السلام عليكم .. 🧡
الجزء الاول | شرح CBC

👈 اكو مادة جيلاتينية داخل bone 🦴 يسمونها bone marrow اي نخاع العظم من هنا تنتج كل خلايا الدم RBC و WBC و Platelet هذني ال 3 خلايا يرحن الى مجرى الدم بعد ماتم تصنيعهن ( شاهد الصورة رقم 1 )

👈 وظيفة RBC هي حمل O2
👈 وظيفة WBC مناعية
👈 وظيفة Platelet هي تكوين clot

👈 كرية الدم الحمراء شكلها مو دائري وانما biconcave يعني مقعر الوجهين
افرض ان كرية الدم الحمراء هي الباص وهذا الباص مليئ ب المقاعد ( Hb ) وانت ( O2 ) تجي تگعد على المقعد مالك ( القصد من هذا ان الهيموغلوبين يحمل O2 وهاي هي وظيفة RBC )
شاهد الصورة رقم 2

👈 ال RBC عمرها 120 يوم وعندها خاصية المرونة
لان تدخل في اوعية وشرايين صغيرة فلازم تكون مرنه

👈 زين هاي المرونه منين اجتها ؟ من بروتينات موجودة على غشاء RBC نسيمها ب membrane proteins وهنه 4 بروتينات
1. الانكرين Ankyrin
2. سبكترين Spectrin
3. الباند ثري Band 3
4. بروتين 4.2

👈 منو يحفز BM على انتاج كريات الدم الحمراء ؟
هرمون اسمه Erythropoietin يرمزوله EPO موجود بالكلى ينفرز في حال قل O2

👈 شنو سبب RBC عند الاناث اقل من الذكور ؟
بسبب menstrual cycle الدورة الشهرية حيث تفقد الانثى مايقارب 150 CC من الدم

👈 ليش الدم لونه احمر ؟
لان كريات الدم الحمراء لونها احمر وعددها بالملايين فاكيد لونها يطغي على الكل

👈 الدم مو عبارة عن جزئين :
الاول : بلازما وتشكل 55‎%‎ من حجم الدم
الثاني : خلايا وتشكل 45‎%‎ من حجم الدم
ف PCV هو نسبة ال RBC من كل الدم ( احفظ النسب الطبيعية )

👈 ال MCV هو حجم RBC والمعدل الطبيعي لحجم ال RBC من 80 الى 100 fl ( ال fl يعني فنتو لتر )
ترتيب الوحدات :
1. لتر
2. مليلتر
3. مايكرولتر
4. نانولتر
5. بيكولتر
6. فنتولتر ( الفنتو يعني 15 صفر )
ال MCV اذا طبيعي يعني بين 80 و 100 نگول عليه normocytic واذا اقل من 80 نگول عليه microcytic يعني حجم الكريات صغير واذا فوك 100 نگول عليه macrocytic يعني حجم الكريات كبير

👈 ال MCH معناته RBC شگد بيها هيموغلوبين
انطيتك كرية وگتلك اعصرلياها وشوفلي شگد طلعلي منها هيموغلوبين
احفظ ال MCH على انه عصير ( MCH = عصير )
على سبيل المثال لو انطيتك RBC حجمها 90 fl وگتلك شوفلي شگد بيها هيموغلوبين فراح يطلع تقريباً ثلث يعني 30 ( خو مو كل الكرية هيموغلوبين ) مثلاً انطيتك كليو برتقال خو مو هذا الكيلو تسويلياها لتر عصير جا الكشور وين راحت فراح يطلع تقريباً ثلث الكيلو عصير
القيمة الطبيعية لل MCH هي من 27 الى 34 pg
فهسه عدنا ال MCH ثلاث انواع
اذا طبيعي اسميه normochromic يعني صبغة طبيعية
واذا اقل من 27 اسميه hypochromic
واذا اعلى من 34 اسميه hyperchomic

👈 ال MCHC
مثلاً طلعلي ال MCV 90 و MCH 30 فهاي ال 90 و 30 سويناها نسبة وهي 1/3 يعني ثلث فهذا الرقم الي طلعلي هو MCHC

‏👈 RDW
مثال عندك 4 ولد اسئلك شگد اعمارهم ؟
تگلي الاول 37 سنة والثاني 36 سنة والثالث 5 سنوات والرابع 3 سنوات
فمن هذا الاختلاف مابين الاعمار استنتجت انت لو متزوج زوجة ثانية وذولة اخر طفلين منها او زوجتك جانت مريضة
ف RDW هو الاختلاف مابين كريات الدم الحمراء

ركز عندي مريضين :
المريض الاول : شفت MCV لكرية من كرياته 97 و MCV لكرية ثانية 93 و MCV لكرية ثالثة 99
اوك نجي على
المريض الثاني : لكيت MCV لكرية من كرياته 81 و MCV لكرية ثانية 99 و MCV لكرية ثالثة 60
فمن هذا الحجي استنتج ان RDW بالمريض الاول بيه اختلاف قليل يعني كل كرياته الحمراء تقريباً بنفس الحجم بينما بالمريض الثاني اكو كرية جبيرة واكو زغيرة يعني ال RDW عالي يعني اكو اختلاف بحجم الكريات الحمراء ( تابع الصورة رقم 3 )

👈 شنو اسباب زيادة RDW
1. الي ينقلولهم دم
مثلاً انت حجم كرياتك 90 يعني MCV مالك 90 ونقولك دم من واحد ثاني حجم كرياته 60
فصار قسم من كرياتك 90 وقسم 60 يعني كبر الاختلاف يعني زاد RDW
لان محد ينقلك حجم كرية نفس حجم كريتك
قابل تروح تشرط ع واحد شرط 😅

2. قبل لا اسولف السبب الثاني خل احجيلك قصة مثلا انت قررت تعزم اصدقائك واصدقائك 6 فجبتلهم 6 دجاجات فكلولك نجي ب 6 العصر فراح ياكلون براحتهم ويشبعون لان الدجاجات ع عددهم بس لو انت جبت 4 دجاجات و 4 من اصدقائك كلولك نجي ب 6 والثنين البقو كلولك احنه نتأخر شويه نجي ب 8 فالاربعة ذولة راح ياكلون ويشبعون والثنين البقو راح تنطيهم تمن ومرك يعني صح همه ماجاعوا بس هم ماشبعوا
القصد الخلايا الي تجي اول شي راح تاخذ الحديد والي يجي بعدين مايبقى اله حديد فحجمة راح يزغر

👈 ال Hb عدنا نوعين ياما ال Hb قليل واسمي الحالة anemia او ال Hb عالي واسمي الحالة erythrocytosis

وال erythrocytosis يقسم الى نوعين :
الاول primary يعني زيادة بس مجهولة السبب
والثاني secondary يعني زيادة معلومة مثلاً hypoxia الي هي نقص الاوكسجين فنقص الاوكسجين تزيد كريات الدم الحمراء وبالتالي يزيد Hb لان الكريات مملؤه بال Hb
مثلاً انت واصدقائك طلعتوا سفره للشمال وصعدتوا فوك الجبل وفوك الجبل الاوكسجين قليل فراح جسمك يزيد من انتاج RBC ( كلما ارتفعت عن سطح الارض كلما قل الاوكسجين )
او مرات واحد ماصاعد فوك جبل بس كانما هو صاعد مثل الي يدخنون هذوله هم عندهم الاوكسجين قليل لان جاي يدخلون لجسمهم CO2

👈 عمر RBC هو 120 يوم وعمر Platelet هو من 7 الى 10 ايام

👈 شلون تشخص واحد مصاب بفقر الدم ؟
اول شي اروح لل RBC و HB اذا شفتهن قليلات يعني هذا فقر دم
بعدين لازم احدد سبب الفقر فلازم اسوي MCV اذا قليل عندي مجموعة امراض واذا عالي هم عندي مجموعة امراض ( تابع الصورة رقم 4 )

اذا طلع MCV قليل يعني كريات الدم زغيرة وهاي يمتى تصير كريات الدم زغيرة حجيناها ؟ نقص الحديد ففقر الدم بسبب نقص الحديد هو اكثر الاسباب شيوعاً ، شلون اتاكد ؟ افحص الحديد

زين اذا طلع MCV عالي يعني الكريات كبيرة بالحجم وهاي يمتى تصير ؟ تصير بفقر الدم بسبب نقص فيتامين B12 و folic acid وعلمود اتاكد افحص فيتامين B12
وهواي امراض ثانية موجودة بالصورة فوك

كيس : شخص هذا المريض
1. RBC decrease
2. Hb decrease
3. MCV less than 80
4. RDW increase
شنو تشخيصك للحالة ؟
مادام ال RBC و HB قليل اذن فقر دم
مادام حجم الكريات زغير ( MCV قليل ) و RDV عالي فغالباً فقر دم بسبب نقص الحديد
شنو الفحوصات الثانية الي تنصح بيها المريض ؟
يسوي فحص حديد ferritin

👈 الي يشرب جاي هواي يصير بيه فقر دم ليش ؟لان الجاي بيه تيتانك اسد الي يمنع امتصاص الحديد ، زين اذا حديد ماكو شيصير ؟ يصير فقر دم بسبب نقص الحديد
👈 الحديد الي هو iron يخزن بالكبد على شكل ferritin

كيس : اجتك حالة بيها WBC و RBC و Platelet كلهن قليلات ( اذا كلهن قليلات يسمونهن pancytopenia يعني قله في كافة الخلايا ) وين المشكلة ؟
هو ياهو يصنع الخلايا هاي كلها ؟ نخاع العظم
اذن اكو bone marrow failure

👈 كلنا نعرف القيمة الطبيعية لل WBC هي من 4 الف الى 11 الف فإذا صعدت اكثر من 11 الف نسميها Leukocytosis
زين اذا صعدت لل 50 الف او 60 الف فهاي شنو ؟ هاي ياما Leukemia الي هو سرطان الدم او ابياض الدم بالعربي نسبتاً الى زيادة اعداد الخلايا البيض أو حالة هي مو سرطان بس تشبه السرطان اسمها Leukomoid ، مصطلح oid يعني شبيه شلون اندرويد يعني شبيه الانسان هاي نفس الشي يعني شبيه اللوكيميا

👈 ال Leukemia يعني خلايا دم بيض ماتشتغل بينما Leukomoid خلايا دم بيض تشتغل working
زين انا شلون اعرف هاي الزيادة لوكيميا لو مو لوكيميا ؟

نسولف قصة
عندي تركترات 3 ومحملات بالقش يعني شنو استنتجت انه هسه ؟ يعني التركترات جاي تشتغل

زين اذا عندي 3 تركترات طلعن الصبح فارغات وجعن الضهر هم فارغات شفتهن العصر هم فارغات فشنو استنتجت انه ؟ استنتجت انه التركترات ماجاي تشتغل
والدليل شنو ؟ مابيهن قش
فشنو الشغلة الي اذا لكيتها ب WBC تكول هاي شغالة مو cancer ؟
هو انزيم ALP الي هو Alkaline phosphatase اذا لكيته موجود يعني Leukomoid واذا ماكو يعني Leukemia

👈 معلومات جانبية
ال neutrophil تزداد بالاصابات البكتيرية لان هي تحب تهاجم البكتيريا
ال Eosinophil تزداد ب allergy و parasitic infection
ال lymphocyte تزداد بالاصابات الفايروسية وتقل هم بالاصابات الفايروسية
يمتى تزداد ويمتى تقل ؟
تزداد ب acute وتقل ب chronic

يافايروس يسوي قله ب lymphocyte ؟
1. ال HIV
2. ال SARS-COV-2 ( COVID 19 )
طبعاً فايروس كورونا يقلل Lymphocyte و Neutrophil

ال Monocyte تزداد ب TB و Syphilis لان هي من اكثر الخلايا الي تهاجم TB و Syphilis

👈 ال macrophage كل ساعة الها اسم حسب المنطقة الموجودة بيها
مثلاً اذا بالدم يسمونها monocyte واذا بالنسيج يسمونها macrophage وهكذا ( تابع الصورة رقم 5 )

👈 الصفيحات الدموية platelet اسمها الثاني thrombocyte الخلايا الخثرية لان تسبب clot

👈 زيادة ال platelet يسمونها thrombocytosis
👈 قلة ال platelet يسمونها thrombocytopenia

👈 منو يكسر platelet ؟ ال spleen
زين اذا واحد شايل spleen ؟ يصير thrombocytosis لان ماجاي تتكسر فتزداد
انطيني علاج يوقف صفائح الدم ؟ Aspirin

#المصدر محاظرة مجانية للدكتور عبد مازن

السلام عليكم .. 🧡
الجزء الثاني | شرح CBC

حضرلك ورقة وقلم وتعال وراي 😁

👈 ال CBC بيه 3 مكونات اساسية هي :
ال RBC و WBC و Platelet

👈 اول ماتخلي عينك على ذني ال 3 وعوف الفرعيات

👈 عندك 3 احتمالات لو زيادة بالثلاث مكونات ذني لو نقصان لو حالات فردية

نجي #للاحتمال_الاول
👈 زيادة ب 3 مكونات الي هنه RBC و WBC و Platelet هاي الحالة نسميها ب

polycythemia vera
👈 لكن لو فقط RBC زايده هاي نسميها 2ry polycythemia

نجي #للاحتمال_الثاني
نقصان ب 3 مكونات وهاي الحالة نسميها pancytopenia ومن تشوف هاي الحالة لازم عينك تنزل على reticulocyte

👈 إذا لگيتها قليلة فهاي الحالة Aplastic anemia ( يعني يصبح نخاع العظم نسيج غير منتج للدم ) وعلمود تتأكد الحالة يُطلب عمل Bone
marrow aspiration

👈 زين إذا لگيتها عالية ؟ هاي الحالة يسمونها hypersplenism

ملاحظة : ال reticulocytes هي اصلاً RBC غير ناضجة

نجي #للاحتمال_الثالث الحالات الفردية
وهاي نقسمها ل 3 اقسام ( ورقة وقلم وسويها مخطط وياي )

القسم الاول
👈 تلگه RBC قليلة بس WBC و Platelet طبيعي هاي الحالة anemia وعينك تروح على Hb علمود تتأكد

👈 عدنا اكثر من نوع لل anemia لازم نحدد نوعها وعلمود تعرف نوعها لازم عينك تنزل على RBC indices وهذني 3 شغلات هنه MCV و MCH و MCHC

👈 إذا ال MCV و MCH و MCHC قليلات هاي يسمونها Microcytic Hypochromic يعني كرية RBC صغيرة الحجم وقليلة الصبغة ( صبغة الهيموغلوبين )

👈 زين إذا MCV و MCH و MCHC عاليات هاي نسميها Macrocytic

👈 زين اذا MCV و MCH و MCHC طبيعيات هاي نسميها Normocytic يعني الكرية طبيعية الحجم

نجي للتفصيل
إذا MCV و MCH و MCHC قليلات فراح يصير عدنا احتمال من 4 احتمالات

👈 اما Iron deficiency anemia ( فقر دم بسبب نقص الحديد ) وعينك تنزل على Eosinophils إذا لگيتها عالية فغالباً عنده اصابة طفيلية بدودة الانكلستوما لان هاي تسوي chronic blood loss وراح تلگه تحليل serum iron قليل

👈 زين إذا لگيت serum iron عالي شنو ؟ هاي هي sideroblastic anemia

👈 شنو يعني sideroblastic anemia ؟ هاي يعرفونهاgroup of blood disorders in which the body has enough iron but is unable to use it to make hemoglobin يعني مشاكل بالدم ، الجسم عنده حديد كافي بس مايگدر يستعمله علمود يسويلنا هيموغلوبين وكلكم تعرفون hemoglobin مصنوع من haem ( حديد ) و globin ( بروتين )

👈 الاحتمال الوراه هو thalassemia هاي تنعرف من التشخيص السريري بس يُطلب Hb electrophoresis فراح نشوف HbF و HbA و HbA2

👈 إذا HbA قليل و HbF عالي هاي thalassemia major
👈 إذا HbA2 عالي هاي thalassemia minor

👈 علاج الثلاسيما بوجه عام blood transfusion مع iron chelators لان الحديد راح يزداد عنده بسبب تكسر الدم فلازم ينطونه شي يرتبط مع الحديد ويطلع بالادرار

الاحتمال الرابع والاخير هو anemia of chronic diz وهاي علاجها علاج السبب

👈 إذا MCV و MCH و MCHC عاليات وهاي الحالة هي anemia بسبب نقص vitamin B12 او folic acid
وعلاجها تنطي النقص لو viatmin B12 لو folic acid ( هاي الحبوب الصفره الي ينطوها للحامل )

👈 إذا MCV و MCH و MCHC طبيعيات
عدنا احتمالين
👈 اما anemia of acute bleeding وهاي نستبعدها من الهستوري مال المريض
👈 او hemolytic anemia وهاي نتأكد منها من شغلة وهي reticulocyte راح نلگاها عاليه

وال hemolytic anemia انواع هواي
عندك مثلاً G6BD deficiency anemia وهاي نتأكد منها بحساب الانزيم

وعندك spherocytosis ( هي RBC مو شكلها قرصي ومقعر الوجهين فبهاي الحاله راح نلگاها sphere-shape يعني كروي ) وهاي راح نتأكد منها بعمل فحص اسمه osmotic fragility test

وعندك autoimmune hemolytic anemia وهاي نسويلها فحص Combs test

وعندك مثلاً sickle cell anemia وهاي نسويلها Hb electrophoresis فراح نشوف HbS عالي جداً

هسه هذا الحجي الحجيناه كله هو RBC قليلة بس WBC و Platelet طبيعيات

القسم الثاني
👈 زين إذا لگيت WBC عالية

👈 عندك احتمالين
يااما تلگه WBC عالية هواي و RBC و Platelet نازلات هاي Leukemia
راح تسئل نفسك هاي acute لو chronic فراح تنزل على blast cells إذا لگيتها اكبر من 30‎%‎ هاي acute leukemia وإذا اقل من 30‎%‎ هاي chromic leukemia

👈 زين سؤال ثاني إذا acute هل هي acute myeloid leukemia لو acute lymphoid leukemia
خلي عينة هلى lymphocyte و neutrophils اذا شفت lymphocyte عاليه هاي ALL وإذا شفت neutrophil عاليه هاي AML وبالنسبة لل chronic نفس الحالة إذا lymphocyte عاليه هاي CLL وإذا neutrophil عاليه هاي CML

👈 احتمال تلگه WBC عاليه بس RBC و Platelet طبيعيات
هاي حالة infection
👈 إذا neutrophil زادت هاي
bacterial infection
👈 إذا lymphocyte زادت هايviral infection
👈 إذا eosinophil زادت هاي حساسية من شغلة
👈 إذا monocyte زايده هاي غالباً glandular fever ونتأكد منها بفحص paul bunnel test

هسه نحجي على platelets
إذا قليله الحالة نسميها thrombocytopenia ونتأكد منها بعمل فحص bleeding time راح تطلع اكثر من الطبيعي ( يعني اكثر من 7 دقائق )

👈 وهاي اسبابها لو نخاع العظم ماجاي ينتج مثل حالة bone marrow failure
👈 او اكو انتاج بس جاي يصير تكسر بالصفيحات مثل حالة ITP الي هي Idiopathic thrombocytopenic
purpura

👈 زين إذا لگيت عند المرض bleeding disorder بس platelets عددها طبيعي اذن هاي اما مشكله في وظيفة platelets مثل مرض von willebrand disease او مشكله ب coagulation مثل Hemophilia A هاي سببها نقص ب Factor 8

👈 واخر شي ممكن المشكلة vascular يعني بالوعاء الدموي والاشهر على الاطلاق هو Henoch Schonlein purpura

RBC : Red Blood Cells
WBC : White Blood Cells
Hb : Hemoglobins
MCV : Mean Corpuscular Volume
MCH : Mean Corpuscular Hemoglobin
MCHC : Mean Corpuscular Hemoglobin Concentration

#المصدر منقول من احد الدكاتره

السلام عليكم .. 💛

منشور على الطاير

👈 كل فايروس مايكدر يسوي infection الا يعمل attachment يعني التصاق الفايروس على سطح الخلية
👈 ومايصير attachment الا من خلال receptor ( المفتاح عند الفايروس والقفل عند الخلية )
👈 وكل فايروس عنده receptor خاص بيه

#امثلة :

#مثال_1 : CD4 receptor كلنا نعرف هو موجود على T-helper cell و T-helper cell تستخدمة للارتباط ب MHC class 2 علمود تعمل activation لل T-helper cell يعني هسه CD4 اله وظيفة ، زين منو من الفايروسات راح يستغله ويرتبط بيه ؟ هو HIV فال HIV استغل CD4 receptor

#مثال_2 : فايروس rabies الي هو فايروس داء الكلب ( السعار ) بيرتبط بال acetylcholine receptor ، وهذا المركب يعتبر neurotransmitters فال rabies استغل هذا الرسبتر في الارتباط

#مثال_3 : ال EBV بيرتبط بال complement receptor وال complement جزء من our immune system

#مثال_4 : ال vaccinia virus بيرتبط بال epidermal growth factor وهذا ايضاً فاكتر مهم النا هم استغله الفايروس

#مثال_5 : ال Rhinovirus يرتبط بال ICAM-1 الي هو اختصار ل Intracellular Adhesion Molecule 1

#مثال_6 : فايروس SARS-Cov-2 المسبب ل COVID-19 هذا يرتبط ب ACE-2 receptor الموجود على سطح خلايا الرئة

ملاحظة عن المثال الاخير

اسم العائلة هي Coronaviruses
اسم الفايروس SARS-Cov-2 virus
اسم المرض COVID-19 ( حرف C و O يعني corona ، حرف VI يعني virus وحرف D يعني يعني disease ورقم 19 يشير الى السنة الي ظهر بيها هذا الفايروس وهي اواخر ديسمبر عام 2019 )
#منقول

التفريق بين نوعي السكري diabetes mellitus من خلال المختبر 😊
احنا بالمختبر ما نعتمد على الاعراض خاصه في تشابك الاعراض و تعدد الامراض الي لها نفس الاعراض ☹️
اجوني مريضين وليكن هذا 👈🧔 الاول و الثاني هذة 🧓 و الطبيب كان شاك ان الاثنين عدهم سكري بس هو يريد يعرف نوع السكري الموجود
طبعاً هذا الطبيب شاطر لان هو يريد يحدد نوع السكري قبل ان يقوم بصرف العلاج وهاي ميزه للطبيب الشاطر 😌
النوعين اعراضهم متشابهه و يمكن ان يتطورون بالكبار و الاطفال ف المختبر يعتبر خط بين الشك و اليقين
اني بالمختبر ب حاجة الى #اثبات_وجود_السكري
هاي الخطوة الاولى و يتم من خلال عدة فحوصات
RBS
FBS
PPT
GGT
glucose in urine
و اضبط شيء هو تحليل #السكر_التراكمي
HbA1C
و اكو فحوصات اخرى هواي
هسه بعد الفحص تبين إن الاثنين عدهم سكري
زين شلون اميز بين الاثنين عن طريق العمر يصير ؟🤔
طبعاً من الخطأ ان نحكم على المريض من العمر فقط بل الفحوصات هي ادق من كلشي و لا اقصد المختبر فقط بل الفحوصات الإشعاعية و المفراس و غيرها لان تنطيني نتيجة نهائية للحالة المريضه
المرضى الاثنين يعانون من وهن وضعف العضلات ناتج عن ارتفاع هرمون ال glucagon هذا يفرز من البنكرياس في حال غياب الانسولين او عدم استجابة خلايا الفا للانسولين المفرز 😔 و هذا الهرمون يسبب catabolism يعني هدم للبروتين ولذلك راح نلاگي عند مرضى السكري اليوريا urea و الكرياتنين creatinine مرتفعات 😶 و هذني المركبات ب الاضافة الى عوامل اخرى هن الي يسببن فشل كلوي renal failure
لان هي فلتر كلما كانت الرواسب و المواد الي تمر علية مليئة بالمخلفات كلما كان عمرة اقصر ☹️☹️
بس هرمون ال glucagon هنا ما ميز بين النوعين 🙄
راح اشوف الانسولين insulin 🤔
راح الگى واحد عندة hyperinsulinemia و اقصد ارتفاع الانسولين و هذا الشخص عندة الخلايا لا تستجيب الى الانسولين و من الخطأ ان اعطية الانسولين كعلاج 😔 لان افاقم الحالة
بل نعطي علاج يزيد من حساسية و استجابة الخلايا للانسولين 😶 او يكون عندة انسولين بس غير كافي فيحتاج الى كمية اضافية و اعطية انسولين مو بكيفي بل بناءاً على اختبار هسه نذكرة 👇👇
اما الشخص الثاني عندة اختفاء تام للانسولين ( ولا قطرة انسولين ) و هذا الشخص بحاجة الى انسولين حتى يدخل الغلوكوز للخلايا ☹️ الاختفاء ناتج عن فشل او تدمير تام لخلايا بيتا الموجودة بالبنكرياس الي تقوم ب افراز الانسولين 🧪
لهنا گدرت اميز بين النوعين واحد عندة اختفاء تام و راح اسمية insulin dependent diabetes mellitus or IDDM و الاخر هو Insulin independent Diabetes mellitus or IIDD
حتى اتأكد اكثر اروح اشتغل
connection peptide or C peptide
هذا حد فاصل بين الاثنين
اذا المريض من النوع الاول ما راح الگى عندة اي C peptide اما اذا المريض نوع ثاني راح الگى كمية من عندة
هسه ارجع لموضوع الانسولين و اذا المريض سكري نوع ثاني
بعد ما قسنا الانسولين اذا طلع hyperinsulinemia معناه عندة زيادة بالانسولين ف نجي ننطية مساعد ( فائدته يسمح ب ادخال الغلوكوز - السكر بالعامية و هو خطأ ☹️ الى الخلايا ) من خلال زيادة حساسيتها للانسولين
اما اذا لگينا المريض عندة انسولين بس قليل hypoinsulinemia هنا راح نشوف c peptide و من خلالها يتم تحديد كمية ال exogenous من الانسولين الي يحتاجها المريض 🧓بالاضافة الى اعطاء المريض محفزات تزيد من افراز الانسولين لان في بعض الاحيان الانسولين لا يتم اطلاقة رغم انتاجة لان قناة البوتاسيوم بالخلية بيتا ما تُغلق و ما راح يدخل الكالسيوم للخلايا و الكالسيوم ضروري جداً لان يساعد على حدوث عملية ال exocytosis الي يتم من خلالها طرح الانسولين الى الجسم 🧪🥺
راح نلاگي الاجسام الكيتونية ketone bodies مرتفعه عن الشخصين لان الجسم يگوم يستخدم مصادر بديلة لانتاج الطاقة 😶 منها الدهون و البروتينات

طبعاً هذا مو كلشي هذا شيء بسيط عن السكري 🙄 ويراد نسوي حملة توعية للتعامل مع السكري

urea cycle
او دورة اليوريا من المواضيع المهمه في الايض metabolism المعروف إن البروتين يتكون من سلسلة من الحوامض الامينية مترابطة مع بعضها بواسطة الآصرة الببتيدية peptide bond
لما يتم هدم البروتين يرجع الى مكوناته الاساسية و عند استخدامه في انتاج الطاقة راح ينطيني ثلاث نتائج متوقعه الي هن h2o يعني الماء و يتم التخلص من عندة من خلال التعرق و الافرازات الاخرى و عن طريق البول من خلال الجهاز البولي
urinary system
CO2
يعني ثنائي اوكسيد الكاربون و هذا يتم التخلص من عندة عن طريق الرئتين respiratory system
و الناتج الثالث هو الامونيا NH3 بس هاي سامة لكثير من الخلايا و منها خلايا الدماغ 🤔🤔 خل نعرف ليش سامه !!!
الامونيا تگدر تحصل على بروتون و تتحول الى امونيوم NH4 وهذا يروح لخلايا الدماغ الي بيهه انزيم اسمه
glutamine synthetase
هذا راح يحول مركب glutamate الى glutamine و الاخير يموت علية الماء 😊 يعني وين ما يروح يروح وراة فيسحب الماء من الاوعية الدموية ويدخلة للدماغ مما يسبب ضغط عالي على الدماغ و هذا الشيء راح يسبب comatose يعني اغماء ناتج عن حالة تسمى cerebral edema او تجمع السوائل في الدماغ 🙁
#نرجع_الى_موضوعنا
الامونيوم بالحالة الطبيعية راح يدخل الى المايتوكوندريا الموجودة بخلايا الكبد hepatocytes و راح هاي تفاعلة مع مركب البيكاربونيت HCO3 مع وجود مواد ATP و تنطيني مركب اسمة carbomoyl phosphate بفعل انزيم اسمه
carbomoyl phosphate synthase I
بعدين عندي حامض اميني اخر اسمه ornithine يجي يتفاعل وهي هذا 👈carbomoyl phosphate ينطيني مركب جديد اسمه citrulline بفعل انزيم اسمه ornithine carbomoylase بعدين هذا المركب راح يتفاعل وي حامض اميني اخر اسمه aspartate و ينطيني مركب اسمه arginino succinate بفعل انزيم اسمه arginino succinate synthase بس هذا المركب غير مستقر فراح يفقد شوية من عمالة واحد منهم اسمه famurate ويتحول الى مركب اسمه arginine بفعل انزيم اسمه
arginino succinatase
هذا 👈 arginine هم ما يگعد راحه فراح يجي انزيم يخليه يتحول الى مركبين #الاول هو ornithine الي راح يرجع يتفاعل مع هذا 👈 carbomoyl phosphate و تتكرر الدورة
و المركب #الثاني هو اليوريا urea هاي تكون اقل سمية
less toxic
water soluble
و يتم التخلص من عدها عن طريق الجهاز البولي عن طريق الكلى kidneys
اذن اي خلل او نقص بهاي الانزيمات ما راح يتم التخلص من الامونيا و تصير قاتله ☹️☹️✊
النسبة الطبيعية لليوريا تتراوح من
8-20 mg/dl
تكون اقل شوية بالاطفال و ترتفع شوية بكبار السن