الطريقة الثانية عن طريق جهاز ال elisa
وهالاعتماد اكثر شي راح يكون ع الجهاز
شغله يشبه الى حد ما جهاز السبكترو هو اللي راح يقره النتيجة


اتمنى يكون واضح الشرح 🙏
واذا عدكم اي سؤال او حبيتوا اعيد الشرح ما عندي مانع
حاجوني ع البوت

جهاز الــ ELISA هو اختصار لــ Enzyme linked immunosorbent assay يعني عدنه انزيم وعدنه امتصاص هو هذا بالضبط شغل الالايزا
شنو اساس عمله
اساس العمل انو نجيب Ab للشي اللي نريد نقيسه مثلا نريد نقيس بكتريا معينة بالجسم واحنه كلنه البكتيريا هي Ag فاحنه عدنه انتي بدي فمن نخلي العينة اذا اكو هذي البكتيريا الجسم (اللي كلنه انو نكدر نسمي البكتيريا ب الانتي جين) فراح يتفاعل الانتي بدي ويه الانتي جين وراح يتغير لون المحلول واللي راح يقره النتيجة جهاز مثل السبكترو اسمه ELISA Reader
ليش اكو شي غير الالايزا ريدير
نعم بس لتشغلون بالكم هسه نجيهم
اول ما تجينه العينة نريد نشتغلهه شنسوي اول شي نجيب الكت ونشوف تاريخ الصلاحية
بعدين نجي نحضر العينات صحيح العينات يعني نكدر نشتغل اكثر من مريض بنفس الوقت بس من نجيب السيرم منخلي مباشرة لازم نخففه بمادة ينطوهه ويه الكت اسمهه sample diluent بعدهه نخلي العينات ب الــ Well شوفو صورة 1 الويلايات اكو بيهم انتي بدي لاطش من الشركة هذا هو اللي راح يلزم الانتي جين بعدينه نجي نحلي الستاندرات اللي هنه المادة اللي راح يقدر من خلالهم جهازنه مقدار التركيز اللي موجود بالعينة مالتنه اكو اكثر من ستاندرد راح نخلي هم ب ويل
بعدينه نحضن العينات حسب الوقت اللي موجود بالليفلت كل كت اله وقت بعدين نخلي بجهاز الــ ELISA washer هذا الجهاز فائدته انو يغسل الولايات wells اللي خلينه بيهم العينات شوفو صورة 2 وبعد ما نغسلهم نجي نلطشهم ع ورق ترشيح بحيث نتأكد ما بقت قطرة بالويل تدرون ليش لان الانتي جين اللي اريد اقيسه لطش بالانتي بدي اللي بالويل بعد شسوي بالبقية
بعدين نجي نضيف مادة اسمهه enzyme conjugate هذي وظيفتهه تخلي الانتي بدي برتبط اكثر بالانتي جين وهم كذلك بعد ما نظيف نحضنه لفتره وهم نغسله بالوشر ونجففه
بعدين نضيف مادة substrate هذي مثل الصبغة وهم نحضنه اذا العينة بوزتف يعني اكو انتي جين ومتفاعل ويه الانتي بدي راح يتغير لون الويل مالته واذا ماكو راح يبقى او يتغير تغيير طفيف زين هل هذا يكفي .. طبعا لا راح نخلي بجهاز الــ elisa reader اللي كلتلكم عليه ونخلي يقره النتيحة شوفو صورة 3

فيديو عملي يوضح اكثر
https://youtu.be/ilbptHXFQ9Q

الى تلك العيون التي تداعب عدسه الميكروسكوب لتدفع عن مريض لحضه الالم.

اهنيكم بمناسبة اليوم العالمي للمختبرات الطبيه🔬

ونقول لكم انتم اساس الطب وانتم عيون الطبيب الذي يرى بكم السبب الرئيسي للمرض
افتخر كونك مخبري ٢٠٢١/٤/١٥
اليوم العالمي للمختبرات الطبيه..

#افتخر كونك مخبري .

ما هي علاقة الانيميا باصفرار الجلد والعينين ؟
تابع الفيديو واشترك بالقناة 😍

https://youtu.be/tkOGJitn_U0

#الحلقة_الاولى
تخطيط القلب electrocardiography ECG
طبعاً الموضوع مو من اختصاصنا لكن بسبب كثرة الأسئلة و الاستفسارات و بسبب موقف صار وياي مرة من المرات قررت ابحث عن الموضوع و احصل ابسط المعلومات عنه و حتى نفيد الجميع قررت اشرحه هنا و ان شاء الله راح يكون بسيط جداً
اول شغلة لازم نعرفها هو ان القلب مكون من اربع غرف اثنين اذينات و اثنين بطينات و يفصل بينهم حاجز يحتوي صمام .
الجانب الايمن معزول عن الجانب الايسر .
ثاني شغلة لازم نعرفها هو ان تخطيط القلب مكون من ١٢ قطب و هي كـ الآتي
I, II , III
اهم واحد بيهن هو II و يربطون الى الأطراف
و عدنا ذولي الاقطاب
AVR , AVL , AVF
و هذا 👈 AVR مو مهم كلش
و عندك ذولي الاقطاب الستة الي يربطون على الصدر
V1, V2 , V3 ,V4 , V5 and V6
يعني من تمسك ورقة الـ ECG راح نلاگي بيهه هاي الرموز 👆
احنا ما نريد نعرف شلون نربطة على المريض لكن نريد نعرف شلون نقراة فما راح ندوخ نفسنا بيه
بس قبل كلشي خل نعرف منين تتكون نبضة القلب ❤️
النبضة تتكون من ثلاث موجات
P wave
و تمثل انقباض الاذينات
QRS wave
تمثل فترة انقباض البطينات
T wave
تمثل فترة استراحة و امتلاء الاذين من جديد
و الرسم يوضح هذا الشيء 👇
زين ورقة الـ ECG منين تتكون 🤔
تتكون من مربعات كبيرة و مربعات صغيرة داخل المربعات الكبيرة
عرض المربع الصغير ٠.٠٤ و طولة ٠.١ عدد المربعات الصغيرة ٢٥ مربع داخل خطوط حمراء غامقة بشكل مربع كبير
و اعتقد واضحة بالرسم 👇
هسه اول شيء نعرفة من تخطيط القلب هو هل النبض منتظم regular او غير منتظم irregular . شلون 🤔
نشوف المسافة ما بين R النبضة الاولى و R النبضة الثانية هل تساوي المسافة ما بين بقية الـ R من خلال مشاهدة القطب الثاني II
اذا المسافة ما بين الـ R ( اقصد مال QRS ) متساوية نگول منتظم regular و اذا ما متساوية نگول غير منتظم irregular
و تگدر تشوفهه من خلال حساب عدد المربعات ما بينهم سواء كانت مربعات كبيرة او صغيرة
جداً مهم ان نعرف ذلك و هسه نعرف ليش ؟!!!
حتى احسب ضربات القلب من ECG لازم اعرف هل هو منتظم او غير منتظم
اذا منتظم راح تحسب حسب المربعات
يعني اذا الـ QRS الاولى جاية على الخط الاحمر الغامق او المربع الكبير و الثانية هم عل الخط الاحمر الغامق يعني الفواصل مابين الموجتين هي مربعات كبيرة
اجي اقسم ٣٠٠ على عدد المربعات ما بين الموجتين
مثلا طلع عدد المربعات ٤ نگول ٣٠٠÷٤=٦٥ ضربة خلال الدقيقة
ممكن تجي الموجات على خطوط المربعات الصغيرة يعني هنا راح احسب المربعات الصغيرة ما بين الموجتين
و اگول ١٥٠٠÷ عدد المربعات الصغيرة و ليكن مثلا ٢٣ يعني الناتج هو ٦٥ ضربة بالدقيقة
هذا 👆 اذا كانت الضربات منتظمة
اما اذا الضربات غير منتظمة irregular راح تتبع التالي
اول شيء تحسب ٣٠ مربع كبير
ثاني شيء تشوف عدد الموجات الموجودة بالعدد الي حسبته
مثلا ٧ موجات و تضرب عدد الموجات في ١٠
يعني ٧*١٠=٧٠ ضربة في الدقيقة
اذا عدد ضربات القلب اكثر من ١٠٠ في الدقيقة يسموة تسارع القلب tachycardia و له عدة اسباب
اما اذا كان عدد ضربات القلب اقل من ٦٠ يسموة تباطؤ القلب bradycardia و له عدة اسباب

هسه گدنا نعرف هل النبض منتظم ام غير منتظم
و گدرنا نحسب عدد ضربات القلب اذا كان منتظم او غير منتظم

هسه راح ندرس شوية اوسع
احنا عرفنا موجة الـ QRS هذة اذا كانت متجهه للاعلى نسميها #ايجابية اما اذا كانت متجهه للاسفل نگول عنها #سلبية
نجي نشوف الاقطاب
اذا كانت سالبة في القطب الاول I يعني نحو الاسفل
و في القطب الثالث III و AVF نحو الاعلى يعني موجبة
هاي الحالة ناتجة عن #تضخم_البطين_الايمن
Right ventricular enlargement
اما اذا كان العكس يعني
كانت موجبة في القطب الاول I يعني نحو الاعلى
و في القطب الثالث III و AVF نحو الاسفل يعني سالبة
هاي الحالة ناتجة عن #تضخم_البطين_الايسر
Left ventricular enlargement

حتى ما يصعب عليكم الشرح و المنشور يصير قصير راح نتوقف الى هنا و نكمل بمنشور لاحق ان شاء الله

#المختبري

#الحلقة_الثانية
بالمنشور السابق عرفنا شوكت يكون هناك تضخم بالبطين الايمن او الايسر
بس ما عرفنا شنوو الاسباب التي تؤدي الى التضخم
١- تضخم البطين الايمن #ناتج_عن
ارتفاع ضغط الدم الشرياني الرئوي
او مصاب بتضيق الصمام الرئوي او عندة مشاكل خُلقية
٢- اما تضخم البطين الأيسر #ناتج_عن
ارتفاع ضغط الدم
او تضييق صمام الشريان الابهر و مرض الشرايين التاجية
لهنا اعتقد الامور ماشية مثل الساعة و اذا واجهتك صعوبة راجع المنشور السابق
و هسه ندخل الى عمق الموضوع
و نبدأ بأول موجة من موجات النبضة الكهربائية و الي هي P wave و الي موجودة بالرسم و تمثل تقلص الاذينات
طولها الطبيعي ٢.٥ مربع صغير و عرضها هم ٢٠٥ مربع صغير و تشوفهه واضحه بالقطب 👈 II
اذا زادت #بالطول معناه مشاكل بالاذينات و يشير ذلك الى #تضخم_الاذين_الايمن
right atrial enlargement
و ناتجة هذة الحالة عن ارتفاع الضغط الرئوي pulmonary hypertention او نتيجة مرض يشابه الربو حتى في العلاج يعني اختناقي
اذا زادت #بالعرض معناة هناك #تضخم_بالاذين_الايسر
left atrial enlargement
و ناتج عن ارتفاع ضغط الدم و امراض الشرايين التاجية او امراض الروماتيزم

لما اگول زيادة بالطول يعني تباوع على ورقة الـ ECG اذا صايرة الموجة P مرتفعة بشكل عمودي و اذا اگول عريضة يعني بشكل افقي
اما اذا صايرة الموجة #بشكل_اسنان_المنشار يعني تشوفهه مثل متكررة اكثر من مرة ما بين موجتي QRS و هاي الحالة خطيرة يسموهه atrial flutter
الحالة الرابعه هي لما ما راح #تتواجد_الموجة و تكون مختفية و هذا الحالة تشير الى وجود مرض يسمى atrial fibrillation و هو شائع
يعني باختصار
زيادة الطول يعني تضخم الاذين الايمن
زيادة العرض يعني تضخم الاذين الايسر
اسنان المنشار مرض AF
اختفاء الموجة مرض atrial fibrillation

و لهنا گدرنا نعرف التالي من خلال الـ ECG هو
هل
النبض منتظم ام غير منتظم
تباطؤ او تسارع القلب
تضخم البطين الايمن
تضخم البطين الايسر
تضخم الاذين الايمن
تضخم الاذين الايسر
مرض AF
مرض atrial fibrillation
ف الطبيب بسبب ممارستة الكثيرة بسرعة راح يعرف الاحتمال لذلك تشوفة بسرعة ينطيك نتيجة و يگلك شبيك ما بيك فلا تستغرب و انت هم راح تصير بروفيشنال بس تابع وياي و راجع المنشورات الاول ب اول و نزل تخطيط من النت و حاول تقراة لان الممارسة هي اساس تقدمك

حتى ما نكثر و نثقل عليكم راح نكتفي بهاي الموجة اليوم و تركت لكم صور توضيحية

#المختبري

#الحلقة_الثالثة من الـ ECG
اذا قريتوا الحلقتين السابقة اكيد تتذكرون اخر شيء گلناة بالحلقة الثانية و هو اذا كانت موجة الـ P wave مثل اسنان المنشار و التخطيط غير منتظم و عرفنا شلون نعرفة منتظم او غير منتظم و هاي الحالة كانت تشير الى مرض شائع هو atrial fibrillation

بهاي الحلقة لو كانت الـ P wave مختفية و لكن التخطيط او النبض منتظم شنو يعني 🤔
هسه نفهم
اذا ما تواجدت الموجة راح نروح على الموجة الاخرى و الي هي QRS wave
اذا كانت عريضه يعني اكثر من ثلاث مربعات صغيرة فهذا الشيء يشير الى حالتين مهمات هن
ventricular tachycardia
ventricular fibrillation
اما اذا كانت ضيقة يعني اقل من ثلاث مربعات صغيرة فهذا يعني حالتين مهمات
supraventricular tachycardia
nodal rhythm
زين شلون نميز بين هاي الحالات 🤔
سؤال جيد جداً
مبينة
هذولي الحالتين
ventricular tachycardia
supraventricular tachycardia
نلاحظ تسارع النبض يعني اكثر من ١٠٠ نبضه بالدقيقة و عرفنا بالحلقات السابقة شلون نحسب النبض
و هناك فرق بيناتهم ان #الاولى تكون موجة QRS wave عريضة
اما #الثانية راح نلاگي بيهه موجة ال QRS ضيقة
نقصد بالعريضة هو المسافة بين Q و S اذا كبيرة او عريضه عرفنا شنو بيهه و اذا ضيقة شنو يعني
تبقى عدنا الحالتين الاخرى و هن
ventricular fibrillation
nodal rhythm
#بالثانية راح يكون هناك تباطؤ بنبضات القلب يعني اقل من ٦٠ نبضة بالدقيقة و في بعض الاحيان انقلاب موجة الـ P wave او انعدامها
اما الحالى #الاولى راح نلاحظ اختفاء موجة QRS wave و يظهر التخطيط و خاصة القطب II بشكل خط مستقيم بيه العديد من التعرجات و هاي الحالة هي حالة ما #قبل_الموت

لهنا وصلنا الى مرحلة متقدمة في قراءة تخطيط القلب
تابعونا من اجل اكمال بقية الشرح

#المختبري

حاولوا تطبقون القواعد من خلال الاطلاع على تخطيط القلب الطبيعي و الغير طبيعي
لان هن مجرد قواعد