#MS_INSIDE 🇦🇲➡️🇧🇾

Հայաստանի հավաքականի և «Երևանի» ֆուտզալիստ Միհրան Դերմենջյանը կարիերան կշարունակի բելառուսական «Մերկուրի» ակումբում:

«Մերկուրին» 2016 թվականին դարձել է Բելառուսի չեմպիոն, 2 անգամ էլ նվաճել է երկրի գավաթը:

#MS_INSIDE

Միհրան Դերմենջյանի՝ Բելառուս տեղափոխության մասին արդեն հայտնել եմ: Ավելացնեմ, որ Միհրանը «Մերկուրիում» խաղալու է վարձավճարով:

Գարեգին Մաշումյանի պայմանագրի ժամկետը «Երևանի» հետ լրացել է: Մաշումյանը կարիերան կշարունակի «Սիեվն» ակումբում:

«Երևանի» ավագ Ռաֆիկ Մելիքյանն էլ տեղափոխվել է «Յունիսպորտ»: Ավելին ասեմ. «Յունիսպորտը» «Երևանից» գնել է Մելիքյանի տրանսֆերային իրավունքը:

Ինչպես հասկանում ենք, «Երևան» ակումբը Չեմպիոնների լիգայում պայքարի մեջ մտնելուց առաջ ամբողջովին երիտասարդացնում է կազմը:

#MS_INSIDE 🛑 Exclusive

Քիչ առաջ զրուցեցի Վարազդատ Հարոյանի հետ: Վատոն որոշեց իմ միջոցով հանդես գալ հայտարարությամբ՝ ⤵️

🎙️ Ոզում եմ հայտարարել, որ որոշել եմ ավարտել կարիերաս Հայաստանի հավաքականում: 92 խաղ եմ անցկացրել հավաքականի ամենաուրախ և ամենաբարդ ժամանակաշրջաններում: Միշտ պատրաստ կանգնած եմ եղել հավաքականի կողքին: Ինձ թվում է՝ ավելորդ է խոսել նվիրվածությանս և հայրենասիրությանս մասին, քանր, որ դա դուք ինքներդ եք տեսել թե՛ դաշտում, թե՛ դաշտից դուրս: Կարիերայիս ընթացքում հավաքականն ինձ շատ բան է տվել: Ես էլ այդ նույնը 15 տարի տվել եմ հավաքականին: Ամբողջ սրտով խաղացել եմ իմ ազգի համար: Հիմա ժամանակն է հրաժեշտ տալու: Պատճառն էլ կասեմ, քանի որ բան չունեմ թաքցնելու: Մի անգամ փորձեցի աշխատել մեր նորանշանակ մարզչի հետ, չստացվեց: Երկրորդ անգամ չեմ ուզում, որովհետև չի ստացվելու: Նույնիսկ ցանկություն չկա փորձելու: Շնորհակալություն բոլորին այսքան տարիների վստահության համար: Հաջողություն եմ մաղթում իմ ազգային հավաքականին: Միշտ հոգով և սրտով ձեր կողքին եմ:

©️ Վարազդատ Հարոյան

Ես էլ ուզում եմ շնորհակալություն հայտնել մեր ավագին իր նվիրվածության և կատարած աշխատանքի համար: Ապրես, Վատո ջան: 🦁🇦🇲💪🏻

🛑 Exclusive

Վարազդատ Հարոյանի հետ զրուցելուց հետո շփվեցի նաև Եղիշե Մելիքյանի հետ: Հայաստանի հավաքականի գլխավոր մարզիչն ասաց հետևյալը՝ ⤵️

🎙️ Հարգանքով եմ ընդունում Վարազդատ Հարոյանի՝ Հայաստանի ազգային հավաքականում կարիերան ավարտելու որոշումը: Շնորհակալ եմ նրան բացառիկ նվիրման և տարիներ շարունակ հավաքականում բարձր մակարդակով ելույթների համար: Ցավոք, չնայած իմ պատրաստակամությանը, նրա հետ կրկին աշխատելու հնարավորություն չեմ ունենա:

Հարոյանն ազգային հավաքականի իսկական առաջատարի մարմնավորում է, իրական լիդեր ու պրոֆեսիոնալ:

Մենք պատրաստ ենք կազմակերպել հավաքականում Հարոյանի հրաժեշտի հանդիպումը: Կարծում եմ՝ Վատոյի պես ֆուտբոլիստներին ազգային ընտրանին պետք է ճանապարհի ըստ արժանվույն:

Էդգար Սևիկյանը «Ֆերենցվարոշ» վերադառնալուց հետո՝

Առաջին 2 պաշտոնական խաղերում ստացել է 14 և 12 րոպե խաղաժանանակ: Հաջորդ 2 խաղերում մնացել է պահեստայինների նստարանին: «Լուդոգորեցի» դեմ խաղում էլ դուրս էր մնացել հայտացուցակից:

Ցավոք, Էդգարը կրկին խաղաժամանակի խնդիր ունի հավաքականի խաղերից առաջ: Վրաստանի դեմ խաղերում, ինչպես նաև հունիսին կայացած ընկերական խաղերում Էդգարը վատ տպավորություն չէր թողնում, չնայած այն ժամանակ էլ խաղային պրակտիկայի խնդիր ուներ: Սևիկյանը լավ որակներ ունի, բայց նրան էլ դեռ ինչ-որ բան չի հերիքում ավելի շատ խաղալու համար:

Մեր ֆուտբոլիստի կողմից առաջին գոլը, որ մեկնաբանել եմ Հայաստանի հավաքականի խաղի ժամանակ, Սլովենիայի դեմ խաղում Հարոյանի խփած գոլն էր: Փաստորեն դա Վատոյի վերջին գոլն էր մեր ազգային թիմում: 🦁🇦🇲

#Haroyan

Մենք հետ ենք գալիս 🔥
Չնայած ոչ մի տեղ չէինք գնացել 😂

🇦🇲«Մենք ենք մեր ֆուտբոլը». հայկական ֆուտբոլի մասին բոլոր նորությունները, քննարկումներ, բացառիկ հարցազրույցներ և ոչ միայն:

📺Դիտեք առաջին թողարկումը օգոստոսի 8-ին ժամը 21:00-ին: Բոլոր հաղորդումները դիտեք նաև Fast TV հավելվածով:

FastSports

Եղիշե Մելիքյանի նշանակման, Վարազդատ Հարոյանի՝ հավաքականին հրաժեշտ տալու և առաջիկա սպասելիքների մասին:

https://youtu.be/-DI-Qlm9clA?si=slhdAGEolYvKO2Ay

#MS_INSIDE

Արման Մկրտչյանը մեծ հավանականությամբ կարիերան կշարունակի «Սարդարապատում»:

#MS_INSIDE

Արման Հովհաննիսյանը որոշել է ավարտել պրոֆեսիոնալ կարիերան:

Fastex Պրեմիեր լիգայի 2025/26 մրցաշրջանի առաջին տուրի «Գանձասարի» դեմ խաղը վերջինն էր Արմանի համար:

«Փյունիկի» 32-ամյա սանը Հայաստանի առաջնությունից բացի խաղացել է նաև Ուկրաինայում և Ղազախստանում: Հովհաննիսյանը 12 խաղ է անցկացրել Հայաստանի ազգային հավաքականում, 200-ից ավելի խաղ՝ Հայաստանի Բարձրագույն խմբի առաջնությունում:

…

#MS_INSIDE

«Նոան» հետաքրքրված է բրազիլացի հարձակվող Նաթան Ֆոգասայի ծառայություններով, սակայն ֆուտբոլիստը ցանկություն չի հայտնել Հայաստանի առաջնությունում խաղալու:

26-ամյա ֆուտբոլիստն ընթացիկ մրցաշրջանում «Նովորիզոնտինոյի» կազմում Բրազիլիայի B սերիայի 7 խաղում խաղում խփել է 5 գոլ: