🇧🇾🇦🇲

Football Federation of Armenia

Բելառուսի առաջնության 8-րդ տուրում Ձերժինսկի «Արսենալը» 1-0 հաշվով հաղթեց «Սլուցկին»: «Արսենալի» կազմում գոլային փոխանցում կատարեց 18-ամյա Վադիմ Հարությունյանը:
Կենտրոնական կիսապաշտպանը մասնակցել է առաջնության 8 խաղից 7-ին՝ բոլոր դեպքերում լինելով մեկնարկային կազմում:

🏟️ Real Madrid - Alaves
⏱️ 23:30
🖥️ Fast Sports 1

🇷🇴🇦🇲

Ռումինիայի առաջնության չեմպիոնական գոտու 9-րդ տուրում «Ֆարուլը» 3-3 հաշվով ոչ-ոքի խաղաց «Կրայովայի» հետ՝ չկարողանալով պահել 3 գնդակի առավելությունը:
«Ֆարուլի» կազմում Նարեկ Գրիգորյանը մասնակցեց 18-րդ խաղին և կատարեց 5-րդ գոլային փոխանցումը:
Նարեկին «Ֆարուլում» վստահում և շանս են տալիս, և կրկնակի ուրախալի է այն, որ կիսապաշտպանն օգտվում է այդ շանսից:
Գրիգորյանը ճիշտ ուղու վրա է: Պետք է պահպանել այս ռիթմը, լինել աշխատասեր հոգեբանորեն ամուր և պրոֆեսիոնալ, և ապագայում Նարեկին կարող ենք տեսնել շատ ավելի ուժեղ առաջնությունում:

Ռաֆայել Ղարիբյանը հեռացել է Ղազախստանի Պրոֆեսիոնալ ֆուտբոլային լիգայի ղեկավարի պաշտոնից:

Վաղը՝ ժամը 20:30-ին
🖥️ Fast Sports

Echte liebe 🖤💛🖤💛

Դորտմունդի «Բորուսիան» ինձ համար շատ սիրելի ակումբ էր դեռ այն ժամանակ, երբ Մխիթարյանը չէր տեղափոխվել: Դրա «մեղավորներից» մեկը Մարկո Ռոյսն է:

Ինչքան լավ հուշեր կան էդ տարիների «Բորուսիայից», Ռոյսից: Այսօր բաժանվում են Ռոյսի ու «Բորուսիայի» ճանապարհները: Ֆուտբոլի պատմության հերթական գեղեցիկ էջերից մեկը մոտեցավ ավարտին:

Եկեք 🔥🔥🔥

Ռուսաստանի առաջնության վերջնամասը ոչ պակաս թեժ է, քան Հայաստանի Պրեմիեր լիգայում:

🔸 Մինչև վերջերս չեմպիոնի տիտղոսի համար պայքարում էին «Զենիթն» ու «Կրասնոդարը, բայց այս թիմերի անհաջող խաղերից օգտվեց Մոսկվայի «Դինամոն», որը նախորդ 6 խաղում նույնքան հաղթանակ է տարել և վերջին տուրից առաջ 56 միավորով առաջին տեղում է:
🔹 Այս պահին երրորդ տեղում գտնվող 51 միավոր ունեցող «Զենիթը» նախավերջին տուրի խաղն անցկացնելու է վաղը: Հաղթանակի դեպքում «Զենիթը» կրկին կշրջանցի 53 միավորով երկրորդ տեղում գտնվող «Կրասնոդարին»: Բայց...

Մաս 1

🔸 Բայց «Զենիթը» այնպիսի ճգնաժամային փուլում է, որ նման վատ մարզավիճակում չի եղել նախորդ 10-15 տարիների ընթացքում: Նախորդ 6 խաղում «Զենիթը» չի հաղթել: Ֆուտբոլիստները կորցրել են մոտիվացիան, և ներկայիս առաջատար լեգեոնականներից մի քանիսն ամռանը հեռանալու են: Միևնույն ժամանակ «Զենիթը» վաղը Գրոզնիում հանդիպելու է «Ախմատին», որը Ղազախստանի հավաքականի գլխավոր մարզիչ Մագոմեդ Ադիևի ղեկավարությամբ նախորդ 5 խաղում նույնքան հաղթանակ է տարել՝ այդ թվում հաղթելով ԲԿՄԱ-ին և «Կրասնոդարին»:
🔹 Մեծ է հավանականությունը, որը «Զենիթը» վաղը կրկին միավորներ կկորցնի, իսկ վերջին տուրում Սեմակի թիմը տանը խաղալու է «Ռոստովի» հետ: Վաղը «Ախմատին» չհաղթելու դեպքում «Զենիթը» կզրկվի հերթական չեմպիոնությունը նվաճելու հնարավորությունից:

Մաս 2

🔸 Այդ շանսից քիչ էր մնում զրկվեր նաև «Կրասնոդարը», որը 26-ից 28-րդ տուրերում միայն մեկ միավոր էր վաստակել և 29-րդ տուրի 85-րդ րոպեի դրությամբ էլ պարտվում էր «Սոչիին», բայց 85-րդ րոպեին Էդուարդ Սպերցյանը հավասարեցրեց հաշիվը, իսկ ավելացված ժամանակում «Կրասնոդարը» խփեց նաև հաղթական գոլը և, չնայած վերջին շրջանում անհաջող ելույթներին, դեռ պահպանում է չեմպիոն դառնալու շանսերը:
🔹 Ի՞նչ է պետք այդ չեմպիոնության համար: Պետք է, որ «Զենիթը» վերջին երկու խաղից գոնե մեկում չհաղթի: Ես դրան հավատում եմ:

Մաս 3

🔸 Վերջին տուրում իսկական չեմպիոնական խաղ կարող է լինել՝ «Կրասնոդար» - «Դինամո»: Վերջին տուրից առաջ «Դինամոն» ունի 3 միավորի առավելություն: Թիմերի միջև այս մրցաշրջանի առաջին խաղում «Կրասնոդարը» հաղթել է (3-1) հաշվով: Վերջին տուրից առաջ երկու թիմերն էլ խփած և բաց թողած գոլերի ցուցանիշով ունեն +15, կատարյալ հավասարություն: Սա նշանակում է, որ «Կրասնոդարը» վերջին տուրում տանը հաղթում է «Դիամոյին» և դառնում չեմպիոն, եթե իհարկե «Զենիթը» միավորներ կորցնի առաջիկա երկու խաղում: Կրկնեմ, ես հավատում եմ, որ «Զենիթը» միավորներ կորցնելու է, քանի որ ֆուտբոլիստներից շատերը կորցրել են մոտիվացիան ու հոգեբանորեն այնքան էլ պատրաստ չեն առաջիկա խաղերին, չնայած դուրս եկան գավաթի խաղարկության եզրափակիչ:

Մաս 4

🇩🇪🇦🇲

Բունդեսլիգայի հայ ներկայացուցիչներն ավարտեցին իրենց ելույթը 2023-24 մրցաշրջանում:

Մյոնխենգլադբախի «Բորուսիան» մրցաշրջանն ավարտեց 14-րդ տեղում: Վերջին 8 խաղում «Բորուսիան» ընդամենը 1 հաղթանակ տարավ: Արդյունքները վատն էին:

Հրանտ-Լեոն Ռանոսի համար «Բորուսիայում» առաջին մրցաշրջանը ևս լավը չէր: Առաջին մրցաշրջանում Ռանոսն ընդամենը 10 խաղի մասնակցեց՝ ստանալով ընդամենը 60 րոպե խաղաժամանակ: Շատ տխուր պատկեր է: Ձմռանը Ռանոսը կարող էր վարձավճարով այլ թիմ տեղափոխվել, բայց չգնաց: Ժամանակը ցույց տվեց, որ գնալը ճիշտ կլիներ:

Մաս 1

Միգուցե «Բորուսիայում» ամռանը մարզչական փոփոխություն լինի, և Ռանոսի համար էլ նոր շանս բացվի, բայց «Բորոիսիայում» մնալ և կրկին չխաղալ՝ չար կատակ կլինի:
Ըստ շրջանառվող լուրերի՝ Ռանոսին հիմա էլ ցանկանում է վարձակալել Դյուսելդորֆի «Ֆորտունան», որը Երկրորդ Բունդեսլիգայում զբաղեցրեց երրորդ տեղը և Բունդեսլիգայում 16-րդ տեղը գրաված «Բոխումի» հետ անցումային խաղեր կանցկացնի՝ փորձելով նվաճել բաղձալի ուղեգիր:

Պետք է սպասել զարգացումներին: Հասկանալ՝ «Ֆորտունան» նվաճու՞մ է ուղեգիր, Սեոանեն հեռանու՞մ է «Բորուսիայի» գլխավոր մարզչի պաշտոնից, կա՞ն այլ ակումբներ, որոնք ցանկանում են վարձակալել Ռանոսին, կամ գնել վերջինիս տրանսֆերը: Բայց, եթե առաջիկա ամիսներին կտրուկ քայլեր չձեռնարկվեն, Ռանոսը կրկին կմնա ստվերում, իսկ հետո շատ բարդ կլինի վերադարձնել այն լավ որակները, որը տեսել ենք հարձակվողի մեջ: Մինչև այդ էլ պետք է շատ մտածել՝ արդյո՞ք Ռանոսը ներկայումս Բունդեսլիգայի մակարդակի խաղացող է: Միգուցե խնդիրը հենց սրա մեջ է...

Մաս 2

«Քյոլնը» լքեց Բունդեսլիգան: Ասեմ, որ այս արդյունքն էլ տրամաբանական էր: Ցավալին այն է, որ մրցաշրջանի երկրորդ հատվածում Սարգիս Ադամյանն արժանանում էր նոր գլխավոր մարզիչ Տիմո Շուլցի վստահությանը և լավ խաղ էր ցուցադրում: Հավանաբար կլինեն Բունդեսլիգան ներկայացնող թիմեր՝ միգուցե նորեկներից, որոնք կցանկանան հրավիրել Ադամյանին: Այստեղ էլ ամեն ինչ պետք է ծանր ու թեթև անել, նոր միայն որոշում կայացնել: Տիմո Շուլցը վստահեց Ադամյանին, նոր թիմում նոր մարզիչը կարող է կրկին չվստահել: Օրինակ՝ վատ սցենար չէր լինի, եթե Ադամյանը մնար «Քյոլնում», թիմին օգներ կրկին վերադառնալ Բունդեսլիգա: Ինձ համար նման սցենարն ավելի ընդունելի է: Այս տարբերակով ռիսկերն ավելի քիչ են, եթե իհարկե Շուլցը շարունակելու է աշխատել «Քյոլնում»:

Մաս 3

Մատեո Կասյերա 😡

Հուսանք՝ Խորիկենք մի բան կանեն վերջին տուրում: