@haider_qassem3

طير • •
فڪ باب السجن لا تبقـى حاير
روح واخمد ع لـضفاير
واشـتم الجنـه بنحرهـا

وضوگ من فاهه المهيل
واسكر وطيح بخمرهــا

ايي واخذت اسوالف الشياب كلهه
ومتت يم عوج خصرهــا


حيدر قاسم ❤️

ياخذني روج البچي
ويحطني بجروفك
وانطش رذاذ ابهوه
واتلملم ابشوفك
محبس تراني اصبحت
وعيوني لجفوفك
هلبت تكحل الذهب
واتطرزه ابلونك
يالبيك رقة نبي
شايلها بعيونك
اتبده ماي برمل
لوكالو اشلونك
وروحي عله جمر الهجر
كلساع تتحفه
وصبح مسيل الدمع
يتمشى عالشفه
ويوميه شمعة لعب
من العمر تطفه
واظلم نهاري صبح
والحيره بشموسه
وجف الوكت عالغصن
يتهدد ابفوسه
دهرين بيه تعب
والرجفه بجفوفي
وياخذني ليل البرد
واتدثر ابخوفي
ظليت طين بشمس
وارياكي متفطره
يغسلني صب الدمع
واتوضه بالعبره
لله شكثر شرعبت
يستعجل بأمره
هو اليفارك محب
شنهو اليطب صدره

_بشير المرشدي

@Ali33g

ولريح تـسألُ من انا
انــا مثلها في لا مكان

نازك الملائكة

@Ali33g

-
8 || ايــار


..
ميلاد الشاعر صاحب الاحساس المُـرهف ،
#حيدر_قاسم_المالكي
كٌُــل عام
وقلبـك نقي ،
وروحـك تحوي الجمال ،
و شعرك يطرق باب قلب كُـل انسان ،
كُــل عام وانت كما تحـب .

.

@haider_qassem3
8 / ايـار
اجه انسان عالدنيا يحبكم الي هو انه😘

#شكرا_الكم
لان تحملتوني كل هاي الفتره ، احبكم وربي لا يحرمني ويحرمكم من السعاده طيلة الايام الجايه

كل عام وانا وانتم( ❤️ )بالف الف خير

ما دامك اتأخرت هالليلة هم نحتفل ونغسل ذنوب السنة
وندعي الله ينزل مطر

و خلينه بس عالشمع دام الشمع ينطفي ومستور خلي الفرح
لا تشعلنه كمر

باسم الخاقاني

جيتك بليلة شته..ظلمه ومطرها رشكَ

وشبعده صار الدرب
خوف ..ورعيد..وثلج
وجفوف اديه زركَ

ابابك طحت..ها كَمت ... ؟
ضميت ايديه وردت عالباب بالروح ادگ

بس كَالوا المن تدك ؟



الكاطع

ناسيج بس المطر مدري شقره براسي!

ياسر_فليح

مطرت
والحچي الناسينه فز بينه

الحگيني
ولو هو شبقه بيه وتلحگينه

#مرتضى_الحمد

امنيتي
اشم ريحه. احساسك من يشك الغيم
زيجه وتنزف الدنيا مطر



زياد البصراوي

مـر بيه الخريـف وغمـز لسنيني

وخذ العشرين ، الحگيلي

يلنچ كلشي لأيامي

مطر وانجوم وبساتين

حط بيـه العشگ رمحـين گلبچ

وانتي ثالـث شوگ

وآخـر قصه تنكـتبين

وآخـر قصه تنـفهـمين




الگاطع

تدنّت نجمة الرغبة او عثرت بغيمة شفافچ
دنيا ... وكل سوالفها تضيع بلفّة لحافچ

هذيچ انتِ سفينة وكل شي بيّه شْراع
وچفوفي مطرهن حيف يتلمّس بخصر الگاع

ضعنا ولا گمر بالروح يندل سچة الحلوات
الحزن لو راد يعبرنا ، ينسى و بالضلوع ايبات


عبد_الوهاب_الحمداني

جـيتـك
والـعطش شطـين
مـا يخطـر عـلى ضنـونك



حـيدر قــاسم المالــكي .

مثل ماي النهر

يمشي العمر سكته !


الگاطع

اضحـکَ
اذا مافهموکَ ، الهـن وكـت
ميزتهـا تكبر الافكـار من تنخزنِ

تربح اذا تخسـر ناس بيهم غلط
بعلم الرشاقـه الربحـان يخسر وزن

كف شرهم العالـو بيکَ
بس انتبـه
بعـض المواقـف تريـد كفـه ردن
.
. .
الليالـي بـس سهر للعيـن منحـوتِ
عله البضلوعي اسمه نحت منحوتِ
يرب يـمطلـع الغركـِـان من حـوت
عليــک الـزهره طلـع ولفـي ليــَه ،

سيف_الحلفي . .

لملميت اجـروحـي گـلـهـن واعـتـنـيـتـك

مـرت أيام بزعلنا وانت لا همك واجـيـت

ولانـي هـمـيـت ونـسـيـتـك




مـيـثـاق_الـهـلالـي

يعلويه يبت الما يطخ الراس
يالبيج الندى يغطي الگصيبه احساس
بعنادچ يبس خلگي يگمريه
شحلات اليعشگ السموها علويه
ارحمي بحالي فدوه الخاطر العباس

سجاد_الغريب

انتظـرتك ..
والمطـر بلل گذلتي ومااجيت
وانتـه انتـه
لا اجـيت ،
ولا جـبت ، گـلبي الاخذتك
ولان مـعشـوگـــي عـذرتك
وانتظـرتك ..
بـارده ، والدنيا ظلمه وماشعلتك

12:59 م

حـيدر قاسم المالكـي

أنا لا أعـرفُ مـنَ الـزهُور غَـيرُكِ


نايشوكوف

@Ali33g

- كلمن يلتهي بليلَه ؟

عفنه الصبح للمرتاح ✨.

@Ali33g

- تدري چَم مرَّه أرد أحضنك ؟

والگه واهس چَفك يفشَّل فَرحتي 🖤.

@Ali33g