#الحلقة_الثانية
بالمنشور السابق عرفنا شوكت يكون هناك تضخم بالبطين الايمن او الايسر
بس ما عرفنا شنوو الاسباب التي تؤدي الى التضخم
١- تضخم البطين الايمن #ناتج_عن
ارتفاع ضغط الدم الشرياني الرئوي
او مصاب بتضيق الصمام الرئوي او عندة مشاكل خُلقية
٢- اما تضخم البطين الأيسر #ناتج_عن
ارتفاع ضغط الدم
او تضييق صمام الشريان الابهر و مرض الشرايين التاجية
لهنا اعتقد الامور ماشية مثل الساعة و اذا واجهتك صعوبة راجع المنشور السابق
و هسه ندخل الى عمق الموضوع
و نبدأ بأول موجة من موجات النبضة الكهربائية و الي هي P wave و الي موجودة بالرسم و تمثل تقلص الاذينات
طولها الطبيعي ٢.٥ مربع صغير و عرضها هم ٢٠٥ مربع صغير و تشوفهه واضحه بالقطب 👈 II
اذا زادت #بالطول معناه مشاكل بالاذينات و يشير ذلك الى #تضخم_الاذين_الايمن
right atrial enlargement
و ناتجة هذة الحالة عن ارتفاع الضغط الرئوي pulmonary hypertention او نتيجة مرض يشابه الربو حتى في العلاج يعني اختناقي
اذا زادت #بالعرض معناة هناك #تضخم_بالاذين_الايسر
left atrial enlargement
و ناتج عن ارتفاع ضغط الدم و امراض الشرايين التاجية او امراض الروماتيزم

لما اگول زيادة بالطول يعني تباوع على ورقة الـ ECG اذا صايرة الموجة P مرتفعة بشكل عمودي و اذا اگول عريضة يعني بشكل افقي
اما اذا صايرة الموجة #بشكل_اسنان_المنشار يعني تشوفهه مثل متكررة اكثر من مرة ما بين موجتي QRS و هاي الحالة خطيرة يسموهه atrial flutter
الحالة الرابعه هي لما ما راح #تتواجد_الموجة و تكون مختفية و هذا الحالة تشير الى وجود مرض يسمى atrial fibrillation و هو شائع
يعني باختصار
زيادة الطول يعني تضخم الاذين الايمن
زيادة العرض يعني تضخم الاذين الايسر
اسنان المنشار مرض AF
اختفاء الموجة مرض atrial fibrillation

و لهنا گدرنا نعرف التالي من خلال الـ ECG هو
هل
النبض منتظم ام غير منتظم
تباطؤ او تسارع القلب
تضخم البطين الايمن
تضخم البطين الايسر
تضخم الاذين الايمن
تضخم الاذين الايسر
مرض AF
مرض atrial fibrillation
ف الطبيب بسبب ممارستة الكثيرة بسرعة راح يعرف الاحتمال لذلك تشوفة بسرعة ينطيك نتيجة و يگلك شبيك ما بيك فلا تستغرب و انت هم راح تصير بروفيشنال بس تابع وياي و راجع المنشورات الاول ب اول و نزل تخطيط من النت و حاول تقراة لان الممارسة هي اساس تقدمك

حتى ما نكثر و نثقل عليكم راح نكتفي بهاي الموجة اليوم و تركت لكم صور توضيحية

#المختبري

#الحلقة_الثالثة من الـ ECG
اذا قريتوا الحلقتين السابقة اكيد تتذكرون اخر شيء گلناة بالحلقة الثانية و هو اذا كانت موجة الـ P wave مثل اسنان المنشار و التخطيط غير منتظم و عرفنا شلون نعرفة منتظم او غير منتظم و هاي الحالة كانت تشير الى مرض شائع هو atrial fibrillation

بهاي الحلقة لو كانت الـ P wave مختفية و لكن التخطيط او النبض منتظم شنو يعني 🤔
هسه نفهم
اذا ما تواجدت الموجة راح نروح على الموجة الاخرى و الي هي QRS wave
اذا كانت عريضه يعني اكثر من ثلاث مربعات صغيرة فهذا الشيء يشير الى حالتين مهمات هن
ventricular tachycardia
ventricular fibrillation
اما اذا كانت ضيقة يعني اقل من ثلاث مربعات صغيرة فهذا يعني حالتين مهمات
supraventricular tachycardia
nodal rhythm
زين شلون نميز بين هاي الحالات 🤔
سؤال جيد جداً
مبينة
هذولي الحالتين
ventricular tachycardia
supraventricular tachycardia
نلاحظ تسارع النبض يعني اكثر من ١٠٠ نبضه بالدقيقة و عرفنا بالحلقات السابقة شلون نحسب النبض
و هناك فرق بيناتهم ان #الاولى تكون موجة QRS wave عريضة
اما #الثانية راح نلاگي بيهه موجة ال QRS ضيقة
نقصد بالعريضة هو المسافة بين Q و S اذا كبيرة او عريضه عرفنا شنو بيهه و اذا ضيقة شنو يعني
تبقى عدنا الحالتين الاخرى و هن
ventricular fibrillation
nodal rhythm
#بالثانية راح يكون هناك تباطؤ بنبضات القلب يعني اقل من ٦٠ نبضة بالدقيقة و في بعض الاحيان انقلاب موجة الـ P wave او انعدامها
اما الحالى #الاولى راح نلاحظ اختفاء موجة QRS wave و يظهر التخطيط و خاصة القطب II بشكل خط مستقيم بيه العديد من التعرجات و هاي الحالة هي حالة ما #قبل_الموت

لهنا وصلنا الى مرحلة متقدمة في قراءة تخطيط القلب
تابعونا من اجل اكمال بقية الشرح

#المختبري

حاولوا تطبقون القواعد من خلال الاطلاع على تخطيط القلب الطبيعي و الغير طبيعي
لان هن مجرد قواعد

#الحلقه_الرابعه في تخطيط القلب ECG
ركزنا في الحلقات السابقة على P wave و QRS wave و عرفنا هواي امراض ممكن تشخصها من خلال تخطيط القلب و ذني الموجتين بالخصوص
زين هسه اني لازم ورقة التخطيط و شفت P wave و QRS wave طبيعيات normal هل اگول ان التخطيط طبيعي
طبعاً لا لازم اشوف كل الاقطاب يلا احكم على التخطيط
اليوم ندخل بالعمق اكثر
نجي نشوف المسافة ما بين P و R و الي موضحة في الصورة
هاي المسافة = بداية موجة P و حتى بداية موجة R و تقريباً بالطبيعي تساوي ٣-٥ مربعات صغيرة
#اذا صارت اكثر من خمسه هذا يشير الى حالة مرضية اسمها
first heart block
(تگدر تبحث عنها بالنت و تعرف بقية التفاصيل)
#اما اذا كانت المسافة اقل من ٣ مربعات صغيرة فهذا يشير الى مرض walf Parkinson White
هاي الحالتين اذا كانت التخطيط منتظم regular و عرفنا شلون نعرفة منتظم سابقاً
زين هسه لو اني لگيت التخطيط متخبط يعني المسافة بين P و R مرة اقل من ثلاث مربعات و مرة اكثر من خمس مربعات شسوي بهاي الحالة 🤔
اروح لموجة QRS wave اذا كانت #عريضه يعني اكثر من ثلاث مربعات صغيرة نگول هاي الحالة complete heart block و عرفنا سابقاً شلون نعرفها اذا عريضه او ضيقة
اما اذا كانت #ضيقة يعني اقل من ثلاث مربعات صغيرة نگول المريضه عندة second heart block

فمن خلال التخطيط گدرنا نشخص الكثير من الحالات المرضية الخاصة بالقلب بمجرد ان طبقنا القواعد
لكن تبقى سرعة التشخيص تعتمد على الممارسة و كثرة التكرار

#المختبري

#الحلقة_الخامسة في تخطيط القلب ECG
بالحلقات السابقة اكثر شيء ركزنا علية هو القطب الثاني II اليوم راح يختلف كل شيء
اذا تتذكرون ب اول حلقة گلنا هناك ٦ اقطاب تربط على الصدر هن
V1 , V2 , V3 , V4 , V5 , V6
اول شيء لازم نعرفة هو الاشكال الطبيعية للاقطاب ( اقصد شكل النبضة الكهربائية لكل قطب )
و الي موضحة بالصور اسفل المنشور 👇
ف لذلك اي تغيير في شكل النبضة الكهربائية راح ينطي دلالة لحالة معينة
ف اذا تلاحظون موجة الـ R ب اول قطب V1 صغيرة و تكبر الى اعلى مستوياتها بالقطب السادس V6
اما موجة S فالبعكس من اكبر شيء توصل اصغر شيء بالقطب السادس
هسه لو شفنا القطب الاول و الثاني و الثالث طبيعي ما راح نتوقف بل راح نشوف ذني الست اقطاب يلا نحكم على تخطيط القلب
اول شيء ننظر للقطب الاول V1 اذا كان مثل اذني الارنب يعني موجتين R بينهم موجة s مثل ما موضح بالرسم
و هذا الشكل يدل على حالة مرضية اسمها
right bundle branch block
وراهه ننظر الى القطب السادس V6 اذا كان الاول طبيعي
ف اذا لگينا السادس مثل اذني الارنب راح نگول عندة
left bundle branch block
و هسه انظر من جديد للاشكال الطبيعية مرة اخرى 👇
اذا تلاحظون ان موجة R راح تكون قليلة مقارنة ب s بالقطبين الاول و الثاني V1 and V2
زين بشنو يفيدني هالشيء 🤔
اذا كان ارتفاع R يساوي او اكبر من S راح يعني ان هناك تضخم البطين الايمن right ventricular hypertrophy و تتذكرون بالحلقات السابقة شلون نعرف اذا اكو تضخم بالبطينات
( اذا كانت موجة QRS سالبة في القطب الاول و موجبة في القطيين AVF and III و عرفنا شلون نعرفها سالبة و موجبة #راجع_الحلقة_الاولى)

هسه ارجع مرة اخرى و شوف الاشكال الطبيعية للاقطاب السادس و الخامس V5 and V6
شوف موجة R راح تلگاهه كبيرة بذني القطبين
زين بشنو يفيدني هالكلام 🤔
هذا يفيدني اذا كانت موجة R بذني القطبين اكبر من خمس مربعات كبيرة يعني ان هناك تضخم بالبطين الايسر
left ventricular hypertrophy
و راح نلاگي ال QRS موجبة بالقطب الاول و سالبة بالقطبين AVF and III #راجع_الحلقة_الاولى)
تقريباً هاي اهم الاقطاب الي تربط على الصدر و عرفنا دلالاتها و الامراض الي ممكن نعرفها من خلالها

#المختبري

كملنه ال ECG و راح نشرح الكم سلسلة السكر 🍂

Glucose Metabolism

ماهو مصير السكر في الدم ؟

لنفرض انك اكلت سكريات او سكريات معقدة مثلا بولي سكرايد وهذه بدورها بالجهاز الهظمي تحولت الى كلوكوز . هذا الكلوكوز وصل الى الدم ،

لمن وصل الى الدم نريد نشوف هذا الكلوكوز وين يروح ؟ شراح يصير بيه ؟ شنو الطرق الي يذهبلها ( مصيرة ) ؟

🔹اول معلومة اكلكم بيها ان الكلوكوز يعتمر مونوسكرايد
Monosaccharide (C6H12O6)
من السكريات الاحادية

📍 فالكلوكوز لمن وصل الى الدم مصيره هو اما
1- يتكسر وناخذ منه طاقة ( بطريقتين راح نتكلم عنهن )
2- ينخزن وهذا الشي عملي ،
3- يتحول بشكل Fatty Acid
فانت
فانت لو تكسرها لو تخزنها لو تحوله الى شي وراح نتكلم هسه بالتفصيل

اول شي خلينة نتكلم ان هذا الكلوكوز تريد تكسرة

طبعا هو تكسيره وخزنه اعتماداً على عدة امور ( ماراح نتطرقلهن )
لكن الاهم على حسب كميات الكلوكوز الي راح تدخل الجسم ، شلون يعني ؟ 🤔
يعني انت اذا اكلت نص كيلو من الحلويات فهذه الكمية كبيرة والجسم ما راح يكسرها كلها لان هوايه والجسم ما يحتاج هيج كمية كبيرة فالجسم هنا بمكان ما يتلفها راح يخزنها ، اما اذا اكلت كمية قليلة من الحلويات وسويت رياضة وجهد فانت هنا تحتاج طاقة وهنا اغلب الكلوكوز راح يتكسر

هسه كافي مقدمات خل اطب بالمفيد 😅
هذا الكلوكوز اول شي يتكسر ، ويتكسر اما
1- بدورة كربس ( تنفس هوائي )
2- او يتكسر Anaerobic ( لا هوائي بدون اوكسجين )

🍂 فعملية تكسر السكر نسميها (Glycolysis )

وهسه ركز وياي بهذه المعلومات
هذه ال Glycolysis اما بدورة كربس في المايتوكوندريا
فالكلوكوز من يتكسر بالمايتوكوندريا راح نحصل كميات كبيرة من الطاقة بقدر 38ATP لكن من بعكس اذا تكسر بطريق ال Anaerobic ( لا هوائي ) لان راح نحصل ع فقط 2ATP

طبعا راح ادكولولي احنه هذا الكلوكوز الي يدخل للجسم نحب يدخل بدورة كربس بالمايتوكوندريا لان نحصل كمية كبيرة من الطاقة ،
بس بالحقيقة هنالك شرطين او مفتاحين اذا توفرن فالكلوكوز راح يدخل بشكل اساسي في دورة كربس في المايتوكوندريا !
زين الشرطين شنو هي 🤔 ؟
🔸 اول شرط هو وجود الاوكسجين حتى الكلوكوز يدخل دورة كربس
🔸 والشرط الثاني هو وجود فيتامين B1
فوجود هذين الشرطين راح يخلون الكلوكوز يدخل دورة كربس وينتح كمية ضخمة من ATP

🍂بس هنا الاوكسجين اذا ما موجود بكيمة كافية
فالكلوكوز راح ياخذ طريق
Anaerobic Metabolism
ويتكسر بطريقة غير هوائية
او اذا الخلية اصلا ما عندها مايتوكوندريا

مثل RBCs تكلك اني قنوعه 😅 ماحتاج مايتوكوندريا وماريد كمية هواية من الطاقة واكتفي بطريقة
Anaerobic Metabolism
واكتفي ب 2ATP
طبعا هنا ال Anaerobic راح ينطينة نتيجة اللكتيت Lactate الي هو اللكتيت اسد ( مادة حامضية ) واذا زادت يزداد اللكتيت اسد
هذه دلالة ان الجسم جاي يكسر السكر بطريقة لا هوائية

✴️لحد هسه عرفت مصير السكر انه يتكسر بطريقتين !

زين 🤔

اذا انت اكلت كمية كبيرة من الكلوكوز
مثلا نص كيلو من الحلويات ( شنو من معدة 🤣) ، بعد ما اكلت رحت حطيت راسك على المخدة ونمت فانت بهذه الحالة الكلوكوز ما راح تحتاجه عضلاتك تمام او دماغك لان انت ما متحرك ولا مشتغل حتى ينصرفن او يتكسرن ويطلعن طاقة ، انت كاعد ومرتاح وهذه الكمية للمرتاح هواية ،
فهنا الكلوكوز راح ينخزن

طيب هنا شلون ينخزن ؟
الكلوكوز لمن يريد ينخزن اما :
1- ينخزن بطريقة Glycogenolysis
او
2- يتحول الى Glycogen
شنو هو الكلايكوجين ؟ هو مخزون السكر او مخزون الكلوكوز يجمع السكر ويخزنه بمكانين بشكل اساسي في Liver وفي ال Muscle

🍂اذا خزنه الكلوكوز .
او
الكلوكوز يروح Fatty Acid Synthesis اي الى الدهون

وهذه مشكلتنه احنه كبشر لمن ناكل كمية كبيرة من السكريات . هذه السكريات اكثر من حاجتنه بكثير فالكلوكوز ينخزن بال liver ولمن يقبط الكبد 🤣
يروح ينخزن كدهون
بس وين ؟ 🤔
في الخلايا الدهنية( Adipocyte)

📌طبعا هنا ملاحظة مهمة :- الكلوكوز من يتحول الى Glycogen اوحتى يتحول الى Fatty Acid من الاشياء الي تحفز هذا الشي هو هرمون الانسولين ، واضح ؟

الطريق الاخيرة الي ممكن يروحله الكلوكوز وهو طريق نسمية HMP shunt
ماراح ندخل كثير بهذه التفاصيل لكن
HMP shunt
يعطيك اشياء وهي
الرايبوز ( السكر الخماسي ) مهم جدا .
ف هذا ال HMP shunt يحول الكلوكوز الى رايبوز

زين شنو فائدة الرايبوز ؟🤔
الرايبوز سكر مهم جدا جدا يدخل بال DNA و RNA
ال RNA هو رايبوز وال DNA هي الدياكسي رايبوز
لهنا عرفنه مصير الكلوكوز