امنيتي
اشم ريحه. احساسك من يشك الغيم
زيجه وتنزف الدنيا مطر



زياد البصراوي

مـر بيه الخريـف وغمـز لسنيني

وخذ العشرين ، الحگيلي

يلنچ كلشي لأيامي

مطر وانجوم وبساتين

حط بيـه العشگ رمحـين گلبچ

وانتي ثالـث شوگ

وآخـر قصه تنكـتبين

وآخـر قصه تنـفهـمين




الگاطع

مطرت
والحچي الناسينه فز بينه

الحگيني
ولو هو شبقه بيه وتلحگينه

مرتضى_الحمد

واحلم بيك وانه ليلي ماغافي




عبدالحسين الحلفي 📝

الشط المجاور لبيتنا اصبح مثقفا

لانه ابتلع كتب اخي المعدوم


عبدالحسين الحلفي 📝

اتريد اصلاح

وزع راتبك

ونص راتب النواب

وزعه اعله الشعب كل الشعب يرتاح


عبدالحسين الحلفي 📝

طبع بيه بصراحه احجي ياناس
وحتى بالحلم احجي بصراحه

گبل جانت رفيقي وهسه مولاي
الشعب بثنينهن ماشاف راحه


عبدالحسين الحلفي 📝

شوف الفلح
من اتموت الورود
بغير اورود هيه اتروح تشتم

بس شوف الورد لومات فلاح
من تشمه تلگه بعطره مأتم


عبدالحسين الحلفي 📝

شوف اصعب وجهه تقراء العيون
لكن بالگلب بس الله يعلم


عبدالحسين الحلفي 📝

گلبي اگزاز
بس اتسحگه خسران
اذا هو انكسر انته التصب دم




#الراحل الكبير عبدالحسين الحلفي 📝

حلّت جدايلها وصحت لا
وطعم الرفض بالشوگ محلا
كون البلاني وياچ يبلا
شماله الگلب شوگچ تولّا؟

حلوة وزغيره وعطرچ يهب
ينگّط محبّة وجمرچ يشب

ذب يا شَعَر ليل وحِسِن ذب
وطبع اليتيه الشوگ دلّا

عامر عاصي

حزني يبرد ...
والمواگد يشتعل مني حطبهه
الديرة لو ما بيهه وجهك ليش اطبهه!!
.


صابرين_الكعبي

و تدرين الحزِن محراب

والشاعر نبي جروحه


لـ عبد الوهاب الحمداني

الـ يصفن يفارك الكاعد گربـه
لمسوك ما لمسوك كلهم غربه

حبي الـ ترك بخدودج ملوحه شلون
ماي الوضوء الـ على خدود التربه



حسـين علي المطوري

شفتك حلم كل العمر ،،
يالوالمتني من الزغر ..

@MS_2K



لـــ زامل سعيد

هو احنة اهل الصدگ كمنة بمزاج الصور

نفرح , انضوج , انام.



@MS_2K


لــ حيدر العماري

تـعــال عليـك
آنـتـه عليـك
هــوه آنتـه قـسـم عشـاگ


@MS_2K


لــ ناصر البدري

الـغـربـة مـو شـرط الـيـسـافـر

تـلـگـة روحـك بـيـن نـاسـك وحـدك




لــ #احمد_آلعلك
@MS_2K

عيش بينه والله خير
يعوض بكل دمعه عيد
بكل ربيع تموت لوحة والله يرسم من جديد

@MS_2K


لــ #حسن_الترابي

يعجبني موت الشمع
يفرش لروحه اللحد

ويعجبني موت الندى
من ينزل من السما
يختار حضن الورد

الله يموت العشگ
الله يموت الكحل
من ينتحر عالجرف



لــ #عماد_المطاريحي

@haider_qassem3

والرسايل عود شنهي وفحطني
ٲنــه ليليه أحـبك
واستحــي مـــن الناس اغنــي
لا تعاتبني اعله ذنيـﭻ وهذنــي
هاڪ گلبـي
هاڪ روحي
هاڪ كـلشي
وهاڪ من ضحكة سنوني وشوف حزني


#حـيدر_قاسم_المالـكــي