👈 احتمال تلگه WBC عاليه بس RBC و Platelet طبيعيات
هاي حالة infection
👈 إذا neutrophil زادت هاي
bacterial infection
👈 إذا lymphocyte زادت هايviral infection
👈 إذا eosinophil زادت هاي حساسية من شغلة
👈 إذا monocyte زايده هاي غالباً glandular fever ونتأكد منها بفحص paul bunnel test

هسه نحجي على platelets
إذا قليله الحالة نسميها thrombocytopenia ونتأكد منها بعمل فحص bleeding time راح تطلع اكثر من الطبيعي ( يعني اكثر من 7 دقائق )

👈 وهاي اسبابها لو نخاع العظم ماجاي ينتج مثل حالة bone marrow failure
👈 او اكو انتاج بس جاي يصير تكسر بالصفيحات مثل حالة ITP الي هي Idiopathic thrombocytopenic
purpura

👈 زين إذا لگيت عند المرض bleeding disorder بس platelets عددها طبيعي اذن هاي اما مشكله في وظيفة platelets مثل مرض von willebrand disease او مشكله ب coagulation مثل Hemophilia A هاي سببها نقص ب Factor 8

👈 واخر شي ممكن المشكلة vascular يعني بالوعاء الدموي والاشهر على الاطلاق هو Henoch Schonlein purpura

RBC : Red Blood Cells
WBC : White Blood Cells
Hb : Hemoglobins
MCV : Mean Corpuscular Volume
MCH : Mean Corpuscular Hemoglobin
MCHC : Mean Corpuscular Hemoglobin Concentration

#المصدر منقول من احد الدكاتره

السلام عليكم .. 💛

منشور على الطاير

👈 كل فايروس مايكدر يسوي infection الا يعمل attachment يعني التصاق الفايروس على سطح الخلية
👈 ومايصير attachment الا من خلال receptor ( المفتاح عند الفايروس والقفل عند الخلية )
👈 وكل فايروس عنده receptor خاص بيه

#امثلة :

#مثال_1 : CD4 receptor كلنا نعرف هو موجود على T-helper cell و T-helper cell تستخدمة للارتباط ب MHC class 2 علمود تعمل activation لل T-helper cell يعني هسه CD4 اله وظيفة ، زين منو من الفايروسات راح يستغله ويرتبط بيه ؟ هو HIV فال HIV استغل CD4 receptor

#مثال_2 : فايروس rabies الي هو فايروس داء الكلب ( السعار ) بيرتبط بال acetylcholine receptor ، وهذا المركب يعتبر neurotransmitters فال rabies استغل هذا الرسبتر في الارتباط

#مثال_3 : ال EBV بيرتبط بال complement receptor وال complement جزء من our immune system

#مثال_4 : ال vaccinia virus بيرتبط بال epidermal growth factor وهذا ايضاً فاكتر مهم النا هم استغله الفايروس

#مثال_5 : ال Rhinovirus يرتبط بال ICAM-1 الي هو اختصار ل Intracellular Adhesion Molecule 1

#مثال_6 : فايروس SARS-Cov-2 المسبب ل COVID-19 هذا يرتبط ب ACE-2 receptor الموجود على سطح خلايا الرئة

ملاحظة عن المثال الاخير

اسم العائلة هي Coronaviruses
اسم الفايروس SARS-Cov-2 virus
اسم المرض COVID-19 ( حرف C و O يعني corona ، حرف VI يعني virus وحرف D يعني يعني disease ورقم 19 يشير الى السنة الي ظهر بيها هذا الفايروس وهي اواخر ديسمبر عام 2019 )
#منقول

التفريق بين نوعي السكري diabetes mellitus من خلال المختبر 😊
احنا بالمختبر ما نعتمد على الاعراض خاصه في تشابك الاعراض و تعدد الامراض الي لها نفس الاعراض ☹️
اجوني مريضين وليكن هذا 👈🧔 الاول و الثاني هذة 🧓 و الطبيب كان شاك ان الاثنين عدهم سكري بس هو يريد يعرف نوع السكري الموجود
طبعاً هذا الطبيب شاطر لان هو يريد يحدد نوع السكري قبل ان يقوم بصرف العلاج وهاي ميزه للطبيب الشاطر 😌
النوعين اعراضهم متشابهه و يمكن ان يتطورون بالكبار و الاطفال ف المختبر يعتبر خط بين الشك و اليقين
اني بالمختبر ب حاجة الى #اثبات_وجود_السكري
هاي الخطوة الاولى و يتم من خلال عدة فحوصات
RBS
FBS
PPT
GGT
glucose in urine
و اضبط شيء هو تحليل #السكر_التراكمي
HbA1C
و اكو فحوصات اخرى هواي
هسه بعد الفحص تبين إن الاثنين عدهم سكري
زين شلون اميز بين الاثنين عن طريق العمر يصير ؟🤔
طبعاً من الخطأ ان نحكم على المريض من العمر فقط بل الفحوصات هي ادق من كلشي و لا اقصد المختبر فقط بل الفحوصات الإشعاعية و المفراس و غيرها لان تنطيني نتيجة نهائية للحالة المريضه
المرضى الاثنين يعانون من وهن وضعف العضلات ناتج عن ارتفاع هرمون ال glucagon هذا يفرز من البنكرياس في حال غياب الانسولين او عدم استجابة خلايا الفا للانسولين المفرز 😔 و هذا الهرمون يسبب catabolism يعني هدم للبروتين ولذلك راح نلاگي عند مرضى السكري اليوريا urea و الكرياتنين creatinine مرتفعات 😶 و هذني المركبات ب الاضافة الى عوامل اخرى هن الي يسببن فشل كلوي renal failure
لان هي فلتر كلما كانت الرواسب و المواد الي تمر علية مليئة بالمخلفات كلما كان عمرة اقصر ☹️☹️
بس هرمون ال glucagon هنا ما ميز بين النوعين 🙄
راح اشوف الانسولين insulin 🤔
راح الگى واحد عندة hyperinsulinemia و اقصد ارتفاع الانسولين و هذا الشخص عندة الخلايا لا تستجيب الى الانسولين و من الخطأ ان اعطية الانسولين كعلاج 😔 لان افاقم الحالة
بل نعطي علاج يزيد من حساسية و استجابة الخلايا للانسولين 😶 او يكون عندة انسولين بس غير كافي فيحتاج الى كمية اضافية و اعطية انسولين مو بكيفي بل بناءاً على اختبار هسه نذكرة 👇👇
اما الشخص الثاني عندة اختفاء تام للانسولين ( ولا قطرة انسولين ) و هذا الشخص بحاجة الى انسولين حتى يدخل الغلوكوز للخلايا ☹️ الاختفاء ناتج عن فشل او تدمير تام لخلايا بيتا الموجودة بالبنكرياس الي تقوم ب افراز الانسولين 🧪
لهنا گدرت اميز بين النوعين واحد عندة اختفاء تام و راح اسمية insulin dependent diabetes mellitus or IDDM و الاخر هو Insulin independent Diabetes mellitus or IIDD
حتى اتأكد اكثر اروح اشتغل
connection peptide or C peptide
هذا حد فاصل بين الاثنين
اذا المريض من النوع الاول ما راح الگى عندة اي C peptide اما اذا المريض نوع ثاني راح الگى كمية من عندة
هسه ارجع لموضوع الانسولين و اذا المريض سكري نوع ثاني
بعد ما قسنا الانسولين اذا طلع hyperinsulinemia معناه عندة زيادة بالانسولين ف نجي ننطية مساعد ( فائدته يسمح ب ادخال الغلوكوز - السكر بالعامية و هو خطأ ☹️ الى الخلايا ) من خلال زيادة حساسيتها للانسولين
اما اذا لگينا المريض عندة انسولين بس قليل hypoinsulinemia هنا راح نشوف c peptide و من خلالها يتم تحديد كمية ال exogenous من الانسولين الي يحتاجها المريض 🧓بالاضافة الى اعطاء المريض محفزات تزيد من افراز الانسولين لان في بعض الاحيان الانسولين لا يتم اطلاقة رغم انتاجة لان قناة البوتاسيوم بالخلية بيتا ما تُغلق و ما راح يدخل الكالسيوم للخلايا و الكالسيوم ضروري جداً لان يساعد على حدوث عملية ال exocytosis الي يتم من خلالها طرح الانسولين الى الجسم 🧪🥺
راح نلاگي الاجسام الكيتونية ketone bodies مرتفعه عن الشخصين لان الجسم يگوم يستخدم مصادر بديلة لانتاج الطاقة 😶 منها الدهون و البروتينات

طبعاً هذا مو كلشي هذا شيء بسيط عن السكري 🙄 ويراد نسوي حملة توعية للتعامل مع السكري

urea cycle
او دورة اليوريا من المواضيع المهمه في الايض metabolism المعروف إن البروتين يتكون من سلسلة من الحوامض الامينية مترابطة مع بعضها بواسطة الآصرة الببتيدية peptide bond
لما يتم هدم البروتين يرجع الى مكوناته الاساسية و عند استخدامه في انتاج الطاقة راح ينطيني ثلاث نتائج متوقعه الي هن h2o يعني الماء و يتم التخلص من عندة من خلال التعرق و الافرازات الاخرى و عن طريق البول من خلال الجهاز البولي
urinary system
CO2
يعني ثنائي اوكسيد الكاربون و هذا يتم التخلص من عندة عن طريق الرئتين respiratory system
و الناتج الثالث هو الامونيا NH3 بس هاي سامة لكثير من الخلايا و منها خلايا الدماغ 🤔🤔 خل نعرف ليش سامه !!!
الامونيا تگدر تحصل على بروتون و تتحول الى امونيوم NH4 وهذا يروح لخلايا الدماغ الي بيهه انزيم اسمه
glutamine synthetase
هذا راح يحول مركب glutamate الى glutamine و الاخير يموت علية الماء 😊 يعني وين ما يروح يروح وراة فيسحب الماء من الاوعية الدموية ويدخلة للدماغ مما يسبب ضغط عالي على الدماغ و هذا الشيء راح يسبب comatose يعني اغماء ناتج عن حالة تسمى cerebral edema او تجمع السوائل في الدماغ 🙁
#نرجع_الى_موضوعنا
الامونيوم بالحالة الطبيعية راح يدخل الى المايتوكوندريا الموجودة بخلايا الكبد hepatocytes و راح هاي تفاعلة مع مركب البيكاربونيت HCO3 مع وجود مواد ATP و تنطيني مركب اسمة carbomoyl phosphate بفعل انزيم اسمه
carbomoyl phosphate synthase I
بعدين عندي حامض اميني اخر اسمه ornithine يجي يتفاعل وهي هذا 👈carbomoyl phosphate ينطيني مركب جديد اسمه citrulline بفعل انزيم اسمه ornithine carbomoylase بعدين هذا المركب راح يتفاعل وي حامض اميني اخر اسمه aspartate و ينطيني مركب اسمه arginino succinate بفعل انزيم اسمه arginino succinate synthase بس هذا المركب غير مستقر فراح يفقد شوية من عمالة واحد منهم اسمه famurate ويتحول الى مركب اسمه arginine بفعل انزيم اسمه
arginino succinatase
هذا 👈 arginine هم ما يگعد راحه فراح يجي انزيم يخليه يتحول الى مركبين #الاول هو ornithine الي راح يرجع يتفاعل مع هذا 👈 carbomoyl phosphate و تتكرر الدورة
و المركب #الثاني هو اليوريا urea هاي تكون اقل سمية
less toxic
water soluble
و يتم التخلص من عدها عن طريق الجهاز البولي عن طريق الكلى kidneys
اذن اي خلل او نقص بهاي الانزيمات ما راح يتم التخلص من الامونيا و تصير قاتله ☹️☹️✊
النسبة الطبيعية لليوريا تتراوح من
8-20 mg/dl
تكون اقل شوية بالاطفال و ترتفع شوية بكبار السن

Acid Base Balance

Respiratory Acidosis & Alkalosis
قبل لا نبدا بالموضوع ! احنه نعرف الدم اله حامضية معينة او PH الدم والي نسبته (ph = 7.35 - 7.45 )
هذا ال PH لازم يكون بين هذه النسبة لان حامضية الدم اذا زادت او قلت هذا راح ياثر على انزيمات الجسم وعلى ضغط الدم وعمل القلب فلازم تكون نسبته مثل ما كلتلكم بين هذه الرقمين .
شغلة ثاني لازم نعرفها ونميز بيها الحامضية والقاعدية هي ( شوف النسب الي بالمربع )
هنا يكلك ان Co2 تركيزة بالدم او نسبته هي من( 35 - 45 ) وايضا البايكاربونيت Hco3 لازم تكون ( 22 - 28 )
لهنا احنه عرفنه اساسيات حتى نبدا بالشرح

نجي ناخذ ونبدا بالشرح والاهم بيها هي المعادلة 1 بالصورة لازم نفهمها حتى تسيطر ع الموضوع . فخلينه نشرحها


مثل ما نعرف جسم الانسان يمتلئ بكميات كبيرة من الماء H2O و Co2 والي يكون موجود داخل الشرايين الي يجب تكون ناتج العمليات الايضية .

ف Co2 يتحد مع الماء فينطيني ( H2CO3 ) حسب المعادلة

وهذا ال (H2CO3 ) يتفكك الى H الي يعتبر مادة حامضية والى Hco3 البايكاربونيت الي تعتبر مادة bace .
فهسه احنه عندنه لحد هسه مادة حامضية ومادة قاعدية ،

ملاحظة توضيحية / المعادلة تحتوي ع سهمين وهذا يعني ان ال Co2 زاد فالمعادلة راح تتجه نحو اليمين باتجاه ال H واذا ال Co2 قل راح تتجه نفس الاتجاه لكن نحو ال HCO3 راح نجيهن بالامثله حتى تفتهمون اكثر 😁

نجي للحالة الاولى /
وقبل كلشي احنه نعرف ان الرئتين (lungs ) هي المسؤولة عن طرح ال Co2 فاذا ما صارت مشكلة بالرئتين ف Co2 راح يبدا يتراكم بالدم و Co2 غير قادر ع الخروج خارج الجسم فبالتالي ال Co2 راح يتراكم ، زين شنو سبب زيادة تراكم Co2 ؟ طبعا هي كثيره
مثل ال COPD او Bronchitis او الجهاز التنفسي متثبط بسبب بعض الادوية او ماء بالرئة او التخدير او المروفين او شلل بعضلة الحجاب الحاجز وهكذا المهم اسباب كثيرة
ف Co2 من يزاد راح المعادلة تتجه نحو اليمين من Co2 و باتجاه ال H
ومن تتجه نحو اليمين معناها H و Hco3 راح يزداد !
ركز ال H ازدادت بهذه الخطوة وعندك والبايكاربونيت ما نكدر نكول ازداد بكمية كبيرة لان اغلبة ينطرح خارج الكلى فنكدر نكول يزداد زيادة قليلة ،
ال Co2 من ازداد ادى الى زيادة كبيرة في H و ال H تكون مادة حامضية وتسمى هذه الحالة ب ( Acidosis ) زين منو سواها هذه ال Acidosis ؟ بسبب ان Co2 تراكم بسبب مشكلة بالجهاز التنفسي فنسمي هذه Respiratory Acidosis .
فمن صار هسه عندهه الدم حامضي فالجسم مو يضل صافن اكيد راح يلكه علاج او يسوي بفر حتى يوازن !
ف Hco3 القاعدين كلتلكم راح ينطرح خارج الجسم بواسطه الكلى .
فالي راح يصير ان الكلى راح تحاول تمنع خروج ال Hco3 ف Hco3 راح يزداد ويكدر يتفاعل مع الحامضية الي ازدادت عندنه وهذه الحالة نسميها
Compensated Respiratory Acidosis
يعني الجسم حاول يعادل هذه المشكلة ويحلها عن طريق زيادة ال Hco3 .

نجي للحالة الثانية /
خلينة نفرض الرئة لسبب او لاخر صارت تعمل اكثر من اللازم فصارت تنظف الجسم بكميات كبيرة من Co2
ف Co2 هنا راح يقل ! زين شنو الحالات الي الرئة تطرح كميات كبيرة من Co2 ؟
هواية حالات مثل ال fever بهذه راح الرئة تشتغل هواية ويصير تنفس شديد وتطرح Co2 بكثرة ومثال آخر الستريس لان راح يزداد الادرنالين ويزداد التنفس وايضا صعود المرتفعات ايضا راح يزداد التنفس
وراح يطرح Co2 فيقل وايضا بهذه الحالة ال H هم راح يقل و Hco3 هم يقل بس بكميات قليلة بس الاكثر راح يقل ال H ف Co2 قليل و H قليل معناها قلت الحامضية Alkalosis زين منو سوة هذه ال Alkalosis اكيد الجهاز التنفسي فنسمي هذه الحالة
Respiratory Alkalosis
فجسم الانسان حتى يزيد هذا ال H ! الكلى راح تبدا تحاول تخرج كميات كبيرة من Hco3 وذالك حتى H يزداد ، ويتوازن

زين شنو فلم النقطة الثانية بالصورة ؟

طبعا اني كلتلكم ال H حامضية
و Hco3 قاعدين فلازم يكون توازن حتى يكونن ال H2CO3 فسويتهن شلون الميزان
وعندكم ال H اعلى لان هي PH هي حامضية
اتمنى تكونونون افتهمتوا 🥰
#المصدر / دكتور عبدالله مازن
https://youtu.be/rv_5iGkFlqI

السلام عليكم
اغلبكم طبعا راح تكون امتحاناته ع الابواب فقررنا نوقف نشر اي بوست حتى تنتهي الامتحانات المقرره عليكم فبهذا تكون الاستفادة للكل اما غير الطلبة ف بأمكانك التصفح بالقناة وتستفاد من المعلومات المتواضعة المنشرة هنا ووجودك هو تشريف لنا وستكون رجعتنا بقوة بعون الله ،
https://t.me/MLT_M/423

يكولون باجر راح تنقر الموازنة وان شاء الله تشمل تعيينات دفعه 19 و 20

lipogenesis
تصنيع الدهون الثلاثية TAG or TG
حتى يصنع الجسم دهون ثلاثية هو يحتاج شغلتين اساسية الي هن كحول glycerol و ثلاث حوامض دهنية Fatty acids
منين يحصل على كحول الـ glycerol ؟🤔
اكو طريقتين
#الاولى هي موجودة بالانسجة الدهنية fatty tissue فيحصل عليها من هناك و هذا بفعل انزيم اسمه glycerol kinase راح يضيف مجموعة فوسفات على الكاربون رقم ٣ فيصير عندي مركب اسمه glycerol 3 phosphate و هو الي راح استخدمه بصناعة الدهون الثلاثية
#الثانية عدنا بعملية التحلل السكري glycolysis نحصل على مركب اسمه DHAP di hydroxy acetone phosphate بفعل انزيم اسمه aldolase الي يشطر الفريكتوز الى جزئين هذا راح يتم سحب ذرة هيدروجين و ادخال مجموعة فوسفات علية بفعل ال NADH يتحول +NAD و هم صار عندي
glycerol 3 phosphate
هسه تمام 👍👍
راح يتفعل انزيم اسمه acyl transferase يجيب الحامض الدهني الاول و يربطه بالگليسرول على ذرة الكاربون رقم ١ فيصير عندي مركب اسمه lyso phosphatidic acid او
mono acyl glycerol MAG
مع تحرير CoA المرتبطة بـالحامض الدهني
بعدين نفس الانزيم acyl transferase يجيب حامض دهني ثاني و يربطه بـالكاربون رقم ٢ فيصير عندي مركب اسمه phosphatidic acid او Di acyl glycerol DAG
هنا راح يتفعل انزيم اسمه phosphatase وهذا يقوم ب ازالة مجموعة الفوسفات الموجودة على ذرة الكاربون رقم ٣ بعدين يتفعل هذا 👈 acyl transferase و يجيب الحامض الدهني الثالث و يربطة بذرة الكاربون رقم ٣
وهنا صار عندي مركب اسمه Tri acyl glycerol or TAG
راح الكبد يضغطة مع البروتين بشكل VLDL و يروح للانسجة الدهنية من اجل الخزن لحين الحاجة

راح نبدي نشرح #سلسلة_التشخيص_البكتيري للمبتدئين امثالي 😁💜
#منشور_رقم_1

الاوساط الزرعية حسب استعمالها بالمختبر تقسم الى 6 أنواع هي :
١. الاوساط الاساسية ( Basic media )
٢. الاوساط الغنية ( Enriched media )
٣. الاوساط الاختيارية ( Selective media )
٤. الاوساط التفريقية ( Differential media )
٥. الاوساط الي تزيد عدد البكتيريا ( Enrichment media )
٦. اوساط النقل ( Transport media )

لتسهيل الحفظ راجع الصورة ( الصورة تم رسمها باستخدام برنامج Mind Node )
راح نشرحهن واحد واحد بالمنشورات الجاية ..

#سلسلة_التشخيص_البكتيري ::
#منشور_رقم_2

الاوساط الاساسية ( Basic media ) مثال عليها وسط Nutrient Agar ( لونه اصفر باهت )
استعمال قليل بالمختبر