Milliy liboslar 🌸

Қадимда бир бадавлат савдогар бўлиб, унинг катта тижорати ва кўплаб хизматчилари бўлган экан. Кунларнинг бирида савдогарнинг тижорат юклари ортилган карвонга йўлда қароқчилар ҳужум қилиб, карвонини талабди, молларини олиб, карвонбошисини ўлдиришибди.
Савдогар қийин вазиятда қолибди. Қора кунлар келганини ҳис қилиб, узоқларга бош олиб кетибди. Қанчадир йўл юргач, олдидан бир боғ чиқибди. Боғнинг эгаси билан танишиб, бошидан ўтган воқеаларни айтиб берибди. Шунда боғ эгаси:«Боғимнинг мана шу қисми сенга. Ўзинг парваришла. Ҳосили ҳам сенга. Йилига бир тонна мева беради», дебди. Савдогар миннатдорчилик билдириб, дарахтларни парваришлай бошлабди. Ҳосил вақти келибди. Бутун боғдаги дарахтлар мева берибди. Лекин айнан савдогарга ажратилган дарахтларга бирорта мева йўқ экан.
Савдогар парваришлаб, ўғит ва сувни канда қилмай боғга яхшилаб қарай бошлабди. Иккинчи йили яна хамма дарахтлар мева берса ҳам, унга ажратилган дарахтларда битта ҳам мева йўқ эди.
Савдогар меҳнат қилишда давом этиб, учинчи йил ҳам боғни парваришлай бошлабди. Шу йили боғнинг унга ажратилган қисми уч тонна мева берибди. Савдогар боғга, дарахтдаги меваларга қараб, хурсанд бўлиб, боғ эгасига миннатдорчилик билдирибди ва хайрлашибди. Боғ эгаси ажабланиб:«Уч йил мехнат қилдинг. Меваларни териб олмайсанми?», деб сўраганида, савдогар унга:«Рахмат, мен керакли тажрибани ўргандим. Энди нима иш қилсам ҳам бароридан келишига ишонаман», дебди.

Умр йўлида хатто жарликка йиқилганингизда ҳам, бир кун албатта у чуқурдан чиқишнинг йўли топилади. Туннинг зулматли қисми, тонг отиб қуёш чиқишидан дарактир. Муҳими, матонат билан курашиб, албатта бунга ишонишингиз керак.

@Sensiz 💥
https://t.me/joinchat/AAAAAESXWsAvkU3vDOF1qQ

726 views06:08