فحوصات الكبد Liver Function Test
يختصرونها ب LFT

👈 الجماعة يقسمونها 4 گروبات بالتدريج من الفحوصات الروتينية الى الفحوصات المتخصصة

#الكروب_الاول :
ال Total, Direct and Indirect bilirubin وهذني بالسيرم
ال bile pigment و bile salt و urobilinogen وهذني بالادرار

#الكروب_الثاني :
نزيمات الكبد ALT و AST و ALP و GGT

#الكروب_الثالث :
ال Total protein و Albumin و Globulin و A/G ratio

#الكروب_الرابع :
وهذني يسموهن special tests وهنه
ال Ceruloplasmin يختصر Cp
ال Ferritin
ال Alpha-1 antitrypsin يختصر AAT
ال alpha fetoprotein يختصر AFP

يمتى اسوي LFT ؟
👈 اذا اشوف عند المريض jaundice ( ابو صفار )
👈 اذا اشك اكو سرطان منتقل للكبد ، مثلاً واحد مصاب بسرطان البنكرياس او القولون وذني قريبات على الكبد فممكن ينتقل السرطان للكبد

👈 الي يشربون كحول هواي
👈 اي واحد عنده مرض مزمن بس مامشخص مثلاً اجاك مريض كلك مامرتاح راح اجه للطبيب انطاه علاج ماطاب نسويله LFT

👈 واحد اجاك وعنده مشكله بعوامل التخثر وبما ان الكبد هو الي يصنع coagulation factors اذن ماكو مشكله اذا اقيسله LFT

نصيحتي على طريقة انا جربتها وكلش استفاديت منها والخصها بنقطتين :
👈 إذا تريد تقره فحوصات لاتقره اضافات ابداً ابداً تره ماكو هيج بكل كتب المختبرات ماعدا الكتب العربية طبعاً لان غالبيتها تجارية

👈 زين شسوي علمود اضبط الفحوصات ؟
اقره اول شي على العضو المستهدف
بعدين اقره الفحوصات الخاصة بهذا العضو
بعدين اقره SOP الفحوصات ذني

👈 انطيني مثال علمود افهم اكثر ؟
👈 اقره اول شي عن الكبد
👈 بعدين اقره كل فحوصات LFT ( مثلاً ال AST و ALT و Albumin .. الخ

👈 بعدين جيب SOP مالت كل ذني التحاليل ( AST و ALT و Albumin .. الخ ) واقراهن حتى لو واحد يشرحن الك تتساعد انت وصديقك ماكو مشكله

👈 خلصت من الكبد روح اقره عن الكلى وعن فحوصاتها RFT وبعدين عن فحوصات العظام Bone profile test وبعدين عن فحوصات الدهون Lipid profile

👈 اولاً هيج راح تستهدف مجموعة فحوصات خاصة بعضو واحد وهاي تسهل عليك الحفظ كلش هواي وبالاضافة راح يكون عندك معلومات نظرية عن الكلى والكبد والعظام .. الخ والاهم راح تعرف تقره اي SOP يمر عليك وهاي هي الزبده لان راح تعرف طريقة العمل ، نوع العينة ، تحضير المحلول ، شلون اسوي ستاندرد ، شلون اسوي بلانك وشنو فايدتهن

الصوره هي لمراحل تشمع الكبد
الكبد مو گبل بيوم وليله صار بيه تشمع يستغرق وقت هواي وربما سنوات
اولاً Healthy صاحي
ثانياً Fatty تراكم الدهون على الكبد
ثالثاً Fibrosis يصير بيه تليف
رابعاً Cirrhosis تشمع الكبد
خامساً Hepatocarcinoma سرطان الكبد

👈 ليش سمينه سرطان الكبد carcinoma مو sarcoma ؟
شكو شي epithelial نسميه carcinoma مثل الكبد
شكو شي connective نسميه sarcoma مثل العظم

السلام عليكم .. 🧡


س / يمتى تنطلب فحوصات وضائف الكبد LFT ؟
طبعاً LFT هنه مجموعة فحوصات مو فحص واحد وانه قسمتهن الى 4 گروبات بمنشور سابق

1. اذا اشوف عند المريض ابو صفار jaundice
زين هو اصلاً يمتى ابو صفار يبين بالعين ؟
إذا عبر 3 يبين بالعين واضح يصير بياض العين عباره عن صفار

2. شك اكو عملية سرطان منتقله للكبد metastasis مثل واحد عنده سرطان بالقولون
فسؤال هسه هذا منتقل للكبد لو لا ؟ شلون اعرفه ؟ اسوي تحاليل الكبد

3. الي يشربون alcohol liver diseases

4. اي واحد عنده مرض مزمن بس مامشخص مثلاً مريض راح للدكتور ، والله دكتور مامرتاح مريض راح اجه انطاه دوه ماطاب يطلبله LFT

5. واحد عوامل التخثر بيهن مشكله coagulation disorder
هسه يجوز liver ماجاي يصنعهن ماخسران إذا اشوف ال liver زين لو مو زين

السلام عليكم .. 🧡

شرح تقنية ELISA
اعرف غالبيتكم يعرفونها بس لازم اشرحها ليش ؟
لان بديت بالتقنيات التالية :
ولازم اكمل
👈 تقنية CIA الي جاي تشتغل عليها rapid test
👈 تقنية CLIA الي بعدين ضافولها E فصارت ECLIA وهاي موجوده بجهاز Cobas E411

👈 وهسه راح اخذ تقنية ELISA
👈 ووراها راح اشرح تقنية IFA الموجوده بجهاز Afias
👈 وبعدها راح اشرح تقنية ELFA الي هي دمجوا 👈 تقنية ELISA وتقنية IFA وخلوها بجهاز Vidas و mini-vidas

شرح مقدم من الاستاذ اكرم حسن
https://youtu.be/0R8p2cWBarc ،

السلام عليكم .. 🧡

اغلبنا شايف طريقة زراعة البكتيريا
زين الفايروسات هم تنزرع ؟
اي يصير واكو طريقة لزراعة الفايروس اسمها cell culture

ال cell culture بيها 3 انواع
👈 الاولى تسمى primary cell culture مثال عليها kidney cell culture وهاي نستخدمها مره وحده وهسه راح نشرحها
👈 الثانية تسمى semi-continuous cell culture مثال عليها fibroblast cell culture
👈 الثالثة تسمى continuous cell culture ومثال عليها cancer cells وهاي تستخدم 5 مرات واكثر

ناخذ kidney cell culture ( هاي احنا خذناها بزمن الكلية بمختبر الفايروسات )
بسم الله نبدي

اجيب kidney ( جبناها من حيوان ) واشرطها بالطول
راح تطلعلي منطقتين :
👈 منطقة بيضه الي هي القشره وهاي نزيلها
👈 ومنطقة حمره الي هي اللُبْ وهاي هي ام الخبزه

نجيب الحمره نقطعها الى قطع صغيره ( جنك تسوي مكعبات زلاطة ) واغسلهن
وره ماغسلتهن اوزنهن ( نوزن كل 1 غرام من kidney يقابلها 100 مل ماء مقطر ) يعني اجيب 1 غرام من kidney واجيب 100 مل ماي واخليهن ثنينهن ب flask واخلي بال flask ماده التربسين

شنو فائدة التربسين ؟ يهظم المواد البروتينية
اشغل ال hotplate ( الهيتر ) واخلي عليه ال flask الي بيه kidney وماي وتربسين
من يبدي ال flask يغلي ارفعه واجيب flask ثاني وادير الماي بيه واكرر هاي العملية عدة مرات ليش ؟ حتى استغل كل الخلايا الموجودة

النوب اجيب flask واخليهن بالثلاجة ليش ؟ علمود اوقف عمل التربسين

واضيف فوك ال flask رقم 2 كلوكوز ومادة مغذية للفايروس وبنفس الوقت ناقلة واضيف املاح مثل Na واضيف دليل مثل الفينول

النوب اجي اصبهن بتيوبات وابدي احقن الفايروس بالتيوبات نغلقهن ونخليهن ب incubator وشرط خاصة بالفايروسات مو مثل هاي العدنا مال بكتيريا ( مده الحظن تعتمد على نوع الفايروس وعلى درجة حرارة الفايروس )

👈 نجي نقره النتائج
كم نتيجة لقراءة نتائج cell culture ؟
عدنا 3
👈 اولاً حسب التغير باللون مثلاً اكو فايروسات تتغير للون الاحمر واكو للاصفر وهكذا ..
👈 ثانياً حسب cytopathic effect يعني من زرعت الفايروس شنو الي تغير بالنسيج ( اكو نسيج تصير بيه اشكال مثلاً شكل عيون البومة owl eye )
شلون اسوي هاي الطريقة ؟ اخذ قطعة من النسيج واخليها على سلايد وافحصها تحت المجهر الضوئي او الالكتروني
👈 ثالثاً من خلال فحوصات serological test

زراعة الفايروس يتطلب مختبرات خاصة

استاذ اكرم

✅الفـرق بين الدم الوريدي والدم الشرياني؟!

#الدم_الشرياني أي الدم الأحمر الفاتح، وهو الدم المؤكسچ " غني بالأكسچين"..
يأتي من الرئتين محمل بالاوكسجين ويكتسب اللون الاحمر الفاتح الذي يذهب للقلب كي يضخه الى جميع انحاء الجسم عبر الشرايين.

أما #الدم_الوريدي أي الدم الأحمر الغامق ،فهو الدم المحمل بِثاني اكسيد الكربون..
العائد من الخلايا الى الوريد ثم للقلب ثم الى الرئتين لكي يتخلص من الغاز الضار..

يتم سحب الدم من #الوريد لأن السحب من الوريد أسهل وأقرب للجلد، بالإضافه لإحتواء الوريد على كمية كبيرة من الدم ،غير مؤلم ، يتشافى أسرع ويكون فيه فضلات الخلايا.

أما #الشريان فيتم تسحب عينات تحليل الغازات حتى يعرف كمية الاكسجين في الدم (لمرضى الجهاز التنفسي).

السلام عليكم .. 🧡

👈 شنو هو proteinuria ؟
هو خروج البروتين بالادرار

👈 زين يمتى يعبر البروتين للادرار ؟
1. إذا اكو مشكلة ب glomerular مالت الكلى ( الكلى مثل المنخل يعبر الماي بس مايعبر الحصو ، نفس شي بالنسبة للكلى تعبر الماي بس ماتعبر البروتين الي يعتبر شي جبير فإذا عبر البروتين معناته زروف المنخل كبرانه )

2. إذا تركيز البروتين بالدم عالي

3. اكو حالة يسمونها tubular proteinuria يعني البروتين يتفلتر بس مايعاد امتصاصة فراح يطلع بالادرار

4. ال tubular damage يعني اكو تحطم بال tubule بعض المواد تطلع بالادرار ويعاد امتصاصها مثل alpha micro-globulin هاي المادة تنصنع بالكبد وتتفلتر بالكلى ويعاد امتصاصها ، اذا تفلترت ومارجعت ؟ اذا لكيناها باليورن شنو معناتها ؟ يعني اكو تحطم بالكلى . اذن تعتبر marker

5. اكو transit proteinuria يعني يطلع بروتين بالادرار بس بشكل مؤقت مو دوم
زين بيا حاله ؟
اذا واحد بذل جهد كبير
او واحد سحگته سياره trauma
او واحد صار عنده عجز قلب وتعالج وطاب cardiac failure
او واحد مصخن وخصوصاً الاطفال fever

👈 زين شيصعد تركيز البروتين بالدم ؟
مثلاً سرطان MM

اكو حد عتبه للكلى
شلون يعني وضح اكثر ؟
مثلاً السكر بالدم من يوصل اعلى من 180 يله تبدي الكلى تعبره للادرار بس اذا اقل مايعبر
كذلك للاوزان الكلى عندها حد وهو 69 الف إذا اقل يعبر واذا اكبر مايعبر
فمثلاً ال albumin وزنه الجزيئي هو 65 الف و globulin وزنه الجزيئي 150 الف فإذا عبر معناتها اكو مشكله بالكلى ( هسه عرفت شنو فائده Molecular weight من يذكرون بالكتب ووين يفيدنا )

👈 البروتين إذا طلع اكثر من 300 مليغرام باليوم عنده شي لو ماعنده ؟
اي عنده بس مايخوف وهذا يسمونه benign ( هذا مصطلح كيميائي يختلف عن السرطانات )

👈 إذا طلع من 300 الى 1000 هذا pathological
👈 إذا اكثر من 1000 هذا glomeruli

👈 زين شنو Microalbuminuria ؟
يعني اكو كمية قليلة من الالبومين الي هي من 30 الى 300 مليغرام شفناها بالادرار

👈 دائماً دائماً دائماً يوصى لمرضى السكر يسون سكرين لل Microalbuminuria على الاقل مره بالسنة فإذا شفناه عنده بالادرار معناته جاي يصير عنده تحطم بالكلى بس بدايته لان كلكم تعرفوم من مضاعفات السكر يسويشغله يسمونها Nephropathy يعني يدمر نفرونات الكلى
فدائماً بالكتب من يذكرون Microalbuminuria يكتبون گدامه هو early indicator of nephropathy

👈 الصورة هي لنفرون واحد من نفرونات الكلى ( النفرون هو الوحدة الوظيفية للكلى وهو المسؤول عن تكوين الادرار ، كل كلى بيها مليون ونص نفرون تقريباً )

السلام عليكم .. 🧡

طبعاً انا من عشاق الجداول والمخططات
الكتاب بصفحة والجداول بصفحة اعشقها عشق 😍

#الجدول_الاول : على انواع التيوبات
كتاب هنري منطيك 4 شغلات لازم تعرفها عن كل تيوب وهي
👈 لون القبق stopper color
👈 شمخلين بهذا التيوب additive
👈 شينطيني بلازما لو سيرم وليا قسم يستعمل
👈 شلون يشتغل هذا التيوب mechanism of action

ناخذ مثال مثالين علمود تكملون انتم ..
اكو تيوب القبق ماله lavender يعني بنفسجي الي هذا يجي بيه نوعين
👈 نوع زجاجي glass
👈 ونوع بلاستيكي plastic

👈 نوع المادة المخلينها بيه هي EDTA لذلك يسمون هذا التيوب EDTA tube
👈 الزجاجي مخلين بيه K3 EDTA على شكل سائل موجود بداخل التيوب والبلاستيكي مخلين بيه K2 EDTA على شكل spray يعني راشينه على جدارن التيوب

👈 هذني النوعين ينطنا whole blood وطبعاً اذا افصله ينطيني بلازما لان EDTA هي مادة مانعة للتخثر ونستعمله اكثر شي بقسم hematology

ملاحظة : الدم اذا تخثر ينطيني سيرم واذا ماتخثر ينطيني بلازما

👈 شلون يشتغل ؟ يرتبط وي الكالسيوم فلذلك مايصير نفحص كالسيوم بتيوب بيه EDTA

عدنا مثال ثاني وهو تيوب لونه pink يعني وردي هذا المادة المخلينها بيه هي K2 EDTA وهم spray يعني مرشوشه ومثبته بجدارن التيوب يعني ماتشوف سائل ببطن التيوب

👈 شينطيني ووين يستخدم ؟ ينطيني whole blood وهم اذا اسنتره ينطيني بلازما واكثر شي نستخدمه بمصرف الدم والتشخيصات الجزيئية
👈شلون يشتغل ؟ هم يرتبط بالكالسيوم

#الجدول_الثاني : مثلاً يكلك ليش انزيم ALP و CK مايصير نشتغله بدم مسحوب على تيوب EDTA ؟ لان هذا التيوب يثبط عمل هاي الانزيمات

👈 ليش مايصير اشتغل كالسيوم بدم مسحوب على EDTA ؟ لان هذا التيوب يسحب الكالسيوم فيقلل النسبة

👈 ليش مايصير اشتغل AST و ALT بدم مسحوب على تيوب citrate ؟ لان هذا التيوب يثبط هاي الانزيمات
👈 ليش مايصير اشتغل هرمون T4 على دم مسحوب بتيوب heparin ؟ لان يزيد القيمة
وهكذا ..


مصدر هاي الجداول هو كتاب Henry's clinical diagnosis and management by laboratory methods الطبعة 23

السلام عليكم .. 🧡

راح اشرح كيسات ثنين ( كيس رقم 2 و 3 ) موجودات بكتاب مارتن كروك صفحة 394 و 395 والهن علاقة نوعاً ما بالمنشور السابق

كلش حلوات بس ركز وياي

#الكيس_رقم_2
👈 مره عمرها 44 سنة موجودة باحد اجنحه المستشفى فسحبولها دم وسوينالها التحاليل ذني ( صوديوم ، بوتاسيوم ، فوسفات ، كالسيوم ، يوريا و كرياتنين )

👈 طلع الكالسيوم نازل والبوتاسيوم صاعد والبقيه طبيعيات

👈 عادوا السحب بنفس اليوم وعادوا التحاليل نفسهن طلعن كلهن طبيعيات !

👈 فسر شنو الخطأ الي صار ؟
الخطأ هو تم سحب عينة الدم الاولى على تيوب EDTA طبعاً هو اسمه الكامل K2 EDTA واكو K3 EDTA وال K كلنا نعرفه هو رمز البوتاسيوم يعني هذا التيوب الشركة الي صنعته مخليه بيه بوتاسيوم فمن اجي انا افحص بيه بوتاسيوم شي اكيد راح تزداد قيمة البوتاسيوم

👈 وبيه بعد خاصية هو اصلاً يسحب الكالسيوم من العينة فشي اكيد من اقيس بيه كالسيوم راح تقل قيمة الكالسيوم

#كيس_رقم_3
👈 رجال عمره 43 سنة اجه لمركز صحي موجود بمنطقته وسحبناله دم الصبح ورسلنه العينة لمختبر المستشفى والمختبر اشتغلها العصر
وطلعت النتائج الصوديوم و اليوريا والكرياتنين طبيعي بس البوتاسيوم صاعد !
المستشفى تعامل مع الحالة على انها حرجة لان البوتاسيوم صاعد لو غير شي بيها مجال وبالاخير اكلك ليش
المهم المختبر كال لازم هسه ناخذ عينة جديدة للمريض ونعيد التحاليل باسرع وقت فعادوهن وطلعن كلهن طبيعيات !

👈 فسر وين الخطأ ؟
البوتاسيوم لازم مايتأخر لان اذا تأخر راح يعبر من داخل الخلايا ويروح للدم واجي انه اقيس الدم فيطع عندي عالي بينما هذا الصعود هو بسبب تأخر الفحص وهاي الحالة يسمونها pseudohyperkalaemia

ملاحظات :
👈 ركزلي على الفحوصات وشوفوا دائماً يكتبولك plasma مو serum بالنسبة للكيمياء حتى مره شفت رمز FPG يعني fasting plasma glucose واكو منشور ذكرت بيه ليش البلازما هي افضل من السيرم بالنسبة للكيمياء ومع مراعاة SOP طبعاً ومع مراعاة التيوب كذلك ( اكو تيوبات خاصة بفحوصات الكيمياء وتنطي بلازما )

👈 فحصين جريمة تغلط بيهن وهنه فحوصات coagulation مثل PT و PTT و INR وفحوصات electrolyte مثل صوديوم ، بوتاسيوم ، كلورايد
اغلط باليوريا اغلط بالدهون ولاتغلط بذني لان هذني تكتل بيهن مريض ، عادي طلع اليوريا غلط طلعها 40 طلعها 50 ماراح يموت المريض بس لاطلع البوتاسيوم 8 لو 9

👈 باوع على الكيس رقم 2 وشوف فحص الكالسيوم شلون كاتبينه هيج albumin adjusted calcium ليش اغلب الكتب جاي تسوي هيج خو Ca وگبل ؟ لان 45‎%‎ من الكالسيوم هو مرتبط بالابومين فيقيسون الكالسيوم والالبومين ويطبقون معادلة راح اتركها الكم بالصور وهاي الطريقة دقيقة

👈 اخر شي اريد اگوله كل كلمة بالكيس هي محسوبه يعني فرضاً من يكلك سحبنا دم لواحد هو موجود باجنحه المستشفى قصده يريد يكلك تره هذا لاطالع ولامسوي شي بره هو يمي هنا

السلام عليكم .. 🧡

👈 العلماء يگولون الجنس مو صفة مطلقة
👈 شلون يعني ؟
يعني ماتگدر تقسم انك ذكر 100‎%‎ ولاتگدرين تقسمين انكِ انثى 100‎%‎

👈 كل انثى عندها شوية androgen هرمون ذكري
وكل ذكر عنده شوية estrogen ( هرمون انثوي )

👈 فلو لاسامح الله رجل صار بيه ورم بالخلايا الي طلع estrogen ( هرمون انثوي ) فيصبح الذكر انثى
ولو انثى صار بيها ورم بالخلايا الي طلع androgen فتصبح الانثى ذكر وهذا يسمى virilization ( الاسترجال )

👈 طبعاً الغدة الكظرية adrenal gland الي تصير فوگ الكلى هي بيها منطقتين :
اللب medulla
القشرة cortex

👈 القشرة بيها 3 مناطق :
ال ZG
ال ZF
ال ZR
مثل الرگي 😅 بيها لب الي هو الاحمر والقشره الي هي الخضره والرگي مرات يجي گشرها ثگيل جنه 3 طبقات 😅

👈 المهم medulla طلع adrenaline و nor-adrenaline و dopamine
طبعاً انه مااحب لفظ adrenaline لان بيه حراف "ر" فاحب اسمه الثاني الي هو epinephrine و nor-epinephrine

👈 للعلم 80‎%‎ epinephrine و 20‎%‎ nor-epinephrine شوف التنظيم الرباني ليش هذا 80 ولي ذاك 20 هاي بيها هواي سوالف

👈 نجي للقشرة cortex مو گلنا بيها 3 طبقات
👈 ال ZG طلع ‏mineralocorticoid اهم واحد بيهن Aldosterone
👈 ال ZF طلع ‏glucocorticoids اهم واحد بيهن cortisol
👈 ال ZR طلع sex hormone اهم واحد Androgen ويجي وراه Estrogen

نحمد الله على مانحن فيه لكن وضع اليوم يمكن ان يتغير غداً بسبب ZR