Kidney Gross
#_السلسلة_الاولى
مثل ما تعرفون ان الكلى هي structure من خلالها يطرح اليورن للحالب Ureter ، ومثل ما تشوفون الكلى اليمنى نازلة شويه بسبب وجود الكبد فوقها ،
هسه خلبينه نجي للوضائف مال الكلية :
1- تصفية الدم ( filtration )
2- Balance of water , يعني شنو ؟ خل نوضحها
لنفرض الجسم فقد كمية من السوائل ، فهنا دور الكليتين راح يساعدن الجسم على استعادة سوائل الجسم
3- Hormone :- مثل ما نعرف الكليتين الها وظيفة بافراز الهرمونات مثل هرمون erythropoietin المسؤول ع تحفيز تصنيع كريات الدم الحمراء وايضا عندنه هرمون الرينين Renin المسؤول ع تنظيم ضغط الدم عن طريق
System renin–angiotensin–aldosterone
وتفعيل فيتامين د Vit - D
____________
هسه خولنه نجي للتشريح ومكونات الكلى
اول ما نبدا بيه هو
1- Capsule
الي هي عبارة عن انسجة ليفية (Fibrous tissues) وظيفتها هي حماية الكلى بالاضافة الى نقطة مهمه جدا وهي ان الكبسول تحتوي ع كمية كبيرة من #الاعصاب_الحسية الي تتحسس الالم
2- القشرة (Cortex )
3- طبقة (Medulla)
وهذه بدورها بيها pyramid والانسان الطبيعي تقريبا يحتوي 6-7 من pyramid بالكلية الواحدة وهي ايضا تكون تكون بشكل هرميه وتحتوي على كميات كبيرة من النفرون (Nephron)

4- النفرونات (Nephrons ) -
هي الوحدة الوظيفية للكلية والمسؤولة عن تصفية الدم ، كل كلية تحتوي تقريبا مليون ونص نفرون وبشكل عام النفرون موجود بال( maddule ) وبشكل كبير موجود بال (cortex )
5- Remal pevilc
هذا ما يحتوي ع نفرون وظيفته يستقبل اليورن ويطرحه عن طريقة ال (Ureter) الى المثانة( Bladder )
6- Renal Hilum :-
وهذا يحتوي ع 4 ستركجرات وهذه الأربعة هي
• الوريد (vein)
•الشريان (Artary)
•حالب (Ureter)
•عصب حسي (Nerve)

لهنا كملنه الشرح مال اليوم بعدها راح نشرح اول ما يجي الادرار شلون اتم عملية الامتصاص والطرح بالنفرون
analyst : Ahmed

#السلسلة_الثانية
رجعنا نكمل السلسلة وهنا راح نتكلم ع وظيفة الكلى
Function of Kidney
الكلى الها وظائف عدة راح نختصرهن ب 4 وظائف وهي
A- Exeretory function
B- Regulatory function
C- Synthetic function
D- Endocrinal function
خلينه نبدا باول وظيفه وهي
A- Exeretory function
يعني الكلية تطرد المواد الزيادة عن حاجة الجسم او المواد الضارة او المواد الغريبة عن الجسم ، خلينه نتعمق بعد اكثر ونشوف شلون يعني طرد المواد
1- Foreign Substance
هنا مثلا الاكل الي يحتوي ع مواد حافظة ف هذه المواد الحافظة هي غريبة ولازم نتخلص منها وايضا الدواء Drug لازم نتخلص منه لان راح يشتغل زيادة عن الالزام ويسبب ظرر
2- Metabolic Waste Products
نواتج عمليات الميتابولك
ايضا الكلى تخلصنه منه واشهرها هي اليوريا و الكرياتينين واليورك اسد
لهنا خلصنة الوظيفه الاولى

B- Regulatory function

تنظيم عمليات مختلفه
1- ABP - Renin - Angiotensin - Aldosterone- System ( RAAS)
هذا ناخذة بالتفصيل بعدين
2- Acid- base balance
الكلى دورها هو تنظيم ( PH ) الخاص بالجسم من خلال طرد الاحماض خارج الجسم ( excretion of acids )
وايضا تكون القلويات او البفر الي هو ال System الي يحافظ على ( PH ) مال جسمنا الي يخلصنة من الاحماض او يتعادل ويه الاحماض ، اذا القلويات او الاحماض زادت يبدا هو يتعامل وياها حتى يحافظ على ( PH)
Regulation of buffer stores
3- Water & Electrolytes
المفروض الماء ومحتوياته من الالكترولايت تكون ثابته في الجسم واذا زادت تطردها الكلى من الجسم لكن اذا الجسم يحتاج الكترولايت وماء فهي تحتفظ بيهم
( Na - Cl - fatal cardiac dysfunction ..)
لحد هنا خلصنة الوظيفة الثالثة ،

C- Synthetic function
وظيفه صناعية
الكلى الها وظيفة صناعية ، شلون ؟ يعني الكلى الها القدرة ع التصنيع ونقص بذالك تصنيع الكلوكوز عن طريق عملية ال Gluconeogenesis طبعا هذه العملية تحصل بالكبد liver لكن الجسم لو صار بيه نقص بالكلوكوز راح يبدا بتصنيع الكلوكوز عن طريق الكلى
Gluconeogenesis during prolonged fasting
يعني حتى لو كان الكبد شغال واحتاج الجسم كمية من الكلوكوز زيادة راح يطلبها من ال kidney
وهسه خلصنه الوظيفه الثالثة ،

D- Endocrinal function
هذه اهم وظيفة ممكن يسالونك عنها
شنو الهرمونات الي تصنعها الكلية ؟
ال كلى تصنع 3 هرمونات وهي
1- Renin
2- Erythropoietin
3- Vitamin D
هذه الهرمونات تفرزهم الكلى بالدم ويرحون يشتغلون على اعضاء مختلفه .
وايضا اكو شي تفرزه الكلى و يشتغل ع للكلى نفسها وتسمها Prostaglandin (PG)
اشهرهم هي PGE2 و PGI2
هذه تفرز من الكلى وتنظم عمل الكلى نفسها حيث تعمل تنظيم ذاتي (Autoregulation ) للدم القادم للكلى
Renal blood flow ( RBF)
وايضا Glomerular filtration Rate ( GFR)

,

هسه خلونة نحجي على الهرمونات ال 3 الي يطلعن من الكلى
1- Renin
يعمل على
Renin - Angiotensin - Aldosterone-System
خلونه نشرحه هذا السستم
هذه ال Renin هي عبارة عن Glycoprotein يتصنع من مادة تسمى Preprorenin راح بعدها يتكسر وينتج ال prorenin وايضا يرجع الاخير يتكسر فينتج Renin الي يكون فعال
يطلع ال Renin عن طريق خلاية تسمى Juxtaglomerular Cell
وظيفتة : يحول ال Angiotensinogen الى Angiotensin 1
طبعا مادة ال Angiotensinogen تكون متصنعه بالكبد ونزلت بالدم والتقت بال Renin فراح تحولها الى Angiotensin 1.
مادة Angiotensin 1 تمشي بالدم لحد ما توصل لل Lung فمن تصل راح تلكه انزيم اسمه Angiotensin correcting enzyme
هنا من خلاله راح يتحول ال Angiotensin 1 الى
Angiotensin 2
ف Angiotensin 2 هنا راح تشتغل شغلتين
1- Vasoconstriction : يرفع ضغط الدم
2- يروح لغدة اسمها Aldrenal contex تطلع منها هرمون اسمه ال Aldosterone وهذا بدورة هم راح يروح يشتغل شغلتين Salte ( Na) and H2O retention
هذا راح يزود حجم الدم
يعني الهدف من السستم كله هو رفع ضفط الدم
طبعا ملاحظة / نقص الدم الواصل للكلى Hypotension هو الي جعل الخلايا تحفز الرينين
وبعد ما يتضبط ضغط الدم راح تصير عملة اسمها Negative feedback للرينين ويتوقف الرينين ،

الهرمون الثاني الي تفرزه الكلى هو
2- Erythropoietin
هذا طبعا 85% منه هو يطلع من الكلى و 15% يطلع من الكبد .
شنو وظيفته ؟ طبعا هذا الهرمون يحفز تصنيع خلايا الدم الحمراء RBCs
طبعا مثل ما تعرفون ال RBCs تتصنع بال bone marrow اذا هذا الهرمون يروح لل bone marrow ويحفزة على تصنيع ال RBCs

طبعا هذا يطلع من الكلى عن طريق Endothelid الخاصة بال peritubular Capillaries
زين جسمنا شوكت يحتاج ال RBCs ؟
لما يحصل Hypoxia يعني الجسم يحتاج اوكسجين وتصنعة حتى يشيل اوكسجين هوايه فيعوض نقص الاوكسجين
بالنسبة للاشخاص الي عندهم فشل كلوي Renal failure راح يقل عندهم هرمون Erythropoietin فيقل عندهم ال RBCs فيصر عندهم انيميا Anemia ،
3- Vit-D
الهرمون ال 3 الي تفرزة الكلية هو Vit-D
ال Active بالفيتامين هذا اسمه (1و 25 DHCC ) Dihydroxy cholecalciferol
هذا مهم حتى يحافظ على نسبة الكالسيوم بالدم ومهم جدا بالعظم وتكوينه bone formation
يعني الناس الي عندها Renal disease راح يقل عندهم Vit - D فمعرضين ان يصير عندهم هشاشه عظام لان العظم راح يفقد الكالسيوم الخاص بيه
طبعا هذا الفيتامين راح اتطرقلة بمنشور وحده
ولهنا نكول خلصنة السلسلة الثانية وانتظرونه بالسلسلة الثالثة ب تركيب وانواع النفرون ,

لهنا كملنه الكلى والشرح الي ما كملته موجود بالفيديو

السلام عليكم ..
#الجزء_الاول_SOP 💜

شغلتين إذا عرفت شلون تقراهن فأنت في الطريق الصحيح في علم المختبرات وهنه : شلون تعرف تقره ال SOP ( الورقة الي تجي وي Kit ) وشلون تعرف تقره User manual ( الورقة الي تجي وي الجهاز ) وهذا مايُدرس عالمياً ، واكو انظمة خاصة بذلك هي CLS و QMS الي يقودنك لشهادة ASCP الي هي زمالة البورد الامريكي في طب المختبرات كما يسميه بروف فنست ماركس وبروف دوسان مسكو وبروف رودلف بولمان وآخرين ( مثل ما اكو بورد للاطباء فاكو بورد للمختبرات )
بسم الله نبدي ..

شلون تقره ال SOP أو Leaflet ( الورقة الي تجي وي ال Kit ) ؟
مثالنا اليوم هو من كتات المناعة الي هو RF ..
راح نسويها سؤال وجواب

👈 س1 : شنو اسم شركة هذا Kit ؟
ج : اسم الشركة هي cromatest ( تابع الرقم 1 في الصورة التي في الاسفل )

👈 س2 : شنو اسم الفحص مال هذا Kit ؟
ج : اسمه RF ( تابع الرقم 2 بالصورة )

👈 س3 : اجاك واحد گالك المن يستخدم هذا الفحص ؟ تگله لاكتشاف الروماتيزم ( تابع الرقم 3 بالصورة )

👈 س4 : اجاك واحد گلك هذا الفحص اجريه بيا طريقة على سلايد أو تيوب ؟ تگله مكتوب بالورقة مال الكت slide method يعني على سلايد ( تابع الرقم 4 بالصورة )

👈 س5 : واحد گلك شنو هاي العلامة Ce المكتوبة فوك بالورقة مال Kit ؟ تگله هاي معناتها ان هذا Kit محصل على شهادة جودة ( تابع رقم 5 بالصورة )

👈 س6 : شنو معنى هاي الجملة in vitro diagnostic ؟ يعني هذا الفحص يجرى في المختبر للتشخيص ( فحص خارج جسم الانسان ، تابع رقم 6 بالصورة )

👈 س7 : من واحد يگلك بله احچيلي شويه عن هذا الفحص ، وين اروح ليا حقل ؟ تروح گبل بوجهك على principle الي هو مبدأ عمل الفحص ، هنا مكتوب يگلك هذ الفحص يعتمد على التحبب السريع .. الى نهاية الكلام

👈 س8 : من واحد يگلك شني مكونات هذا Kit وكل عبوة شتحتوي ؟ تروح عدل لحقل Reagent composition ( مكونات Kit )
يگلك اكو عبوة R الي هي RF-Latex محتوياتها هي خليط من polystyrene وضايفين وياها human gamma globulin ( يعني Ab مال انسان ) بمحلول سلاين وتحتوي 0.95g/L من sodium azide
بالاضافه الى عبوتين اضافيتين الي هنه control positive ( تصير لونها احمر ، دلالة على الانذار محتوياتها سيرم مال واحد متأكدين منه 100% مصاب بالروماتيزم )
وعبوة control negative ( يصير لونها ازرق ، ومحتوياتها سيرم مال واحد متأكدين منه 100% سليم )
#ملاحظة : ال Control Positive و Negative نستخدمهن علمود نعرف هذا الكت شغال أو لا ( مثل الدرنفيس الفاحص 😅 )

#الجزء_الثاني_SOP 💜

👈 س9 : يجيك واحد يگلك يابه هذا Kit من استخدمة بيه مخاطر عليه لو آمن ؟
تروح گبل لهذني الكلمتين precautions و warming معناهن التحذيرات والمخاطر ( تلگاهن جوه حقل المكونات )
التحذيرات : هنا يگلك احنا فاحصين كل المحاليل ومسويلهن anti-HIV Ab النوع الاول والثاني و anti-HCV وكذلك HBsAg ومع ذلك تعامل بحذر وياهن ( هذا حجي الشركة )
المخاطر : يگلك كل المحاليل الي بال Kit تحتوي على Sodium azide وهاي المادة تسبب حساسية فتجنب ملامستها للجلد والاغشية المخاطية

👈 س10 : اجاك واحد گلك هذا Kit وين اضمه بالثلاجة او اخليه بره بالمختبر ويمتى الاكسباير مالته ؟ تروح لحقل Storage & stability يگلك يخزن ال Kit بدرجة من 2-8 يعني جوه مو بالفريز

زين شيقصد بال stability ؟ من تفتح Kit تسجل عليه تاريخ الفتح الي هو يختلف عن تاريخ الاكسباير ، يعني هسه صار عندي تاريخين .
فأكو كتات تكلي ال stability مالتها مثلاً 3 اشهر يعني اذا Kit فتحته مثلاً يوم 1/12/2019 فبعد 3 اشهر ويتلف واكو كتات تگلي تاريخ ال stability هي لحد نهاية تاريخ الاكسباير
فهنا بمثالنا هذا يگلي كت RF يبقى مستقر لحد تاريخ الاكسباير ..

#ملاحظة : الاكسباير تلگاه على الباكيت وعلى العبوات هم ، مرات يكتبوها Exp ومرات يرسملك ساعة رملية

👈 س11 : زين انه اشتريت هذا kit استعمله گبل لو يحتاج تحضير ؟ اروح گبل لحقل Reagent preparation هنا بمثالنا هذا جاي يگول ال kit جاهز للاستعمال مايحتاج تحضير

👈 س12 : يجيك واحد يگلك اريد اسوي تحليل RF شنو العينة المطلوبة سيرم ، بلازما ، دم . ويصير مثلا العينة اسحبها واشتغلها عگبه او بعد اسبوع مثلاً ؟ تروح لحقل Samples بهذا الحقل يگلك العينة Fresh وسيرم واذا خزنتها بدرجة 2-8 راح تضل صالحة لمدة اسبوع واحد وإذا اريد اخليها صالحة لفترة اطول اخزن العينة بدرجة 20-

👈 س13 : زين إذا اريد اشتغل هذا الفحص شنو الادوات الي احتاجها وماموجودة بال kit ؟ اروح لحقل Material Required راح يگلي تحتاج pipette و محلول saline و rotator و ساعة منبهه

👈 س14 : شلون اشتغل هذا الفحص ؟ وشنو نتائج هذا الفحص يعني ينطيني نتيجة بس positive و negative لو ينطيني رقم ؟
اروح لحقل procedure راح يگلي الطريقة الاولى هي Qualitative Test يعني نتائج positive و negative وشارحلك طريقة العمل المعتاد عليها ..
والطريقة الثانية هي semi-quantitative يعني معناتها تقادير ، شلون تقادير يعني فرضاً بالمختبر او 34 موظف فانه راح ماانطيك الرقم المضبوط بس اقدرهم الك اگول هذا المختبر بيه تقريباً فد 30 موظف ، وشارحلك طريقة التقادير الي هي طريقة التخفيف .
اذن هسه نتائج هذا الفحص هي positive و negative و كذلك تقادير

#ملاحظة : اكو رقم مكتوب على الباكيت وعلى العبوات الي هو LOT .. المفروض هذا الرقم الي على الباكيت هو مطابق للرقم الموجود على العبوات
شنو معناه ؟ معناه يگلك يابه تره هذا الباكيت هو صح لهاي العبوات وماصار بيها اي تبديل
فمن اشتري Kit جديد انتبه لهذا الرقم علمود اضمن ان عملية الرزم صحيحة وماصار بيها خطأ سواء ان كان الخطأ مقصود مثلاً بمذخر المختبر شايلين عبوة RF وحاطيلك عبوه هم RF فتبين عندك الاختلاف بال LOT Number أو خطأ غير مقصود عن طريق الشركة مثلاً

#ملاحظة : ال Kit هو مصطلح تجاري ، المصطلح العلمي له هو Test system اي منظومة الفحص

استاذ اكرم