فرشولي ريش ومانمت
بس يمك اغفى على الجمر .

إذا تِشعل حَبيبي لجيتي شمُوع
إلك كُلي أشتعل لمَن تجيني

الوطن مثل الصلاة لحد يگطعه


زيد السومري

أذا أنتَ غشَيم وعَرفوا يغَشوك
شنو ذنبيَ ثمَن لأخطَاك ؟
آني أدفَع
ثنئ رِجل الحَزن والراسَ طخّ الگاع
وركَعني وتگول تهُون لاتركَع
غيَر الروُح تُقنع مـِن أگلها تهُون
العطش مـِن السَراب
شيرتويَّ ؟ شيقنع ؟

-سَميرّ صَبيّح

انا الماله داعي !
شلون صارت هاي ؟
خليها على روحك شوف تقنعها؟
انا الما اهمك هيج صرت اليوم؟
وانا بكل امورك چنت مرجعها.

جبار رشيد

قطار العمر مرنه  مالحضنه
ويعين الله على حضنه  مالحضنه
حض الودم جاعد ماله  حضنه
واگف وگفت الميتين بيه

عوفهم لا تلتفت عالوادم الماتشتريك
بيعهم بارخص تذاكر
طيح يم اول محطة تفك اديها تهلي بيك

وبالعراقي تگلة :
هواي أكابر من
أريد أكتب رسالة
وأنتَ تعرف
شكو شلونك ؟
شلون وضعك ؟
ما تُمر ونشوف وجَهك ؟
ذني معناهن أحبك
بس أكابر يا حبيبي وما أكلك .

خاب على شوفة وجهگ أنخاك،
جاوين المسولفهن وياك ؟
ويخنكني شوگي المارضى يفض .
وكل ماينكال اسمك اغمض...
اريد انسى بس ليش تعرض..
وها حشى جدامگ صوچ دربي
المشكله عيونگ هنه هنه،
جاوين وديت المحنه؟... ✨

اهج من ذكرياتك وين ؟
كل شارع الك بي صوت
زحمه العشره تكضي بزعل
كون بموت ..!

كُمت اخذ نِفس وبريتي ينزل غيم
واندليت عِلتي وجرحي كظيته
روح الهوه بظهرك والهويته يروح
مو بَس شوفي عنّك سَمعي غضيته
گبل ليلك وخلكي تسابكن بالطول
العلي ماكفه هسه بروحي گفيته
انه بخَد النده تلكاني طايح ماي
وصوت النِفس يصهل بأذني خليته

أضيَـعچ وألتِـفت والـڪَاچ ، وَردة وخَـدچ يُندي

چنَها هـَل مَره صُدگ مِتفارگين
اليَوم أودي وينَ كِل هَذا الحِنين
مَره فارگتكَ دقايَق ومـِن أجيت
گِتلك شـَعطلك كِل هايَّ السِنين
آني مرجوحَه بمُحرم وحَدي أعيش
مِثل وحَشة رَحم بـَ فراگ الجِنين
وأنتَ چنك جَرحي إذا ادَاوي يرُوح
عَـلكيفك عاد يـَبن المِسعدين
سَاعة وداعَك ذِيچ والمَغربيه
مِثل الـيجيهَ وليَد ويموت إبيَه
هيَچ أريدن شَوفتك مـِن أعتنيك
لا غَرام ولا هَوى ولا مَشتهيك
آنه ذاك الشايل دَموعه بـگُفاكَ
وأنتَ ذاك الشايَل الخَنچر بأيديك

لـ زيَد السّومري .