كل عام وانتم بخير وصحه وسلامة 🌹

لو أنت من قارة آسيا أو أفريقيا ..
لو معاك درجة الدكتوراة أو فى سبيلك للحصول عليها خلال 6 أشهر من الآن ..
لو عاوز تشتغل ك Postdoc في الصين ..
النهاردة بنفتح الباب لأستقبال الدفعة الثانية من أول دورة من نوعها تحت العنوان ده
أسرار الحصول علي بوست دوك في الصين
Postdoc in China from A to Z

الدورة 5 محاضرات متتالية وهتتاخد أون لاين فى شهر مارس القادم من خلال محاضرات مسجلة على برنامج التليجرام:
المحاضرة الأولى:
1- ليه البوست دوك في الصين فرصة ذهبية لكل باحث.
2- ازاي ممكن تكتب سيرة ذاتيه أحترافية للبوست دوك.
3- أزاي ممكن تكتب وتصمم مشروع بحثي للبوست دوك.
4- كيف تكتب Research Plan بإحتراف.
5- ازاي ممكن تكتب إيميل لل advisor وتاخد موافقته؟ وأزاى تحول الرد بالرفض لفرصة جديدة للقبول؟
6- أزاي تقدر تجتاز المقابلة الشخصية إن وجدت.
المحاضرة الثانية والثالثة والرابعة:
هنتكلم فيهم على أشهر البوست دوك الموجودة في الصين واللي أغلب الناس لا يعرفونها؟ المميزات؟ العيوبهم إن وجدت؟ وازاي تقدم فيهم؟
المحاضرة الخامسة:
1- ايه اللى هتعمله بعد القبول سواء لتجهيز مستنداتك والحصول على الفيزا أو لاستخراج قرار السفر والموافقة الأمنية من مكان شغلك.
2- أزاى ممكن تسافر ومين هيدفع ثمن التذكرة؟ وأرخص تذكرة أزاى ممكن توصلها؟
3- خطة للعام الأول من البوست دوك!
4- كيف تعيش داخل الحياة العلمية وكاريرك العلمي داخل الصين؟
5- ايه أهم عشر نقاط مفروض تعملهم اول ما توصل الصين؟
6- أزاى ممكن تتفادى خصم الضرائب من راتبك وأزاى ممكن تعمل فلوس فى الصين؟
7- أهم المشروعات البحثية اللى ممكن تقدم عليها فى الصين؟
8- - إزاي ممكن تقضي أكثر من عشر سنوات في الصين كبوست دوك لو أردت؟
9- أزاى تحصل على وظيفة استاف فى جامعة صينية وهل فيه فرق بينها وبين ال Postdoc؟
10- أفكار لتجد عملا لزوجتك بالصين إذا أرادت!
11- كيف تحصل علي الأقامة الدائمة في الصين؟

للحجز والإشتراك يرجي ملئ النموذج علي الرابط التالي وسيتم التواصل معك عن طريق الايميل:

https://tinyurl.com/postdocinchina

مقدم الدورة د. محمد مصطفى فرج
باحث ما بعد الدكتوراة بالصين
باحث بمعهد بحوث البساتين بمصر
كاتب ومحاضر فى مهارات البحث العلمى

هو: البحث اللى بعتهولى مش متظبط على فورمات المجلة !!
أنا: أزاى؟ زميلنا اللى راجع البحث ظبطه كويس على فورمات المجلة .. البحث جاهز للإرسال للمجلة بدون تأخير !!

هو: لا .. فيه حاجات محتاجة تظبيط .. زى أنه لازم يتكتب ايميلات المؤلفين جمب ال Affiliation بتاعهم فى البحث .. زى طريقة كتابة ال Author contributions أو مساهمات كل باحث فى البحث .. حاجات بسيطة زى دى ممكن تخلى المجلة ترجع البحث لينا تانى أو ترفض دخوله للمراجعة.
أنا: تمام .. الله يعينك.

وبالفعل .. فمن الأسباب الغير ظاهرة لرفض البحوث للنشر أو على الأقل اللى بتخلى عملية المراجعة Revision تأخد وقت أطول فى كتير من المجلات هى أن البحث ميكونش مكتوب بطريقة مظبوطة طبقاً ل Author guidlines الخاصة بالمجلة ..

حاجات زى عدد كلمات البحث بعض المجلات بتحدد أن البحث لا يزيد عن عدد كلمات معينة ... كذلك مسافات هوامش الصفحات .. طريقة ترقيم الصفحات .. المسافات بين الأسطر .. طريقة كتابة الإستشهاد Citation داخل النص .. وطريقة كتابة المراجع Reference ... عدد كلمات الملخص .. وكذلك طريقة كتابتة لأن بعض المجلات بتطلب ملخص تفصيلى للبحث .. نوع وحجم الخط للنص Text وللعناوين الرئيسية والفرعية وعنوان البحث Title .. أضافة لعشرات التفاصيل الأخرى الصغيرة والكبيرة التى لا يتسع المقام لذكرها.

علشان كده .. مهم جداً قبل ما تبعت البحث للمجلة Submission أنك تراجع كويس تعليمات المجلة للمؤلفين Authors Guidlines وتتأكد أنك مطبقها فى كل شىء ..

كذلك علشان تكون مطمئن أكثر .. نزل بحث من آخر البحوث المنشورة فى المجلة وقارن ال Manuscript بتاعتك بشكل عام بالبحث ده علشان تشوف لو فيه شىء مختلف أو ناقص تقدر تصلحه .. بكده تقدر توفر كثير من الوقت والجهد .. وأنت المستفيد بإذن الله.

تمنياتى بالتوفيق للجميع
د. محمد مصطفى فرج
باحث بمعهد بحوث البساتين - مصر
باحث ما بعد الدكتوراة بأكاديمية جواندونج للعلوم الزراعية - الصين
كاتب ومحاضر فى مهارات البحث العلمى

لجديد الفيديوهات فى مهارات البحث العلمى إشترك فى قناتى على اليوتيوب
https://www.youtube.com/channel/UCIVtnnWOLraagK8LALaUgKw

لو حضرتك ناوي تشتغل أو بالفعل شغال في مجال البحث العلمي، أكيد لازم تتعلم الكتابة العلمية الصحيحة، ولأن الجامعات الكبيرة مثل Stanford و Harvard حتى Aalto الفنلندية وغيرهم... عارفين إن الكتابة الأكاديمية مهارة في غاية الأهمية لأي طالب سواء جامعي أو ماجستير أو دكتوراه وأستاذ، فعندهم متخصصين يعلموا طلابهم كيفية كتابة بحث.. مشروع.. رسالة ماجستير أو دكتوراه.. أو حتى كتاب.. الكتابة الأكاديمية وصياغة علم أو تجربة في صورة كتاب أورقة بحثية، ليست لغة إنجليزية فقط وإنما في الأساس علم مستقل بذاته بدوراته بأبحاثه بمتخصصيه.. واللي ممكن يساعدوك إنك تتعلم صح وتحترف مع الوقت.. هنا كورس متكامل ومجاني لتنمية مهاراتك اللغوية للكتابة العلمية بطريقة صحيحة ... كورس متميز وعالمي، ولغة المحاضر يسهل فهمها والتعلم منها. وفى نفس الوقت دسم ومحتاج مجهود ووقت لكي تجتازه بنجاح ..الكورس ده هيفيدك طول حياتك كباحث أو أكاديمي وبتقدمه واحده من أفضل المحاضرين بجامعة Stanford الشهيرة الكورس محتاج من حضرتك أربع ساعات على الأقل أسبوعياً فى الدراسة .. بالتأكيد الكورس باللغة الأنجليزية لكن لاتقلق، موجود ملف مرفق مع الفيديوهات بيكون مرفق فيه كل كلمة أتذكرت فى الفيديو مكتوبة .. وطبعا حضرتك في الصيف وموضوع كورونا والحجر.. ففيه وقت لابد أن تستثمر فيه الكورس موجود على موقع كورسيرا على الرابط ده .. https://www.coursera.org/learn/sciwrite/ لو ملكش أكاونت على الموقع أعمل أكاونت وبعد كده أفتح صفحة الكورس وتأكد أن أسمك على الموقع هو الاسم اللى عاوزه يظهر فى شهادة حضور الكورس لو حضرتك محتاج شهادة بعد الإنتهاء من الكورس، فممكن Apply to Financial Aid وفي الغالب هتوصلك الشهادة بعد اسبوعين تقريبا، مجانا.. الكورس من قوته وتأثيره العالمي، مشترك فيه ومسجل حاليا أكثر من 140 الف طالب وباحث وأكاديمي حول العالم، وطبعا ال Review على الكورس وجودته واحترافية المحاضر... تاريخي يافندم المرة القادمة بإذن الله هكلم حضراتكم عن كورس للنشر العلمي وكيفية تعلمه بطريقة صحيحة ياريت ننفع غيرنا نفع الله بكم❤
https://m.facebook.com/story.php?story_fbid=2424528791166305&id=1854375744848282

Scientific Sessions is one week away. Register now: https://virtual.lww.com/ADA2020Sessions?utm_source=referral&utm_medium=WKUTDSocialMediachan&utm_campaign=adavirtual2020 #COVID19 won't stop 80 years of progress! American Diabetes Association
https://m.facebook.com/story.php?story_fbid=2840833596039842&id=248997725223455

كل اللي بيبحث عن منح ماجستير أو دكتوراه ولا تشترط IELTS أو TOEFL يجمع هنا فورا منح حكومة ماليزيا 2021 (ممولة بالكامل) UKM - جميع الجنسيات مؤهلة ويمكنها التقديم / جميع التخصصات متاحة -جامعة عريقة ومجتمع إسلامي وطبيعة خلابة (طب , هندسة , علوم , تكنولوجيا المعلومات , إقتصاد , إدارة , قانون , آداب , تاريخ , علوم شرعية , علوم إجتماعية, زراعة, لغات, تربية) التفاصيل و التقديم: http://www.ukm.my/pusatsiswazah/en-vicechancellorscholarship/?fbclid=IwAR38zLmi7jOG4PKK2zDeL1mmHWgm9Fc2qXo7PcyhYzS7YpOCS5S9xqj8sCU الموعد النهائى للتقديم : 6 يوليو 2020 ياريت ننفع غيرنا بالمنشور نفع الله بكم ❤
https://m.facebook.com/story.php?story_fbid=2425690634383454&id=1854375744848282

السلام عليكم و رحمة الله و بركاته نقدم لكم اليوم متابعينا الكرام فرصة تدريب مثالية و متميزة و مجانية و ستحصل على شهادة لها وزن ... و هى ورش عمل أكاديمية الداد بالقاهرة و تعقد بمقر هيئة الداد (الهيئة الألمانية للتبادل العلمى) بالزمالك لمدة يوم كامل ... يحاضر بها نخبه من افضل المدربين و الخبراء المصريين و الالمان مستوى الإستفادة فيها مذهل و عن تجربة كما يحصل الحضور على شهادة فى اخر اليوم التدريبى من الداد و طبعا لها وزنها فى ال CV.... انصح كل من يبحث عن تطوير مهاراته العلمية و الذاتيه و الأكاديمية أن يحاول الحضور فى ايا من تلك الورش فالمنافسة على الحضور كبيرة ... طبعا بسبب فيروس كورونا تم تحويل الورش لتكون اون لاين و تمتد لأكثر من يوم ... رابط الدخول على أكاديمية الداد ... http://dka.daadcairo.org/
https://m.facebook.com/story.php?story_fbid=2425932324359285&id=1854375744848282

الغيرة بين الأطباء و طلبة الطب 👨‍⚕️🔥 "بالرغم أن د. ثورن كان مقدس بين أهل قريته اللى كانوا مبهورين بشهاداته العلمية الا أنه كان بيغير بشدة من زميله الجديد د. فيلجريف و كانوا علطول بيتكلموا ضد بعض و بينتقدوا بعض فى العلن" ده جزء من رواية Dr. Thorne (سنة 1858) للكاتب الانجليزى Anthony Trollope. سنة 2004 فيلسوف ايطالى اسمه Signor Ferriani عمل مقياس للغيرة المهنية و قال أنه طبقا للمقياس ده أعلى مهن فيها غيرة هى الطب و السياسة ... ده بيأكد مثل لاتينى قديم Invidia medicorum pessima (معناه Envy among doctors is the worst) ... فى أمثلة تانية كتير من تاريخ الأدب و الفلسفة على تفحل الغيرة المهنية فى المجتمع الطبى و لكن للأسف الأبحاث المنشورة عنها قليلة و ضعيفة جدا ... فى البوست ده تعالوا نناقش الموضوع بشكل أعمق لأنى بقالى فترة بقرأ فيه 👇. الغيرة بين الأطباء ما بتبدأش من كلية الطب ... بل من المدرسة اللى بيبدأ فيها الطلاب و خصوصا التنافسيين يقارنوا نفسهم بزمايلهم من ناحية الدرجات و مدح المدرسين ... بعد دخول الكلية و لأن الطب مهنة راقية فى أى مجتمع بيبدأ الطالب يحس أنه بقى شخص مهم و يتكون عنده شعور Self-sufficiency ... طول مدة الدراسة فى الكلية و بعدها طول مدة التدريب الطبى اللازم للتخصص مع مئات الامتحانات فى المدة دى: كل دى بتمثل نقط محتملة للتنافس و المقارنة Academic Jealousy ... بعد التخرج و التخصص بتبدأ الغيرة دى تاخد شكل تانى و هى الغيرة المهنية Professional Jealousy. فى مقالة قريتها من فترة الأوثرز قسموا أسباب الغيرة بين الأطباء الى تلات أقسام 👈: أولا Skill-based: و دى أن الواحد يغير من شطارة زميله مثلا فى تشخيص أو علاج الحالات الصعبة ... النوع ده قوى جدا بالذات فى التخصصات الجراحية ⚔️ ثانيا Hierarchical: و دى اللى بتنتج من السيستم و السلم الوظيفى (و دى فى مصر الله ينور) زى أن الواحد يغير من السنيورز اللى فوقه أو السنيورز ما يعلموش اللى تحتهم و يضطدوهم عشان ما ينافسوهمش (من وجهة نظرهم) ... النوع ده قوى بالذات فى التخصصات الباطنية و طب المستشفيات 🏨. ثالثا Patient-related: و دى أن الواحد يغير من زميله اللى عنده مرضى أكتر ... و النوع ده قوى بالذات فى الطب الخاص 💸. لما تقرأ شوية فى نظريات علم النفس اللى بتفسر الغيرة المهنية عموما ... فى نظريتين مسيطرين: 1. المقارنة المجتمعية Social Comparison Theory: و هى أن الواحد بيقارن نفسه بزميله صاحب نفس المهنة فى المجتمع و كمان بيبقى عنده قلق من مقارنة الناس المحيطين ليه بزميله. 2. تعزيز الذات Self-enhancement Theory: و هى أن الشخص لازم يبقى باستمرار حاسس بالرضا عن نفسه و باحترامه لذته و الاحساس ده بيتضرب فى حالة الفشل أو الشعور بالدونية فى المقارنة ... ده بيزيد جدا فى الشخص اللى حاسس أنه فى فرق كبير بين الانجاز المهنى اللى حققه على أرض الواقع Actual و اللى نفسه يحققه Ideal. الغيرة دى بتظهر نفسها فى بعض التصرفات زى التفاخر الأوفر و الخوف المستمر من الحسد و التنمر و الاختلافات على أسباب تافهة و الانتقادات الكتير Defense Mechanisms و اللى أحيانا بتنتهى بجزء من الطلبة أو الأطباء للأمراض النفسية و اضطرابات الشخصية. ده غير تأثيرها على المجتمع و مصلحة المريض و رؤية العامة لمهنة الطب فى العموم ⬇️ ... و عشان كده لازم يكون ليها حلول ... للأسف معظم الحلول اللى لقيتها منشورة فى الأدب الطبى كلام عام و مش مبنى على دليل علمى ... مثلا بعض الأوثرز قالوا احنا لازم كل شوية نفكر الأطباء بالقسم اللى أقسموه فى بداية ممارسة المهنة أن أهم حاجة عندهم هى التفانى فى خدمة المريض و ليس المجد الشخصى و لازم نعزز فضيلة التواضع و ظبط النفس بين الأطباء ... اللى هو كلام جميل بس ازاى؟ و ازاى تنفذه بشكل Sustainable؟ 🤔... للأسف الأبحاث المنشورة عن تقييم انتشار الظاهرة دى فى المجتمع الطبى و العوامل المؤدية ليها و اختبار حلول ليها بشكل محترم تتعد على أصابع اليد الواحدة. دايما الحل للتغلب على أى ظاهرة سلبية فى المجتمع هو أننا نتكلم عنها بصراحة و بشجاعة .. و عشان كده أتمنى فعلا أن تتعمل دراسات محترمة عن الموضوع و أن يشارك فيها أخصائيين نفسيين Psychologists يستخدموا أدوات مناسبة زى Qualitative interviews عشان يقيسوا مشاعر معقدة زى دى و بعدين يقيموا فاعلية Interventions فى السيطرة عليها. فى جملة رائعة قريتها مؤخرا: Every Profession has a product In academic medicine, You are the product ... It gets personal يتبع ....
https://m.facebook.com/story.php?story_fbid=3087442371348713&id=100002489404697

الخبر الأول عندنا النهاردة بخصوص الأفيجان (Favipravir) .. تم تجريبه في دراسة في جامعة عين شمس في تجربة سريرية تم توزيع 100 مريض إلى مجموعتين: المجموعة الأولى 50 مريض أخدوا الأفيجان و المجموعة التانية (المجموعة الضابطة 50 مريض) أخدوا الكلوروكين (اللي هو العلاج العادي في بروتوكول وزارة الصحة) ... فكانت النتائج ان نسب التعافي (سلبية المسحة) خلال 3 أيام كانت 34% في المجموعة التجريبية (الأفيجان) مقارنة ب 32% في المجموعة الضابطة (الكلوركوين) و الفرق دا كان بدون دلالة إحصائية (غير واضح إحصائيا) .. كيف يتم ترجمة هذه النتائج بشكل صحيح؟ للأسف بعض الأطباء و وسائل الإعلام استنتجوا ان دا دليل على ان الأفيجان مكافيء للكلوروكين و بالتالي هو فعال في علاج الكورونا .. و لذلك سمعنا امبارح في برنامج "مصر تستطيع" نفس الكلام و قرأنا امبارح أخبار زي دا مثلا في اليوم السابع (نتائج مبشرة للأفيجان؟!!) الخطأ هنا ان الكلوروكين نفسه مش فعال .. و عدم اختلاف الأفيجان عنده يعني انه هو كمان مش فعال حتى اللحظة .. و نحتاج لمزيد من الدراسات و دا اللي قاله (د. حسام حسني) رئيس اللجنة العلمية لمكافحة ​فيروس كورونا​ المستجد في مصر - و هو دا الاستنتاج العلمي الصحيح من النتائج .. بالإضافة إلى ذلك حجم العينة صغير و الأهم هو مقارنة نسب الوفيات و متابعة احتياج العناية الحرجة خلال 28 يوم .. و دي معايير نجاح الدواء الأهم .. ملحوظة تانية بردو .. روسيا مش هتصنع دواء جديد .. و الأخبار المتداولة دي غير صحيحة .. دواء ال "أفيفافير" هو هو الأفيجان بس دا اسم تجاري تاني ليه
https://m.facebook.com/story.php?story_fbid=2056455587812688&id=100003447998664

بسم الله الرحمن الرحيم قال تعالى "فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْض" ⁦☢️⁩ تحذير المنشور طويل ⁦☢️⁩ كثير من الزملاء كان بيسأل الفترة الماضية ازاي يبدا طريق ال Research والحقيقة أنا مش أفضل حد يجاوب علي السؤال ده لكن أنا هنقل تجربتي ووجهة نظرى القاصرة في الموضوع (والتي تحتمل الخطأ والصواب .. عادي يعني 😂)... في البداية متنساش تعمل share عشان البوست يوصل لاكبر عدد من المهتمين.. تبسيطا للموضوع هنحاول نناقشه في شكل عناصر ونقاط ازاي ابدأ طريق الريسيرش؟ ازاي تبدأ دا اسهل شيء في الموضوع .. لكن ازاي تنتج وتستمر دا الجزء الاصعب .. البداية ياسيدي بتكون من مجرد طرحك للسؤال .. مبروك انت كده علي أول الطريق .. الطريق دا بيحتاج لعدة صفات لابد تكون متوفرة فيك ولو مش متوفرة ابدا عود نفسك عليها: • الفضول وحب الاستطلاع والمعرفة • الاصرار والعزيمة • التواضع • سرعة التعلم • تحمل الضغط النفسى والبدني • القدرة علي المشاركة ونقل الخبرات دول أهم الصفات الي بتسمح لك تبدا .. وتنتج .. وتستمر في هذا الطريق .. وطبعا قبل كل ده "النية الصالحة" .. انك تنوي طلب العلم ونفع الناس و الدين والوطن .. ودي مهمة اوووي عشان تستجلب "التوفيق" من الله .. الي من غيره كل الي فات والي جاي ملوش لازمة. هيأت نفسك خلاص؟! تعالى نبدأ كلمة السر هي "ترتيب الأولويات" 🔔 ودي هنستطرد شوية في شرحها .. الي بيفرق اي إثنين في المجال دا هو ترتيب الأولويات .. بمعني انت كطالب طب أو خريج حديث لازم يكون ليك خطط مرتبة علي حسب اولوياتك .. فمثلا لو انت شخص ناوي على سفر فدا بالنسبة لك (Plan A) وبالتالي الاستمرار هنا هيبقي (Plan B) .. فمينفعش تستهلك وقتك كله في التحضير للخطة البديلة وتترك الخطة الاساسية .. وكذلك مينفعش تهمل الخطة البديلة وتركز فقط علي الاساسية .. فتخسر الاثنين لا قدر الله لو حصل اي ظرف .. ولذلك لابد من توازن والتوازن دا في وجهة نظري ممكن يتحقق بالتالي • لو انت طالب في سنة 1-3 تركيزك كله منصب علي انك تبني Basic knowledge علي قدر ما تقدر .. مهمتك في الفترة دي تبني قاعدة علمية وطبية قوية لان دي الي هتسندك قدام في اي حاجة. • طالب سنة رابعة يبدأ في دراسة بعض مفاهيم البحث العلمي وخصوصا ال "Research Methodology" ودي هتفيدك اثناء دراستك في الكلية وهتفيدك جدا بعدين في البحث العلمي لو "اتقنتها"🔔 • طالب خامسة وساتة: ده وقتك ياكبير تبدأ تكتسب مهارات البحث العلمي بجوار الدراسة ويفضل انك تركز علي دول وتوزع مجهودك بناء علي النسب دي: ✓ الكتابة العلمية 80% ✓ الاحصاء الطبية 15% ✓ النشر والتعامل مع المجلات العلمية 5% ومفيش مانع تبدا تدخل في فرق بحثية تتعلم منهم وتكتسب المهارة وتشارك في مشاريع بحثية معدة للنشر الدولي. • تخرجت خلاص وربنا اكرمك .. محتاج تبذل شوية مجهود -بجوار مذاكرتك للمعادلات أو اللغة أو التحضير للماستر- في تكوين العلاقات الصحية (وركز علي الصحية دي) مع بعض الاساتذة المحبين للعلم والتعليم وتستفيد من توجيهاتهم وتشترك معاهم في الابحاث الراقية. 🔔مجموعة نصايح مهمة🔔 1-متهملش الكلية لصالح الشغل مهما كان .. دراستك أهم حاجة في المرحلة دي. 2- لو انت سريع التعلم أحضر كورس واحد فقط من الكورسات الي بيعملها الزملاء يفتحلك الطريق وبعد كده ابدا مع نفسك واتعلم. 3- لو ربنا اكرمك ب Mentor خلال رحلة التعلم يبقي ممتاز اووووي .. فاجتهد في البحث عن مشرف لان هيوفر عليك كثير من الوقت والجهد بنصائحه وتوجيهاته 4- متتعلمش كل حاجة مرة واحدة حاول تتقن مهارة واحدة وتصقلها لحد ما تتمكن منها وبعد كده انتقل للي بعدها .. مش مطلوب منك تكون "فاندام" 5- متنشرش لمجرد النشر .. وركز اوي علي القيمة العلمية والفايدة والرسالة الي عاوز توصلها من الورقة العلمية "مش تستيف ورق وخلاص" 6- الموضوع حلو في الاول .. وبعد كده مجهد اوي .. فلازم يكون هدفك طول الوقت قدامك عشان تستسيغ الجهد دا وتقدر تستمر 7- متسمعش لأى حد بيحاول يحبطك (ودول كتير اوي 😂) 8- متنشرش في مجال انت مش ناوي تتخصص فيه (متغلطش غلطتي😌).. ولو فرضنا انك مش عارف هتتخصص في ايه .. فاشتغل في الشيء الي انت بتحبه وعلي قائمة اهدافك للتخصص (مش عاوز تتخصص باطنة وتروح تنشر جراحة .. أصحى للكلام 😂) 9- مفيش مانع تنشر بعض الريفيوهات وال Meta-analysis لحد ما تلاقي فرصة لشغل Original. 10- اخلاقيات البحث العلمي والتعامل مع الزملاء والاستاذة والطلاب مهمة اووووي .. متخسرش حد عشان الشغل .. مش مستاهلة يعني. 🔔بعض المصادر المهمة⁦🔔 • لو عاوز كتاب سهل وسلس وممتع في نفس الوقت وبيشرح أهم مفاهيم ال Research Methodology فانصحك بالكتاب ده http://www.mediafire.com/file/mb6v1azph63dtdz/designing_clinical_research_3rd_edition.pdf/file • لو عاوز تتعلم ال Medical Writing الروابط دي هتفيدك http://www.mediafire.com/file/bx1cs70lcmunbqf/Writ

السلام عليكم و رحمة الله متابعينا الكرام غالبا كلنا سمعنا ناس كتير اتكلموا عن مشكلة تطابق النص Plagiarism والتي تمثل أحد انواع الغش العلمي و أحد المشاكل التي يواجهها طلاب الجامعات هذه الأيام بسبب تسليم و تقييم ابحاثهم الأكاديمية ... لكن قليلين جدا الذين تناولوا حلولا لهذه المشكلة بشكل فعال وكيف يمكن التغلب على هذه المشكله بطريقه سهله و مضمونة وأكثر واقعية من أجل مستقبل علمي أفضل .... فى الفيديو التالى ... باحث الدكتوراه محمود الدماصي، من معهد helmholtz zentrum للطاقة و المواد بألمانيا هيشرح بشكل مبسط مشكلة تطابق النصوص و هيعرض بالتفصيل الطريقة التي يستخدمها شخصيا لسنوات للتغلب على تلك المشكله وبشكل فعال ... لينك الفيديو https://youtu.be/MZm0DwLQUQM والفيديو القادم سيكون عن إعادة الصياغة ال Paraphrasing ... كيف تعيد صياغة الجمل خطوة بخطوة بطريقة علمية صحيحة وماتعة... ياريت نتابع القناة، ونفعل الجرس على اليوتيوب لمشاهدة الحلقات العلمية و التربويه فور نزولها... شير ليصل للجميع
https://www.facebook.com/pages/category/Medical---Health/Datalytic-team-143547088990426/

بإذن الله .. اليوم الساعة 5 مساءاً بتوقيت القاهرة فى أول بث مباشر على قناتى على اليوتيوب .. بعد ساعة ونصف من الآن .. هنتكلم بالتفصيل عن الآتى: 1- إيه هو ال Review Article؟ 2- إيه فوائد أنك تكتب Review Article؟ 3- عشر خطوات لكتابة أى Review Article؟ 4- طريقة مذهلة تقدر تخليك تكتب Review Article فى أقصر وقت ممكن؟ 5- ثلاثة وسائل لنشر ال Review Article. 6- أزاى تنشر ال Review Article وتوصله للمهتمين بيه على أوسع نطاق. رابط القناة https://www.youtube.com/channel/UCIVtnnWOLraagK8LALaUgKw أشترك .. وفعل جرس القناة علشان يجيلك أشعار أول ما نبتدى .. بالتوفيق للجميع د. محمد مصطفى فرج باحث بمعهد بحوث البساتين - مصر باحث بأكاديمية جواندونج للعلوم الزراعية - الصين كاتب ومحاضر فى مهارات البحث العلمى
https://m.facebook.com/story.php?story_fbid=2976183652435069&id=100001303914504

مصر تحتل المركز الرابع عالمياً في قائمة ال "Rotten Apples " في جامعة هوبكنز لمتابعة احصائيات الفيروس بسبب المعلومات "المشكوك فيها بشدة” للجهات الدولية حسب وصفهم ! https://twitter.com/steve_hanke/status/1270419137336971264?s=09
https://m.facebook.com/story.php?story_fbid=3326355580721358&id=100000408469595&ref=m_notif&notif_t=group_activity

ادرس مجانا في ماليزيا … كيف تحصل على منحة للدراسة مجانا في ماليزيا ؟! دا سؤال مكرر عندي من كذا حد من الأصدقاء والمتابعين ……… شوفوا يا شباب أولا فرصة الدراسة من خلال منحة بتكون متاحة لطلاب الدراسات العليا ماجستير ودكتوراة بنسبة أكبر من الدراسة الجامعية .... المنح ليها مميزات كتير، يعني لو منحة كاملة يبقى الجامعة اللي هتديك المنحة مش بس مش هتاخد منك فلوس، لا دي كمان هتصرف عليك ، يعني هتسكن على حسابهم، وهيعملولك اشتراكات المكتبة والمطعم والباص والنادي .. إلخ كله على حسابهم ، يعني مش هتصرف أي حاجة، وفوق دا كله فيه بعض الجامعات بتدي راتب يعني هتقبض كمان … أما لو المنحة جزئية فمثلا هيتم اعفاءك من مصاريف الدراسة وانتا تتحمل الباقي ، أو الجامعة تتحمل نسبة وانتا نسبة، أو منحة تشغلك في الجامعة كمساعد باحث مثلا في مقابل إنك تدرس ببلاش. بس خلي بالك عشان المميزات الموجودة في المنح فغالبا بتبقى شروطها شديدة مش بقولك كدا علشان أقفل في وشك الطريق بالعكس بقولك كدا عشان تستعد، يعني لازم تحقق مستوى معين في اللغة الإنجليزية بيختلف من جامعة للتانية ومن تخصص للتاني ومن منحة للتانية، ولازم يكون عندك خطابات توصية قوية من أساتذة في التخصص بتاعك، وقبل كل دا يكون عندك سيرة ذاتية كويسة مركزة ومرتبة، وطبعا أهم حاجة إنك تجيب موافقة أستاذ في الجامعة المانحة على الخطة البحثية اللي انتا هتقدمها السؤال المهم اللي كل الناس بتسأله طب أنا جاهز بكل دا وعايز أحصل على منحة أعمل ايه ؟ هقولك يا سيدي بعد ما تصلي على النبي … المنح في الأغلب ليس لها موعد محدد، وإنما يخضع الأمر لخطة كل جامعة في استقطاب الطلاب الأجانب المتميزين للدراسة بها، والتخصصات اللي بينزلوا المنح فيها .... طب يعني أعرف ازاي إن فيه منحة ؟ .. الموضوع بسيط جدا … أولا : ادخل على مواقع الجامعات الماليزية، هتلاقي في كل جامعة لينك للمنح، ادخل عليه وحط الايميل بتاعك عشان تعمل متابعة، وبكدا هتوصلك كل أخبار المنح أول بأول. ثانيا : ادخل على صفحة القسم اللي فيه التخصص بتاعك هتلاقي ايميلات الأساتذة وأرقام تلفوناتهم وكل حاجة عنهم، اعمل عندك قايمة بيهم وابدأ راسلهم بالخطة البحثية بتاعتك ، بس بلاش تلح كتير لأن أساتذة الجامعة مش بنحب الزن بعيد عنك 😬 ثالثا : فيه ناس بتعمل حاجة فيها مغامرة شوية بتبدأ الدراسة على حسابها مبدئيا، وبعدين تقدم في المنح وهيا بتدرس، بس أنا عن نفسي شايفها مغامرة لو انتا مش عامل حسابك ماديا إنك ممكن تكمل الدراسة كلها على حسابك يبقى بلاش منها. رابعا : خليك جاهز بكل أوراقك في أي وقت لأن المنح بتبقى فرص يعني ممكن تضيع عليك منحة لأن واحد ضغط على ارسال في الايميل قبل انتا ما تضغط فياخد هوا المنحة. المرة الجاية بإذن الله أكلمكم عن الدراسة على نفقاتكم الشخصية وتكاليفها .... بالتوفيق بإذن الله. #رحلتي_إلى_ماليزيا
https://m.facebook.com/story.php?story_fbid=2579664105590197&id=100006398975601

لو تعرف حد بيدرس أو مهتم باللغه الألمانيه منشنه ❤ "ماتريال للالماني 8 جيجا مرفوعه على جوجل درايف" الناس اللي محتاجة اللغة الألمانية في أي غرض كل اللي عايز يبدأ يدرس ألماني حتى لو من الصفر. -محتوي الماتريال : تعليم اللغه واساسيتها باللغه العربيه والانجليزيه مرفقه بصور ومقاطع فيديو و pdf للمساعده ف الفهم والدراسه . لينك الماتريال : https://bit.ly/3h8pSqm متنساش تتابع باقي الوظايف والماتريال 😉 #وصلها_لغيرك 💪
https://m.facebook.com/story.php?story_fbid=226980105320919&id=100040267924462

السلام عليكم *هذا البوست مكانه جنب اخواته في قايمة الsaved posts*😂 *اللي عايز يعمل شير لغيره براحته* البوست ده حاولت اجمع فيه الكورسات اللي خدتها في فترة الحجر الصحي و و قبل كده كمان نزلتها هنا بناء ع طلب زمايل ليا عشان تعم الاستفادة ومش بغرض اننا نعلي ع بعض و الكلام ده يمكن الحاجه اللي استفدتها منهم انك تحب تتعلم مش لغرض الدرجات و التقدير ولكن لغرض العلم و المعرفة عموما فاتعلم الحاجه و مش هتبقي عارف امتي هيجي الوقت اللي بتحتاج لها و صدقني مفيش حاجه بتتعلمها جديدة بتخسرك او تضيع وقتك ابدا و برضو هنوه عن حاجه بسيطة هي ان الكورسات دي و الشهادة مش معناها انك شخص بيرفكت خالص ومش دليل لنجاحك او فشلك هي بس دليل انك اتعلمت الحاجه نظري و لكن لو فقدت القدرة ع تطبيق الكلام ده بشكل عملي ع الواقع يبقي ملهاش لازمة و فقدت معناها و بالنسبة لنا كطلبة هتتعلم تمارس و تكتسب مهارات كتير جدا من شغلك في السيفل ورك و انشطة الجامعة و الكلية و غيرهم طبعا * الكورسات دي لأي حد * 1- دي قناة عاليوتيوب تعتبر افضل حاجه ممكن تقابلك تقدر تتعلم منها انجليزي https://www.youtube.com/channel/UCHrD4qdeQc1BbpG6EPqDBcA 2- ده كورس للفوتوشوب من المهارات اللي احيانا بتلاقي حاجات كتير بتتعطل عشان مش عارف تعمل تصميم او تعدل صورة صغيرة مثلا فده هيساعدك https://www.udemy.com/course/learn-adobe-photoshop-from-scratch/learn/lecture/3360034#overview 3- ده حاص بينا كعلاج طبيعي و هتدرسوه بعد كده اسمه الاكوابنكتشر او الابر الصينية يعني https://www.udemy.com/course/acupressures-top-5-points-for-relieving-stress-anxiety/learn/lecture/7465868#overview 4- ده كورس عن طرق التواصل الفعال و ازاي تكون شخص اجتماعي بشكل مظبوط https://www.udemy.com/course/communication-styles-for-stronger-social-skills/learn/lecture/14522356#overview 5- ده كورس هيعلمك ازاي تعمل C.V و ازاي تتعلم مهارات الانترفيو و تعرف تتعامل معاه كويس https://www.udemy.com/course/the-complete-career-guide-cv-linkedin-interview-arabic/learn/lecture/15369766#overview 6- هنا هيعملك ازاي تقدر تظبط البريزنتيشن بتاعك لما يتطلب منك في الكلية و تنسقه بشكل سليم https://www.udemy.com/course/how-to-easily-structure-your-presentation-for-impact/learn/lecture/4783412#overview 7- ده ازاي تتعامل مع الاطفال ذوي الاحتياجات الخاصة اثناء جلسات العلاج الطبيعي https://www.rwaq.org/courses/special_needs 8- هتتعلم هنا ازاي الطفل بيفكر و ايه احتياجاته و هل الطفل ده ماشي نفسيا بشكل طبيعي و لا لأ وازاي تتعامل معاه https://courses.edraak.org/courses/course-v1:Edraak+CHM100r+CMH_SP2015/course/ 9- يمكن يكون ده كورس تنمية بشرية بس حقيقي كلنا محتاجين نسمعه و ملوش توصيف عندي ادخل انت شوفه بنفسك https://courses.edraak.org/courses/course-v1:AUB+WE100+2016_Q3/course/ 10- ده كورس للاسعافات الاولية بشكل نظري و فيه صور عملي و هيفرق معاك جدا جدا لو انت متعرفش حاجه عن الموضوع ده وممكن يكون سبب تنقذ بيه حياه انسان https://courses.edraak.org/courses/course-v1:Edraak+FA911+FA_2017_SP/course/ 11- ده كورس مقدمة بسيطة في ريادة الاعمال من الجامعة الامريكية بالقاهرة https://courses.edraak.org/courses/course-v1:AUC+Entr_101+SP_2017/course/ و ده كمان زيه https://www.edraak.org/course/course-v1:HFE+SME101+2020_T2/ 12- و ده لاخواتنا بتوع الافر ثينكينج هيساعدهم ازاي يتغلبوا ع القلق و التوتر الدايم اللي بيصيبهم https://www.edraak.org/course/course-v1:ARIJ+EH101+2019_T4/ فيه غير دول كتير طبعا و لكن هكتفي بدول و هنزل صور لشهادات الكورسات اللي خدتها في فترة الحجر ده لو حد حابب يستفسر عن حاجه منهم او ياخد كورساتهم انا تحت امره دي لينكات بقي لمواقع كورسات مجانية كل اللي فيها حلو جدا تقدر تاخد لفة جواها و تختار اللي انت عايزه 1- https://www.coursera.org/ 2- https://openwho.org/courses 3-https://courses.edx.org/login?next=/dashboard دول خاصيين بزمايلنا في علاج طبيعي 4-https://members.physio-pedia.com/ 5-https://www.primephysio.com/primeonline هرجع اقول تاني الكورسات مش دليل ع انك شخص ناجح و مقطع الدنيا خالص دي ممكن تكون محاولة عادية بس للاستفادة بالوقت عشان متجيش تندم علي ضياعه بعدين ختاما خارج الكورسات الاونلاين دي هتحتاج تتعلم حاجات اوفلاين زي الICDL و الانجليزي عشان دول مهما كان فيهم كورسات اونلاين فانك تنزل تمارس بايدك افيد بكتير جدا *هعمل ابديت للبوست ع طول و اضيف فيه أي كورس جديد هشوفه مناسب ليكم #لا_تدع_الدراسة_تلهيك_عن_التعلم
https://m.facebook.com/story.php?story_fbid=4750573661635381&id=100000483815454

لما سافرت امتحن امتحان رخصة مزاولة المهنة في دبي في ٢٠٠٧ سالوني عن علاج الالتهاب الرئوي في الرعاية المركزة. جاوبت باللي كنا بنعمله في مصر ساعتها و قلت اسامي المضادات الحيوية بتاعة البكتيريا عالية المقاومة طبعا عشان احنا في مصر لازم نبدا بالشديد من الاول. الممتحن بصلي بقرف و قالي في الاخر انا هانجحك بس لازم تتعلم مضادات حيوية و عدوي من اول و جديد! الراجل ده بعد كده هو اللي علمني رعاية مركزة لمدة ٤ سنين. راجل خبير اماراتي متعلم في امريكا و معاه بورد امريكي في ٣ تخصصات من ضمنهم العدوي. اتعلمت منه ان قرار المضاد الحيوي ده مش سهل و لازم يتعمل بالعلم مش بالدراع. و انك لما تبدأه لازم توقفه في اقرب فرصة عشان متربيش بكتيريا عالية المقاومة في المستشفي. لما سافرت بعد كده كندا اشتغلت مع واحد من اشهر خبراء العدوي في العالم كله و كان بيكتب مضادات حيوية اقل و اقل وطول النهار ماشي في الرعاية يوقفهم للمرضي و انا مبلم. في المستشفي دي في كندا كانت المضادات الحيوية الهابلة الرخيصة بتشتغل زي الفل و كله بالدليل و الارقام و الابحاث. طبعا انا دلوقتي هيجيلي شلل لما باشوف 'لينازوليد' بيتكتب عالواتس اب للعيان اللي خايف يكون عنده كورونا اللي هو اساسا فايرس😭😭🤪🤪. ده دوا انا باكتبه مرة في السنة لعياني جوة الرعاية في لندن و ممكن الصيدلي يرفض يصرفه لغاية منجيب موافقة استشاري الميكروبيولوجي عشان نتاكد ان انا مش باكتبه بتهور. عشان كده لغاية انهارده انا ممكن اكتب اوجمينتين لعيان التهاب رئوي علي جهاز تنفس صناعي في لندن و يشتغل عادي. اوجمنتين ده في مصر فاضله شوية و يتباع في الكشك مع ازازة بيبسي!!
https://m.facebook.com/story.php?story_fbid=10158075875165219&id=514115218

منظمة الصحة العالمية تشارك بدورات مجانية! #World_Health_Organisation_Free_Online_Courses تحتفل منظمة الصحة العالمية بتسجيل 3 ملايين دورة عبر الإنترنت ولديها شهادات مجانية. سجل نفسك واحصل على دورات مجانية عبر الإنترنت بلغتك الأم. الدورات متاحة بأكثر من 20 لغة. التفاصيل: https://bit.ly/openwho-org لديهم نوعان من الشهادات: • Records of Achievement • Confirmations of Participation على حسب تفاصيل كل دورة منظمة الصحة العالمية هي وكالة متخصصة تابعة للأمم المتحدة مسؤولة عن الصحة العامة الدولية. admin:Æ
https://m.facebook.com/story.php?story_fbid=2433696343582883&id=1854375744848282

منح جامعة الملك عبد العزيز 2021 (ممولة بالكامل) في المملكة العربية السعودية الدرجة العلمية: منحة ماجستير ودكتوراه للطلاب الدوليين في جميع المجالات الأكاديمية والتخصصات. جامعة الملك عبد العزيز هي الجامعة الوحيدة التي تقدم جميع مجالات الدراسة. يرجى ملاحظة أن بوابة التقديم الخاصة بهم مفتوحة طوال العام. عملية الاختيار / الفرز مرتين في السنة. مجالات الدراسة للماجستير والدكتوراه: الآداب والعلوم الإنسانية والاقتصاد والإدارة والعلوم والهندسة والأرصاد والبيئة وزراعة الأراضي الجافة والعلوم البحرية والتصميم البيئي والحوسبة وتكنولوجيا المعلومات. فوائد: تغطي المنحة تذاكر الطيران والوجبات والإقامة والرسوم الدراسية والكتب والبدلات والرواتب الشهرية والتغطية الصحية. التفاصيل: https://bit.ly/kau-edu-sa-scholarship
https://m.facebook.com/story.php?story_fbid=2436901469929037&id=1854375744848282