کاتێک کە باوەڕت بە خۆت هەبێت هیچ شتێک لەم دنیا ناتوانێت ببێتە بەربەست لەبەردەم بەدیهێنانی ئەو ئامانجانەی کە لە ژیانتدا هەن. کاک ڕاستی نموونەی یەکێکە لەو خوێندکارانەم، تکایە بینەری ڤیدیۆکەی بن.

سڵاو هاوڕێیان بمبورن کە ماوەیەکی زۆرە دیار نیم، سەرقاڵی پڕۆژەیەکی نوێم کە زیاتر لە 3 ساڵە شەو و رۆژ کاری تێدا ئەکەین، وە لەم مانگەدا بڵاوی ئەکەمەوە ان شاء اللە و پێتان ڕا ئەگەیەنم، وە پاش ئەوەش ئەگەڕێمەوە لاتان و بەردەوام ئەبم لە بڵاو کردنەوەی بابەتی بەسوود بۆ ئێوەی بەڕێز.

یەکەمین تۆڕی کۆمەڵایەتی لە کوردستان لە بواری بزنس و هەڵسەنگاندنەکانم دامەزراند کە پێشکەوتووترین ئاپی کوردییە و بەم نزیکانە دەبێتە شانازی هەموو کورد و کوردستان.

یەکەمین تۆڕی کۆمەڵایەتی تایبەت بە بزنس و هەڵسەنگاندنەکانم بە ناوی RateMe دامەزراند بۆ ئەوەی:

١. چیتر گەنجەکانمان تەنها سەرقاڵی کات کوشتن و ڤیدیۆی ڕیڵ و شتی بێسوود نەبن کە ژیانیان لە هەموو ڕووێکەوە دوا دەخات. 

٢. شوێنێک بێت دوور لە هەر قسەیەکی نەشیاو و جوێن و سووکایەتی و ڕق و کینەیەک بەرامبەر یەکتر وە شوێنێک بێت بۆ لێک تێگەیشتن و ئاڵوگۆڕی زانیاری و ڕای جیاواز. 

٣. شوێنێک بێت بۆ سەرخستن و زیاتر ناساندنی بزنس و کارەکەت بە هەمووان بە شێوەیەکی جیاواز لە هەر شوێنێکی تر. 

٤. شوێنێک بێت دوور لە هەر هەواڵێکی ناخۆش و هەر ڤیدیۆو دیمەنێک کە ڕۆژانە دڵەکان بکات بە بەرد و ناخ و دەروونەکانیش نەخۆش و بێ هیوا بکات، بەڵکو شوێنێک بێت بۆ هیواو ئومێد و دوور بینین، شوێنێک بێت بۆ گەشەپێدانی خود، شوێنێک بێت بۆ ڕۆشنکردنەوەی داهاتوومان و بنیادنانی کەسایەتییەکی سوودبەخش بۆ کۆمەڵگە. 

٥. شوێنێک بێت کە پاڵنەر بێت بۆ هەر کەسیك کە بیر لە دانانی بزنس و کاری خۆی بکاتەوەوە ئێمەش پاڵپشتی بکەین و ئەو کار و بزنسەی بە خەڵکی بناسێنین و سەرکەوتووی بکەین جیاواز لە هەر شوێنێکی تر. 

٦. شوێنێک بێت کە ڕا و بیرو بۆچوونی هەر یەکەمان زۆر زۆر گرنگی پێ درابێت و دەنگمان بیسترابێت زیاتر لە هەر شوێنێکی تر. 

٧. شوێنێک بێت بۆ دەربڕینی هەموو ئەو شتانەی کە لە ناخمانە و تا ئێستا دەرمان نەبڕیوە بە ئازادی و شوێنێکیش بێت بۆ چارەسەری هەموو کەم و کوڕی و کێشەکانی کۆمەڵگەکەمان. 

٨. شوێنێک بێت بۆ دۆزینەوەی باشترینەکان، واتە هەر شتێک کە تا ئێستا بە دوایدا گەڕاویت و نەتدۆزیوەتەوە لێرە بیدۆزیتەوە و ڕای گشت خەڵکیشی لەبارەوە بزانیت وە شوێنێکیش بێت بۆ یارمەتیدانت لە بڕیارەکانت. 

٩. شوێنێک بێت کە خەڵکی زیاتر کە هەر شوێنێکی تر ئاگایان لە یەکتر بێت و ڕا و بیروبۆچوونی جیاواز لەگەڵ یەکتر ئاڵوگۆڕ بکەن. 

١٠. شوێنێک بێت بۆ ئەوەی کە هەر کەسێک هەر ئەزموونێکی سەرکەوتووی ژیانی هەیە لەگەڵ کەسانی تردا باسی بکات و دەنگی بگات بە هەمووان و ببێتە پاڵنەرێک بۆیان. 

١١. شوێنێک بێت کە تێیدا هەمووان براوە بن، بەوەی کە هەم بەردەوام زانیاری جۆراوجۆر فێر ببن وە هەم ببنە براوەی گەورەترین خەڵاتە مادییەکانیش بە شێوەیەیک کە تا ئێستا لە هیچ شوێنێکی تر بوونی نەبووە. 

بە هۆی ئەمانە و چەندین هۆکاری تر ئێمە RateMe یمان دامەزراند، بۆ ئەوەی داهاتووی کوردستانمان بگۆڕین بە باشتر، وە بیکەینە هۆکارێک بۆ هۆشیار بوونەوەی کۆمەڵگەکەمان، وە بیکەینە شوێنێک بۆ ناساندنی هەموو بزنس و کارە نوێیەکان و زیاتر سەرخستن و ناساندنی بزنسە گەورەکانیش بە خەڵکی. 

RateMe یەکەمین تۆڕی کۆمەڵایەتی لە بواری بزنس و هەڵسەنگاندنەکان لە کوردستان و عێراق. 

لینکی پەیجی فەرمی ڕەیتمی لە فەیسبووک:

https://www.facebook.com/rateme.me

سڵاو هاوڕێیانم، هیوادارم کە هەمووتان زۆر باش بن، ویستم ئاگادارتان بکەمەوە کە ان شاء اللە لە چەند ڕۆژی داهاتووەوە دەگەڕێمەوە لاتان و لەگەڵتان دەبمەوە لێرە.

هەروەها ویستم پلانی نوێشمتان پێ بڵێم کە لە ئاپی RateMe لە دوو شوێنی جیا لە ناو ئاپەکە ڕۆژانە لەگەڵتان ئەبم بە بابەتی جیاواز و زۆر بەسوود کە بەشی هاشتاگ ە کە بە ڤۆیسی 1 خولەکی ڕۆژانە زانیاری زۆر بەسوود بڵاو ئەکەمەوە، هەروەها لە بەشی RateEX بە ڤۆیسی 10 بۆ 15 خولەکی هەفتانە بابەتی زۆر گرنگی زمانی ئینگلیزیتان بۆ ڕوون ئەکەمەوە، کە بەسوودە بۆ هەمووتان.

سوپاسی پشتیوانیتان ئەکەم، و هیوادارم کە هاوڕێ و کەسە نزیکەکانتان بانگهێشتی ئەم ئاپە نوێیە بکەن و ان شاء اللە بەم زووانە RateMe دەگەیەنینە ئاستێکی جیهانی.

ئەوەشتان بیر نەچێت کە تەنها بە هەڵسەنگاندن و ڕەیتینگ لە ناو RateMe دەتوانیت خاڵ بەدەست بهێنیت و لە ڕێگەی خاڵەکانیشت گەورەترین خەڵات و داشکاندنە بێوێنەکان بەدەست بهێنیت.

بەهیوای سەرکەوتنتان و بە هیوای ئەزموونێکی جیاواز لەگەڵ RateMe.

لەگەڵما بن لە تۆڕی کۆمەڵایەتی RateMe لە بەشی هاشتاگ و لە ڕێگەی ئەو هاشتاگانە بمدۆزنەوە.

ئەو وشانەی کە لەم بارودۆخەی ئێستای ڕۆژهەڵاتی ناوەڕاست زۆر دەیبینن و دەیبیستن لە پەیج و کەناڵە ئەمریکی و ئینگلیزییەکان: 🔥

Airstrike /ئێر سترایک/ هێرشی ئاسمانی
Iranian commanders
/ئیرێنیەن کماندەرز/ فەرماندەکانی ئێران

Retaliation /ڕیتاڵیەیشن/ تۆڵەسەندنەوە
Counter Attack /کاونتر ئەتاک/ هێرشی پێچەوانە

Drone Attack /درۆون ئەتاک/ هێرشی درۆن

Hypersonic Missles/ هایپرساانک مسڵز/ موشەکی سەروو دەنگ

All‑out war / ئۆڵاوت واڕ/ جەنگی گشتگیر
Nuclear site /نیوکڵیەر سایت/ بنکەی ئەتۆمی

Military base / مڵ تێری بەیس/ بنکەی سەربازی

Ceasefire /سیس فایەر/ ئاگر بەست
Explosion /ئێکسپڵۆوژن/ تەقینەوە

هەردوو وشەی زۆر بەکارهاتوو لە ناو کورد، وشەی ترشە سماق و لیمەدۆزی کە لە زۆر خواردنی جۆراوجۆردا بەکار دەهێنرێت. لیمەدۆزی لە زمانی ئینگلیزی پێی دەوترێت /سترک ئااسد/ کە مادەیەکی کیمیاییە و لە تاقیگەکاندا بەرهەم ئەهێنرێت، وە ئەشتوانرێت لە لیمۆ و پرتەقاڵیش بەرهەم بهێنرێت. بەڵام وشەی /سوماک/ کە زۆر لە وشەی سماقی خۆمان نزیکە لە بنەڕەتدا لە زمانی فەڕەنسی کۆن وەرگیراوە کە ئەویش لە زمانی عەرەبی وەریان گرتووە.

بەداخەوە، هەندێ کەس بە حساب خێر ئەکەن بە خەڵکی و خۆشیان زۆر بە موسوڵمان دەزانن و لە هەمان کاتدا کۆرسەکانی من بە بێ مۆڵەت ئەبەن و لەم لاو ئەو لا بڵاوی ئەکەنەوە بەڵام ئەمە نەک خێر نییە بەڵکو پێی ئەوترێ دزی کردن، وە هەرگیز ناتوانرێت خێر بە شتێک بکرێت کە موڵکی ئەو کەسە نییە و بە بێ مۆڵەت بردوویەتی بۆ خۆی. 

 سەرەتا سوپاس بۆ خوا ئێمە تا ئێستا نەبووە کەسێک داوای هاوکاری بکات و هاوکاری نەکەین وە گەر هەر کەسێکیش باری دارایی باش نەبووبێت ئەوا بە بێ بەرامبەر داخڵی کۆرسەکانمان کردووە، بۆیە پێویست ناکات ئەو کەسانە خۆیان وەک خەمخۆری هەژاران پیشان بدەن و کۆرسەکانمان بە بێ ڕەزامەندی ئێمە بڵاو بکەنەوە، چونکە گەر خۆیان بە موسوڵمان بزانن ئەوا ئەبێ باش بزانن کە ئەو کارە حەرامە و لە هیچ موسوڵمانێک ناوەشێتەوە کە دزی بکات. وە گەر خۆیان بە موسوڵمانیش نازانن ئەبێ باش ئەوە بزانن کە لە ڕووی یاساییەوە ئەوە بە دزی کردن و پێشێلکردنی مافی خاوەندارێتی کەسی دادەنرێت و بێگومان لە ڕێگەی کەسانی زۆر پسپۆڕەوە ئەو کەسانە دەدۆزینەوەو پاشان سکاڵای یاسیاییان لە دژ تۆمار دەکەین. 

دڵنیا بن ئەو کەسانەشی کە لەو ڕێگا چەوتەوە بەشداری لە کۆرسەکانم دەکەن هەرگیز نە فێری زمانەکە ئەبن و نە یەک خێریشی لێ دەبینن، چونکە خۆشیان نرخی ئەو زانست و زانیارییە نازانن کە بە ڕێگایەکی نا یاسایی و حەرام دەستیان کەوتووە و هەرگیز سوودی لێ نابینن.

بەداخەوە چەندین گروپ و پەیجیش لە تۆڕە کۆمەڵایەتییە جیاوازەکان بە ناوی منەوە دانراون و فێڵ لە خەڵکی دەکەن و لە زۆر شوێنیش قسەی نەشیاو دەنووسن بۆ خەڵکی بۆ ناشرین کردن و لەکەدار کردنی من، بەڵام ئەوەی دوور یان نزیک من بناسێت ئەزانێت کە زۆر دوورم لەو جۆرە ڕەفتار و گوفتارانەوە.

هیوادارم کە ئەم پەیامەی من بە هەموو ئەو جۆرە کەسانە بگەیەنن کە نەک سوود بە خەڵکی ناگەیەنن بەڵکو زیان بە خۆیان و کۆمەڵگاش دەگەینن و خەڵکی فێری ئەم کارە نا یاسایی و حەرامانەش دەکەن. 

گەر بە نیازی فێری زمانی ئینگلیزی ببیت ئێستا باشترین دەرفەتە لە ژیانت، چونکە گەر خۆت لەگەڵ کەسێکی تر بەشداری لە پاکێجی نایابی کۆرسەکەمان بکەن لە تێلێگرام ئەوا داشکاندنی %20 بۆ هەر یەکێتان وەردەگرن ! وە ئەگەر سێ کەس بن پێکەوە ئەوا بۆ هەر یەکێکتان داشکاندنی %33 وەر دەگرن و سوودمەند دەبن لە باشترین پاکێجی نایابمان لە تێلێگرام کە پێک هاتووە لەهەر پێنج ئاستەکەمان لەگەڵ بڕوانامە و هەموو ئەو پێداویستییانەی کە لە کاتی فێربووندا پێویستت دەبێت!
هەر ئێستا دەست پێ بکە و بە گەرەنتی لە پاش چەند مانگێکی کەمدا بە ئینگلیزی گفتوگۆ بکە!
ئاسانترین کۆرسی فێروونی زمانی ئینگلیزی کە تەنها لە ڕێگەی مۆبایلەکەتەوە دەتوانیت بە بێ لەبەرکردنی هیچ یاسایەکی گرامەر و بە بێ سەعی کردنی زۆر فێری زمانی ئینگلیزی ببیت بە جوانترین شێوەزاری دروستی ئەمریکی!
بۆ بەشداری کردن نامە بنێرە بۆ پەیجی سەرەکیمان لە فەیسبووک 👇

facebook.com/mohammadd.mehdi

هیچ کەسێک هەیە کە هەرگیز نەتوانێ فێری زمانی ئینگلیزی ببێت؟ وەڵام/ بەڵێ، تەنها ئەو کەسەی کە خۆی نەیەوێت و باوەڕی وابێت کە هەرگیز ناتوانێت فێری زمانی ئینگلیزی ببێت. ئەگەرنا هەموو کەسێکی تر بە دڵنییاییەوە ئەتوانێت فێری زمانی ئینگلیزی ببێت، بە بێ جیاوازی تەمەن و ڕەگەز و نەتەوە و ئاستی خوێندن.

بۆ زۆبەی زۆرمان (هیچ)، وا کۆتایی ساڵی 2025 ە تەنها چەند ڕۆژێکی کەمی ماوە و لەو 361 ڕۆژە هیچمان نەکردبێت بەم چوار ڕۆژەش هیچمان پێ ناکرێت، زیاتر لە 5,700 سەعات کە بەخەبەر بووین هیچمان نەکربێت ئەم چەند ڕۆژەش بەو شێوەیە هەروا ئەڕوات، وایە؟ بەڵێ، بۆ زۆربەی زۆرمان ئەگەر ئەم پۆستەم نەکردایە هەر وەک ئەو ڕؤژانەی پێشوو ئەم چەند ڕؤژەش هەروا ئەڕۆیشت!

بەڵام من لێرە هاتووم کە شتێکی جیاوازتان پێ بڵێم، بۆیە زۆر بە جوانی سەرنج بدە:

تەنها ئەم ٤ ڕۆژەی کە لە ساڵی 2025 ماوە تۆ ئەم خاڵانەی خوارەوە جێ بە جێ بکە ئەوا بە گەرەنتیەوە شتێکی زۆر گەورە لە ژیانت ڕوو دەدات!!

تێبینی/ ئەم خاڵانەی خوارەوە زۆر ئاسانن و هەموو کەسێک ئەتوانێ جێبەجییان بکات.

١. سەرەتا تۆ بە سەدان و هەزاران کاتژمێر تۆڕە کۆمەڵایەتییەکانت بەکارهێناوە لە ماوەی ئەم ساڵەدا و گەر ئێستا پرسیارت لێ بکەم کە چ شتێک فێربوویت ئەوا دەڵێت هیچ! بە دەیان هەزار ڤیدیۆ و ڕیڵ و وێنەت تەماشا کردووە بە بێ ئەوەی کە هیچ کامیانت بیر بکەوێتەوە، بە بێ ئەوەی کە یەک سوودت لێیان بینیبێت، تەنها ئەو هەموو کاتەی ژیانت کوشتووە بە بێ هیچ سوودێک و دەستکەوتێک.

بۆیە یەکەم خاڵ کە لەم ٤ ڕۆژەی کە ماوە ئەوەیە کە بە هیچ شێوەیەک، بە هیچ شێوەیەک هیچ یەکێک لە تۆڕە کۆمەڵایەتییەکان بەکار نەهێنیت، تەنها ئەم ٤ ڕۆژە، دواتر دەزانیت بۆچی!

٢. بە هیچ شێوەیەک گوێ لە هیچ هەواڵێکی سیاسی و شەڕ و شۆڕ و کێشە کۆمەڵایەتییەکان مەگرە، گەر بۆ چەند خولەکێکیش بێت نابێت گوێی لێ بگریت یان تەماشای هەواڵ بکەیت!

٣. بە هیچ شێوەیەک هیچ جۆرە یارییەکی ئەلیکترۆنی لە مۆبایلەکەتدا نەکەیت.

٤. بە هیچ شێوەیەک هیچ جۆرە ڤیدیۆیەکی کات بەسەربردن لە یوتوب تەماشا نەکەیت.

٥. هەموو ئەو شتانەی کە لە ماوەی ئەم ساڵەدا زۆرترین کاتیان کوشتوویت ئەم چەند ڕؤژە کەمە لێیان دووربە بە هەموو شێوەیەک، نابێت تەنانەت بە ئاسانی دەستت پێیان بگات، گەر هەموو تۆڕە کۆمەڵایەتییەکانت لایە لە ناو مۆبایلەکەت ئەوا بیانشارەوە، یان بە شێوەیەکی کاتی بیانسڕەوە چونکە مێشکت تازە ڕاهاتووە و خووت پێوە گرتووە کە بەردەوام دووبارە بیانکەیتەوە و تەماشایان بکەیتەوە، بۆ ڕێگری لەمەش ئەبێ هیچیان لە بەردەستت نەبن.

٦.هەموو ڕۆژێک لانی کەم ١ کاتژمێر کتێبێک بخوێنیتەوە! مەڵێ ١ کاتژمێر چییە، ئەنجامەکەی سەرسوڕهێنەر ئەبێت لە کۆتایی.

٧. هەموو ڕۆژێک لانی کەم ١ کاتژمێر تەرخان بکە بۆ فێربوونی زمانێک، ئیتر زمانی ئینگلیزی بێت یان زمانی عەرەبی یان هەر زمانێکی تر کە بە نیازیت فێری ببیت.

٨. هەموو ڕۆژێک لانی کەم ١٥ خولەک وەرزش بکە، ئیتر لە ماڵەوە بێت یان لە دەرەوە بە شێوەی بەڕێ ڕۆیشتن یان ڕۆیشتن بۆ هۆڵی لەش جوانی یان مەلە یان هەر وەرزێکی تر.

٩. هەوڵ بدە کە لانی کەم نیوەی ڕۆژەکانی پێشوو شەکر یان شیرینی بخۆیت، زۆر زیاتر لە ڕۆژەکانی تر ئاو بخۆرەوە و میوەش زیاد بکە لە نێوان ژەمەکان، تەنها بۆ ئەم چوار ڕۆژە.

١٠. (بۆ ئەو کەسانەی کە خۆیان بە موسوڵمان دەزانن) هەوڵ بدە کە نوێژەکانت لە کاتی خۆیاندا بکەیت و هیچ نەبێت لانی کەم ڕؤژی ١ پەڕە لە قورئانی پیرۆز بخوێنتەوە بە تێگەیشتن و ماناکەیەوە.

هەموو ئەمانە تەنها لە ماوەی ئەم ٤ ڕۆژە وەک خۆی جێبەجێ بکە پاشان لە یەکەم ڕۆژی سەری ساڵی نوێ بە پۆستێکی ترپێت دەڵێم کە چیت گۆڕی لە ژیانت و تەنها لە ماوەی ٤ ڕۆژ چیت دەست کەوت؟...

کێ لەگەڵمان بەشدار دەبێت، چاوەڕێی پۆستی دووەم بن لە یەکەم شەوی پاش سەری ساڵ...

محمد مەهدی
27/12/2025

ئەو 4 ڕۆژە تەنها بۆ تاقیکردنەوەی خۆت بوو، بۆ ئەوەی بزانی ئایا ئەتوانی تەنها بۆ ماوەی 4 ڕۆژ چەند گۆڕانکارییەکی بچوک و کاریگەر لە ژیانت دروست بکەیت؟ ئەوانەی کە لەگەڵمان بوون و ئەو خاڵانەی کە پێم وتن جێبەجێیان کرد ئەم شتانەیان دەست کەوت:

1. ئێستا ئەتوانی بڵێیت کە هەموو ساڵی 2025 وەکو ساڵەکانی تری ژیانت دووبارە نەبوو کە تێیدا هیچ شتێکت نەکردبێت و هیچ دەستکەوتێکت نەبووبێت بەڵکو لە تەنها لەو 4 ڕۆژەدا زۆر شتت گۆڕی و توانیت زاڵ بیت بەسەریاندا.

2. توانیت 4 ڕۆژ دوور بیت لە تۆڕە کۆمەڵایەتییەکان و هەموو کاتەکانت بەفیڕۆ نەدا، کەواتە تۆ سەلماندت کە ئەتوانی زیاتر و زیاتریش بەو شێوەیە بەردەوام بیت و زاڵ ببیت بەسەر خۆتدا و چیتر کاتەکانت لە تۆڕە کۆمەڵایەتییەکاندا بەفیڕۆ نەدەیت.

3. توانیت بۆ ماوەی 4 ڕۆژ لەسەر یەک و بە شێوەی بەردەوام ڕۆژانە کتێب بخوێنیتەوە، کەواتە ئەتوانی بەردەوام بیت و گەورەترین گۆڕانکاری لە ژیانت ئەنجام بدەیت، دڵنیا بە تەنها ڕۆژانە نیو کاتژمێر کتێبی بەسوود بخوێنیتەوە ئەوا لە ماوەی چەند مانگێکی کەمدا گۆڕانکاری گەورە لە ژاینت ڕوو ئەدەن.

4. توانیت بۆ ماوەی 4 ڕۆژ بۆ ئامانجێک هەوڵ بدەیت و ئامانجەکەت بپێکیت، کەوایە تۆ بە هەمان شێوە ئەوتوانی ئامانجی گەورەتر یەک لە دوای یەک بۆخۆت دابنێیت و هەوڵیان بۆ بدەیت و بێ گوومان پێیان بگەیت.

5. توانیت بۆ ماوەی 4 ڕۆژ دوور بیت لە هەموو هەواڵێکی سیاسی و نەرێنی کە بەردەوام گەورەترین زیان بە بیرکردنەوە و ژیانت دەگەیاند، کەوایە ئەتوانی بە هەمان شێوە بەردەوام بیت و بۆ هەمیشە بیرکردنەوەکانت بگۆڕیت بۆ ئەرێنی.

6. توانیت بۆ ماوەی 4 ڕۆژ خۆت بەردەوام بیت لەسەر فێربوونی زمان کەوایە ئەتوانیت بەم شێوەیە بەردەوام بیت و تەنها لە ماوەی چەند مانگێکی تر خۆت فێری زمانێکی نوێ بکەیت و ژیانت بەرەو زۆر باشتر بگۆڕیت.

7. توانیت بۆ ماوەی 4 ڕۆژ ڕۆژانە وەرزش بکەیت گەر بۆ ماوەیەکی زۆر کەمیش بووبێت بۆیە ئەتوانی بەم شێوەیە بەردەوام بیت و لە ئێستا بە دواوە جەستەیەکی تەندروست ترت هەبێت.

8. توانیت بۆ ماوەی 4 ڕؤژ خواردنی شیرینی و شەکر کەم بکەیتەوە کەوایە ئەتوانی بەردەوام بیت و گەورەترین گۆڕانکاری لە تەندوستی و جەستەتدا ئەنجام بدەیت، تەنها بەردەوام بە و ئەنجامەکانی ببینەرەوە.

9. توانیت بۆ ماوەی 4 ڕۆژ نوێژەکانت زیاتر لە پێشوو لە کاتی خۆیاندا ئەنجام بدەیت بۆیە ئەمیش وەک خووە باشەکانی تر ئەتوانی بەردوام بیت.

کەوایە شانازی بە خۆتەوە بکە کە لە کۆتا ڕۆژەکانی ساڵی 2025 توانیت سەرەتایەکی گۆڕانکاری گەورە لە ژیانت دروست بکەیت، سەلماندت کە ئەتوانیت بەسەر خۆتدا زاڵ بیت و ئەوەی ئەتەوێ لە ژیانت بیگۆڕیت، ئەوەی خوی خراپە لە ژیانت فڕێی بدەیتە دەرەوە و چەندین خوو و ئامانجی نوێ بۆ ژیانت زیاد بکەیت.

تەنها بەردەوام بە، لە ماوەی چەند مانگێکی داهاتوو خۆت نامە بۆ پەیجەکەم ئەنێریت و باسی گۆڕانکارییە گەورەترەکانی ژیانتم بۆ ئەکەیت...

ئەوانەشی کە لەگەڵمان بەشدار نەبوون زۆر ئاساییە و ئەتوانن بچنە پۆستی پێشووترمان و هەمان خاڵەکان ئەنجام بدەن، سەرەتا تەنها بۆ ماوەی چەند ڕۆژێک پاشان بێنەوە و ئەم پۆستە بخوێننەوە.

هیوای سەرکەوتن بۆ هەمووتان ئەخوازم

گەر ویستت هەر گەل و نەتەوەیەک لەناو ببەیت ئەوا دووبەرەکی و کێشە و ناکۆکی بخەرە نێوانیان، ئیتر خۆیان بەرە بەرە یەکتری لاواز ئەکەن تا ئەگاتە ئاستێک کە هیچ دەسەڵات و هێزێکیان نامێنێت بەرامبەر هەر داگیرکار و دوژمنێک و زۆر بە ئاسانی لەناو ئەچن.

ئەمەش هەر ئەوەیە کە بە درێژایی مێژووی کورد دوژمنانمان بەرامبەر ئێمە کردوویانە و بەردەوام هەوڵیان داوە کە شەڕ و ناکۆکی و دووبەرەکی بخەنە ناومان، بە شێوەیەک کە دابەش بین بەسەر چەندین حیزب و ئایدۆڵۆژیای جیاواز و هەر کۆمەڵێکمان بکەن بە دوژمنی ئەوی تری.

لە ئێستادا گەورەترین هۆکاری سەرکەوتن بۆ کورد یەکڕیزی و یەکگرتوویی و یەکدەنگیمانە، بە بێ جیاوازی ئایین و حیزبایەتی و بیرکردنەوەمان، بە بێ ڕقلێبوونمان لە یەکتر و بە بێ جوێندان و سووکایەتیمان بەرامبەر یەکتر.

گەورەترین دڵسۆز و خەمخۆری کوردیش ئەو کەسانەن کە هەوڵ ئەدەن کورد یەک بخەن، وە موسوڵمان و مەسیحی و سیکیولار و گەنج و پیر لە یەک بەرەدا کۆ بکەنەوە و هەمووی یەک دەنگ و یەک هەڵوێست بکەن بەرامبەر بە دوژمن.

کورد میلەتێکی زۆرینە موسوڵمان و یەکێک لە پاکترین نەتەوەکانە کە بە درێژایی مێژوو زیانی بۆ هیچ کەس و گەل و نەوتەوەی تر نەبووە و نە هێرشی کردووە بۆ سەر کەس و نە هیچ شوێنێکی تری داگیر کردووە. بۆیە هیچ کەسێکیش بۆی نییە بە کورد بڵێت بێ دین، کورد ئەو نەتەوەیە کە زۆرترین خزمەتی بە ئایینی پیرۆزی ئیسلام کردووە و جوانترین ڕووی بە نەتەوەکانی تر پیشان داوە.

بۆیە داواکارم لە خوای گەورە کە هەموو زوڵم و زۆردارییەک بمانپارێزێت و ئەوەی لە سوود و قازانجی گەلەکەمانە ئەوەمان بۆ بکات.

من کوردم و گەورەترین شانازییە کە کوردم و کوردستانیم ❤️
محمد مهدی

کەسێک هەیە ئێستا دوعا ئەکات کە ئەو ژیانەی تۆی هەبێت.