يا أخوان البيعرف طبيب أخصائي يرعب العمل في السعودية ناس مستشفى سليمان الحبيب بالرياض عاوزين أطباء جميع التخصصات ووظائف تقنية طبية(مختبرات اشعة تخدير .....)
المعاينة حتكون يوم الأحد 17 يناير
أرجو الإتصال بنا اليوم للأهمية وضيق الوقت للمعاينة
تلفون 0912858962 تاج السر أبوإدريس

يعلن مكتب كوادر عن فرص عمل بالسعوديه المطلوب
بكالريوس خبره ثلاثه سنوات
ماجستير خبره ثلاثه سنوات
صوره من الشهادات والخبرات وصوره من الرقم الوطني وسيره ذاتيه
يحدد المرتب اثناء المعاينه
السكن وبدل الوجبه
ترسل الصور الي
kawader.scv@gmail.com
العمر لايتجاوز 40 سنه
Kawaker.apptn@gmail.com

0100027979 دا رقم بنت إسمها ألاء أحمد في وكالة كوادر في الخرطوم شمال برج سوداتل دايرين ناس للسعودية.
أشعه مختبرات طبية و علاج طبيعي باطنية .

بالنسبة للإعلان الفوق بتاع ناس كوادر التقديم شغال ويوم الأربعاء حيرفعو اللستة بتاعت المعاينات الي بعد إسبوعين .
التقديم لمستشفى سليمان الحبيب في جدة ومجموعة مستشفيات السعودي الألماني في المدينة .
سارعو بالتقديم الآن . وبالنسبة للمرتب سوف يحدد أثناء المعاينة .
الموقع : شارع الجمهورية جوار برج سوداتل .

توجد وظائف مختبرات تخصص كيمياء سريرية للبنات فقط ..لحملة البكالريوس والماجستير برواتب ومزايا ممتازة وذلك بأحد مستشفيات القطاع الخاص في السعودية..على الراغبات ارسال السيرة الذاتية والشهادات على الايميل:
Cvharamain@gmail.com
للاستفسار
0912966317

السلام عليكم الاخوة الزملاء الأماجد السلام عليكم ورحمة الله
اليوم ان شاء الله سوف نتحدث عن (برنامج الرواتب في سوق العمل بالمملكة) ونظرتنا ليها نحن كسودانين خاصة ابناء المختبرات الطبية.

انا بكتب الكلام دا لأنو في ناس كتيرة جات هنا ولقت الوضع غير والمشكلة إنو (زيادة الراتب هنا صعبة جدا) لأنو قانون البلد بخليك إنت تحت رحمة الكفيل وقانونيا صعب تعمل معاهو حاجة حتي لو مظلوم.
عشان كدا الناس تعمل حسابها وتنشر الكلام دا في باقي القروبات

1- الوضع في السودان (ضاغط حقيقة) لكن دا ما بجبرك انك تجي لي غربة عشان تعدي عمرك كلو تاكل وتشرب وما اظن في زول اغترب عشان الاكل، وأي زول في الدنيا دي بتغرب عشان يحسن وضعو ويتزوج او يمسك الحمل من ابوهو شويه ويساعد اخوانو ويقري اخواتو دا غير الاسره الممتده.
2- اي زول بجيهو عقد عمل مفروض اسأل قبل ما اجي والان التواصل بقي مسهل جدا.

3 - اي راتب اقل من 5 الف في البلد دي ما بأكلك عيش. والاكبر من كدا والمخزي بتجي تلقي زول عندو علم نبات ولا حيوان ولا بايوكمستري او علوم الماعندو اي اساس علمي متخصص بالمجال حيكون شغال معاك او في مكان جمبك بياخد ضعف راتبك، ليه؟؟ لانو قيم نفسو من بلدو وما جاء اتغرب ساي.

حتجي هنا حتكون مطالب أولا" بالتزامات ماليه منها امتحانك البأهلك للعمل وبناء" عليه يسمح لك باستخراج ترخيص العمل للمكان الحتعمل فيهو وهي امتحان هيئة التخصصات الحيكلفك ما اقل من الفين ريال ودا بكون عليك، غير تجديدو كل ثلاث او خمس سنوات بما يقارب ال3 آلاف.
دا غير اكلك وشرابك وسكنك في بعض الاحوال وما بديك الكفيل اي راتب الا ماندر قبل ماتتم معاهو شهرك.
والبنات المقيمات هنا والزوجات البقبلو برواتب قليله وتقول مافارقه معاها ابوها ولا زوجها شغال وبغطي ليها اغلب احتياجاتها الاساسيه من سكن واكل وشراب وتوصيل وتقبل تشتغل بي 3500 عشان بس ماتنسى الشغل او تغير من قعدة البيت او .....
كده انتي بتقللي من احترامك لنفسك وعلمك وبضري بنفسك قبل ماتضري بزملائك والنتيجه حتكون تخريب سوق العمل.
نصيحتي للعندهم مشكله في تجديد بطاقتهم او قربت تخلص او الطلع ترخيصهم (اخصائيبقيد) ولابد ان يعملو تحت اخصائي (يشوفو ليهم مستشفى كبير) تشتغل فيهو بي المبلغ دا بوظيفة (فني وتشترط العقد يكون لمدة سنه بس)، وتاخد خبره كويسه تاهل نفسها.
لكن ابدا ما تقربو المستوصفات ولا المختبرات الخاصه المركزيه لانو كده حتضرو بزملائكم لانو بكره لمن تفكي القيد وتبقي اخصائي
صاحب العمل بشوت زميلك ومديرك العلمك الشغل، وبرخص بترخيصك المختبر حتى من غير ماتعرفي، بالذات لو عقدك سنتين او اكتر، (ولضعيفات النفوس المابشبهونا) البقبلو بانو يزيدها صاحب العمل ألف ولا ألفين وتقبل تمسك مكان زميلها حتى لو خلاص مشى خروج أو انتهي عقدو.
بنقول ليها انت كده كنت السبب في قطع رزقو من المكان دا، (صاح الرزق بيد الله) لكن دي ما اخلاقنا ولا بنعرفا وحتكوني مسحقره من نفسك ومن الكل "وكما تدين تدان ولو بعد حين"
،، وللاسف دا بطمع اصحاب العمل وتاني خلاص انتي كده خربت سوق العمل ولمن ينهي هو عقدك أو إنت تجي تفتشي على مكان تاني ما حتلقي غير الرواتب التعبانه دي (بما انك سودانيه) لانو للاسف سوق العمل هنا بالجنسيات وحيكون خلاص اتعرف انو السودانيين رخاص وبقبلو باي راتب.
عشان كده اقيفو عن التصرفات دي وخلونا يد وحده عشان نفسكم في الاول وعشان زملائكم.
********

4- سقف الرواتب و دا المهم

-راتب فني دبلوم سنتين (2500 - 4000 ريال) سعودي

*******
راتب البكلاريوس:
يبدا من 4 الف الى 6 الف ريال للعمل مع المجموعه كاخصائي او تقني او فني في مستشفى او مختبر خاص مركزي،
يصل لي (8 - 10 الف ريال) لترخيص مختبر بمستوصف صغير عادي.
وفي ناس شغالة بي اكتر من 10000 ريال اذا كان فيهو فحص عماله.

********
- راتب الماجستير:
من 8000 ريال في اي مستشفى للعمل مع المجموعه، يصل الي 15000 ريال في المستوصفات او لترخيص فحص العماله او عند تولي اي منصب اداري كمدير للمختبر او بنك الدم او اي قسم معين باي مستشفى.
وفي ناس ممكن تصل لي 20 الف ونسبة في العمل في بعض الاحيان اذا كا يشغل منصب مدير المختبر خاصة" لمستشفى صغيره وكان لديه خبره جيده داخل المملكه أو دول الخليج وامريكا.

******
# ماجستير (مايكروا او هيم) ديل عندهم وضع خاص في بعض المناطق في المملكة (الراتب الاساسي)
- ببدأ من 10 الف للبكالريوس
- و13 الف فما فوق للماجستير زايد نسبة في بعض الاحيان بعد تحقيق دخل معين ودا بالاتفاق مع صاحب العمل ولابد ان يكتب بالعقد (لانو ديل بشتغلوا حاجة اسمها ترخيص عمالة وهي نفس فحص السفر حق السفارة مع تحليل لعمال البلديات لاستخراج كروت العمل بالمطاعم ومجال التغذيه، عشان كدا رواتبهم سمحة)
*******
دا👆🏻 الراتب الأساسي المفروض يكتب بالعقد
بالإضافة الي البدلات وهي:
-بدل السكن مرتب شهرين او ثلاثة شهور او توفير سكن عائلي مفروش (ودا الافضل في المدن الكبيره) لان ا