هسه بعد ما عرفنه الميتابولزم مال السكر والهرمونات المسيطرة عليه وعرفنه
القنوات الخاصة بيه هسه نجي نعرف

كيف يتم تصفية وامتصاص السكر في الكلية ؟ في الطبيعي ومرض السكري

الكلوكوز موجود بالدم وهذا راح يتم تصفيته من الدم بالكلى فتصير بيه عملية اسمها Filtration
هسه الكلوكوز تصفى بالكلى تحديدا في انبوب PCT
زين لهنا تمام 🤓
جسم الانسان لمن يشوف الكلوكوز نزل بالنيفرون ، طبعا هذا الكلوكوز الي نزل المفروض يخرج باليرون خارج الجسم .
فالجسم راح يكول هذا الكلوكوز مادة مهمه ما نريد نخسر هذا الكلوكوز ف يجب ان هذا الكلوكوز نرجعة الى الدم ( نعيد امتصاصة )
فعندنا ببداية انبوب ال PCT قناة واحنه ماخذينها بالقنوات الي فوك وايضا عندنه بنهاية الانبوب هم قناة ، اذا عندنا قناتين وهذه القناتين مسؤولة عن ارجاع الكلوكوز ( لنفرض نسميها قناة 1 وقناة 2 ) فتسمى قنوات SGLT فادكول للكلوكوز ارجع للدم ،
لكن هذه القنوات راح ترجع الكلوكوز وراح ترجع ويا الصوديوم
فهسه رجعنا الكلوكوز والصوديوم
فصار عندنه داخل الخلايا ( خلايا الي تكون بين النفرون و الاوعية الدموية الي تكون محيطة بالكلى ) كلوكوز وصوديوم

زين احنه نريد هذا الكلوكوز الحصرناه بهذه الخلايا نرجعه للدم .
فراح نرجعة بعميلة اسمها اعادة الامتصاص ( Resorption )
فعندنا قناة اخرى ترجع الكلوكوز للدم طبعا اسمها SGLT2 Type 2
هسه رجعنا الكلوكوز للدم مبروك 😅

الي صار بعد ما رجعنا الكلوكوز للدم ان هذه القنوات الها قدرة استيعابية
مثلا لو عندنا 5 قنوات منها وعندنا 5 كلوكوز
فالكلوكوز ممكن رجع للدم !
تخيل وياي ان هذا المريض صار عنده ارتفاع بالكلوكوز الدم بدلا من 5 كلوكوز صار عنده 8 كلوكوز ( مثال هذا طبعا)
واحنه عندنه 5 قنوات . ف 5 من الكلوكوز رجعوا بقت 3 كلوكوز ما كدروا يرجعون .
ليش ما كدروا يرجعون ؟
لان هاي القنوات تشتغل بماكسيمام كاباستي ،يعني ما عندنه بعد قنوات اخرى ترجع هذا الكلوكوز اذا زاد للدم ع طول النفرون .
فالمريض عنده زيادة مفرطة بالكلوكوز Hyperglycaemiaفالي صار الكلوكوز الي زاد ما لكه قنوات ترجعه فشراح يصير بيه ؟
راح يخرج باليورن فرصتهم خلصت بالرجوع
لان القنوات ماموجوده غير بس بهذا المكان بال PCT فصار بيه Execration
يسمونه خروج السكر في اليورن
الملخص كل تركيز السكر بالدم زاد زادت ال التصفية Filtration
وكل ما زاد تركيز السكر بالدم كل ما اعادة الامتصاص موجودة لكن بكمية محدده
وطبعا بالواقع القنوات تفقد السيطرة عن اعادة امتصاص السكر من الادرار بعد ما يكون تركيزة بالدم 300
يعني اكثر من 200 يبدا يخرج باليورن

هسه افتهمنه؟ 🌝
وبعد شي مرات تكون حالة نادرة
وهي لنفرض السكر بالدم طبيعي ( مثلا 100mg) بس هذه القنوات ما تشتغل بيها ( Defect ) فراح نشوف الكلوكوز بالدم طبيعي بس جاي يخرج بالادرار فلهذا تسمى الحالة Renal DM
بس هذا ما بيه سكر بس المشكلة بالكلى

Diabetes mellitus Type 1 & Type 2
الفرق بين السكري الاول والثاني

خلينه نشرح فد شغلة وهي الارتباط بين الانسولين والكلوكوز .
الشخص من ياكل كاربوهيدرات ( سكريات ) فبذالك الكلوكوز بالدم راح يزداد .
الانسولين راح يجي وياخذ هذا الكلوكوز ( طبعا هو كلتلكم ينفرز من البنكرياس من خلايا Beta cells)
راح ينفرز الانسولين من ال Beta cells بالبنكرياس ويروح الى الكلوكوز الي بالدم وياخذ هذا الكلوكوز ويضعه داخل الخلايا ، بعد فتره من الاكل بالطبع هذا الكلوكوز راح ينخفض بالدم ، ليش ؟ لان الكلوكوز راح الى داخل الخلايا .

🛡️فالي يصير بمرض السكري هي اما الانسولين غير موجود ( خلايا ال Beta cells الي بالبنكرياس تدمرت ) ف الانسولين ما عاد ينفرز .
او المشكلة هي مستقبلات الانسولين يعني راح الانسولين يريد يدخل الكلوكوز داخل الخلايا لكن مستقبلات الانسولين بيها ممانعه وما راح الكلوكوز يدخل .

الان المشكلة بالكلوكوز النوع الاول والثاني هي :
الكلوكوز ما يكدر يدخل الى الخلايا وبذلك نسبة الكلوكوز بالدم راح تكون عالية لفترات طويلة وهذا يؤدي الى مضاعفات ومشاكل كثيرة .

🟦خلينه هسه نبدا بالتفريق وراح نحجي الفروقات بالنسبة
للسبب و نسبة حدوث المرض ووجود الانسولين وعدم وجودة والكيتواسدوسز ووزن المريض والعلاج
نبدا
1- السبب Etiology

💜بالنسبة لل Type 1
يحدث نتيجه Autoimmune disease
يعني الجهاز المناعي يهاجم خلايا ال Beta cells بالبنكريات ويكسرها فيبدا الانسولين يقل بالبداية وبعد فتره من تدمر Beta cells ف الانسولين بعد ما ينفرز

💙بالنسبة لل Type 2
خلينه نفرض ان هذه خلية 👈🏻🟦 وعندنه عليها مستقبلات للانسولين على سطحها
المشكله هنا الانسولين من يجي ويريد يتفاعل مع هذه المستقبلات ما تستجيبله هذه المستقبلات وبذالك ما راح يدخل الكلوكوز
يعني اكو انسولين بس الخلية ما تستجابله فما تنفتح القناة الخاصة بالكلوكوز حتى يدخل الكلوكوز للخلية
والسبب هذه المستقبلات يصير بيها ممانعه Resistance

2- نسبة حدوثة ( Prevalence )
💜بالنسبة لل Type 1
5% من الحالات المصابين بالسكري تكون من نوع الاول

💙بالنسبة لل Type 2
95% من الحالات المصابة بالسكري
طبعا لو شفنه مريض سكري فاغلب الحالات الي راح نشوفها هي Type 2 ونسبة قليلة من الي ينصابون بال Type 1

3- Diabetic ketoacidosis (DKA)

قبل لا اشرحها فهي بالنوع الثاني هي نادرة الحدوث اما بالنوع الاول شائعة
الي يصير بسبب غياب الانسولين الدهون ال Fatty Acid و ال Lipid راح تبدا تتحول الى مواد اخرى تسمى Ketons body تعتبر مواد حامضية ولما تزداد بالدم بكيمه كبيرة راح تسوي مشاكل فالانسولين اذا كان موجود هذه العملية ماراح تصير ولكن بالنوع الاول الانسولين غير موجودة وبذالك الدهون راح تتحول الى Ketons body مثل استون استيك كمثال
وقد تسبب مشاكل كثيرة مثل Tachycardia و Dehydration وهذه الحالة تعبر خطرة .

4- الوزن Weight
طبعا اغلب المرضى الي يكون عندهم النوع الاول وزنهم يكون قليل وما عندهم سمنه زائدة اما النوع الثاني فيكون عندهم وزن عالي
وبالعمر اغلبهم بالنوع الاول اصغر من 35 سنه اما النوع الثاني فاكبر من 50 سنه

5- Treatment
💜نجي للعلاج وهي اهم نقطة
نجي للنوع الأول وهي الانسولين غير موجود فاكيد نعالج المريض عن طريق اعطاءة الانسولين وطبعا اكو عدة انواع من الانسولين مثلا Long-acting و Intermediate-acting و Fast-acting
حسب احتياج المريض وتقييم الطبيب لحالة المريض

💙اما النوع الثاني فمشكلتنه هي الممانعه
لان المستقبلات غير قابلة على استقبال الانسولين Resistance
فالانسولين موجود واذا انطيته انسولين ماراح نستفاد ذيج الفائدة الكبيرة لذالك يحتاج ننطية ادوية تقلل الكلوكوز وتساعد هذه المستقبلات على ان تكون حساسة للانسولين فلذلك اهم الادوية هي Metformin و Sulfounlurea

🟣زين بالنوع الثاني كلنه الانسولين موجود . زين كعلاج هم احتاجه ؟
نعم احتاجه ، احيانا نحتاج ننطي انسولين لان مثل ما كلتلكم بالبداية الإنسولين يكون موجود والبنكرياس يحاول يفرز الانسولين اكثر وره فتره البنكرياس بال Beta cells يصير بيها تعب فبعد فتره حالة المريض تتطلب تحتاج ننطية انسولين بس مو كلهم وانما قسم منهم

الفرق بين السكر الحقيقي والسكر الكاذب
DM vs DI

طبعا مو كل شخص يصير عندة كثرة عطش وكثرة تبول ، مباشرة ان هذا عنده سكر حقيقي ومرض خطير بالفعل !

فاليوم راح نتكلم عن مرضين اساسيين ممكن تؤدي الى كثرة التبول وكثرة العطش وتظهر عند المريض اعراض السكري ولكن بالحقيقة مو سكري فراح نتطرق لموضوع السكر الكاذب والسكر الحقيقي ونسوي مقارنه ( شوف الصورة ام الجدول )

خلينه نبدا بالسكر لحقيقي DM
طبعا قبل ما نعرف كلشي نسوي مراجعة سريعة
البنكرياس بيها خلايا اسمها ال Beta cells وهذه تفرز الانسولين ووظيفة الانسولين ان يخفض السكر
فرضا واحد اكل كميات من السكر كبيرة يجي الانسولين ويدخل السكر بالخلايا فبدون الانسولين هذا السكر ما يدخل للخلايا وكنتيجة راح يضل السكر عالي بالدم
🔸 زين لعد شنو كثرة العطش ؟ وشنو سبب كثرة التبول ؟ اذا سكر عالي بالدم ؟

🟠 الي يصير كالتالي : ان لمن يصير سكر عالي بالدم راح يروح للكى ويخرج من الكلى ،
زين هو خرج وبعدين شراح يصير ؟
لمن السكر يخرج من الكلى راح يسحب وياه الماء ولمن يسحب وياه الماء اكثر من اللازم راح يصير عند الانسان تبول كثير والانسان لمن يتبول بكثرة راح يعطش واصلا السكر لمن يزداد ينطي اشارة لل Hypothalamus الموجودة بالدماغ من اجل ان الانسان يشرب كميات ماء كبيرة ،

🔸اذا كثرة التبول والعطش تعتبر دلالة مهمة على السكر 🤔 هسه نجي نعرف من نشوف السكر الكاذب

السكر الكاذب DI

اول شي احنه ليش سميناه كاذب ؟ 🤔
شنو الكذب بالموضوع ؟ 🤔
سميناه كاذب بسبب ان هذا النوع ماله علاقة بالانسولين ولا بالكلوكوز ولا بالبنكرياس
- طيب منين المشكلة ؟ 🤔
شوفوا 😌
بالدماغ عندنه غدة اسمها pituitary gland تتكون من فصين كالاتي :
1- Anterior pituitary gland
2- posterior pituitary gland

وبما ان الشغل كله بال posterior لان بيها السبب خلينه نفرضها كدامنة ( شوف الصورة )
هذه الغدة وبهذا الفص تحديدا تفرز هرمون اسمه ADH هذا يكون مضاد للادرار !
يعني هذا الهرمون من ينفرز الشخص ما يصير عنده ادرار ، السوائل ما راح تخرج برة الجسم ،

زين ليش هيج سميناه ؟ 🤔
-هذا الهرمون سميناه هكذا لان هذا الهرمون يسوي احتباس الماء ، يعني اي واحد بينه راح ياخذ هذا الهرمون راح الماء ينحبس بجسمة .

طيب ليش يكون هيج شغله ؟
-الماء دائما مفيد لجسم الانسان ونحاول ما نخسر الماء باستخدام هذا الهرمون !

تشوفون بهذه الصورة الثانية النفرون طبعا هذا وحده عمل الكلى وكل كلى تحتوي ع مليون ونص نفرون و ¾ شغل الكلى بيه
يمر الدم بالنفرون يتصفى ويطلع ويطلع ويكون البول !
ف ال ADH بشكل عام يجي يكله للنفرون ، يا نفرون اني ال ADH فمن فضلك لا تطلعلي اي ماء حافظلي على الماء ، ممنوع اي ماء يطلع من من هذه المنطقة 😂 ( خوش تهديد بنزاكه )
اني ال ADH اريد احتفظ بالماء 😌 .

المهم ال ADH يجي يعمل على المنطقة الاخيرة من النفرون اسمها كولكتنگ داكت
ف ADH يجي يمنع خروج الماء وبذالك يحافظ الانسان على الماء !

🔸زين خلينة نفرض ان ال pituitary gland ماتت او صار بيها مشكلة سواء مرض او ورم او حادث او التهاب
فبهذه النتيجة ال ADH بعد ما ينفرز وبعد ما عندنه شخص يحافظ على السوائل وهذا النفرون ما راح تجيه اشارة من ال ADH من اجل يحافظ على السوائل . فلهذا النفرون يبدا يطرح السوائل بكمياة كبيرة . الانسان راح يصير عندة كثرة تبول وبالنتيجة راح يصير عنده كثرة بالعطش ف غياب ال ADH يؤدي الى اعراض مشابهه للسكر الحقيقي .

🔸 فينبغي قبل لا نكلة يا مريض انت عندك سكر خلي نجي نقيسلك الانسولين ومشتقاته !
راح نلكاهن طبيعيات !
اذا نبدا نشتغل ونفكر ان المريض ممكن عنده خلل بال ADH عدم افرازه من مصدرة .

🟠 بس اكو شغله ننتبهلها ! وهي 🤔
مرات نشك عنده المرض ونجي لل ADH نلكاه طبيعي 😳 زين شلون ؟ 🤔
عجيب شنو القصة
مع ذالك هنالك مشكله 😏
فنجي نقيس الانسولين هم طبيعي 😳

لعد وين المشكله ؟ 😒🤔
احيانا المشكله بهذا النفرون . شلون ؟
احنه مو اتفقنه ان ال ADH يجي يكلة يا نفرون اسمع كلامي 😅 وحافظ على السوائل .
فاحيانا هذا النفرون ما يستجيب لل ADH ، بالنفرون اكو مستقبلات هذه المستقبلات بيها مشكلة وما تستجيب لل ADH ،

🔸ف ADH يجي يحفز النفرون لكن دون اي استجابة فنا السبب بالكلية ( نفروجنيك ) مشكله يعني بالنفرون هو سببها
واذا السبب بالغدة الي تفرز ال ADH نسميها (نيروجينك )

لهنا كملنه الشرح اتمنى استفاديتوا 😘

كتاب راقي في التحاليل المختبرية يمتاز
اول شي باللغة العربية ميحتاج انته تحجي انكليزي حتى تفهمه مع ملاحظة انو المصطلحات الطبية المهمة مكتوبة عربي انكليزي
ثاني شي موجود بيه كل التحاليل اللي نشتغلهه يعني اذا حبيتوا تجمعون التحاليل كلهه بكتاب واحد فهو هذا الكتاب
ثالث شي مو مطول تقريبا ٣٠٠ صفحة
ورابع شي واخيرا موجود بيه النسب الطبيعية لكل تحاليل واذا زاد شيصير واذا قل شيصير يعني اول دليل للتشخيص اذا ضبطتوا راح يساعدكم جدا حتى بتشخيص الحالات المرضية

Fasting Glucose Test
تحليل سكر الصائم

طبعا كلنه نعرف ان بالدم مالتنه موجود نسبة معينه من السكر وهذا السكر جدا مهم للعمليات الايضية وكمصدر طاقة لكل الخلايا .
لكن كلنه نعرف ان اذا ازدادت نسبة السكر تؤدي الى مشاكل مثل انسداد الشرايين والجلطة ومشاكل بالنزف في الصفائح الدموية وغيرها .
خلونه نجي على شرح هذا التحليل
من خلاله نعرف النسبة الطبيعيه للسكر واذا ازدادت نعرف شنو معناها ،
وقبل هذا لازم نعرف Fasting اوصيام نقصد ان المريض يصوم بيه من 8- 12 ساعه ويمتنع عن الطعام ما عدا الماء .
🔸 لازم نعرف نسبة السكر الطبيعية
حتى تفتهمون الشرح

هسه نجي للشرح

راح من نجي من نجي نقيس السكر راح نمر بشغلنه ع اختلافات بالنتائج
وهي طبيعية ، فوق الطبيعية ، سكر عالي كالاتي :

🔸الحالة الاولى / الطبيعية
بدايةً لازم نعرف نسبة السكر الطبيعية
و الي هي لحد 100mg واقل ، فهذه النسبة طبيعية .
طبعا واكو بعض المختبريين يتعاملون بال mmol والي يساوي 5.6mmol هذا القياس طبيعي ،
اذن اذا كانت النسبة 100mg واقل 5.6mmol يعتبر قياس السكر طبيعي

زين نجي للحالة الثانية / فوق الطبيعي
ونشوف
اذا كانت نسبة السكر هي من
100-125mg
او من 5.6-6.9mmol
بهذه الحالة لا يكدر يكله انت طبيعي ولا يكدر يكله للمريض نسبة سكري عاليه

🔸فهذه الحالة نسميها per - Diebetis
ما قبل السكري او خطورة ارتفاع نسبة السكر بالدم
🔸فالنصيحة يبدا يمارس رياضة او يقلل الوزن او تنظيم الطعام
لان السكر شويه صاعد عن الطبيعي

نجي للحالة الاخيرة
وهي حالة ارتفاع السكر لمن يكون اكبر او يساوي من 126mg او اكبر او يساوي 6.9 mmol

زين بهذه الحالة راح نكول للمريض عنده سكري ؟
لحظة او نقطة خلي نحجي على القياس الاخير وهي اول نقطة ان يتم القياس على فترات متباعدة مرتين يالله نكدر نحكم المريض عنده سكري او لا يعني مو من قياس واحد فلازم عدة قياسات متباعدة حتى نحكم ان المريض عندة سكري

🔸هذا فيديو للشرح التحليل العملي للسكر العشوائي ونفس خطوات السكر الصاىمي فقط المريض بالسكر الصيامي يصوم

https://youtu.be/Lz0H4es4YGM

شنو المعوقات الي تواجهك كمحلل
الحل راح يكون بهذا الفيديو
لا تنسوا اشتركوا بالقناة
https://youtu.be/MzP9Nq0FfJI

تقنية الــــ PCR وهو اختصار لــ
Polemarase Chian Reaction
تفاعل تسلسل انزيم البوليمريز يعني راح تضاعف الــ DNA
الغرض منه هو تضاعف الــــ DNA
وكــتفسير بسيط للاسم فالبوليمريز هذا انزيم موجود بخلايا الجسم بشكل طبيعي ويستخدم عند نسخ الــ DNA فاحنه هنا نستخدم تقنية مشابهه الى حد ما بس مو نفسهه، راح نضاعف الــ DNA حتى نعرف وجود الــ DNA الى نستهدفه احنه في العينة مالتنه
ويتم على ثلاثة مراحل حسب ما اقسمهم
- مرحلة جمع العينة
- مرحلة thermal cycle
-مرحلة jel electrophoresis
اني هنا ما راح اشرحلكم كل هذه الخطوات كلهم دفعة وحدة لان الــ benefit راح تكون جدا قليلة
فهسه شرح عام او شرح نظري عن هذه التقنية
هذه التقنية تعتمد على وجود تسلسل معين ب DNA
يعني ... نفترض ال DNA قفل واحنه بهذا التحليل نجيب مثل المفتاح ونفتح القفل اذا انفتح يعني النتيجة +ve واذا ما انفتح يعني -ve وابسط شي كورونا فايرس نعتبر الــ RNA مالته (RNA هو عبارة تركيب يشبه الــ DNA مكون من شريط واحد من القواعد النايتروجينية)
*القواعد النايتروجينية هيه عبارة عن النيوكليوتيدات (في الواقع كل قاعدة ٣ نيوكلوتيدات) والتي هي عبارة عن مركبات تمثل الحجر الاساس بال DNA و RNA وهي تشمل
الادنين Adinine ونرمز الهه A
كوانين guanine ونرمز الهه G
يوراسيل uracil ونرمز الهه U
ثايمين thymine ونرمز الهه T
سيتوسين Cytosine ونرمز الهه C
خلي نعتبر ذني عبارة عن طابوكات
الطابوكات اللي يكونن ال DNA هنه أدنين، كوانين، ثايمين وسيتوسين
واللي يكونن RNA أدنين، وكوانين، ويوراسيل وسيتوسين
بعد مصطلح لازم نتعرف عليه اللي هو النيوكلوتيدات المتممة فاحنه من نريد نسوي عملية تضاعف ال DNA اكيد راح نقسم هذا ال DNA بالنص وهذني الاثنين كل واحد راح يكمل و يصير DNA منفصل بيمن يكمل ؟ اكيد بالنيوكليوتيدات المكملة بس احنه مو راح نسوي التضاعف بالمختبر فلازم احنه نجيب هسه نجي نشرح منو يكمل منو طبعا هذا ب DNA لان PCR راح نشتغل ع ال DNA
الادنين A المكمل مالته الثايمين T
الثايمين T المكمل مالته الادنين A
الكوانين G المكمل مالته السيستوسين C
السيتوسين C المكمل مالته الكوانين G

تقنية ال PCR الجزء الأول منها شرح المواد والكواشف فيها والتطبيقات الخاصة بهذه التقنية، سويتهه PDF حتى ادعمهه بالصور بشكل اسهل واوضح،
أي سؤال عدهم اطرحوا وان شاء الله اجاوبكم عليه

هسه نبدي بالشغل العملي
مدام ماكو عرض تقديمي اكدر احجي بالعامية براحتي 😂
عدنه اول عملية بالشغل العملي هيه purification او يسمونهه extraction وهذي نستخلص ال DNA مال الخلية لان مثل متعرفون عدنه المسحه اللي اخذناهه بيهه هواي مكونات فحتى نبقي بس ال DNA نسوي هاي العملية شنستخدم vortex mixer هذا عبارة عن سنترفيوج صغير 
سؤال ليش ميصير نستخدم السنترفيوج؟
لان التيوب مال pcr صغيرة متصير عليه
فبالكت اكو عدنه عبارة عن lysis وهذي مواد تحلل عدنه 2
الاول lysis buffer للخلية او للكابسد اذا كان عدنه فيروس و lysis buffer للنواة nucleus حتى يطلع ال DNA
شلون تصير العملية بالتفصيل
اول ما نجي نسحب من التيوب اللي جابنه النه اللي سوه المسحه نسحب منه كمية ونسويلهه استخلاص extraction
نضيف buffer lysis  الخاص بتحلل بالخلية بعدين نخلي ب vortex mixer حتى نتخلص من مكونات الخلية ونسحب بس النواة
بعدين نضيف lysis buffer الثاني وهم نسوي نفس العملية
ناخذ بس ال DNA
#اكو كتات بيهه washer هذي حتى نغسل المحلول بيهه يعني نضيف ونخلي ب vortex بس بدون متحلل النواة ولا شي
نجي الخطوة الثانية اللي هيه تحضير الكواشف
وهاي الخطوة هي اسهل خطوة وبنفس الوقت الخطوة اللي الشركات تتفيك بيهه
كل شركة تبدي وتخلي reagent ومتكتب اسمه خاف احد يعرفه بس مثل ما كلنه الاشياء الاساسية اللي لازم تخليهه كل شركة هي
Polemarse او tap enzyme وهذا هو اللي يضاعف الحامض النووي
ومرات هذا يضيفون ويا مواد ثانية مساعدة فيسمونه   master mix
وعدنه ثاني شي ال primers وهذا اللي حجينه علي هواي
وعدنه ال Revers وهذا هم يشبه ال primer الى حد ما
وعدنه النيوكليوتيدات
وعدنه ال control positive و ال negative واكيد تعرفوهم
فهنا نجي بس نقره ونضيف حسب الكت اللي عدنه ونشوف خانة بيهه
مكونات الكت
وهذا يشرحلنه كل اللي بالكت من مكونات

مكونات الكت
مثل متشوفون اكو ال master mix واكو Positive control و اكو ال negative control الخ...

واكو خانة البروسيجر وهذا يشرحلنه شراح نضيف وشراح نسوي
فهنا يكول حضر 4 توبات وضيف في كل تيوب كمية من فلان مكون
ومثل متشوفون اسفل يكول عدد الدورات ب thermocycler هي 40 درجة ومثل ما كلتلك قبل لان هذا الفيروس RNA فنحتاج نسوي DNA وهو نضيفله خطوة زيادة مثل متشوفون Reverse transcription ومدتهه 30 دقيقة ودور وقف العملية
وبعدين بده بالشغل وهو 40 دورة وقسمه الى
Denaturation
Annealing
Extension 
Final extension
فالعملية الأولى فصل بيهه الشريطين والثانية ربط بيهه جزء من النيوكليوتيدات والثالثة تربط كل النيوكليوتيدات والاخيرة يعني تكمله للعملية السابقة وكل عملية لازم بدرجة حرارة معينة مثل ما شفتوهه ووقت محدد شلون نسوي من خلال الجهاز احنه نكتب الحرارة والخطوات والوقت وهو يبدي يشتغل