أنا مش خايِف من قلبِك ، قلبِك صافي وجميل زي الصحرا دي ، راسك هي اللي مليانة أشباح .

• المُهاجر | ١٩٩٤. ›

لا أعلم لِما جَميع مَن اهتم بهِم يبتعدوا ، لِما لَم يهتم احد لـ أمري ، لِما لا احد يهتم لوجودي .

يلفت إنتباهي دائمًا صاحب التفاصيل، من يعتذر لتأخره بالرد رغم إنعدام الحاجة لذلك، من يستلطفك بأحاديثه التي تلتمس منها براءة الروح وطفولة الوجدان، ذلك النقيٌ الذي لم تُدنس روحه بعد بخيبات الأيام، وقسوة المسافات.❤️

‏مابكرهش ومبتقفلش في حياتي قد الشخص إللي بيحبطنى من حاجه أنا مُتحمّس ليها..

لما تجيلك الفُرصة اختار نفسك .. لأن اللي جاتلهُم الفُرصة اختاروا نفسهُم .. محدش اختارك .

أنت تستحق أن تكون محبوباً باستمرار ، وليس فقط في ظروف معينة ، وأن يكون هذا الحب بكامل قلب الشخص وليس بالقِطع المتبقية منه ❤️.

أنا جوايا شخصيتين في التعامل؛ شخصية بتتمسك جدًا بالناس، وشخصية تانية عندها لا مُبالاة وبتعرف تتجاوز أي حد، حتى في عِتابي عندي أسلوبين بعاتب بيهُم، يا إما هلفت انتباهك مرة واتنين على الحاجة اللي بتضايقني، يا إما عِتابي هيكون على هيئة تجاهُل تام لدرجة إنّك هتشُك في وجودك أصلًا، وإنتَ بقى وطريقتك معايا، يعني تصرُّفاتك هي اللي هتحدد هعاملك بأنهي شخصية.

‏الناس لبعضهم رزق ف ربنا يرزقنا من الناس أطيبهم و أحنهم و أوفاهم وأشبههم لقلوبنا ♥

‏ربنا يعين كل واحد على اللى شايله جواه

"يخون الإنسان نفسه حينما يختار شخصًا لا يليق بمقامه."

🎵
في البداية يبدو التخلي مستحيلًا، ثم ترخي يدك وكأنها فارغة.
🍃

الشخصيات اللي ما بتطلّعش نفسها غلطانة التعامُل معاها بيكون مُقرِف ومُتعِب للأمانة؛ تخيّل شخص شايف نفسه صح في كُل حاجة ومش مُعترف بالطبيعة البشرية وإن عادي كُلنا بنغلط! لأ هو دايمًا فوق النقد وفوق الجميع وما يعرفش حاجة اسمها اعتذار، لكن كُل اللي يعرفه إن إحنا نكد ووحشين ودايمًا بنكبّر المواضيع وهو يا حرام الملاك البريء اللي مَفيش منّه!

أنا آسف لزوجتي المُستقبلية عشان مش هقدر أسجل ڤيديو وأنا ببوسها وأضيف أُغنية رومانسية إنجلش وأنزلها ستوري على الفيس بوك في عيد جوازنا.

وآسف تاني عشان مش هينفع أصورها في سريرنا وهي صاحية من النوم وأوري الناس هي إزاي حلوة حتى من غير ميك آب.

وآسف تالت إنّي مش هعزم زمايلها في الشُغل عندنا في البيت ومش هنسافر معاهُم ونقعُد في شاليه واحد كمجموعة صُحاب وإيزي يعني.

وآسف رابع عشان مش هبقى حابب أشارك كُل لحظاتنا الحلوة على السوشيال ميديا وأفرّج الناس عليكي وعلى تفاصيل بيتنا وأسلوب حياتنا.

حقيقي أنا آسف إنّي مش هقدر أعمل لك الحاجات اللي مُعظم البنات بقت تحبها واللي مُعظم الرجالة بقت تشوفها عادي؛ أتمنى تتفهمي إنّي راجل بيهتم بالعُرف والأُصول، وإن زوجتي وحياتي الخاصة ما ينفعش تبقى سِلعة نتاجر بيها ونكسب من خلالها تعاطُف المُراهقين والمُراهقات.. دا أنا ودي شخصيتي وأتمنى إنتي كمان تكوني شبهي.

أنا ضد إن الواحد يسافر ويبعد عن مراته وأولاده، إنتَ المفروض قبل ما ترتبط تبقى محدد سيناريو لحياتك ومقرر هتكمل حياتك مع مراتك وأولادك ولا هتسيبهُم وتسافر؟ وتبقى مفهم الست اللي معاك شكل حياتك إيه، لكن ما ينفعش في يوم وليلة تصحى واخد قرار زي دا وتبقى جبت واحدة تقعُد مع أُمك وتربي العيال وتبعت لهم مصاريفهُم كُل أول شهر! البيت اللي صاحبه متغرّب حيطانه مايلة، وأغلب التجارب أثبتت كدا، البيوت تُدار بالترابُط والعزوة، الوحدة بتهد كُل حاجة والبيت اللي إنتَ فاكره واقف على حيله ومستنيك هترجع تلاقيه مهدود.

عُمري ما كُنت من الناس اللي بتخدعها المظاهر؛ يعني النفخة الكدابة والناس اللي بتحرج غيرها عشان تبان جامدة والتناكة على خلق الله والمنظرة وكُل التفاهات دي مُستحيل تلفت انتباهي بالعكس أنا بشوفها نقص، أنا شخص بيحب البساطة جدًا ودايمًا الحاجات اللي بتخطفني بسيطة، زي الحنية في المُعاملة، والذوق في الكلام، وإن اللي قُدامي يحسسني بغلاوتي وإنّه حاططني في مكانة لوحدي بعيد عن أي حد، وحقيقي التفاصيل البسيطة دي عندي بالدُنيا كُلها والله.

أنا زي ما أنا يا جماعة لا اتغيّرت ولا كرهتكو ولا حتى عندي لا مُبالاة تجاهكُم؛ أنا سايبكو براحتكو مش أكتر، اللي عايز يسأل عليا يا أهلًا وسهلًا واللي مش عايز ما عنديش أي مُشكلة معاه، اللي بيقرب يوم ويبعد عشرة هو حُر واللي بيتجاهل وجودي هو كمان حُر، أنا مُجرّد مُشاهد مش أكتر، ودور المُشاهد إنّه يتفرّج بس، لكن مش من حقه يعدّل السيناريوهات ولا يطلب الأحداث تمشي إزاي، وبصراحة كدا إحنا كُبار بما فيه الكفاية فكل واحد يتصرّف زي ما هو عايز، لكن عُمري ما هعاتبك عشان ما بتسألش أو أشحت وجودك أو حتى أطلب منك تعاملني إزاي.. بطلناها السذاجة دي خلاص.. كُنا مُراهقين وخلاص نضجنا.

‏اسمي مـايكل فقط .. لا أنتمي لقبيلة ؛ لطائفة أو لأوراق حكومية معينة .. سيد في منتصف العشرين و بعقل الستين / أنتمي الى عائلة تهذب الروح اسمها: الأدب ، لا أملك سوى القليلُ من الفنِ و الكثير من الأبجدية .. أكتب لأنني لا أبكي كثيراً !
ملاحظة : أمـي وابـي أولاً و دائماً و أبداً 🖤