#سلسلة_التشخيص_البكتيري ::
#منشور_رقم_5

الاوساط التفريقية ( Differential media ) شنو يعني تفريقية ؟ يعني راح يفرقلنا بين الأنواع
وعلى هذة الاوساط مثالين هما وسط MacConkey agar و Mannitol salt agar ويختصر كالآتي MSA

#المثال_الاول : MacConkey agar ، يحتوي هذا الوسط على crystal violet و bile salt بحيث يسمح فقط لل G -ve بالنمو ويثبط G +ve
اكو بكتيريا مخمرة لسكر اللاكتوز ( LF ) تظهر بلون Pink ( وردي ) وهي E.coli , Klebsiella , Enterobacter , Citrobacter
واكو بكتيريا غير مخمرة لسكر اللاكتوز ( NLF ) وتظهر pale وهي yersinia , proteus , salmonella , shigella
لتسهيل الحفظ اقرأ المخطط الي بالاسفل ..
ملاحظة : صفات Klebsiella بالعين المجردة مخاطية ( mucoid ) و E.coli جافة ومسطحة و Enterobacter تحتوي على حلقتين double halo ( المركز ودري والاطراف باهته ) بالصورة راح توضح

#المثال_الثاني : Mannitol salt agar يحتوي هذا الوسط على كاشف احمر اسمه phenol red وكذلك يحتوي على 7.5% Nacl ( فقط البكتيريا التي تتحمل هذا التركز العالي من الملح تنمو على هذا الوسط )
اكو بكتيريا تخمر المانيتول تظهر بلون Yellow وهو S.aureus ( كلمة aureus بالاتيني تعني ذهبي )
واكو بكتيريا غير مخمرة للمانيتول تظهر بلون pink وهي اما S.epidermidis او S.saprophyticus
لتسهيل الحفظ اقرأ المخطط الي بالاسفل ..

#المثال_الثالث : TCBS
إذا Yellow color فهي V.cholera
وإذا green color فهي V.parahemolyticus

#المثال_الرابع : XLD
إذا black center ( نقطة سوداء ) فهي salmonella
وإذا colorless فهي Shigella

لَو أن لعمري ميزاناً ما المكيال
أيَقاس العمرُ بأيامٍ أم أعُوام

فقر الدم التحللي haemolytic anemia

كلنا نسمع من اهلنا هذا صار عندة تكسر بالدم بعدما اكل باقلاء و هذا يسموة فقر الدم التحللي .

لما تروح للطبيب و يگلك عندك فقر دم anemia مو لهنا و انتهى التشخيص لان فقر الدم بيه عدة انواع مختلفة واحد منها فقر الدم التحللي Haemolytic anemia

زين هذا النوع شنو ؟ 🤔
ما هي اسبابة و مسبباته ؟

اليوم راح اناقش جزء من اسباب هذا المرض ف خليكم ويانا 😊
المرض بيه ثلاث اسباب رئيسية

🔹 #الاول هو خلل ب السور الي يحيط بكريات الدم الحمراء
defects in red blood cells membrane

🔸#الثاني هو خلل بـالتكسي الناقل للاوكسجين او الهيموغلوبين
defects in haemoglobin

🔹 #الثالث هو نقص او خلل في الانزيمات الموجودة بالخلية
enzymes deficiency or defects

زين هم اكو اسباب اخرى ؟!!!
اي نعم اكو مثل تضخم الطحال (Splenomegaly )
او امراض المناعة الذاتية (autoimmune disorders)
بس ذني الثلاثه اشهرهن وهن سبب بحدوث الانواع الاخرى

🔻نرجع لموضوعنا الي هو فقر الدم التحللي haemolytic anemia
و اسبابه هي
#الاول الي هو خلل بالسور الحامي للخلية
السور او غشاء الخلية
( cell membrane)
في العادة يتكون من
1- بروتين (protein)
2- دهون (lipid)
3- كربوهيدرات (carbohydrates)

الي يصير شنوو ؟🤔
الي يصير هو خلل بواحد من هذني المكونات الثلاثه يؤدي الى تشوة شكل الغلاف الخارجي للخلية و بالتالي ما راح تقاوم الظروف الخارجية و تموت قبل ان تكمل دورة حياتها الي هي ١٢٠ يوم تقريباً

🟦شوكت نكول الشخص عندة فقر دم تحللي ؟
الجواب
لما يكون معدل هدم (hemolysis) كريات الدم الحمراء اعلى من قدرة تكوينها بنخاع العظم ( bone marrow )

🔹بعبارة اسهل
معدل التكسر يكون اكبر من معدل البناء
لما يتشوة شكل الغلاف الخارجي راح تتغير النضوحية و
🔹 بمنشور فسيلوجية الدم گلت ان وحدة من فوائد بروتينات السور هي النقل و العملاء و المستقبلات .....الخ ( المنشور المثبت شوفه )

💡 نجي على الاسباب

🔸اول سبب لتشوة الغلاف الخارجي الي هو
البروتين غير الطبيعي المتواجد بالغلاف
Skeletal Protein Abnormalities

و ينقسم الى اثنين استراتيجيات ☹️
1- تفاعل عمودي vertical
2- تفاعل عرضي horizontal

شنو اقصد بذني ؟ 🤔☝️
🔹التفاعل_العمودي
يعني يصير تفاعل بشكل عمودي على غلاف الخلية لو اخذنا مقطع من عندة و بهاي الحالة راح تتفاعل مواد موجودة
بـ سايتوبلازم الخلية مع البروتينات و الدهون الموجودة في غلاف الخلية اسم هاي الجزئيات هو skeletal lattice

و اذا شصار يعني ☹️ فد معضلة هاي !!!!
احنا نعرف ان غلاف الخلية يتكون من طبقتين من الدهون ( bilayer ) ف هذا التفاعل راح يفصل الطبقة الخارجية عن الطبقة الداخلية من خلال سحب الطبقة الداخلية نحو داخل الخلية
و بذلك راح تقل المساحة السطحية
للخلية 🥺 فيتكون عندي شكل غريب من الخلايا نسمية spherocyte
و في نهاية المطاف راح تتحلل الخلية باعتبارها غير طبيعية

🔹التفاعل العرضي
يصير تفاعل ما بين مكونات الغلاف و ليس مع مكونات السايتوبلازم كما في التفاعل العمودي هذا الشيء راح يسبب توليد ضغط على غلاف الخلية
يتفاعل بروتين السبكترين (spectrin) مع بروتين سبكترين اخر (spectrin) الرأس بالرأس (head to head) فيتكون عندي شكل رباعي هذا راح يتفاعل مع بروتينات هيكل الخلية الي هن

( actin, protein 4.1R, glycophorin C, and adducin contacts)
فيؤدي هذا الشيء الى تقطيع او ظهور الغلاف كـ غلاف مقطع
fragmentation
🔸و راح يتكون عندي شكل جديد اسمه poikilocytes
هذا بالنهاية شكل غريب فراح يتحلل بسرعه بعد خروجه من نخاع العظم لان لا يستطيع الصمود اما البيئة الخارجية
السبب #الثاني لتشوة الغلاف هو خلل في دهون الغلاف
lipid defects
🔹يؤدي ذلك الى تكوين شكلين غير طبيعية الي هم
acanthocytes or stomatocytes
بالحالة الطبيعية غشاء الخلية يحتوي على كميات متساوية من الكوليسترول و الفوسفولبد
equal amount of cholesterol and phospholipid
زيادة الكوليسترول الحر في المرضى يؤدي الى ترسب الكوليسترول على الطبقة الخارجة من غشاء الخلية فتتكون عندي الاشكال سابقة الذكر 🙁🙁
و بالتالي ذوله غرباء و لذلك راح يتحللون lysis قبل ان تكمل الخلية دورة حياتها ☹️☹️
before spend lifecycle

مثل ما تكلمنا بالمنشور السابق إن احد اسباب #فقر_الدم_التحللي
haemolytic anemia
هو خلل بـ بروتينات السور الحامي للخلية
defects in cell membrane proteins
اليوم نتكلم عن حالة و #سبب_ثاني لحدوث فقر الدم التحللي ألا و هو #نقص_الانزيمات
enzymes deficiency
و هو احد اسباب حدوث تكسر الدم عند اكل السدر ( النبگ ) و عند اكل الباقلاء
الخلل الي يصير راح ينقص من عمر خلية او كرية الدم الحمراء
يلا خلونا نفتهم مع بعض شنو الي يصير 😊 #تابعوا وياي 👇👇
كرية الدم الحمراء لما توصل الى مرحلة النضوج mature state راح تفقد بعض مكوناتها اولهن النواة nucleus و المايتوكوندريا و الرايبوسوم
يعني بعد ماكو mRNA و هذا يعني ماكو تصنيع للبروتينات و لا اكو تصنيع للانزيمات الي هي بروتينات
لكن مع ذلك راح تبقى الخلية نشطة ايضياً
metabolically active
هذا النشاط راح يوفر الطاقة energy للكرية شنو فائدة الطاقة 🤔🤔
١- المحافظه على حديد الهيموغلوبين haemoglobin iron بحالة مختزله reduced state
٢- ضخ الايونات خلال الغشاء الخلوي
pump ions across the cell membrane
٣- المحافظه على مجموعة السالفدريل بالانزيمات و بعض البروتينات في حالة مختزلة او خاملة
keep the sulfhydryl groups in enzymes and other proteins in the reduced state
٤- إدامة شكل الكرية الحمراء
maintain the cell’s shape.
هذا ☝️☝️ كله فوائد الطاقة لكرية الدم الحمراء

فقدان القدرة على تصنيع الانزيمات و البروتينات يؤدي الى الاعتماد على الاكسدة للـ ATP
oxidative phosphorylation for ATP production
احنا نعرف إن كرية الدم الحمراء تعتمد في توليد او الحصول على الطاقة من خلال الايض اللاهوائي anaerobic metabolism
نضوج الخلايا الشبكية عادة ما يكون مقترن ب ازالة بعض الانزيمات و تكون هذة الانزيمات في حالة استقرار في الخلايا الناضجة
شنو معنى الكلام هذا ☝️
يعني الانزيم موجود بس متثبط او مُثبط جزيئاً
و لان كريات الدم الحمراء ما تگدر تصنع انزيمات جديدة ف فعالية الانزيمات الموجودة بيهه تكون مقيدة و ضمن نطاق محدد يعني ما لازم تشتغل اكثر من طاقتهه 🌝
في حالة وراثة inherited نقص في انزيم واحد يؤدي الى عرقلة الايض الخلوي disrupt cellular metabolism
و بذلك راح يؤثر على الغلاف الحامي cell membrane او على الهيموغلوبين haemoglobin مما يؤدي الى حدوث التحلل haemolysis 😱🙁
يؤدي نقص الانزيمات الى حدوث اثنين من الطرق الي راح تضر الخلية
1- hexose monophosphate (HMP) shunt pathway
2- glycolytic pathway
خل نفتهم الحالتين وحدة وحدة 😊😊
1- hexose monophosphate (HMP) shunt pathway
شنو اقصد بهذا المركب او شلون يؤثر على الخلية
يعتبر سكر الغلوكوز glucose مصدر الطاقة الوحيد لكريات الدم الحمراء و لذلك راح يدخل الى الخلايا بواسطة الخونه 😱🌝 او النواقل carrier-mediated
لما دخل راح يتحلل لاهوائيا anaerobic glycolysis او بواسطة HMP عن طريق انزيم موجود بالكريات اسمه hexokinase راح ينطيني مركب جديد اسمه G-6-P هذا ينطيني كمية زينه من مركب اخر اسمه glutathione نرمز اله GSH
و الاخير اله فائدة جداً كبيرة لكريات الدم الحمراء شلون 🤔
لنفرض الخلية تعرضت لعامل اكسدة مثل البيروكسديز peroxidase راح يتحفز انزيم اسمه
glutathione peroxidase
يحول الـ H2O2 الى H2O و راح تتخلص من عندة الخلية بسهوله خارجها بس هذا الشيء اذا استمر راح ينقص تركيز هذا المركب glutathione و بهذا ممكن الخلايا تموت اذا تعرضت لعامل اكسدة ثاني ☹️🙁
زين شلون نحميها و نبقي هذا المركب بتركيز متوازن عندي انزيم اخر اسمه glucose 6 phosphate dehydrogenase هذا راح يزيد من معدل تحويل الـ NADP الى NADPH
و اذا زاد هذا 👈NADPH راح يحفز انزيم اخر اسمه
glutathione reductase
هذا راح يحول ال glutathione المتأكسد الى GSH و بالتالي راح يتم حماية الخلية من عوامل الأكسدة

ف اذا صار نقص ب الانزيمات هاي ☝️ راح يتجمع الهيموغلوبين المتأكسد فيتكون عندي اجسام هنس او هنز Heinz bodies على الغشاء الخلوي فلما تمر كريات الدم الحمراء خلال الطحال spleen راح تحاصرها خلايا البلعمة macrophages و تحاول تزيل هاي الاجسام الغريبة من الغشاء مما يؤدي الى حدوث التحلل الدموي
يعني مثل الحباية الي على جسمك تحاول تزيلهه بس بالنتيجة انت راح تنجرح 🥺😁

2- glycolytic pathway
مثل ما گلنا السكر هو مصدر الطاقة لكريات الدم الحمراء و الغلوكوز راح يتحول ب كريات الدم الحمراء الى lactic acid و هذا ينطيني اثنين جزيئات من ال ATP هاي مهمه بنقل الكتيونات cations مثل الصوديوم و البوتاسيوم و الكالسيوم ماشي 👍

و يحافظ على شكل كرية الدم المقعر الوجهين
biconcave Shape
هنا شراح يصير ☹️🤔
لما يقل انتاج ال ATP نتيجة نقص الانزيمات المهمه في عملية التحلل اللاهوائي راح يقل طرد او ادخال ال cations فتزداد الازموزية increase osmosis داخل الخلية و هذا الشيء راح يؤدي الى محاصرة الخلية غير الطبيعيه بالطحال و ازالتها من مجرى الدم لانها لا تخدم الخلايا الباقية و تموت بسرعة

#تابعونا من اجل المزيد

سؤال / شنو العلاقة ما بين طفيلي الملاريا وفقر الدم التحللي الناتج عن نقص انزيم G6PD ؟
اعتقد هواي ناس سامعين عن الملاريا malaria بس ظلت بنفسهم يفهمون او يعرفون شنو هذا المرض و شلون ينتقل للبشر
خل نفتهم هذا المرض سوية يلا #تابعوا_وياي 👇
#الملاريا هو مرض طفيلي يعني كائن صغير يتطفل على الانسان و علاقة التطفل parasitism هي علاقة يستفاد فيها الطفيلي فقط و المضيف يلحقة الضرر من هاي العلاقه
#مختصر_مفيد
الطفيلي مستفاد و الانسان متضرر ☹️
زين الملاريا سببها واحد 🤔
الملاريا لها خمسة مسببات رئيسية الي هن
P. vivax
P. falciparum
و هو اخطر الانواع لان يكون مسرطن
P. malariae
P. knowlesi
و هناك انواع اخرى لكن تصيب الحيوانات و ليس الانسان
شلون تنتقل هاي الطفيليات للانسان 🙁
الانسان يعتبر عائل وسطي intermediate host في دورة حياتها يعني تتكاثر تكاثر لاجنسي في جسم الانسان يعني ( انقسام ثنائي ) مو انثى و ذكر
زين لعد منو العائل النهائي للطفيليdefinitive host
العائل النهائي يعني يتكاثر بيه الطفيلي تكاثر جنسي ( امشاج ذكرية و انثوية تنطيني طفيلي ) هو #انثى حشرات البق نوع الانوفلس Female Anopheles
لعد شلون تنتقل الاصابة الى الانسان ؟
الجواب اكو عدة طرق لانتقال العدوى للانسان و منها
١- لما تجي الحشرة تاخذ وجبة الدم راح ينتقل الطفيلي الي موجود ب الغدد اللعابية للحشرة الى مجرى الدم و يتكاثر داخل خلايا الدم الحمراء
bite of Female Anopheles
٢- ممكن ينتقل الطفيلي من خلال الدم من الام الى الابن عن طريق المشيمه او الحبل السري placenta
٣- ممكن ان ينتقل الطفيلي من خلال عمليات نقل الدم غير المفحوص
through blood transfusion
هاي طرق انتقال الاصابة للانسان ☝️☝️
زين شنو العلاقة بين هذا الطفيلي و بين فقر الدم التحللي
اغلب العلماء متفقين على إن نقصان انزيم G6PD هو نقصان من اجل الحماية من الطفيلي
شلون عرفوا
درسوا المناطق الي ينتشر بيهه الطفيلي فوجودا إن الاشخاص الي عدهم نقص بهذا الانزيم راح يكونون اقل عرضه للإصابة ب الطفيلي
شلون يصير هذا الشيء 🤔🤔🤔🤔
لما يصير نقص ب انزيم G6PD راح يصير نقص ب NADPH و هذا يعني خمول او فشل انزيم ال glutathione reductase فما راح يتكون عندي مركب reduced glutathione
و اذا شنو يعني ؟ 😕😕
اذا نقص تركيز هذا 👈reduced glutathione راح لما تتعرض الخلية لعوامل اكسدة مثل H2O2 راح يتجمع الهيموغلوبين على شكل اجسام هنس Heinz bodies على غشاء الخلية و هذا يعني ضرر الغشاء الخلوي و بالتالي موت الخلية
اذا ماتت كرية الدم الحمراء ما راح يگدر الطفيلي يقاوم الجهاز المناعي
لان ب الاساس الطفيلي يستخدم كرية الدم الحمراء مثل #حصان_طروادة يعني حتى الجهاز المناعي ما يتعرف علية و يهاجمه لذلك يبقى يتفلت من كرية لكرية و يخدع الجهاز المناعي بهاي الطريقه

ف لذلك الاشخاص الي عدهم نقص ب هذا الانزيم 👈 G6PD راح يقامون الملاريا حتى لو عضتهم الحشرة ما راح تگدر الملاريا تعيش بداخلهم
الي عدهم نقص بهذا الانزيم G6PD هم الي يتحسسون او يصير عدهم تكسر بالدم من ياكلون باقلاء 🙁

دمتم في حفظ الله و رعايته

شنو علاقة فقر الدم التحللي haemolytic anemia الي يكون ناتج عن نقص انزيم G6PD بالجنس ؟ بمعنى اخر
ليش يكون الذكور اكثر عرضة و اشد اعراض عندما يكونون يعانون من هذا المرض اكثر من النساء ؟
احنا نعرف إن كل خلايا جسمنا تحتوي على ٤٦ كروموسوم ذني بيهن ٢٢ زوج كروموسومات جسمية somatic chromosome و زوج واحد كروموسومات جنسية sex chromosome
الكروموسومات الجنسية هي X و Y
بالانثى يكون الزوج متكون من
XX + 22 somatic chromosome
بالذكر يكون الزوج متكون من
XY + 22 somatic chromosome
موجود على الكروموسوم X سواء بالانثى او الذكر جين gene مسؤول عن تعبير رسالة على شكل mRNA للشبكة البلازمية الخشنه rough endoplasmic reticulum حتى تصنع بروتين هذا البروتين هو عبارة عن انزيم enzymes ( كل الانزيمات هي بروتينات ) اسمه
glucose 6 phosphate dehydrogenase G6PD
الي يصير شنو 🤔🤔
لما الذكر يفقد كروموسوم X او بالاحرى يكون هناك خلل بالجين المسؤول عن انتاج هذا الانزيم G6PD راح يعاني الشخص من فقر دم تحللي حاد و قوي لان ما موجود جين على كروموسوم اخر يعوض النقص بهذا الانزيم
بينما الانثى عدها كروموسوم ثاني خامل لما ينفقد الجين المسؤول عن تكوين هذا الانزيم راح يقوم الكروموسوم الاخر بتعويضه لذلك راح تكون الاعراض و النقص اقل عند الاناث من النقص عند الذكور
#مختصر_مفيد
يعني الانثى لازم تكون homozygotes يعني اكو خلل ب الكروموسومات XX اثنينهن يلا تعاني مما يعانية الذكر عند تعرضه لهذا النوع من الامراض

autoimmune haemolytic anaemia
فقر الدم التحللي الناتج عن امراض المناعه الذاتية ☹️
طبعاً هناك خطأ شائع و هو اهمال تحديد نوع فقر الدم الي يعاني من عندة المريض و هذا كله له انعكاسات سلبيه على صحة المريض
#مختصر_مفيد
اذا ما نحدد نوع فقر الدم لا ننطي علاج لان حتلو انطينا ما راح يتعالج بل ربما تسوء الحالة
جسم الانسان متكون من مجاميع من الخلايا متعايشه مع بعضها البعض ب سلمية و الامن و الاستقرار يسود المنطقه و عايشين بحفظ الباري
فجأة و صار انقلاب عسكري 🙁😱 لما يشن الجهاز المناعي immune system حرب يضيع بيها حتى الابرياء و يگوم يضرب الغريب و القريب itself and non self antigen
هذة الحالة يسموهه ب امراض المناعه الذاتية
autoimmune diseases
و لما يستهدف الناقل للاوكسجين حتى يقطع الإمدادات عن الابرياء و الناقل هو كريات الدم الحمراء الحاوية على الهيموغلوبين و يسوي تفجير لهاي الخلايا راح يصير عندي مرض مناعه ذاتية يحلل كريات الدم الحمر مما يسبب حدوث فقر دم
autoimmune haemolytic anaemia
ميكانيكية حدوث هذا النوع من الامراض لسى قيد الدراسة و هواي مواضيع منها غير مفهومة
الجيش الدفاعي المتمثل ب خلايا باء B cell راح ترسل مجموعة من الجنود (autoantibodies) حتى يلقون القبض على الشخص الي جاي يوصل امدادات للابرياء
و هنا راح ينقسم المرض الى نوعين حسب الجنود 😁
#النوع_الاول اكو جنود يدورون الجو الحر و يستغلون هاي الفترة حتى يشنون الهجوم على الناقل و لذلك سميناه فقر الدم التحللي المناعي الدافىء
warm autoimmune hemolytic anaemia WAIHA
بحيث الجنود يتحركون و يتفاعلون بدرجة حرارة تتراوح بحوالي ٣٧ م و هاي هي درجة حرارة الجسم الاعتيادية و هذولي الجنود هم من نوع IgG و هذا النوع شائع بحيث ٧٠٪ من الحالات هي من هذا النوع هذا 👈IgG راح يلزم كريات الدم الحمراء حتى تصل #فرقة_التنظيف_القتالية macrophages و تلتهم كريات الدم الحمراء و تدمرها و تزيلها من مجرى الدم
اما #النوع_الثاني هو فقر الدم التحللي المناعي البارد
cold autoimmune hemolytic anaemia CAIHA
هنا الجنود يستغلون الجو البارد الي حرارته اقل من ٣٠ م و هذولي الجنود من نوع IgM بس هنا اكو مجموعة من العملاء موجودين يدورون حجة حتى يهاجمون هم نظام المتممه
complement system
بمجرد ال IgM يلزم كرية الدم الحمر ذولي يجون يهجمون وياة حتى يقتلون هذا الناقل الحيوي

زين بالنوع الثاني لما ندفي المريض او العينه ما نگدر نزيل هذول الجنود 🤫🤔
بالحقيقة هذا 👈IgM راح يترك كرية الدم الحمراء بس المشكلة ذولي 👈complement system راح يبقون لاطشين بالسور الحامي للخلية و لذلك راح واحد يصيح الثاني ثم يفجرون الخلية و يموتوها cause rupture of the red blood cells

شاهد بروتين الميوسين وهو يسحب هرمون الاندروفين نحو الدماغ حتى نشعر بالسعادة 😍 ❤

حته مبين من مشيته مليانه سعادة هههههه

#سبحان_الله

فحوصات الكبد Liver Function Test
يختصرونها ب LFT

👈 الجماعة يقسمونها 4 گروبات بالتدريج من الفحوصات الروتينية الى الفحوصات المتخصصة

#الكروب_الاول :
ال Total, Direct and Indirect bilirubin وهذني بالسيرم
ال bile pigment و bile salt و urobilinogen وهذني بالادرار

#الكروب_الثاني :
نزيمات الكبد ALT و AST و ALP و GGT

#الكروب_الثالث :
ال Total protein و Albumin و Globulin و A/G ratio

#الكروب_الرابع :
وهذني يسموهن special tests وهنه
ال Ceruloplasmin يختصر Cp
ال Ferritin
ال Alpha-1 antitrypsin يختصر AAT
ال alpha fetoprotein يختصر AFP

يمتى اسوي LFT ؟
👈 اذا اشوف عند المريض jaundice ( ابو صفار )
👈 اذا اشك اكو سرطان منتقل للكبد ، مثلاً واحد مصاب بسرطان البنكرياس او القولون وذني قريبات على الكبد فممكن ينتقل السرطان للكبد

👈 الي يشربون كحول هواي
👈 اي واحد عنده مرض مزمن بس مامشخص مثلاً اجاك مريض كلك مامرتاح راح اجه للطبيب انطاه علاج ماطاب نسويله LFT

👈 واحد اجاك وعنده مشكله بعوامل التخثر وبما ان الكبد هو الي يصنع coagulation factors اذن ماكو مشكله اذا اقيسله LFT

نصيحتي على طريقة انا جربتها وكلش استفاديت منها والخصها بنقطتين :
👈 إذا تريد تقره فحوصات لاتقره اضافات ابداً ابداً تره ماكو هيج بكل كتب المختبرات ماعدا الكتب العربية طبعاً لان غالبيتها تجارية

👈 زين شسوي علمود اضبط الفحوصات ؟
اقره اول شي على العضو المستهدف
بعدين اقره الفحوصات الخاصة بهذا العضو
بعدين اقره SOP الفحوصات ذني

👈 انطيني مثال علمود افهم اكثر ؟
👈 اقره اول شي عن الكبد
👈 بعدين اقره كل فحوصات LFT ( مثلاً ال AST و ALT و Albumin .. الخ

👈 بعدين جيب SOP مالت كل ذني التحاليل ( AST و ALT و Albumin .. الخ ) واقراهن حتى لو واحد يشرحن الك تتساعد انت وصديقك ماكو مشكله

👈 خلصت من الكبد روح اقره عن الكلى وعن فحوصاتها RFT وبعدين عن فحوصات العظام Bone profile test وبعدين عن فحوصات الدهون Lipid profile

👈 اولاً هيج راح تستهدف مجموعة فحوصات خاصة بعضو واحد وهاي تسهل عليك الحفظ كلش هواي وبالاضافة راح يكون عندك معلومات نظرية عن الكلى والكبد والعظام .. الخ والاهم راح تعرف تقره اي SOP يمر عليك وهاي هي الزبده لان راح تعرف طريقة العمل ، نوع العينة ، تحضير المحلول ، شلون اسوي ستاندرد ، شلون اسوي بلانك وشنو فايدتهن

الصوره هي لمراحل تشمع الكبد
الكبد مو گبل بيوم وليله صار بيه تشمع يستغرق وقت هواي وربما سنوات
اولاً Healthy صاحي
ثانياً Fatty تراكم الدهون على الكبد
ثالثاً Fibrosis يصير بيه تليف
رابعاً Cirrhosis تشمع الكبد
خامساً Hepatocarcinoma سرطان الكبد

👈 ليش سمينه سرطان الكبد carcinoma مو sarcoma ؟
شكو شي epithelial نسميه carcinoma مثل الكبد
شكو شي connective نسميه sarcoma مثل العظم