Արմեն Համբարձումյանը «Մենք ենք մեր ֆուտբոլի» տաղավարում կազմեց «Արարատ-Արմենիայում» խաղացած ֆուտբոլիստների խորհրդանշական հավաքականը: Այժմ ակումբում խաղացող ֆուտբոլիստները չեն եղել հաշվարկի մեջ:

Fast Sports

Այսօր մեր փոքրիկ ֆուտբոլային ընտանիքի համար անչափ կարևոր և հիշարժան օր էր: Շնորհակալ եմ մեր ֆուտբոլիստներին իմ ծննդավայր Շնող կատարած այցի համար:

https://youtu.be/047YUiYJk5Y?si=SNhtVNx553kelwpL

«Արարատ-Արմենիայի» մասին հետաքրքիր ֆիլմի առաջին մասը:

🗣️🎙️«Ալաշկերտի» արդեն նախկին գլխավոր մարզիչ Էդգար Թորոսյանը հյուր էր «Մենք ենք մեր ֆուտբոլ» հաղորդաշարին:

🎥Դիտեք ուրբաթ՝ ժամը 21:00-ին:

FastSports

«Ինտերը» 5-րդ խաղն անընդմեջ չի կարողանում հաղթել «Միլանին»:

Ցավոք՝ Մխիթարյանն այլևս չի կարող այս մրցաշրջանում թրեբլ գրանցել: Ես հավատում էի, որ «Ինտերը» կարող է նվաճել բոլոր կարևոր տիտղոսները:

Ցավալի կլինի, որ այսքան կայուն ու ամուր թիմը հանկարծ առանց տիտղոսի մնա: Հատկապես, որ գուցե Մխիթարյանի վերջին մրցաշրջանն է: Բայց ես էլի հավատում եմ, որ մենք Մխիթարյանին կարող ենք տեսնել Չեմպիոնների լիգայի գավաթով:

«Ինտերը» նախորդ 7 խաղից 2-ն է հաղթել: Շատ դժվար է մի քանի ճակատով կռվելը, և այդ պատճառով շատ դեպքերում թիմի խաղը ծանր է ստացվում: Գավաթի պայքարից դուրս մնալը կարող է և դրական ազդեցություն ունենալ, որ «Ինտերի» խաղացողները ֆիզիկապես և հոգեբանորեն ավելի լավ վիճակում մոտենան մրցաշրջանի վերջին կարևոր խաղերին:

Նարեկ Գրիգորյանի գեղեցիկ գոլային փոխանցումը գավաթային խաղում:

Ժիրոյի և «Արարատ-Արմենիայի» հրաշալի մարզավիճակը:

Շաղոյանն «Արարատ-Արմենիա» վերադառնալուց հետո անցկացրած 11 խաղում 6 արդյունավետ գործողություն է գրանցել:

«Արարատ-Արմենիան» գարնան առաջին խաղում «Ուրարտուին» պարտվելուց հետո անցկացրել է 11 հանդիպում, տարել 10 հաղթանակ և գրանցել 1 ոչ-ոքի:

Վարդան Մինասյանի գլխավորած թիմն 8 անընդմեջ հաղթանակ ունի: Վերոնշյալ 11 խաղում 28 գոլ է խփել, իսկ նախորդ 5 խաղից 4-ում գոլ բաց չի թողել:

«Մենք ենք մեր ֆուտբոլի» տաղավարում էր «Ալաշկերտի» նախկին գլխավոր մարզիչ Էդգար Թորոսյանը:

https://youtu.be/dVwpc0n6tFM?si=-snT8CtQX5nO_9nS

«Նոա» - «Արարատ» խաղի ամենագեղեցիկ դրվագը: 🔥

«Վենեցիայի» հրաշալի կոմբինացիոն գոլը, որը խաղից դուրս վիճակի պատճառով չհաշվեցին:

Ստյոպա Մկրտչայնն «Օսիյեկի» կազմում նախորդ 4 հանդիպումներն անցկացրել է առանց փոխարինման:

Նախորդ 2 խաղում «Օսիյեկն» առանց գոլ բաց թողնելու հաղթել է Խորվաթիայի առաջնության առաջատարներ «Ռիեկային» և «Հայդուկին»:

Ֆուտզալի Հայաստանի հավաքականի ավագ Վլադիմիր Սանոսյանը դարձավ 29 տարեկան:

Սանոսյանը ոչ միայն ուժեղ ֆուտբոլիստ է, այլև հրաշալի մարդ ու թիմի ավագ:

Շնորհավորում եմ ❤️💪🏻⚽️🇦🇲

30.04.25
Fast Media հեռուստաընկերությունում այսօր մեկնաբանական խցիկից անցկացնելու եմ 500-րդ ուղիղ եթերս:

Պատահական, բայց լավ է ստացվել: Մեր Հենոն է խաղալու: Ո՞վ գիտի, միգուցե Չեմպիոնների լիգայում Մխիթարյանին մնացել է առավելագույնը 3 խաղ: Պետք է վայելել, ինչքան Մխիթարյանը հնարավորություն է տալիս:

Այսօր Հենրիխն «Ինտերում» անցկացրած խաղերի քանակով հավասարվելու է «Բորուսիայում» անցկացրած խաղերի քանակին: Մխիթարյանն այսօր 140-րդ անգամ կհագնի «Ինտերի» մարզաշապիկը:

ՉԼ կիսաեզրափակիչ «Բարսելոնա» - «Ինտեր» խաղը դիտե՛ք Fast Sports -ի ուղիղ եթերում՝ ժամը 22:45-ին: Այն վարելու եմ գործընկերոջս՝ Արտուշ Հարությունյանի հետ:

Ափսոս էր...

🎙️🇦🇲 «Մենք ենք մեր ֆուտբոլը». Դիտեք ուրբաթ՝ ժամը 21:00-ին, Ֆասթ Սպորտի եթերում:

FastSports

#MS_INSIDE

Լուսանկարում ֆուտզալի Հայաստանի հավաքականի գլխավոր մարզիչ Ռուբեն Նազարեթյանի հետ ղազախական «Կայրաթ» ֆուտզալային ակումբի նախագահ Կայրաթ Օրազբեկովը և սպորտային տնօրեն Գուստավո Պարադեդան են:

Իմ տեղեկություններով Ռուբեն Նազարեթյանը կարող է գլխավորել «Կայրաթը», որը Ֆրանսիայում մասնակցելու է Չեմպիոնների լիգայի 4-ի եզրափակիչին և վաղն առաջին խաղում հանդիպելու է իսպանական «Կարտագենային»: 4-ի եզրափակիչում է նաև գործող չեմպիոն «Պալման», որտեղ խաղում է Լուան Մյուլլերը:

Նազարեթյանի՝ «Կայրաթը» գլխավորելու տարբերակի մասին հայտնում են նաև ղազախական լրատվականները:

🇷🇴🇦🇲
Նարեկ Գրիգորյանը քիչ առաջ գեղեցիկ գոլով բացեց «Ֆարուլ» - «Գլորիա» խաղի հաշիվը:

Ընթացիկ մրցաշրջանի 38-րդ խաղում Նարեկը խփեց 8-րդ գոլը:

❗️❗️❗️
Հավանաբար այնքան էլ ճիշտ չէ Հայաստանի առաջնության որոշ խաղերում տեղի ունեցած դրվագների վերաբերյալ կարծիք արտահայտելն այն դեպքում, երբ անձամբ չեմ եղել ստադիոնում տվյալ խաղերի ժամանակ, բայց...

Բայց համեստություն չեմ անի և կասեմ, որ երբեք հայկական ֆուտբոլում տեղի ունեցող իրադարձություններից տեղյակ լինելու խնդիր, կամ տեղեկատվության պակաս չեմ ունենում: Եվ հերթական ոչ ֆուտբոլային իրարանցումը ստիպում է ասել մի երկու բառ:

«Նոայի» մարզչական շտաբը, իսկ վերջին խաղերում նաև որոշ ֆուտբոլիստներ ուղղակի չեն կարողանում մնալ ֆուտբոլային դաշտում և դուրս են գալիս այդ դաշտից: Երբ ամիսներ առաջ տեղի ունեցած միջադեպից հետո Վարդան Մինասյանն ասաց, որ արտասահմանցիները պետք է ընկալեն մեր մշակույթն ու շարժվեն հայաստանյան կանոններով, մի պահ ոչ միանշանակ ընդունվեց: Սակայն ավելի վաղ «Նոայի» մարզչական շտաբը խնդիրներ էր ունեցել «Շիրակի» հետ, հետո եղավ «Արարատ-Արմենիան», իսկ այժմ մի քանի խաղ շարունակ խնդիրներ են առաջանում «Վանի» անձնակազմի հետ:

Կներեք, բայց, երբ խոսքը Վահե Գևորգյանի մասին է, ես չեմ կարող հավատալ, որ վերջինս իրեն այնպիսի պահվածք է թույլ տվել, որն ընկալվել է որպես սադրանք: Իսկ հակառակը հավանաբար կա, քանի որ չի կարող պարբերաբար նույն խնդիրը լինել x ակումբի մարզչական շտաբի հետ:

Անձամբ հայկական տարբեր ակումբների ֆուտբոլիստներից էլ լսել եմ, որ խաղերի ժամանակ «Նոայի» մարզչական շտաբն աչքի է ընկնում նման գործելաոճով:

Ասում եմ ամենայն անկեղծությամբ: Հայկական ֆուտբոլ սիրողներն ուրախանում են, որ «Նոան» այսքան լավ թիմ է և մեծ նպատակներ ունի: Մենք էլ միշտ արձանագրում ենք և խոսում այդ հաջողությունների մասին: Պե՞տք է արդյոք անել այնպես, որ ֆուտբոլային հաջողությունների վրա ստվեր ընկնի մի քանի անձի ոչ կոռեկտ պահվածքի պատճառով: Կարծում եմ՝ չարժի: Ուղղակի պետք է հետևություններ անել, որպեսզի հետագայում այս ամենը չշարունակվի: Միշտ էլ թիմերի միջև լարվածությունն ավելի է հետաքրքրացնում պայքարը, բայց այդ լարվածությունն ու կրքերը պետք է լինեն ֆուտբոլի սահմաններում...

🇧🇷🇦🇲🏆
Լուան Մյուլլերը «Պալմայի» կազմում երրորդ տարին անընդմեջ դարձավ Չեմպիոնների լիգայի գավաթակիր:

Էդուարդ Սպերցյանը 21-րդ դարում առաջին կիսապաշտպանն է, որը Ռուսաստանի Պրեմիեր լիգայի 3 անընդմեջ մրցաշրջանում նվազագույնը 10 գոլ է խփել: 🔥⚽️🇦🇲

Արայիկ Էլոյանը Fastex Պրեմիեր լիգայի 2024/25 մրցաշրջանում ամենաշատ գոլ խփած հայ ֆուտբոլիստն է:

21-ամյա հարձակվողը 9 գոլ է խփել: Հետաքրքիր է, որ ԲԿՄԱ-ն չլիներ, քանի՞ գոլ խփած կլիներ Արայիկ Էլոյանը: