#MS_INSIDE

«Նոայի» նախկին կիսապաշտպան Չապի Կատոն կարիերան կշարունակի «Ալաշկերտում»:

#MS_INSIDE

«Գանձասար-Կապանի» և «Արարատ-Արմենիայի» նախկին ֆուտբոլիստ Ալեքս Քրիստիան Ջունիորը կարող է տեղափոխվել «Ալաշկերտ»:

Ո՞վ է 🤔

#MS_INSIDE

Ուկրաինացի դարպասապահ Դանիլո Կուչերը մեծ հավանականությամբ կարիերան կշարունակի «Արարատ-Արմենիայում»:

27-ամյա Կուչերը խաղացել է ուկրաինական, լատվիական և ռումինական ակումբներում, Լատվիայում խաղալու ժամանակ եղել է «Փյունիկի» կիսապաշտպան Լուկաս Վիլելայի թիմակիցը:

#MS_INSIDE

Վսևոլոդ Երմակովը, Արտակ Եդիգարյանը, Դավիդ Խուրցիձեն, Անան Մենսահը և Անդրե Մենսալաոն մարզվում են «Վեստ Արմենիայի» կազմում:

Եվրագավաթներից առաջ «Փյունիկում» և «Նոայում» տեղի ունեցող տրանսֆերային անցուդարձի մասին:

«Արարատ-Արմենիայի» և «Ուրարտուի» մասին:

Սկսվեց ✅

Այս գրառմամբ սկսվեց համ իմ նոր շարքը, որով այսուհետև բավականին հաճախ եմ անդրադառնալու նախկին ԽՍՀՄ տարածաշրջանը ներկայացնող երկրներին, ակումբներին և ֆուտբոլիստներին, համ էլ ԵՎՐՈ 2024-ի հաջող խաղերի հետևանքը վրացիների համար:

Զուրիկո Դավիթաշվիլին Լիգա 2-ի ներկայացուցիչ «Բորդոյից» 6 միլիոն եվրոյի դիմաց տեղափոխվում է Լիգա 1-ի ուղեգիր նվաճած «Սենտ-Էտիեն»: Զուրիկոն արդեն Ֆրանսիայում է, որպեսզի բուժզննում անցնի նոր ակումբում և կնքի 4 տարվա պայմանագիր:

СССР 🇰🇿

Ղազախստանի հավաքականի կիսապաշտպան Ռամազան Օրազովը պայմանագիր է կնքել Դանիայի Սուպերլիգան ներկայացնող «Սիլկեպորգի» հետ:

СССР 🇱🇹

Չեմպիոնների լիգայի որակավորման առաջին փուլում Լիտվայի «Պանևեժիսը» 3-0 հաշվով հաղթեց ֆիննական ՀԻԿ-ին:

Ջիբրալթարի «Լինքոլնն» էլ արտագնա խաղում 1-0 հաշվով հաղթեց Մալթայի «Համրունին»:

28-ամյա Մոնրոյ Արարատը հեռացել է կոլումբական «Պերեյրայից», որտեղ անցկացրել է 48 հանդիպում:

«Փյունիկն» այսօր հայկական ակումբների համար ազդարարում է եվրագավաթների 2024/25 մրցաշրջանի մեկնարկը:

Կարծիքս մեր ակումբների և առաջիկա մրցակիցների մասին արդեն հայտնել եմ: Հիմա նույն բանը չեմ գրի:

Պարզապես ցանկանում եմ հաջողություն մաղթել մեր ակումբներին և հավատում եմ, որ բոլոր 4 ակումբները կարող են հաղթահարել առաջին արգելքը:

Բայց պետք է նաև պատրաստ լինել ոչ ցանկալի սցենարի, քանի որ ԵՎՐՈ 2024-ը ևս մեկ անգամ ցույց տվեց, որ թղթի վրա ֆավորիտ լինելը հաղթանակ չի երաշխավորում, և, որ այսօրվա ֆուտբոլը շատ ավելի հավասար ու բալանսավորված է:

СССР

«Փյունիկի» խաղի մասին ավելի ուշ: Հիմա՝ նախկին ԽՍՀՄ տարածաշրջանը ներկայացնող մյուս ակումբների եվրագավաթային ելույթների մասին:

Չեմպիոնների լիգա, որակավորման 1-ին փուլ

🇰🇿🇲🇩
«Օրդաբասի» - «Պետրոկուբ» 0-0

🇪🇪
Էստոնական «Ֆլորան» տանը 0-5 հաշվով պարտվեց սլովենական «Ցելյեին»:

🇱🇻
Լատվիական ՌՖՇ-ն տանը 3-0 հաշվով հաղթեց Հյուսիսային Իռլանդիայի «Լարնեին»:

🇬🇪
Բաթումիի «Դինամոն» մրցակցի դաշտում 1-3 հաշվով պարտվեց բուլղարական «Լուդոգորեցին»:

Այլ հետաքրքիր խաղեր ևս եղան: Տիգրան Բարսեղյանի «Սլովանը» 4-2 հաշվով հաղթեց մակեդոնական «Ստրուգային»: Ֆարերյան Կղզիների «Կլակսվիկն» էլ 2-0 հաշվով հաղթեց Լյուքսեմբուրգի «Դիֆերդանժին»:

Հիմա էլի կգրեք, թե սրանք մեր ինչին են պետք: Ժամանակը կգա, կասեմ: 😉

«Փյունիկը» Երևան է վերադառնում բավարար արդյունքով, բայց ոչ բավարար խաղով:

«Դինամոյի» դեմ խաղի սկզբում «Փյունիկը» կարող էր առաջ անցնել հաշվի մեջ, եթե Ագդոնն օգտագործեր իր պահը, բայց «Դինամոն» խաղի ընթացքում ավելի ռեալ պահեր ստեղծեց «Փյունիկի» դարպասին, չնայած դարպասին ընդամենը մեկ հարված էր ավելի կատարել, քան «Փյունիկը»:

Զգացվեց, որ «Դինամոն» շատ ավելի խաղակցված թիմ է, և որ նրանք խաղային տոնուսի առումով առավելություն ունեն: Այնինչ «Փյունիկի» նորեկները դեռ պետք է փորձեն ավելի բարելավվել խաղակցվածությունը մյուս թիմակիցների հետ:

Զարմանալի էր մեկնարկային կազմում տեսնել Հենրի Ավագյանին, բայց Հենրին շատ լավ խաղաց և «Փյունիկի» կազմում երևի լավագույնն էր, որքանով հասցրի նկատել, քանի որ մյուս աչքով էլ դիտում էի Անգլիայի և Նիդերլանդների միջև կիսաեզրափակիչը:

Երևանյան խաղից առաջ հնարավորությունները կրկին հավասար են, բայց «Փյունիկին» պետք է օգնի տնային խաղի և երկրպագուների առկայությունը: Վստահաբար պատասխան խաղում երկրպագուների դերը մեծ է լինելու:

Արշակ Կորյանը պայմանագիր է կնքել Մոսկվայի «Տորպեդոյի» հետ:

#MS_INSIDE

Արսեն Եղիազարյանն ամենայն հավանականությամբ կարիերան կշարունակի «Գանձասարում»: