بسم الله الرحمن الرحيم قال تعالى "فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْض" ⁦☢️⁩ تحذير المنشور طويل ⁦☢️⁩ كثير من الزملاء كان بيسأل الفترة الماضية ازاي يبدا طريق ال Research والحقيقة أنا مش أفضل حد يجاوب علي السؤال ده لكن أنا هنقل تجربتي ووجهة نظرى القاصرة في الموضوع (والتي تحتمل الخطأ والصواب .. عادي يعني 😂)... في البداية متنساش تعمل share عشان البوست يوصل لاكبر عدد من المهتمين.. تبسيطا للموضوع هنحاول نناقشه في شكل عناصر ونقاط ازاي ابدأ طريق الريسيرش؟ ازاي تبدأ دا اسهل شيء في الموضوع .. لكن ازاي تنتج وتستمر دا الجزء الاصعب .. البداية ياسيدي بتكون من مجرد طرحك للسؤال .. مبروك انت كده علي أول الطريق .. الطريق دا بيحتاج لعدة صفات لابد تكون متوفرة فيك ولو مش متوفرة ابدا عود نفسك عليها: • الفضول وحب الاستطلاع والمعرفة • الاصرار والعزيمة • التواضع • سرعة التعلم • تحمل الضغط النفسى والبدني • القدرة علي المشاركة ونقل الخبرات دول أهم الصفات الي بتسمح لك تبدا .. وتنتج .. وتستمر في هذا الطريق .. وطبعا قبل كل ده "النية الصالحة" .. انك تنوي طلب العلم ونفع الناس و الدين والوطن .. ودي مهمة اوووي عشان تستجلب "التوفيق" من الله .. الي من غيره كل الي فات والي جاي ملوش لازمة. هيأت نفسك خلاص؟! تعالى نبدأ كلمة السر هي "ترتيب الأولويات" 🔔 ودي هنستطرد شوية في شرحها .. الي بيفرق اي إثنين في المجال دا هو ترتيب الأولويات .. بمعني انت كطالب طب أو خريج حديث لازم يكون ليك خطط مرتبة علي حسب اولوياتك .. فمثلا لو انت شخص ناوي على سفر فدا بالنسبة لك (Plan A) وبالتالي الاستمرار هنا هيبقي (Plan B) .. فمينفعش تستهلك وقتك كله في التحضير للخطة البديلة وتترك الخطة الاساسية .. وكذلك مينفعش تهمل الخطة البديلة وتركز فقط علي الاساسية .. فتخسر الاثنين لا قدر الله لو حصل اي ظرف .. ولذلك لابد من توازن والتوازن دا في وجهة نظري ممكن يتحقق بالتالي • لو انت طالب في سنة 1-3 تركيزك كله منصب علي انك تبني Basic knowledge علي قدر ما تقدر .. مهمتك في الفترة دي تبني قاعدة علمية وطبية قوية لان دي الي هتسندك قدام في اي حاجة. • طالب سنة رابعة يبدأ في دراسة بعض مفاهيم البحث العلمي وخصوصا ال "Research Methodology" ودي هتفيدك اثناء دراستك في الكلية وهتفيدك جدا بعدين في البحث العلمي لو "اتقنتها"🔔 • طالب خامسة وساتة: ده وقتك ياكبير تبدأ تكتسب مهارات البحث العلمي بجوار الدراسة ويفضل انك تركز علي دول وتوزع مجهودك بناء علي النسب دي: ✓ الكتابة العلمية 80% ✓ الاحصاء الطبية 15% ✓ النشر والتعامل مع المجلات العلمية 5% ومفيش مانع تبدا تدخل في فرق بحثية تتعلم منهم وتكتسب المهارة وتشارك في مشاريع بحثية معدة للنشر الدولي. • تخرجت خلاص وربنا اكرمك .. محتاج تبذل شوية مجهود -بجوار مذاكرتك للمعادلات أو اللغة أو التحضير للماستر- في تكوين العلاقات الصحية (وركز علي الصحية دي) مع بعض الاساتذة المحبين للعلم والتعليم وتستفيد من توجيهاتهم وتشترك معاهم في الابحاث الراقية. 🔔مجموعة نصايح مهمة🔔 1-متهملش الكلية لصالح الشغل مهما كان .. دراستك أهم حاجة في المرحلة دي. 2- لو انت سريع التعلم أحضر كورس واحد فقط من الكورسات الي بيعملها الزملاء يفتحلك الطريق وبعد كده ابدا مع نفسك واتعلم. 3- لو ربنا اكرمك ب Mentor خلال رحلة التعلم يبقي ممتاز اووووي .. فاجتهد في البحث عن مشرف لان هيوفر عليك كثير من الوقت والجهد بنصائحه وتوجيهاته 4- متتعلمش كل حاجة مرة واحدة حاول تتقن مهارة واحدة وتصقلها لحد ما تتمكن منها وبعد كده انتقل للي بعدها .. مش مطلوب منك تكون "فاندام" 5- متنشرش لمجرد النشر .. وركز اوي علي القيمة العلمية والفايدة والرسالة الي عاوز توصلها من الورقة العلمية "مش تستيف ورق وخلاص" 6- الموضوع حلو في الاول .. وبعد كده مجهد اوي .. فلازم يكون هدفك طول الوقت قدامك عشان تستسيغ الجهد دا وتقدر تستمر 7- متسمعش لأى حد بيحاول يحبطك (ودول كتير اوي 😂) 8- متنشرش في مجال انت مش ناوي تتخصص فيه (متغلطش غلطتي😌).. ولو فرضنا انك مش عارف هتتخصص في ايه .. فاشتغل في الشيء الي انت بتحبه وعلي قائمة اهدافك للتخصص (مش عاوز تتخصص باطنة وتروح تنشر جراحة .. أصحى للكلام 😂) 9- مفيش مانع تنشر بعض الريفيوهات وال Meta-analysis لحد ما تلاقي فرصة لشغل Original. 10- اخلاقيات البحث العلمي والتعامل مع الزملاء والاستاذة والطلاب مهمة اووووي .. متخسرش حد عشان الشغل .. مش مستاهلة يعني. 🔔بعض المصادر المهمة⁦🔔 • لو عاوز كتاب سهل وسلس وممتع في نفس الوقت وبيشرح أهم مفاهيم ال Research Methodology فانصحك بالكتاب ده http://www.mediafire.com/file/mb6v1azph63dtdz/designing_clinical_research_3rd_edition.pdf/file • لو عاوز تتعلم ال Medical Writing الروابط دي هتفيدك http://www.mediafire.com/file/bx1cs70lcmunbqf/Writ

السلام عليكم و رحمة الله متابعينا الكرام غالبا كلنا سمعنا ناس كتير اتكلموا عن مشكلة تطابق النص Plagiarism والتي تمثل أحد انواع الغش العلمي و أحد المشاكل التي يواجهها طلاب الجامعات هذه الأيام بسبب تسليم و تقييم ابحاثهم الأكاديمية ... لكن قليلين جدا الذين تناولوا حلولا لهذه المشكلة بشكل فعال وكيف يمكن التغلب على هذه المشكله بطريقه سهله و مضمونة وأكثر واقعية من أجل مستقبل علمي أفضل .... فى الفيديو التالى ... باحث الدكتوراه محمود الدماصي، من معهد helmholtz zentrum للطاقة و المواد بألمانيا هيشرح بشكل مبسط مشكلة تطابق النصوص و هيعرض بالتفصيل الطريقة التي يستخدمها شخصيا لسنوات للتغلب على تلك المشكله وبشكل فعال ... لينك الفيديو https://youtu.be/MZm0DwLQUQM والفيديو القادم سيكون عن إعادة الصياغة ال Paraphrasing ... كيف تعيد صياغة الجمل خطوة بخطوة بطريقة علمية صحيحة وماتعة... ياريت نتابع القناة، ونفعل الجرس على اليوتيوب لمشاهدة الحلقات العلمية و التربويه فور نزولها... شير ليصل للجميع
https://www.facebook.com/pages/category/Medical---Health/Datalytic-team-143547088990426/

بإذن الله .. اليوم الساعة 5 مساءاً بتوقيت القاهرة فى أول بث مباشر على قناتى على اليوتيوب .. بعد ساعة ونصف من الآن .. هنتكلم بالتفصيل عن الآتى: 1- إيه هو ال Review Article؟ 2- إيه فوائد أنك تكتب Review Article؟ 3- عشر خطوات لكتابة أى Review Article؟ 4- طريقة مذهلة تقدر تخليك تكتب Review Article فى أقصر وقت ممكن؟ 5- ثلاثة وسائل لنشر ال Review Article. 6- أزاى تنشر ال Review Article وتوصله للمهتمين بيه على أوسع نطاق. رابط القناة https://www.youtube.com/channel/UCIVtnnWOLraagK8LALaUgKw أشترك .. وفعل جرس القناة علشان يجيلك أشعار أول ما نبتدى .. بالتوفيق للجميع د. محمد مصطفى فرج باحث بمعهد بحوث البساتين - مصر باحث بأكاديمية جواندونج للعلوم الزراعية - الصين كاتب ومحاضر فى مهارات البحث العلمى
https://m.facebook.com/story.php?story_fbid=2976183652435069&id=100001303914504

مصر تحتل المركز الرابع عالمياً في قائمة ال "Rotten Apples " في جامعة هوبكنز لمتابعة احصائيات الفيروس بسبب المعلومات "المشكوك فيها بشدة” للجهات الدولية حسب وصفهم ! https://twitter.com/steve_hanke/status/1270419137336971264?s=09
https://m.facebook.com/story.php?story_fbid=3326355580721358&id=100000408469595&ref=m_notif&notif_t=group_activity

ادرس مجانا في ماليزيا … كيف تحصل على منحة للدراسة مجانا في ماليزيا ؟! دا سؤال مكرر عندي من كذا حد من الأصدقاء والمتابعين ……… شوفوا يا شباب أولا فرصة الدراسة من خلال منحة بتكون متاحة لطلاب الدراسات العليا ماجستير ودكتوراة بنسبة أكبر من الدراسة الجامعية .... المنح ليها مميزات كتير، يعني لو منحة كاملة يبقى الجامعة اللي هتديك المنحة مش بس مش هتاخد منك فلوس، لا دي كمان هتصرف عليك ، يعني هتسكن على حسابهم، وهيعملولك اشتراكات المكتبة والمطعم والباص والنادي .. إلخ كله على حسابهم ، يعني مش هتصرف أي حاجة، وفوق دا كله فيه بعض الجامعات بتدي راتب يعني هتقبض كمان … أما لو المنحة جزئية فمثلا هيتم اعفاءك من مصاريف الدراسة وانتا تتحمل الباقي ، أو الجامعة تتحمل نسبة وانتا نسبة، أو منحة تشغلك في الجامعة كمساعد باحث مثلا في مقابل إنك تدرس ببلاش. بس خلي بالك عشان المميزات الموجودة في المنح فغالبا بتبقى شروطها شديدة مش بقولك كدا علشان أقفل في وشك الطريق بالعكس بقولك كدا عشان تستعد، يعني لازم تحقق مستوى معين في اللغة الإنجليزية بيختلف من جامعة للتانية ومن تخصص للتاني ومن منحة للتانية، ولازم يكون عندك خطابات توصية قوية من أساتذة في التخصص بتاعك، وقبل كل دا يكون عندك سيرة ذاتية كويسة مركزة ومرتبة، وطبعا أهم حاجة إنك تجيب موافقة أستاذ في الجامعة المانحة على الخطة البحثية اللي انتا هتقدمها السؤال المهم اللي كل الناس بتسأله طب أنا جاهز بكل دا وعايز أحصل على منحة أعمل ايه ؟ هقولك يا سيدي بعد ما تصلي على النبي … المنح في الأغلب ليس لها موعد محدد، وإنما يخضع الأمر لخطة كل جامعة في استقطاب الطلاب الأجانب المتميزين للدراسة بها، والتخصصات اللي بينزلوا المنح فيها .... طب يعني أعرف ازاي إن فيه منحة ؟ .. الموضوع بسيط جدا … أولا : ادخل على مواقع الجامعات الماليزية، هتلاقي في كل جامعة لينك للمنح، ادخل عليه وحط الايميل بتاعك عشان تعمل متابعة، وبكدا هتوصلك كل أخبار المنح أول بأول. ثانيا : ادخل على صفحة القسم اللي فيه التخصص بتاعك هتلاقي ايميلات الأساتذة وأرقام تلفوناتهم وكل حاجة عنهم، اعمل عندك قايمة بيهم وابدأ راسلهم بالخطة البحثية بتاعتك ، بس بلاش تلح كتير لأن أساتذة الجامعة مش بنحب الزن بعيد عنك 😬 ثالثا : فيه ناس بتعمل حاجة فيها مغامرة شوية بتبدأ الدراسة على حسابها مبدئيا، وبعدين تقدم في المنح وهيا بتدرس، بس أنا عن نفسي شايفها مغامرة لو انتا مش عامل حسابك ماديا إنك ممكن تكمل الدراسة كلها على حسابك يبقى بلاش منها. رابعا : خليك جاهز بكل أوراقك في أي وقت لأن المنح بتبقى فرص يعني ممكن تضيع عليك منحة لأن واحد ضغط على ارسال في الايميل قبل انتا ما تضغط فياخد هوا المنحة. المرة الجاية بإذن الله أكلمكم عن الدراسة على نفقاتكم الشخصية وتكاليفها .... بالتوفيق بإذن الله. #رحلتي_إلى_ماليزيا
https://m.facebook.com/story.php?story_fbid=2579664105590197&id=100006398975601

لو تعرف حد بيدرس أو مهتم باللغه الألمانيه منشنه ❤ "ماتريال للالماني 8 جيجا مرفوعه على جوجل درايف" الناس اللي محتاجة اللغة الألمانية في أي غرض كل اللي عايز يبدأ يدرس ألماني حتى لو من الصفر. -محتوي الماتريال : تعليم اللغه واساسيتها باللغه العربيه والانجليزيه مرفقه بصور ومقاطع فيديو و pdf للمساعده ف الفهم والدراسه . لينك الماتريال : https://bit.ly/3h8pSqm متنساش تتابع باقي الوظايف والماتريال 😉 #وصلها_لغيرك 💪
https://m.facebook.com/story.php?story_fbid=226980105320919&id=100040267924462

السلام عليكم *هذا البوست مكانه جنب اخواته في قايمة الsaved posts*😂 *اللي عايز يعمل شير لغيره براحته* البوست ده حاولت اجمع فيه الكورسات اللي خدتها في فترة الحجر الصحي و و قبل كده كمان نزلتها هنا بناء ع طلب زمايل ليا عشان تعم الاستفادة ومش بغرض اننا نعلي ع بعض و الكلام ده يمكن الحاجه اللي استفدتها منهم انك تحب تتعلم مش لغرض الدرجات و التقدير ولكن لغرض العلم و المعرفة عموما فاتعلم الحاجه و مش هتبقي عارف امتي هيجي الوقت اللي بتحتاج لها و صدقني مفيش حاجه بتتعلمها جديدة بتخسرك او تضيع وقتك ابدا و برضو هنوه عن حاجه بسيطة هي ان الكورسات دي و الشهادة مش معناها انك شخص بيرفكت خالص ومش دليل لنجاحك او فشلك هي بس دليل انك اتعلمت الحاجه نظري و لكن لو فقدت القدرة ع تطبيق الكلام ده بشكل عملي ع الواقع يبقي ملهاش لازمة و فقدت معناها و بالنسبة لنا كطلبة هتتعلم تمارس و تكتسب مهارات كتير جدا من شغلك في السيفل ورك و انشطة الجامعة و الكلية و غيرهم طبعا * الكورسات دي لأي حد * 1- دي قناة عاليوتيوب تعتبر افضل حاجه ممكن تقابلك تقدر تتعلم منها انجليزي https://www.youtube.com/channel/UCHrD4qdeQc1BbpG6EPqDBcA 2- ده كورس للفوتوشوب من المهارات اللي احيانا بتلاقي حاجات كتير بتتعطل عشان مش عارف تعمل تصميم او تعدل صورة صغيرة مثلا فده هيساعدك https://www.udemy.com/course/learn-adobe-photoshop-from-scratch/learn/lecture/3360034#overview 3- ده حاص بينا كعلاج طبيعي و هتدرسوه بعد كده اسمه الاكوابنكتشر او الابر الصينية يعني https://www.udemy.com/course/acupressures-top-5-points-for-relieving-stress-anxiety/learn/lecture/7465868#overview 4- ده كورس عن طرق التواصل الفعال و ازاي تكون شخص اجتماعي بشكل مظبوط https://www.udemy.com/course/communication-styles-for-stronger-social-skills/learn/lecture/14522356#overview 5- ده كورس هيعلمك ازاي تعمل C.V و ازاي تتعلم مهارات الانترفيو و تعرف تتعامل معاه كويس https://www.udemy.com/course/the-complete-career-guide-cv-linkedin-interview-arabic/learn/lecture/15369766#overview 6- هنا هيعملك ازاي تقدر تظبط البريزنتيشن بتاعك لما يتطلب منك في الكلية و تنسقه بشكل سليم https://www.udemy.com/course/how-to-easily-structure-your-presentation-for-impact/learn/lecture/4783412#overview 7- ده ازاي تتعامل مع الاطفال ذوي الاحتياجات الخاصة اثناء جلسات العلاج الطبيعي https://www.rwaq.org/courses/special_needs 8- هتتعلم هنا ازاي الطفل بيفكر و ايه احتياجاته و هل الطفل ده ماشي نفسيا بشكل طبيعي و لا لأ وازاي تتعامل معاه https://courses.edraak.org/courses/course-v1:Edraak+CHM100r+CMH_SP2015/course/ 9- يمكن يكون ده كورس تنمية بشرية بس حقيقي كلنا محتاجين نسمعه و ملوش توصيف عندي ادخل انت شوفه بنفسك https://courses.edraak.org/courses/course-v1:AUB+WE100+2016_Q3/course/ 10- ده كورس للاسعافات الاولية بشكل نظري و فيه صور عملي و هيفرق معاك جدا جدا لو انت متعرفش حاجه عن الموضوع ده وممكن يكون سبب تنقذ بيه حياه انسان https://courses.edraak.org/courses/course-v1:Edraak+FA911+FA_2017_SP/course/ 11- ده كورس مقدمة بسيطة في ريادة الاعمال من الجامعة الامريكية بالقاهرة https://courses.edraak.org/courses/course-v1:AUC+Entr_101+SP_2017/course/ و ده كمان زيه https://www.edraak.org/course/course-v1:HFE+SME101+2020_T2/ 12- و ده لاخواتنا بتوع الافر ثينكينج هيساعدهم ازاي يتغلبوا ع القلق و التوتر الدايم اللي بيصيبهم https://www.edraak.org/course/course-v1:ARIJ+EH101+2019_T4/ فيه غير دول كتير طبعا و لكن هكتفي بدول و هنزل صور لشهادات الكورسات اللي خدتها في فترة الحجر ده لو حد حابب يستفسر عن حاجه منهم او ياخد كورساتهم انا تحت امره دي لينكات بقي لمواقع كورسات مجانية كل اللي فيها حلو جدا تقدر تاخد لفة جواها و تختار اللي انت عايزه 1- https://www.coursera.org/ 2- https://openwho.org/courses 3-https://courses.edx.org/login?next=/dashboard دول خاصيين بزمايلنا في علاج طبيعي 4-https://members.physio-pedia.com/ 5-https://www.primephysio.com/primeonline هرجع اقول تاني الكورسات مش دليل ع انك شخص ناجح و مقطع الدنيا خالص دي ممكن تكون محاولة عادية بس للاستفادة بالوقت عشان متجيش تندم علي ضياعه بعدين ختاما خارج الكورسات الاونلاين دي هتحتاج تتعلم حاجات اوفلاين زي الICDL و الانجليزي عشان دول مهما كان فيهم كورسات اونلاين فانك تنزل تمارس بايدك افيد بكتير جدا *هعمل ابديت للبوست ع طول و اضيف فيه أي كورس جديد هشوفه مناسب ليكم #لا_تدع_الدراسة_تلهيك_عن_التعلم
https://m.facebook.com/story.php?story_fbid=4750573661635381&id=100000483815454

لما سافرت امتحن امتحان رخصة مزاولة المهنة في دبي في ٢٠٠٧ سالوني عن علاج الالتهاب الرئوي في الرعاية المركزة. جاوبت باللي كنا بنعمله في مصر ساعتها و قلت اسامي المضادات الحيوية بتاعة البكتيريا عالية المقاومة طبعا عشان احنا في مصر لازم نبدا بالشديد من الاول. الممتحن بصلي بقرف و قالي في الاخر انا هانجحك بس لازم تتعلم مضادات حيوية و عدوي من اول و جديد! الراجل ده بعد كده هو اللي علمني رعاية مركزة لمدة ٤ سنين. راجل خبير اماراتي متعلم في امريكا و معاه بورد امريكي في ٣ تخصصات من ضمنهم العدوي. اتعلمت منه ان قرار المضاد الحيوي ده مش سهل و لازم يتعمل بالعلم مش بالدراع. و انك لما تبدأه لازم توقفه في اقرب فرصة عشان متربيش بكتيريا عالية المقاومة في المستشفي. لما سافرت بعد كده كندا اشتغلت مع واحد من اشهر خبراء العدوي في العالم كله و كان بيكتب مضادات حيوية اقل و اقل وطول النهار ماشي في الرعاية يوقفهم للمرضي و انا مبلم. في المستشفي دي في كندا كانت المضادات الحيوية الهابلة الرخيصة بتشتغل زي الفل و كله بالدليل و الارقام و الابحاث. طبعا انا دلوقتي هيجيلي شلل لما باشوف 'لينازوليد' بيتكتب عالواتس اب للعيان اللي خايف يكون عنده كورونا اللي هو اساسا فايرس😭😭🤪🤪. ده دوا انا باكتبه مرة في السنة لعياني جوة الرعاية في لندن و ممكن الصيدلي يرفض يصرفه لغاية منجيب موافقة استشاري الميكروبيولوجي عشان نتاكد ان انا مش باكتبه بتهور. عشان كده لغاية انهارده انا ممكن اكتب اوجمينتين لعيان التهاب رئوي علي جهاز تنفس صناعي في لندن و يشتغل عادي. اوجمنتين ده في مصر فاضله شوية و يتباع في الكشك مع ازازة بيبسي!!
https://m.facebook.com/story.php?story_fbid=10158075875165219&id=514115218

منظمة الصحة العالمية تشارك بدورات مجانية! #World_Health_Organisation_Free_Online_Courses تحتفل منظمة الصحة العالمية بتسجيل 3 ملايين دورة عبر الإنترنت ولديها شهادات مجانية. سجل نفسك واحصل على دورات مجانية عبر الإنترنت بلغتك الأم. الدورات متاحة بأكثر من 20 لغة. التفاصيل: https://bit.ly/openwho-org لديهم نوعان من الشهادات: • Records of Achievement • Confirmations of Participation على حسب تفاصيل كل دورة منظمة الصحة العالمية هي وكالة متخصصة تابعة للأمم المتحدة مسؤولة عن الصحة العامة الدولية. admin:Æ
https://m.facebook.com/story.php?story_fbid=2433696343582883&id=1854375744848282

منح جامعة الملك عبد العزيز 2021 (ممولة بالكامل) في المملكة العربية السعودية الدرجة العلمية: منحة ماجستير ودكتوراه للطلاب الدوليين في جميع المجالات الأكاديمية والتخصصات. جامعة الملك عبد العزيز هي الجامعة الوحيدة التي تقدم جميع مجالات الدراسة. يرجى ملاحظة أن بوابة التقديم الخاصة بهم مفتوحة طوال العام. عملية الاختيار / الفرز مرتين في السنة. مجالات الدراسة للماجستير والدكتوراه: الآداب والعلوم الإنسانية والاقتصاد والإدارة والعلوم والهندسة والأرصاد والبيئة وزراعة الأراضي الجافة والعلوم البحرية والتصميم البيئي والحوسبة وتكنولوجيا المعلومات. فوائد: تغطي المنحة تذاكر الطيران والوجبات والإقامة والرسوم الدراسية والكتب والبدلات والرواتب الشهرية والتغطية الصحية. التفاصيل: https://bit.ly/kau-edu-sa-scholarship
https://m.facebook.com/story.php?story_fbid=2436901469929037&id=1854375744848282

في المحاضرة دي شرحنا الفرق ما بين ال Causality و ال Correlation بالإضافة لمعني ال Validity and reliability
https://m.facebook.com/story.php?story_fbid=1181547652182598&id=100009821238223

Correlation & Regression من المهم لأى دارس أو باحث أن يعرف الفرق بين هذين المصطلحين واستخداماتهما وألا يخلط بينهما لنبدأ معا بموضوع الارتباط Correlation يمكن من الاسم التخمين أنه يمثل العلاقة بين متغيرين، وتحديدا قوة واتجاه العلاقة. Association between two variables مثلا يمكننا القول أن هناك علاقة أو ارتباط بين طول الطفل ووزنه، ويمكننا أيضا أن نقول أن العلاقة إيجابية، أي أن الطول والوزن يزيدان معا، بينما قد تكون علاقة أخرى عكسية مثل العلاقة بين النشاط البدنى ومؤشر كتلة الجسم BMI زيادة أحدهما يكون مصحوبا غالبا بنقص الآخر ويمكننا أن نعبر عن العلاقة بين المتغيرين برقم واحد، يزيد بزيادة قوة الارتباط، وتكون قيمته موجبة في العلاقة الإيجابية، وسالبة في العلاقة العكسية، وهذا الرقم نسميه معامل الارتباط أو correlation coefficient تتراوح قيمة معامل الارتباط من -1 إلى 1 ، كلما اقتربنا من 1 أو -1 تكون العلاقة أكثر قوة، وكلما اقتربنا من الصفر تكون العلاقة ضعيفة أو معدومة. مثال: The correlation coefficient for children’s weight and height: r=0.85 The correlation is positive and strong مثال آخر: The correlation coefficient for physical activity and BMI: r= -0.4 The correlation is negative and moderate مثال أخير: The correlation coefficient for children’s weight and score in the exam: r=0.05 There is no correlation between children’s weight and score in the exam ملاحظة هامة: وجود ارتباط بين عاملين لا يعنى أن أحدهما يسبب الآخر أو يؤثر في الآخر، أي أن الارتباط لا يعنى السببية، وتذكر الجملة الشهيرة: "correlation does not imply causation" ملاحظة أخرى: الارتباط بين المتغير س والمتغير ص ، هو نفسه الارتباط بين المتغير ص والمتغير س ، بمعنى: Correlation of weight and height is equal to the correlation of height and weight ملاحظة ثالثة: هناك نوعان شهيران من الارتباط Pearson’s correlation and Spearman’s correlation يتشابهان في الغرض ويختلفان في الاستخدام ***** والآن لننتقل للموضوع الآخر الذى يطلق عليه الانحدار Regression إذا كان الارتباط correlation يستخدم لوصف العلاقة بين متغيرين فإن الانحدار Regression يقوم بحساب المعادلة الرياضية التي تصف تأثير أحد المتغيرين في المتغير الآخر وبالتالي يمكن استخدام معادلة الانحدار في التنبؤ بهذا المتغير "التابع" والذى نطلق عليه dependent variable ويمكننا تمثيل العلاقة بين المتغيرين بخط على الرسم البيانى يمثل العلاقة بينهما ولهذا الخط معادلة حسابية، تخبرنا بمقدار التغير الذى سيحدث في المتغير التابع إن حدث تغير في المتغير المستقل independent variable لاحظ أن علاقة الانحدار بين س، ص تختلف عن علاقة الانحدار بين ص ، س ، الأمر مختلف ولابد من أخذ علاقة السببية في الاعتبار، أي من المتغيرين يؤثر في الآخر الانحدار لا يقوم فقط باستخدام متغير واحد للتنبؤ بآخر ، بل إن الشائع هو استخدام أكثر من متغير للتنبؤ بمتغير واحد. على سبيل المثال: يمكننا أن نستخدم قياس السكر في الدم أثناء الصيام للتنبؤ بمستوى الهيموجلوبين السكرى Using fasting blood glucose to predict HbA1c level وقد تكون المعادلة مثلا HBA1c = 3.2+ (0.45*Blood glucose) الاستخدام الأشهر للانحدار هو التنبؤ، وهو الأمر الذى ينبنى عليه تطبيقات واستخدامات كثيرة جدا في علوم البيانات والذكاء الصناعى بينما يستخدم في الأبحاث الطبية أيضا لغرض آخر هام، ألا وهو : Controlling for other variables بمعنى أننى قد أجرى أحد البحوث الطبية لدراسة العلاقة بين التدخين و مشاكل الشرايين التاجية، هذه العلاقة قد تتأثر بعوامل أخرى كثيرة مثل الجنس ، العمر، شرب القهوة، طبيعة العمل، تناول الكحول، وجود مرض السكرى .. الخ وللوصول إلى علاقة دقيقة بين التدخين ومشاكل الشرايين التاجية، نحتاج لاستخدام نموذج انحدار أو regression model يحتوى على كل هذه العوامل السابق ذكرها. أنواع الانحدار التي نراها غالبا في الأبحاث الطبية تعتمد على المتغير التابع الذى نقوم بالتنبؤ به أو دراسة تأثير العوامل الأخرى عليه dependent variable وأشهر هذه الأنواع هي: Linear regression: for continuous dependent variable, e.g. HBA1c ويستخدم إذا كان المتغير الذى نتنبأ به متغير رقمى، مثل مستوى أحد المركبات الكيميائية في الدم، أو ضغط الدم، الخ Logistic regression: for binary variables, e.g. Yes/No, Diseased/Not diseased نستخدمه في حالة كون المتغير الذى نتنبأ به متغير من مستويين مثل وجود المرض أو عدمه ، أو حدوث الوفاة أو لا. Cox regression: for survival analysis where the outcome is time to certain event, e.g. time to recurrence نستخدمه في نوع خاص من الدراسات، والتي تقيس الزمن حتى حدوث حدث معين، مثل الزمن حتى الوفاة، أو الزمن حتى رجوع السرطان م

منقوووول
الناس الي عندها هوس تجميع الشهادات وياسلام بقى لو شهادات معتمده ومجانيه كمان 😁🔥
دي تقريبا كل الكورسات المتاحه مجانا 😊

فرصة مجانية من كورسيرا لطلاب جامعات العالم المتأثرة بكورونا بإتاحة أكثر من ٣٠٠٠ كورس و ٤٠٠ تخصص مجاناً

https://bit.ly/2ykJju0

كورسات اونلاين ببلاش حاليا من موقع futurelearn من جامعات معتمدة من انجلترااا .

https://bit.ly/2WizTaU

‎دورات Huawei Online 2020 - التعلم عبر الإنترنت من Huawei
‎الرابط https://bit.ly/3dqXr4c

إدراك بالتعاون مع الـ British council جابولينا كورس مجاني #وشهادته #مجانية ..

https://bit.ly/2W9jxlM

دورات تدريبية قصيرة فى جميع المجالات بشهادات مجانية مقدمة من #جامعة_أوكسفورد
التفاصيل : https://bit.ly/2KvTdvE

منظمة اليونسيف Unicef عاملة كورسات بشهادات مجانية باكتر من لغة منها اللغة العربية
التفاصيل و التقديم : https://bit.ly/2UXt66P

منظمة الصحة العالمية WHO عاملة كورسات مجانية بشهادات باكتر من لغة منها اللغة العربية متاحة لاي حد انه ياخدها.
التفاصيل و التسجيل 👈 https://bit.ly/2vSQ1Xp

ماتريال وكورسات مجانيه لتعلم اللغه الانجليزي من
British Council

https://bit.ly/2yl1n7H

كورسات مجانيه جديده من جامعه هارفارد

https://bit.ly/3aUUpTZ
لمواجه كورونا: أكثر من 12000 كتاب رقميّ مجاناً بانتظارك من جامعة نيويورك في أبوظبي

https://bit.ly/3bWboH1

جبنالك التطوع لحد بيتك (اونلاين) وفي الأمم المتحدة

https://bit.ly/2S6AfQo

أكثر من ٤٥٠ كورس مجاني من أعرق ٦ جامعات أمريكية في نادي الآيفي (Ivy league)

https://bit.ly/2ywtmkl

كورسات من UDEMY شرح بالعربي وبلاش

https://bit.ly/3cb0Tjl

‎دورات مجانية عبر الإنترنت بجامعة واشنطن (مهارات معتمدة)
‎الرابط: https://bit.ly/375qc4r

‎مواد مجانية لاختبار IELTS من المجلس الثقافي البريطاني - دورة التحضير لاختبار IELTS عبر الإنترنت مجانًا ...
‎الرابط: https://bit.ly/IELTS-Course

‎دورات جامعة حمد بن خليفة على الإنترنت | الدورات المعتمدة
‎الرابط: https://bit.ly/2WTEFMg

‎الدورات التدريبية لصندوق النقد الدولي 2020 بشهادات
‎الرابط https://bit.ly/IMF_Training_Courses

‎الدورات التدريبية عبر الإنترنت المجانية لمعهد الولايات المتحدة للسلام 2020
‎الرابط https://bit.ly/3dmiNQ4

‎
‎دورات مجانية للتعلم الإلكتروني مقدمة من مؤسسة اليابان في أكثر من 15 لغة
‎الرابط https://bit.ly/Japanese_Courses

‎دورات اليونيسف المجانية على الإنترنت مع شهادات مجانية
‎الرابط https://bit.ly/UNICEF_Certification

‎8 دورات لغة مجانية 2020 تعلم عبر الإنترنت مجانًا
‎الرابط https://bit.ly/Japanese_E-Learning

‎دورات مايكروسوفت المجانية على الانترنت 2020 | الشهادة الرسمية المعتمدة
‎الارتباط https://bit.ly/Microsoft_Online_Courses

‎الدورات الصيفية لجامعة كاليفورنيا في بيركلي عبر الإنترنت 2020 | دورات قصيرة مجانية
‎الرابط: https://bit.ly/California_University_Free_Certifucation

‎دورات جامعة برمنجهام على الإنترنت 2020 من المملكة المتحدة
‎الرابط:
https://bit.ly/Birmingham_University_Courses

‎الدورات التدريبية المجانية من Google 2020 | دورات بشهادات مجانية
‎الرابط: https://bit.ly/Google_World

Yale University دورات مجانية عبر الإنترنت لجميع الطلاب الدوليين || الولايات المتحدة الأمريكية
‎الرابط: https://bit.ly/Yale_University_Scholarship

‎دورات جامعة كوينزلاند على الإنترنت أستراليا 2020 (برنامج الدورات المجانية)
‎الرابط:
https://bit.ly/Australian_Government_Free_Courses

500 Ivy League دورات مجانية عبر الإنترنت من أفضل الكليات العالمية
‎الرابط: https://bit.ly/500IVY_League_Courses

‎الدورات التدريبية عبر الإنترنت لبنك التنمية الآسيوي:
‎الرابط: https://bit.ly/3ePSJP0

‎دورات جامعة كندا تورونتو مجانية
‎الرابط: https://bit.ly/2VCpMye

‎دورات جامعة أديلايد القصيرة عبر الإنترنت من أستراليا
‎الرابط: https://bit.ly/2ypazrI

‎دورات جامعة ميشيغان عبر الإنترنت
‎الرابط: https://bit.ly/3eZvIcw

‎دورات EPFL سويسرا على الإنترنت - المعهد الفيدرالي السويسري للتكنولوجيا في لوزان
‎الرابط: https://bit.ly/2Y5S4D7

و من دواعى الفخر لمصر 🇪🇬 أنك لو بتقلب فى سلسلة "أطباء لا تنسى Memorable Doctors" فى مجلة BMJ هتلاقى مقالة عن الطبيب المصرى "نجيب باشا محفوظ: أول أستاذ للنسا و التوليد فى مصر" [1,2] بعنوان The life of an Egyptian Doctor 📜 د. نجيب اتولد سنة 1882 ... كانت ولادته متعسرة و الداية اللى ولدته فى البداية افتكرته ميت Stillborn لحد ما عمته لاحظت أنه بيتنفس نفس ضعيف فأنعشوه و عاش ... تفوق فى دراسته و اتخرج من كلية طب القصر العينى سنة 1902. الراجل ده هو أول من طبق مبادئ Epidemiology بشكل علمى فى مصر ... اذ يحكى ان بعد تخرجه تم تعيينه مع زمايله لاكشاف حالات Cholera اللى جايه القاهرة عن طريق السكة الحديد ... فطلب من نفسه أنه يتنقل لأشد قرية منتشر فيها الوباء (قرية موشا فى أسيوط) ... و هناك اكتشف مصدر الوباء (بئر ملوث فى القرية) 🕳. اتخصص بعد كده فى التخدير ... و بيحكى فى مذكراته أنه "فى أحد الليالى كان بيساعد جراح اسمه د. شكرى (كان دكاترة النسا قليلين جدا ساعتها و كان اللى بيقوم بالولادة عادة الدايات و لو حالة صعبة بيحولوها لقسم الجراحة) ... المهم د. شكرى كان بيولد حالة صعبة ب Forceps حاول يخرح رأس الجنين و معرفش ... فطلب من د. نجيب (لأن ايديه أرفع منه) أنه يقلب الجنين Podalic version عشان يخرج رجليه الأول ... رفض د. نجيب و قاله أنه ما عندوش خبرة فى التوليد ... فعملها الراجل بنفسه و نجح أنه ينزل الجنين لحد كتفه و بعدين من كتر شدهم لجسم الجنين انفصلت راسه جوا رحم الأم و ماتت الأم بعدها ... ساعتها قرر أنه يتخصص نسا و توليد عشان يساعد السيدات اللى بيعانوا أثناء الولادة". أهم انجازاته: * طور عمليات Repair of urinary and fecal fistula و يقال أنه كان يدعى الى جامعات بريطانيا و سويسرا لاستعراض جراحاته. كما أنه أول من أنشأ عيادات للعناية بصحة المرأة و الحمل فى مصر و أسس برنامج القابلات Midwives المدربات على التوليد المنزلى سنة 1919 (قبل انشاءه فى بريطانيا بسنة) ✊. * أسس على حسابه متحف خاص للنسا و التوليد بكلية طب القصر العينى فيه أكتر من 3000 عينة ... تم تجديد المتحف [3] و اعادة افتتاحه سنة 2018 ... و بالتالى هو ممكن يكون معروف لطلبة القصر العينى و لكن شهرته أقل فى باقى الجامعات المصرية (و لذا وجب التعريف). العينات اللى فى المتحف جمعها فى كتاب [4] اسمه Atlas of Mahfouz's Obstetric and Gynecological Museum ... طبقا للمقال [1] رئيس الكلية المليكة لجراحين النسا و التوليد د. Eardley Holland قال عن الكتاب: No doubt the best book that has appeared in obstetrics and gynecology * له كتاب اسمه "History of Medical Education in Egypt" دورت عليه و لقيته فى مكتبة Countway فى هارفارد [5] و باذن الله سنعرض منه مقتطفات لاحقا 🤞. و من المفارقات العجيبة أن تم تسمية الأديب الراحل "نجيب محفوظ" على اسمه لأنه اتولد على ايده بعد ولادة متعسرة. ألف كتاب عن حياته [6] سنة 1966 بعنوان The Life of an Egyptian Doctor قال فيه عميد الأدب العربى طه حسين: "هَذَا كِتَابٌ مُمْتِعٌ الَّى أَقْصَى غَايَاتِ الامتاعِ" 💙
https://m.facebook.com/story.php?story_fbid=3135015569924726&id=100002489404697

للمهتمين ب #تحليل_البيانات كان ولازل علم _الاحصاء و تحليل البيانات احدى الركائز الاساسية في اتخاذ القرارات بمختلف انواعهاوعلى مختلف المستويات الفردية الشخصية و المؤسساستية , وواحدة من الادوات المحورية في المجال البحثي الأكاديمية التي تبنى على اساسها النتيجة و القرار , ومع تزايد الاهتمام في مجال علوم البيانات في عصرنا الحالي اصبح من المهم لكل فرد اكاديمي او مهني الالمام بالمفاهيم الاساسية في علم الاحصاء لتوظيفها واستخامها بشكل صحيح في مختلف القطاعات و الاختصاصات .تهدف هذه السلسلة من المحاضرات التي تقدمها مؤسسة الخدمات الأكاديمية الإحصائية والاقتصادية إلى تقديم المفاهيم الأساسية في علم الاحصاء و تحليل البيانات عن طريق استخدام برنامج التحليل الاحصائي "SPSS" والذي يعد من أحد اشهر البرمجيات الاحصائية وأكثرها شعبية في العالم العربي في مجال تحليل البيانات. ستكون هذه الدورة مليئة بالأمثلة العملية والتمارين التفاعلية التي ستعمل على ترسيخ المفاهيم النظرية وتوضيحها. رابط الدورة في أول تعليق ......... Datalytic team فريق متخصص بخدمات البحث العلمي والتحليل الاحصائي. لطلب الخدمات يمكنكم التواصل معنا من خلال رسائل الصفحة. #Datalytic_team #Research #SPSS
https://m.facebook.com/story.php?story_fbid=3334874373190999&id=143547088990426

لكل اللي داخلين امتحانات زمالة او عضوية او معادلة في كل التخصصات او مهتم يعرف اساسيات الاحصاء الطبي عشان ممارسته العامة الفيديوهات اللي عملينها علي قناتنا علي اليوتيوب عن الاحصاء الطبي ممكن تكون مغطية ٩٥٪ من كل اللي انت محتاج تعرفه عشان تحل اي سؤال في اي امتحان او تقرا اي ورقة علمية الفيديوهات موجودين باللغتين العربية و الانجليزية مجموع الفيديوهات من كل لغة حوالي ٣ ساعات ٣ ساعات بس تفصلك عن تخطي العقبة دي الفيديوهات باللغة الانجليزية الفيديو الاول https://youtu.be/01uM0aaIM_4 الفيديو التاني https://youtu.be/5pW_gOkZTx4 =================== باللغة العربية: الفيديو الاول https://youtu.be/p41dqn5di5g الفيديو التاني https://youtu.be/FXeFJmAT0EY الفيديو التالت https://youtu.be/tZ73vexjDtI الفيديو الرابع https://youtu.be/WaodoMYFetk =================== زي ما قولت كل مجموعة حوالي ٣ ساعات بس متخليش الروابط دي تقف عندك شاركها مع اصدقائك اللي ممكن يستفيدو منها و اشتركو في القناة عشان يوصلكم كل جديد القناة فيها فيديوهات تانية تنفع لكل التخصصات و فيديوهات جراحية متخصصة و فيديوهات في تخصص النسا و الولادة كمان تابعونا
https://m.facebook.com/story.php?story_fbid=1102333600139937&id=520064141700222

فى كورس روعة على Coursera من Yale University بعنوان: "ليه أخبار الفيسبوك عن الأبحاث الطبية هرى؟" 🤔 مثلا: "اكتشاف علاج جديد للكورونا يقضى على الفيروس فى ساعات" "دراسة بريطانية تؤكد أن الطفل المصرى هو أذكى طفل فى العالم" أكيد قابلك عناوين زى دول كتير و خصوصا فى المجلات الهابطة زى اليوم السابع و الوطن و أخبار اليوم و غيرها ... و لاحظ أنه دايما لازم يبدأها بدراسة بريطانية أو ألمانية (لزوم الثقة يعنى) 😅... و للأسف أحيانا بعض الأطباء بيقع فى نفس المشكلة و بيترجم الدراسة ترجمة سطحية و بشكل حماسى ما بيعكسش محتواها. الكورس ده هيشرحلك الأول أنواع الدراسات و أساسيات الاحصاء بشكل مبسط جدا و بعدين ازاى تترجم نتائج الأبحاث الطبية و ايه أنواع التحيز Bias و ازاى تتجنبها؟ 👌 اللى بيشرح الكورس ده Perry Wilson أستاذ مساعد فى Yale و هو موهوب فى الشرح و توصيل المعلومة ... بيعمل فيديوهات على Medscape اسمها Impact Factor بيعلق فيها على نتايج أحدث الدراسات الطبية 💙. فى زمن الهرى اللى احنا فيه برشح الكورس ده لأى حد مش للأطباء فقط. رابط الكورس فى أول تعليق ⬇️. #علم_ينتفع_به
https://m.facebook.com/story.php?story_fbid=3138157056277244&id=100002489404697

أبسط وأجمل 5 كتب في الإحصاء الطبي تم اختيار هذه الكتب بناء على خبرة شخصية مبنية على التعامل مع عشرات الكتب في المجال على مدار عدة سنوات، ومعيار اختيار هذه الكتب هو البساطة والوضوح وتيسير المعلومة دون حشو أو تطويل ************** 1- Medical statistics at a glance, 4th edition 2019. 211 pages يعتبر هذا الكتاب من أبسط الكتب وأكثرها تنظيما حيث يعتمد نفس الطريقة المتبعة في السلسلة من عرض كل موضوع في صفحتين متقابلتين ، ويبدأ بالشرح ثم يعرض المثال التوضيحى، يغطى الكتاب معظم جوانب أساسيات الإحصاء الطبي ************** 2- Medical statistics from scratch, 3ed edition 2014, 408 pages يتميز هذا الكتاب بتبسيطه الشديد ولغته السهلة وأسلوب الحوار الذى يستخدمه، كما تتميز هذه الطبعة بوجود شرح لجداول مخرجات برنامج spss لذا يمكن القول أنه مناسب كثيرا لمن يحب أن يبدأ في تعلم الإحصاء الطبي بدون مساعدة خارجية ************** 3- Oxford handbook for medical statistics, 2nd edition 2020, 641 pages تماما مثل كل السلسلة التي ينتمى إليها ، كتاب صغير الحجم على ورق رقيق للغاية يمكن حمله في الجيب ، يتميز بشرح مبسط سهل الفهم ، ومما يحسب لهذا الكتاب أيضا مناقشته لبعض الموضوعات المتعلقة بتصميم التجارب العلمية ، وبعض الأخطاء التي يقع فيها الباحثين ، النسخة الورقية أجمل بلا شك من الالكترونية ، وقد صدرت هذه الطبعة الجديدة قبل أيام قليلة ************** 4- Medical statistics made easy, 3rd edition 2014, 160 pages كتاب صغير وسهل قليل الصفحات، لن يعلمك بالتأكيد الإحصاء ، ولكنه يبسط لك المفاهيم والمصطلحات ، يمكنك أن تقرأ فيه موضوعات مختلفة بطريقة سهلة ومبسطة ، ويصلح كبداية لمن لا يمتلكون الكثير من الوقت ************** 5- How to Use SPSS, 10th Edition 2017, 178 pages من أفضل وأبسط الكتب في شرح برنامج spss أولا حجمه صغير فلا يوجد به الكثير من الحشو ، ثانيا يعرض لقطات للشاشة فيسهل التعلم منه ، وثالثا وهو الأهم يعرض تفسيرا واضحا للنتيجة ويكتب لك التعليق بنفس الطريقة التي تحتاجها سواء كانت النتيجة ذات دلالة إحصائية ام لا يعيبه فقط أنه للمستوى المبتدىء فلا يشتمل على بعض الاختبارات المتقدمة ، ولكنه كاف للاختبارات الأساسية ************** بالتأكيد هناك كتب أخرى كثيرة تختلف من حيث الحجم ودرجة العمق والتفصيل، ولكن أردنا أن نعرض لكم الكتب التي جربناها ووجدناها ذات فائدة كبيرة تجعلنا نحرص على العودة إليها من وقت لآخر.. جميع هذه الكتب متاحة للتحميل على الانترنت، ربما لا تكون النسخة الأحدث متاحة، ولكن النسخ المتاحة كافية نتمنى لكم تجربة تعليمية ممتعة
https://www.facebook.com/statistics.for.doctors/posts/1645126452321325/

https://docs.google.com/forms/d/e/1FAIpQLSciUuLkrtGe9sCsJRlQa_E0yQrJrkCHA5CiBiDtL3GWlskIbA/viewform

دي دراسة بنعملها بنشوف ال burnout بين ال Health care personnel working in quarantine hospitals
ف لو شغال في مستشفى عزل ياريت تساعدنا ب مليء الاستبيان
مش هياخد منك وقت بإذن الله✌️
ولو تقدر تساعدنا بنشره يبقي جزاك الله خير الجزاء 🌺