Happy Birthday captain
🇦🇲🇦🇲💪🏻💪🏻🎂🎂

«Արարատը» շատ լավ համալրում ունի՝ ի դեմս Մուսա Կանտեի:

Զգացվում է, որ լավ դպրոց է անցել: 2 խաղում 2 գոլ ու 1 գոլային փոխանցում: Ամբողջ խաղի ընթացքում էլ Կանտեն շատ սուր ու վտանգավոր էր գրոհում: Այս մրցաշրանում վինգերը շատ կօգնի «Արարատին»:

Շավո Հակոբջանյան 💪🏻
Էրիկ Մնոյան 💪🏻

Առաջինը ճիշտ գուշակեցին համապատասխանաբար Կառլեն Մկրտչյանին ու Արթուր Եդիգարյանին:

🇷🇺🇦🇲
Ռուսաստանի Առաջին լիգայի 7-րդ տուրում «Ուֆան» 3-4 հաշվով պարտվեց «Սոչիին»:

«Ուֆայի» առաջին գոլը խփեց Միհրան Աղեյանը: 20-ամյա հարձակվողն ընթացիկ մրցաշրջանի 6 խաղում խփել է 2 գոլ:

🇸🇰🇦🇲
Սլովակիայի առաջնության 5-րդ տուրում «Սլովանը» հյուրընկալվելիս 2-0 հաշվով հաղթեց «Բանսկա Բիստրիցային»:

Տիգրան Բարսեղյանը փոխարինման մտավ ընդմիջմանը, ստացավ ավագի թևկապը, դարձավ գոլի և գոլային փոխանցման հեղինակ:

Ընթացիկ մրցաշրջանում Բարսեղյանը մասնակցել է 9 խաղի, խփել 5 գոլ ու կատարել 2 ասիստ: Ներքին առաջնությունում էլ 4 գոլով այս պահին երկրորդ ռմբարկուն է:

🇷🇺🇦🇲
ՌՊԼ-ի 6-րդ տուրում «Լոկոմոտիվը» 3-1 հաշվով հաղթում է «Ռոստովին»:

Նաիր Թիկնիզյանը երկրորդ կեսի մեկնարկից 10 վայրկյան անց գոլ խփեց ու քիչ անց փոխարինվեց:

Նաիրը վերջին 3 խաղում 2 գոլ է խփել ու կատարել 1 արդյունավետ փոխանցում: Կարիերայի ընթացքում Թիկնիզյանը երկրորդ անգամ բարդ ժամանակաշրջանում է և երկրորդ անգամ իր վառ խաղով փորձում է դուրս գալ այդ վիճակից: 💪🏻

Տիգրան Բարսեղյանի գոլը և գոլային փոխանցումը «Բանսկա Բիստրիցայի» դեմ խաղում:

‼️‼️‼️

Այսօր՝ ժամը 19:00-ին, գործընկերոջս՝ Metaratings-ի լրագրող Նորիկ Սերոբյանի հետ ունենալու ենք ուղիղ եթեր:

Կքննարկենք ինսայդերական տեղեկություններ, ինչպես նաև Հայաստանի հավաքականի հայտացուցակը:

Նարեկ Գրիգորյանի անհասկանալի բացակայությունը հավաքականի հայտացուցակից:

Ես միշտ համարում եմ, որ, եթե մարզիչն ինչ-որ որոշում է կայացնում, ուրեմն այդպես է պետք: Կարճ ասած, ընդունում եմ կայացրած որոշումը: Բայց որևէ կերպ չեմ հասկանում՝ ինչպես է Նարեկը դուրս մնացել առաջիկա խաղերի հայտացուցակից:

Գրիգորյանն արտերկրի ներկայացուցիչների մեջ այս պահին լավագույններից մեկն է: Խաղաժամանակի խնդիր չունի, արդյունավետ է: Այսօր երեկոյան էլ հերթական խաղն է անցկանելու: Վնասվածք էլ չունի: Սպասենք Ալեքսանդր Պետրակովի պարզաբանմանը:

Հիմա կասեք՝ բա Տիգրան Բարսեղյա՞նը: Ասեմ: Տիգրան Բարսեղյանն այլ պատմություն է: Եվ քանի մեր հավաքականը գլխավորում է Պետրակովը, Բարսեղյանն 99 տոկոսով չի հրավիրվելու հավաքական:

Հավաքականի հայտացուցակի, ինսայդների մասին:

#MS_INSIDE

«Նոան» բանակցում էր «Ֆերենցվարոշի» հարձակվող Ալեքսանդր Պեշիչի հետ, սակայն կողմերը համաձայնության չեն հասել:

#MS_INSIDE

Լիտվական «Նևեժիսի» հարձակվող Ալեքսանդր Տեր-Թովմասյանը հրավիրվել է Հայաստանի երիտասարդական հավաքական:

21-ամյա ֆուտբոլիստի թիմը Լիտվայի Երկրորդ լիգայում 16 թիմերի մեջ զբաղեցնում է 6-րդ տեղը:

Հայաստանի երիտասարդական հավաքականը սեպտեմբերի 6-ին Եվրոպայի առաջնության որակավորման փուլում կընդունի Ֆինլանդիային: