَه رَاسِي يِظَلْ عَالِي
يَابَالِي غيرَكْ مَا يِجِي اِبَّالِي

صِدِگ نِعْمَه صِدِگ نِعْمَه
اليِخِدْمَكْ كُونْ مِنْ هَالنِّعْمَه مَـتْحُرْمَه

٢/ صَاحِبْ فَضِلْ مُوْ سَهْلَه تِتْجَازَه
تِسْتُرْ عَلَيَّه اِهْوَايه مِنْ يومَكْ
يَالغَالِي وِ اِنْتَه اِمْسَلَّبَه اِهْدُومَكْ
يَالشِّلِتْ هَمِّي اِحْرِگنِي بِهْمُومَكْ

گلْبَكْ عَلَيْ أكْثَرْ مِنِ اللَّازِمْ
دومَكْ حَنِينِ اِوْ حَاطْنِي اِبَّالَكْ
مَا أسْوَه اصِيرِ اِتْرَاب بِـنْعَالَكْ
هَذَا آنَه عَبْدَكْ عَايشِ اِبْجَالَكْ

وَعَدْ زِلْمَه وَعَدْ زِلْمَه
أظَلْ عَبْدَكْ وَ ابَدْ مَا اعُوفْ هَالكِلْمَه

٣/ مِنْ رُوحِي أخْجَلْ مِنْ أسولِفْهَا
يَالحَافِظِ اِعْيَالِي اِبْخِدِرْ دَايمْ
اِوْ صَارَتِ اِعْيَالَكْ فِرْجَه لِلوَادِمْ
طِلْعَنْ سَبَايَه اِبْلَا گُمَرْ هَاشِمْ

خَلِّينِي اعِيشِ اِبْمَجْلِسَكْ عُمْرِي
أجْزَعْ عَليكِ اِوْ گلْبِي مَجْنُونَكْ
بَلْكِتْ أمُوتِ الخَاطِرِ اِعْيُونَكْ
چِي رَاضِي اخِدْمَكْ آنَه مَمْنُونَكْ

بِلَا حُرْمَه بِلَا حُرْمَه
أنُوحِ اِعْليكْ حَدْ مَا نَاظِرِي يِعْمَه


*الشاعر الموفق كرَّار حيدر الخفاجي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " يَبُوْ اليِمَّه " :
https://youtu.be/aznK53bYd0s

القناة الرسمية للملا مصطفى السوداني على telegram :
https://t.me/Mustafa_Sudane

*{جرح الفراگ}*

جَرْحِ الفْرَاگ وَلَا چَانْ عَلَى بَالِيْ
دِنْيَه مَتْفِيدْ إذَا اعِيشْ بِلَا غَالِيْ
بويَه وِالبيتْ بِلَيَّاكْ يِظَلْ خَالِيْ

۱/ عَسْعَسِ اللّيلْ وِالاحْزَانْ كَلَتْ گلْبِيْ
كِلْ ضِوَه مَاتْ وِالعْيُونْ بُقَتْ تِرْبِيْ
وَالِـدِيْ ايْعُودْ تِـمَـنّـيـتْ أيَـا رَبِّـيْ
فَگْدِ الاحْبَابْ بِالجْرُوحْ تِـعَـنَّـالِـيْ

٢/ وَجْهَكِ الچَانْ ضِوَه العينْ إذَا شِفْتَه
صَعْبَه يِنْعَافْ وَلَا اعِـيـشْ إذَا عِفْتَه
بِالوَصِلْ جُودْ أنَه ادْرِيكْ جَوَادِ اِنْتَه
بُويَه وِ الرُّوحْ مِثِلْ نَـارْ صُفَتْ تَالِيْ

٣/ هَيِّنِ الموتْ إلِيْ ايْكُونْ وَلَا فَگدَكْ
أشْبَهِ الطّيرْ بِـلَا اجْنَاحْ أظَلْ بَعْدَكْ
گلْبِيْ مَحْفُورْ يَمَسْمُومْ ابْحَفُرْ لِحْدَكْ
كِلْشِيْ بِالكونْ غِدَه ايْنُوحْ عَلَى حَالِيْ

٤/ حَتَّى الانْفَاسْ يَمَفْگُودْ مِثِلْ جَمْرَه
وِ العُمُرْ صَارْ بِالفْرَاگ عُمُرْ حَسْرَه
وَالِدِيْ ايْرُوحْ لِلِگْبُورْ وَ انَه انْتَظْرَه
ابْدِنْيَه الاحْزَانْ شَبَحْ موتْ تِرَاوَالِيْ

٥/ عِشْرَةِ اسْنِينْ وِ الايَّامْ تِطَشِّرْنَه
نِفْگُد احْبَابْ وِ الهْمُومْ تِعَاشِرْنَه
رِيْحَةِ الموتْ بِالبْيُوتْ تِدَوِّرْنَه
وِ الإبِنْ ليشْ تِخَلِّيه بِلَا وَالِيْ

٦/ بُويَه أرْجُوكْ وَلَوْ يومْ تِرِدْ ليَّه
بَعَدْ عينَاكْ وَلَا رُوحْ بُقَتْ بِيَّه
مَا گِلِتْ ليشْ مِنِ اتْرُوحْ بِلَا جَيَّه
دَمْعِيْ بِالعينْ يَبُو الجُودْ غِدَه ايْلَالِيْ

٧/ أشْرَبِ ادْمُوعْ وِ الاهَاتْ غِدَتْ زَادِيْ
إسْمَعِ الصوتْ أنـادِيـكْ أنَه الهَادِيْ
گلْبِيْ مَكْسُورْ يَمَسْمُومْ بُقَه ايْنَادِيْ
بينِ الغْيُومْ بِـلَـيَّـاكْ طُفَه اهْـلَالِـيْ


*الشاعر الموفق كرار حيدر الخفاجي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " جرح الفراگ " :
https://youtu.be/Ey0lXdBGNEI

القناة الرسمية للملا مصطفى السوداني على telegram :
https://t.me/Mustafa_Sudane

*{ضلع واحد يا علي}*

ضِلِع واحِدْ يا علي اوْ هَدْ حِيلَكْ
چا ضْلوعِ احْسين شِتسَوِّيلكْ

١/ يا علي اعْلَى الزَّهرَه گَلْبَك مِنْفِجِع
وِ الضِّلِعها دْموم هَلِّيتِ الدَمِع
شلون بيكِ وْ كَرْبلَه مو بَسْ ضِلِع
ضلوع ظَلَّت يا علي تومِيلَك

٢/ حِيلَكِ الثَّابِت تِضَعْضَعْ وِ انْهِدَمْ
و صَبركِ العَمْلَةِ البِسْمارِ انْثِلَمْ
چا بْگلبِ حسين لو شِفْتِ السَّهمْ
يا صَبُر يا حيلِ اليباريلَكْ

٣/الزَّهرَه ماتَتْ مِنْ سِمَعْتِ الكِلْ يِصِيحْ
عَلَى وَجْهَك صِرِتْ مِنْ حِزْنَك تِطيح
شِنْهو حالَك لو شِفِتْ إِبْنَك ذِبيح
و بويَه إِحْضَر زينبِ تْنَادِيلَكْ

٤/ إيدَكِ المَرَّتْ عَلَى ضِلْعِ البَتولْ
و مرَّتِ عْلَى ضلوع أَبو اليِمَّه الخُيولْ
لِيش يَمْغَسِّلِ المَظْلومَة نِگولْ
ما جِبِتْ لِحْسين مِن تَغْسيلَك

٥/ لَوَنْ گِلْنَه بْيومْ هِظْمَوا فاطِمَة
بالوِصِيَّة مچَتَّفِ و حُكمِ السِّمَه
ما موصَّه بزينَب و رادَتْ حِمَه
عَنْها شِيمِنْعَك يَحامي دْخِيلَك

٦/ عَلَى ضِلْعِ الطَّاهِرَه البابِ انْطُبَگْ
و چَم ضِلِع لِحْسينْ بالخيلِ انْسِحَگْ
و لَوَن بابِ الدَّار بِالنَّارِ احْتِرَگْ
إِگْصِدِ الطَّف وِ الخِيَمْ تِحْچيلَكْ

٧/ إٍنْتَ بيدَك چَفَّنِتْ أمِّ الحَسَنْ
و ابو اليِمَّه الذَّاري فَصَّله الچِفَنْ
بيدَكِ الزَّهرَه جِسِم إِلها انْدِفَنْ
و ابو اليِمَّه بْلا دَفِنْ نِشكيلَكْ

٨/ إِنشالْ نَعْشُ امِّ الحَسَن بِيدَكِ بْلِيلْ
و راسْ شِبلَك شايِلَه الرُّمْحِ الطِويلْ
جِسْمَه عالغَبرَه و نِزَف دَمَّه يِسِيلْ
وِ اخْتَه تِصْرَخ خويَه مِنهو يْشيلَكْ


*الشاعر الشيخ وسام الشويلي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " ضلع واحد يا علي " :
https://youtu.be/PRzSOTcKQA4

القناة الرسمية للملا مصطفى السوداني على telegram :
https://t.me/Mustafa_Sudane

*{يَشيَّالِ الرُّمِح}*

بالله يَشيَّالِ الرُّمِح ... لا تِقْتِرِبْ مِن عِدنَه
لقَد خُزينا من النَّظَر ... ما چَنْ مُحَمَّد جَدْنا

عَلَى نوگِ اليِسُر .. تَعاقيبِ الفَجُر
ما چَنْ مُحَمَّد جَدْنا

١/ ها وُصَلْنَه صُرْنَه نِسْمَعْ صوت وادِمْ
وجوه غُربَه بيها ماكو مْنِ الهُواشِمْ
الشَّام هَذِي اسْتقبِلونَه بِالشِّتايِمْ
الكوفَه كافي السَّوِتَه بْخِدْرِ الفُواطِمْ

ابْنِ زياد لا دِينَ لهُ ... سَمْ يِطلَعِ امْنِ لْسانَه
المَرجان مِن عِندَه بِرِي ... المَفْروضْ اِبِن شَيطانَه

بِچَن يَمَّه شْكِثُر .. تَعاقيبِ الفَجُر
ما چَنْ مُحَمَّد جَدْنا

٢/ زَيِّنوها الشَّام كِلها و لَوِّنُوها
و ما بُقَتْ كِلْمَه عَلِينا ما حِچُوها
هِيَّه هايَ عالنَّهر ذِبْحَوْ أُخوها
هِيَّه هايَ امْنِ الگُفَه ذِبْحَوْ أُبوها

عباس لو بَعْدَه عَدِلْ ... هَسَّه احْنا يمِّ الزَّهرَه
نزورِ اوْ نِصَّلي عالنَّبي ... ما رِحْنَه للشَّام أَسْرَه

وَريثاتِ الكَسُر .. تَعاقيبِ الفَجُر
ما چَنْ مُحَمَّد جَدْنا

٣/ إِحْنَه نِبْچي الرُّوسْ تِبْچِي ماكو صِدْفَه
يِمِد عينَه الما يِمِدِّ اعْلينَه چَفَّه
بِالدُّفوفِ اسْتقبلونَه اعْيونْ صَلْفَه
الشَّام عِدْهُمْ طِلَع عيدِ اوْ ما نِعِرْفَه

مِسْتَبْشِرة الوادِم إِجَتْ ... بْذبحِ النَّبي فَرحانَه
نِسْمَع حَچي ما يِنسِمِع ... مَحَّد وِگَف وَيَّانَه

سِتُرْ رادَنْ سِتُرْ .. تَعاقيبِ الفَجُر
ما چَنْ مُحَمَّد جَدْنا

٤/ اعْنادْ بينَه جابْ رُمْحَه لِلمَحامِلْ
وِ بْضَعَنَّه لو ثَواكِلْ لو أرامِلْ
بُقَت زينَب نَفَسْ صاعِدْ نَفَسْ نازِلْ
تْصيحْ هَسَّه منِينْ اَجِيبَك يا بو فاضِلْ

راسِ التِقَبْله يالگُمَر ... شابِعِ احْجارِ نْشوفَه
بالنِّسْبَه للشَّام اَصْبَحَتْ ... هَيْنَه عَلِينَه الكوفَه

حزِنْهِن ما يِمُر .. تَعاقيبِ الفَجُر
ما چَنْ مُحَمَّد جَدْنا

٥/ كِل يِتيمَه بْلا أُبوها تْظَلْ تِلافِتْ
للمُصايِبْ إِحنا صُرنا امْنِ الثَّوابِتْ
بمَسجِدِ الجامِعْ إِجانَه شِيخْ شامِتْ
من عِرَفنا اخْتِلَف وَضْعَه و بُقَه ساكِتْ

يا شيخْ ما قاري أَبدْ ... أجرِ النَّبي بِالقُرْبَه
چِنَّا ذَوي القُرْبَه قَبِلْ ... صُرْنا ذَوِّي الغُرْبَه

حَسافَه تِنْقُهُر .. تَعاقيبِ الفَجُر
ما چَنْ مُحَمَّد جَدْنا

٦/ بَعَد ما شافَتِ الوادِمْ كِلْ وِجَعْنَه
ايْسولِفِ السَّجادْ وَيْ واحِدْ سِمَعْنَه
يَبِن مُنْذِر روح گِلَّه خَيْتِدَنَّه
بمِئَة دِرْهِم قَدِّمِ الرَّاسِ اعْلَى ضَعْنَه

وِ يْزيد گاعِدْ يِنْتُظُر ... يَمتَه نِطُبِّ لْقَصْرَه
وِ الشَّدوِ بْرِجْلَه الحَبِل ... خُطواتَه كِلهِن عَثْرَه

يِدِخْلَن لِلْقَصُر .. تَعاقيبِ الفَجُر
ما چَنْ مُحَمَّد جَدْنا


*الشاعر الموفق حمزة السماوي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " يَشيَّالِ الرُّمِح " :
https://youtu.be/7vFVIor11Ug

القناة الرسمية للملا مصطفى السوداني على telegram :
https://t.me/Mustafa_Sudane

*{يا زهرتي لا ترحلي}*

ناداكِ مُشتاقاً عَلِيْ ... يَا زهرتي لا ترحلي
قدْ أظلمَ المحرابُ يَا خيرَ النِّساءْ
وهنا الرَّحى تبكي وينعاكِ الكساءْ
ناداكِ مشتاقاً علي

١/ مَا حَالُ صِنْديدِ الَملاحِمِ والِمحَنْ
فِي آخِرِ السَّاعَاتِ مَعْ أُمِّ الحَسَنْ
كَفَّاهُ تَرْتَجِفَانِ مِنْ فَــرْطِ الحَـــزَنْ
مَا طَـــاوعتْهُ لِشَـــدِّ أزْرَارِ الكَــفَنْ

هذا أبو اليُتْمِ اشتكى
يُتْـماً وللزَّهـــرا بـــكى

الصَّبرُ كَلَّ وبالشجى فاضَ الوِعاءْ
وَهُنَا الرحى تَبْكي وينْعَاكِ الكساءْ
ناداكِ مشتاقاً علي

٢/ زهْراءُ يا فَلَكَ القَدَاسَةِ والــرِّضَا
فطَّرتِ مَنْ يَجْرِي عَلَى يَدِهِ القَضَا
جِبْرِيلُ حِينَ رآهُ رَدَّدَ فِي الفَـــضَا
أنْ "لا فَتَى فِي الحُزْنِ إلاّ المُرْتَضى"

السَّيْفُ حشَّـــمَ بَأْسَهُ
فِي الغِمْدِ حرَّكَ نَفْسَهُ

في شفْرتَيْهِ بدتْ دموعٌ أمْ دِماءْ؟
وَهُنَا الرحى تَبْكي وينْعَاكِ الكساءْ
ناداكِ مشتاقاً علي

٣/ بَابَ اليَهُودِ بِأَيِّ عَزْمٍ تُدْفَعُ؟
عَجَزَتْ أكفٌّ أَرْبَعُونَ وأرْبَعُ
وَعَلِيُّ يَكْفِيهِ لِقَــلْعِكَ إِصْــبِعُ
عَجَبَاً عَلَـــى تَابوتِها يَتَــلوَّعُ!

قالَ احْمِلُوا الزَّهْرا مَعِي
فَلَقَدْ لَوَتْ لِي أَضْلُــــعِي

أوينْحَنِي الكتفُ الذي حمل السماءْ؟!
وَهُنَا الرحى تَبْكي وينْعَاكِ الكساءْ
ناداكِ مشتاقاً علي

٤/ ألبابُ بالآهاتِ يذكُرُ صفْعَها
وهوَ الذي لِمْ ينسَ يوماً ضِلعَها
آهٍ وسُبْحتُها أســـالتْ دَمْعَـــها
ما عادتِ الزهراءُ تقْدِرُ حَمْلها

هذا ومُصْحَفُ فَاطِمهْ
أمســى بِعَيْنٍ وارِمَــهْ

اليومَ صدْرُ الْبَيْتِ قدْ فقدَ الهواءْ
وَهُنَا الرحى تَبْكي وينْعَاكِ الكساءْ
ناداكِ مشتاقاً علي

٥/ أوصتْهُ في الظَّلْماءِ ضيِّعْ تُرْبتي
لا يحضُرَنَّ الظالمانِ لِدفنتي
في القلبِ يَا كرارُ تلْهبُ حسرتي
حتى يحينَ الصَّلْبُ فَـوْقَ الشَّجْرةِ!

مهديُّنا فيهِ الأملْ
يَا طالبَ الثَّأرِ العجَلْ

ما للضُّلوعِ بِغَيْرِ صارِمِهِ شفاءْ
وَهُنَا الرحى تَبْكي وينْعَاكِ الكساءْ
ناداكِ مشتاقاً علي

٦/ لَأَظُنُّ حَيْدَرَ لَمْ يشُقَّ تُرابَها
نزلتْ لها الفِرْدَوْسُ تفْتَحُ بابَها
قَدْ أجَّلَتْ بِنتُ الرّسولِ ثوابَها
للْحشرِ تُدْخِلُ قَبْلَها أحْـــبَابَها

زَهْــراءُ أمُّ الشِّـيعةِ
للخَلْقِ خَيرُ شفيعةِ

وغداً ستمسحُ دمْعَنَا يَـــوْمَ الجزاءْ
وَهُنَا الرحى تَبْكي وينْعَاكِ الكساءْ
ناداكِ مشتاقاً علي


*الشاعر الموفق علي عسيلي العاملي*


قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane

رابط قصيدة " يا زهرتي لا ترحلي " :
https://youtu.be/Umd70xKiu2o

القناة الرسمية للملا مصطفى السوداني على telegram :
https://t.me/Mustafa_Sudane