#MS_LIVING_PHOTOS 2 08.07.25

Գևորգ Ղազարյանն ընդդեմ Ռահիմ Սթերլինգի

2014 թվականի հուլիսի 27-ին Չիկագոյում ընկերական հանդիպում անցկացրին «Օլիմպիակոսը» և «Լիվերպուլը»: Առհասարակ, Ղազարյանն ԱՄՆ-ում կայացած հավաքի ընթացքում իրեն շատ լավ դրսևորեց, բայց հետագայում այդպես էլ չստացվեց ամրապնդվել հունական գրանդի կազմում:

2,5 ժամից պաշտոնապես կտրվի եվրագավաթների 2025/26 մրցաշրջանում հայկական ակումբների խաղերի մեկնարկը: Հաջողություն եմ մաղթում մեր 4 ակումբներին և հուսամ, որ վերջիններս կնպաստեն նրան, որ շատ հագեցած ու ֆուտբոլով ծանրաբեռնված աշուն ունենանք: 🇦🇲⚽️

Շնորհավորում եմ «Նոային» ՉԼ որակավորման փուլում առաջին հաղթանակի կապակցությամբ:

Զբաղվածության պատճառով ոչ միայն չկարողացա ստադիոն գնալ, անգամ եթերով ամբողջ խաղը չեմ նայել: Նկատեցի, որ տարբեր հարթակներում երկրպագուները դժգոհում են խաղի որակից, բայց հիմնականում ադեկվատ մեկնաբանություններ էին: Ի՞նչ կարծիք ունեք «Բուդուչնոստի» դեմ առաջին խաղից:

#MS_LIVING_PHOTOS 3 09.07.25

Վահան Բիչախչյանն ընդդեմ Ուելսի հավաքականի ավագ, «Տոտենհեմի» պաշտպան Բեն Դեյվիսի:

Հայաստանի հավաքականի ֆուտբոլիստն այսօր դարձավ 26 տարեկան: Շնորհավորում եմ Վահանին և ցանկանում բազում հաջողություններ ինչպես ակումբային կարիերայում և ազգային թիմում, այնպես էլ անձնական կյանքում: ⚽️🇦🇲

Արաս Օզբիլիզը քվեարկության արդյունքում ճանաչվեց Հայաստանի հավաքականում խաղացած լավագույն աջ հարձակվող:

1) Արաս Օզբիլիզ 79%
2) Էդգար Մանուչարյան 15%
3) Վահան Բիչախչյան 6%

Հայ մրցավարները եվրագավաթներում 🇦🇲

Արտեմ Գասպարյանի գլխավորած մրցավարական անձնակազմը կսպասարկի «Ժելեզնիչար» 🇧🇦-🇸🇮 «Կոպեր» հանդիպումը

Աշոտ Ղալթախչյանի գլխավորած մրցավարական անձնակազմը կսպասարկի «Վլաժնիա» 🇦🇱-🇱🇻 «Դաուգավա» հանդիպումը

Զավեն Հովհաննիսյանի գլխավորած մրցավարական անձնակազմը կսպասարկի «Դեչիչ» 🇲🇪-🇲🇰 «Սիլեքս» հանդիպումը

Եվ սա դեռ ամենը չէ 😉🔜

#MS_INSIDE

23-ամյա կենտրոնական կիսապաշտպան Յուրի Բուդաղյանն ամենայն հավանականությամբ կարիերան կշարունակի «Սարդարապատում»:

Բուդաղյանը Նովոռոսիյսկի «Չեռնոմորեցում» մասնակցել է 98 հանդիպման, խփել 5 գոլ և կատարել 6 գոլային փոխանցում:

🇭🇺🇦🇲
Վարազդատ Հարոյանը պայմանագիր է կնքել «Կազինցբարցիկա» ակումբի հետ, որը նվաճել է Հունգարիայի Բարձրագույն խմբի առաջնության ուղեգիր:

#MS_LIVING_PHOTOS 4 10.07.25

Բոյան Կրկիչին ժամանակին համարում էին Լիոնել Մեսիին արժանի փոխրինող, բայց վնասվածքներն ու հոգեբանական խնդիրները նրան այդպես թույլ չտվեցին լիարժեք օգտագործել տաղանդը:

Բոյանը պետք է մասնակցեր ԵՎՐՈ 2008-ին, բայց վնասվածքի պատճառով չընդգրկվեց Իսպանիայի հավաքականի հայտացուցակում:

10.09.2008
Իսպանիա 🇪🇸-🇦🇲 Հայաստան (4-0) հանդիպման 65-րդ րոպեին Կրկիչը փոխարինում է Սանտի Կասորլային: Մեր հավաքականի դեմ խաղը Բոյան Կրկիչի համար դարձավ առաջինն ու վերջինը Իսպանիայի ազգային թիմում:

Մի քանի բառ «Ուրարտու» - «Նեման» խաղի մասին: Լսեք ու միացեք «Տրե Ֆյորի» - «Փյունիկ» խաղին:

#MS_INSIDE

Ռումյան Հովսեփյանը և դարպասապահ Եգորի Աչինովը մարզվում են ««Լեռնային Արցախի» կազմում:

#MS_LIVING_PHOTOS 5 11.07.25

ԵՎՐՈ 2008-ի որակավորման փուլ
11.10.2006
Սերբիա 🇷🇸-🇦🇲 Հայաստան (3-0)

Ռաֆայել Նազարյանը և Ռոբերտ Արզումանյանը փորձում են գնդակ խլել Մարկո Պանտելիչից: Այս հանդիպման վերջում Ռաֆայել Նազարյանը հեռացվեց խաղադաշտից: