‏موجر بگلبي الدهـٌر
واترادفن عِلـه إعله عله


#عريان

ما كلتولي
من نزعل نسد شباچنه
ونكطع رزق عينك





عزت عباس...

وجه اچفوفي من ضيمي فرگتاه
لحدما فرگسن مگلوب اديه






احمد الفيصلي ...

يامن عَليّ رَحمه القَدر نزّلك
باريني واهس لو مشه محملي
وخليني ساعي إضعونك ومحملك




صاحب الضويري

زعلان ؟
لو هاوي الزعل حيرنا طبعك



عقيل العرد

شد وبري فوگ الزلف وبحسنة متغاوي
مدري الخدود الضون مدري الگمر ضاوي
مدري بنوره احترگ مدري الگلب خاوي



ذياب گزار

كبل لاااا عيش مشراكه عشت بغروب
انه المصيوب انه متعب هلي ومتعوب


..ثابت آل جیاد

يــ گـلـبي

الماله حظ بـالناس

ياهــو الــدربه يتعنه ..؟

@haider_qassem3
وشـمج
واتـرس الـريــه
يورده ، مـدري ورديــه
اعلـه گــد اغطــاي مــااشبـع
اعلـه گــد اغطــاﭺ امـدن كـون رجليــه





#حيـدر_قاســم_المالـــكـي

يهنيال ذرات التراب الجواچ

#احمد_عاشور

-

تعال
ألليل ماينام
أمسح رأسي خلي أغفه.


.

ما اجو.
شنسوي يعني ما اجو ..




_مظفر النواب

هيّه حظوظ والطيب يظل خسران


_احمد عاشور

وشماله القره چفوفي بجه وغنه


_عزیز عسکر

شمة الركبه وكذلتك سودنني
اني اول تالي ارد للبيت اغني




_احمد بدر

ما كلتلي الريل عافيته الغرب

وصبرتني بحجه الدخان يشبهله ضفيره

وانه اغار من الحرب



_عباس الغالبي

.


العشگ . . ثـورة مشاعـر 😍


@haider_qassem3

حسبالي العدد بي ثمره من ايزود
وعن قلة الواحد تفرق الميـــــــــه

بس تالي ادرڪت طين الڪلوب أصناف
والعشره الطويله اتريد نوعــــــــيه


#لـ_ايهاب_المالڪي

صـورڪـم چـا مـشـت لـولـه الـبـسـامـيـر





لـ ايهاب

طـحـت
بـس يـا وجـع بـالـروح
فـص عـيـن إعـلـه راس ابــره



لـ محسن الخياط

عشگنة عيونك التضحك
يبعد الطايفه انحبك






محمد العمار