كتاب راقي في التحاليل المختبرية يمتاز
اول شي باللغة العربية ميحتاج انته تحجي انكليزي حتى تفهمه مع ملاحظة انو المصطلحات الطبية المهمة مكتوبة عربي انكليزي
ثاني شي موجود بيه كل التحاليل اللي نشتغلهه يعني اذا حبيتوا تجمعون التحاليل كلهه بكتاب واحد فهو هذا الكتاب
ثالث شي مو مطول تقريبا ٣٠٠ صفحة
ورابع شي واخيرا موجود بيه النسب الطبيعية لكل تحاليل واذا زاد شيصير واذا قل شيصير يعني اول دليل للتشخيص اذا ضبطتوا راح يساعدكم جدا حتى بتشخيص الحالات المرضية

Fasting Glucose Test
تحليل سكر الصائم

طبعا كلنه نعرف ان بالدم مالتنه موجود نسبة معينه من السكر وهذا السكر جدا مهم للعمليات الايضية وكمصدر طاقة لكل الخلايا .
لكن كلنه نعرف ان اذا ازدادت نسبة السكر تؤدي الى مشاكل مثل انسداد الشرايين والجلطة ومشاكل بالنزف في الصفائح الدموية وغيرها .
خلونه نجي على شرح هذا التحليل
من خلاله نعرف النسبة الطبيعيه للسكر واذا ازدادت نعرف شنو معناها ،
وقبل هذا لازم نعرف Fasting اوصيام نقصد ان المريض يصوم بيه من 8- 12 ساعه ويمتنع عن الطعام ما عدا الماء .
🔸 لازم نعرف نسبة السكر الطبيعية
حتى تفتهمون الشرح

هسه نجي للشرح

راح من نجي من نجي نقيس السكر راح نمر بشغلنه ع اختلافات بالنتائج
وهي طبيعية ، فوق الطبيعية ، سكر عالي كالاتي :

🔸الحالة الاولى / الطبيعية
بدايةً لازم نعرف نسبة السكر الطبيعية
و الي هي لحد 100mg واقل ، فهذه النسبة طبيعية .
طبعا واكو بعض المختبريين يتعاملون بال mmol والي يساوي 5.6mmol هذا القياس طبيعي ،
اذن اذا كانت النسبة 100mg واقل 5.6mmol يعتبر قياس السكر طبيعي

زين نجي للحالة الثانية / فوق الطبيعي
ونشوف
اذا كانت نسبة السكر هي من
100-125mg
او من 5.6-6.9mmol
بهذه الحالة لا يكدر يكله انت طبيعي ولا يكدر يكله للمريض نسبة سكري عاليه

🔸فهذه الحالة نسميها per - Diebetis
ما قبل السكري او خطورة ارتفاع نسبة السكر بالدم
🔸فالنصيحة يبدا يمارس رياضة او يقلل الوزن او تنظيم الطعام
لان السكر شويه صاعد عن الطبيعي

نجي للحالة الاخيرة
وهي حالة ارتفاع السكر لمن يكون اكبر او يساوي من 126mg او اكبر او يساوي 6.9 mmol

زين بهذه الحالة راح نكول للمريض عنده سكري ؟
لحظة او نقطة خلي نحجي على القياس الاخير وهي اول نقطة ان يتم القياس على فترات متباعدة مرتين يالله نكدر نحكم المريض عنده سكري او لا يعني مو من قياس واحد فلازم عدة قياسات متباعدة حتى نحكم ان المريض عندة سكري

🔸هذا فيديو للشرح التحليل العملي للسكر العشوائي ونفس خطوات السكر الصاىمي فقط المريض بالسكر الصيامي يصوم

https://youtu.be/Lz0H4es4YGM

شنو المعوقات الي تواجهك كمحلل
الحل راح يكون بهذا الفيديو
لا تنسوا اشتركوا بالقناة
https://youtu.be/MzP9Nq0FfJI

تقنية الــــ PCR وهو اختصار لــ
Polemarase Chian Reaction
تفاعل تسلسل انزيم البوليمريز يعني راح تضاعف الــ DNA
الغرض منه هو تضاعف الــــ DNA
وكــتفسير بسيط للاسم فالبوليمريز هذا انزيم موجود بخلايا الجسم بشكل طبيعي ويستخدم عند نسخ الــ DNA فاحنه هنا نستخدم تقنية مشابهه الى حد ما بس مو نفسهه، راح نضاعف الــ DNA حتى نعرف وجود الــ DNA الى نستهدفه احنه في العينة مالتنه
ويتم على ثلاثة مراحل حسب ما اقسمهم
- مرحلة جمع العينة
- مرحلة thermal cycle
-مرحلة jel electrophoresis
اني هنا ما راح اشرحلكم كل هذه الخطوات كلهم دفعة وحدة لان الــ benefit راح تكون جدا قليلة
فهسه شرح عام او شرح نظري عن هذه التقنية
هذه التقنية تعتمد على وجود تسلسل معين ب DNA
يعني ... نفترض ال DNA قفل واحنه بهذا التحليل نجيب مثل المفتاح ونفتح القفل اذا انفتح يعني النتيجة +ve واذا ما انفتح يعني -ve وابسط شي كورونا فايرس نعتبر الــ RNA مالته (RNA هو عبارة تركيب يشبه الــ DNA مكون من شريط واحد من القواعد النايتروجينية)
*القواعد النايتروجينية هيه عبارة عن النيوكليوتيدات (في الواقع كل قاعدة ٣ نيوكلوتيدات) والتي هي عبارة عن مركبات تمثل الحجر الاساس بال DNA و RNA وهي تشمل
الادنين Adinine ونرمز الهه A
كوانين guanine ونرمز الهه G
يوراسيل uracil ونرمز الهه U
ثايمين thymine ونرمز الهه T
سيتوسين Cytosine ونرمز الهه C
خلي نعتبر ذني عبارة عن طابوكات
الطابوكات اللي يكونن ال DNA هنه أدنين، كوانين، ثايمين وسيتوسين
واللي يكونن RNA أدنين، وكوانين، ويوراسيل وسيتوسين
بعد مصطلح لازم نتعرف عليه اللي هو النيوكلوتيدات المتممة فاحنه من نريد نسوي عملية تضاعف ال DNA اكيد راح نقسم هذا ال DNA بالنص وهذني الاثنين كل واحد راح يكمل و يصير DNA منفصل بيمن يكمل ؟ اكيد بالنيوكليوتيدات المكملة بس احنه مو راح نسوي التضاعف بالمختبر فلازم احنه نجيب هسه نجي نشرح منو يكمل منو طبعا هذا ب DNA لان PCR راح نشتغل ع ال DNA
الادنين A المكمل مالته الثايمين T
الثايمين T المكمل مالته الادنين A
الكوانين G المكمل مالته السيستوسين C
السيتوسين C المكمل مالته الكوانين G

تقنية ال PCR الجزء الأول منها شرح المواد والكواشف فيها والتطبيقات الخاصة بهذه التقنية، سويتهه PDF حتى ادعمهه بالصور بشكل اسهل واوضح،
أي سؤال عدهم اطرحوا وان شاء الله اجاوبكم عليه

هسه نبدي بالشغل العملي
مدام ماكو عرض تقديمي اكدر احجي بالعامية براحتي 😂
عدنه اول عملية بالشغل العملي هيه purification او يسمونهه extraction وهذي نستخلص ال DNA مال الخلية لان مثل متعرفون عدنه المسحه اللي اخذناهه بيهه هواي مكونات فحتى نبقي بس ال DNA نسوي هاي العملية شنستخدم vortex mixer هذا عبارة عن سنترفيوج صغير 
سؤال ليش ميصير نستخدم السنترفيوج؟
لان التيوب مال pcr صغيرة متصير عليه
فبالكت اكو عدنه عبارة عن lysis وهذي مواد تحلل عدنه 2
الاول lysis buffer للخلية او للكابسد اذا كان عدنه فيروس و lysis buffer للنواة nucleus حتى يطلع ال DNA
شلون تصير العملية بالتفصيل
اول ما نجي نسحب من التيوب اللي جابنه النه اللي سوه المسحه نسحب منه كمية ونسويلهه استخلاص extraction
نضيف buffer lysis  الخاص بتحلل بالخلية بعدين نخلي ب vortex mixer حتى نتخلص من مكونات الخلية ونسحب بس النواة
بعدين نضيف lysis buffer الثاني وهم نسوي نفس العملية
ناخذ بس ال DNA
#اكو كتات بيهه washer هذي حتى نغسل المحلول بيهه يعني نضيف ونخلي ب vortex بس بدون متحلل النواة ولا شي
نجي الخطوة الثانية اللي هيه تحضير الكواشف
وهاي الخطوة هي اسهل خطوة وبنفس الوقت الخطوة اللي الشركات تتفيك بيهه
كل شركة تبدي وتخلي reagent ومتكتب اسمه خاف احد يعرفه بس مثل ما كلنه الاشياء الاساسية اللي لازم تخليهه كل شركة هي
Polemarse او tap enzyme وهذا هو اللي يضاعف الحامض النووي
ومرات هذا يضيفون ويا مواد ثانية مساعدة فيسمونه   master mix
وعدنه ثاني شي ال primers وهذا اللي حجينه علي هواي
وعدنه ال Revers وهذا هم يشبه ال primer الى حد ما
وعدنه النيوكليوتيدات
وعدنه ال control positive و ال negative واكيد تعرفوهم
فهنا نجي بس نقره ونضيف حسب الكت اللي عدنه ونشوف خانة بيهه
مكونات الكت
وهذا يشرحلنه كل اللي بالكت من مكونات

مكونات الكت
مثل متشوفون اكو ال master mix واكو Positive control و اكو ال negative control الخ...

واكو خانة البروسيجر وهذا يشرحلنه شراح نضيف وشراح نسوي
فهنا يكول حضر 4 توبات وضيف في كل تيوب كمية من فلان مكون
ومثل متشوفون اسفل يكول عدد الدورات ب thermocycler هي 40 درجة ومثل ما كلتلك قبل لان هذا الفيروس RNA فنحتاج نسوي DNA وهو نضيفله خطوة زيادة مثل متشوفون Reverse transcription ومدتهه 30 دقيقة ودور وقف العملية
وبعدين بده بالشغل وهو 40 دورة وقسمه الى
Denaturation
Annealing
Extension 
Final extension
فالعملية الأولى فصل بيهه الشريطين والثانية ربط بيهه جزء من النيوكليوتيدات والثالثة تربط كل النيوكليوتيدات والاخيرة يعني تكمله للعملية السابقة وكل عملية لازم بدرجة حرارة معينة مثل ما شفتوهه ووقت محدد شلون نسوي من خلال الجهاز احنه نكتب الحرارة والخطوات والوقت وهو يبدي يشتغل

تبقى اخر خطوة وهي gel electrophoresis
وهاي نستخدم جهاز gel electrophoresis صورة 1
التوبات نسحبهن بال pipet ونخليهم بخانات محددة صورة 2
وبعد ما خلاناهم بهذولي الفتحات هنه اللي نخلي بيهن ونشغل الجهاز وبعد ذلك تظهر النتيجة ع جهاز الاشعة فوق البنفسجية ال UV صورة 3

الشرح العملي التطبيقي راح اقتبسه من دكتورة رنا رضا من جامعة المنصورة
Part 1
https://youtu.be/SQdNyyhb5wI

Part 2
https://youtu.be/h1HLPbqXJ7Q

تعتبر تحاليل ال DNA من اغلى التحاليل حتى توصل للملايين لان هذا العلم مهم جدا لذلك راح اشوفكم بعض المفاهيم الاساسية بي اللي تصير لخبطه عند أغلب الناس بي
الجينوم genome
الجينوم هو المادة الوراثية اللي بالنواة واللي تتكون من 23 زوج من الكروموزوم بالانسان
الكروماتين: هو عبارة يحتوي مجموعة خيوط اللي هي ال DNA ملفوفة على بكرة يسمونهه الهستون histone تقريبا عدد من الهستونات(البكرات) الملفوفة يعني مو وحدة فد عدد معين
الكروموزوم chromosome هذا من نجيب اعداد كبيرة من الكروماتين ونضغطة ونسوي ع حرف x يكون عدنه الكروموزوم
ال DNA عو عبارة عن خيوط هاي الخيوط تكون مزدوجة شلون من نخلي الخيط بالابرة تصير اثنين بس هذي الخيوط ما منفصلات لا. مرتبطات ابعض عن طريق شي اسمه القواعد النايتروجينية او النيوكليوتيدات
زين شنو الجين؟ الجين هو عبارة عن جزء من ال DNA احنه مو كلنه ال DNA هو خيطين الجين هو شوية من الخيطين شنو فائدتهم ذوله همه اللي عدهم المعلومات اللي يسوون بيهه كل شي يعني شلون خلفة البناء اللي يكول انتي العين لونج ازرق انتي البشرة لونج مثلا حنطاوي
كل جين مسؤول عن صفة معينة

الجواب النموذجي من عدم استخدام التورنيكا بتحليل الكالسيوم هو هذا الي اكتبه
This increase may be as a result of anaerobic glycolysis that occurs as a result of prolonged tourniquet application, resulting in an increase in plasma lactate concentrations that lead to a reduction in blood pH and falsely increased calcium concentration

منو يعرف تشخيص هذي الحالة شنو؟
وهم شايفينهه بحياتكم؟