خلصت تالته علي خير الحمدلله وان شاء الله هرجع لكتابه المراجع بس اعذروني هيكون في وقت مابين كل مرجع والتاني علشان بكتب لوحدي حاليا وكمان انا في وقت عدم استقرار وتقديم علي الجامعه وكمان انا بحاول اكتب كل حاجه ممكن اكتبها للمرجع ال بكتبه ودا بياخد مني مجهود كبير عارف ان المراجع القديمه مهمه بالنسبالكم وبتدخلو تاخدوا منها حجات مع الوقت فهيا موجوده وان شاء الله هنضيف عليها وكمان انا بفكر أعمل حاجه كده الفتره الجايه لو عملتها هتعجبكم جدا هيا بس واخده مني وقت كبير من يومي دلوقتي ولو حد كان بعت سألني علي حاجه ومردتش معلش كنت في امتحاناتي ممكن بس تبعت نقطه وهرد عالطول ربنا يوفقكم وينفع بيكم 🤍

كنت بكتب حجات زي خواطر كده لما أكون بتناقش مع حد علي حاجه واشاركها علي الواتساب وانستقرام بس كتير قالي اكتبهم هنا برضو وأنا هعمل كده إن شاء الله من وقت للتاني هبعت هنا كتاباتي


طيب من وجهة نظري في موضوع الجواز ده السن المناسب حاليا بسبب الجامعه والجيش والشغل حاليا هو 24 ولاكن دا عام جدا وبتفرق بسبب الاهل والشغل الصعب والعقليه سعات بتحتاج تكتمل ولاكن علي قول الرسول (ص) "من استطاع منكم الباء فليتزوج" ومين عارف قدر كلام الرسول بيكون صالح علي كل الفئات بكل الظروف بكل الاوقات ولكن في الوقت الحالي كلنا عارفين ده قرار بيكون صعب وعليه ترتبات ومسؤوليه كبيره إزاي وبيكون صعب إزاي إنك تعمله أصلا لو أهلك مش مقتدرين يساعدوك في مصاريف الجواز وإن لما بتتزوج بتكون مسؤول وملكش حريه كبيرة في اتخاذ المخاطرة والقرارات ال ممكن تفرق في مستقبلك للاحسن بس نرجع ونقول الايام الصعبه الحاليه بتفرض علينا الزواج لعفة وحفظ النفس وكمان مشاركة العواطف بيكون احتياج نفسي بيفرق في جودة الوقت ال بنعيشه وهنا أنا بخاطب الفئة القليله ال مش مصاحبين 5 بنات وبيشاركو عواطفهم عادي 😄

ف إنك تتجوز حاجه جميله جدا من وجهة نظري بتساعد كتير في ضبط النفس واكتمال المشاعر ودي فوائد تفيدك في شغلك وحياتك جدا بس لازم قبل متاخد الخطوة دي تفهم إنه زي مهو له حسنات له سيئات تكون مستعد لمواجهتها والتخلي عن الحرية وحجات كتير ومش بس تتخلي عنها لاء تحبها كمان فكرة إنك يكون ليك زوجه أو طفل ومكان ترجع ليه ترتاح فيه وتربي أطفالك صح نعمة كبيرة بالدنيا وما فيها مش كل حاجه أحلام وطموحات والهوجه بتاعت السوشال ميديا دي حاجه حلوه اه بس في حجات تانيه محتاجه تتقدر اكتر وتكبر في نظرك

فالتبدر أفضل علي قدر الاستطاعة

في الاخر خلينا متفقين إن سنه 2100 مش هيكون حد فينا موجود إلا من أطال الله عمره وده وقت مش بعيد خالص عالفكره ده لو مكانش الوقت المتاح أقل من كده بكتير وبمعرفه إن الهدف الرئيسي من وجودنا هنا هيا عباده الملك مالك كل شيئ والباقي هيا دنيا فخلينا نتفق إن فيه أولويات المفروض تكون مرتبها لنفسك بهدف الخروج من الدنيا بقلب سليم مع التمتع بما فيها من كل حلال مباح ولكن في نفس الوقت مطلوب منك السعي في الدنيا وتكون مسؤول عن نفسك وعن الناس ال مستنياك تفرحهم فوازن بين الإثنين وخلي فيه هدف أسمي واهداف بعديه ربنا يسعدكم ويوفقكم 🤍

طيب من أسبوعين كده طلع رئيس الوزراء مصطفي مدبولي في المؤتمر الصحفي الاسبوعي وقال إن الفترة الجاية الدين هيقل ف انتشر الموضوع جدا وكله بيتناقش عليه وأنا بتابع المؤتمر ده جدا وبحب فكرته من الحكومه ولاكن هوا كان قال هنخفض نسبه الدين مش الدين ذات نفسه فلما نيجي نبسطها اعتبر عندنا كسر بسط ومقام البسط هوا إجمالي مبلغ الدين والمقام هوا إجمالي إيراد الحكومه ال قصده مدبولي هنا هوا تقليل ناتج المعادله ديه ودا أكيد هيكون بطريقه من اتنين ي إما يخفض الدين ذات نفسه ودا مستحيل قطعا أساسا نسبة اقتراض الحكومه السنادي بالنسبه للسنه ال فاتت عالي جدا تقريبا زاد باكتر من 50٪

فهنا أكيد هما هيزودو إيراد الدوله كله ال هوا الناتج الإجمالي لمصر وعلي رأى بن سامي الورق ورقنا والدفاتر دفاترنا الناتج الإجمالي زاد آه حد هيراجع ورانا ( هوا هيزيد فعلا) 😄

بس اتمني يكون حقيقي دا هيقلل عبئ فوايد الدين ال بياخد 95٪ من إيرادنا ( ایراد الدولة 1.1 ترليون وفوايد الديون 1.06 ترليون)

الخلاصة الديون هتزيد مش هتقل والكلام كله انها هتقل مقارنة بالناتج المحلي الإجمالي والهدف مش إنك ميكونش عندك ديون الهدف إن يكون عندك ديون قادر تسددها ومش عبئ عليك



حاجه كمان وهيا هوية البرنامج ال مصر بتعمله ومعينه رئيس مجلس إدارة شركه الشرقيه للدخان رئيس مجلس ادارته ومأعلنتش رسمي عن المشروع 😅

هوية ده تقدر تقول إنه بطاقه ليك زي بتاعت القسم بس علي التلفون بتقدر تثبت نفسك بيه وتبيع وتشتري وتعمل تكويلات وتفتح حساب في البنك الرقمي ال هيفتح واحد منه تابع لبنك مصر قريب من تلفونك من غير م تروح في أي مكان وعلشان تسجل عليه بيكون برقم تلفون متسجل باسمك وبتفتح الكاميره تصور نفسك وبتصور بطاقتك وبيبقا معاك بطاقه علي تلفونك وطبعا ده مطبق في الدول ال برا من زمان بس ده حاجه إحنا مش عارفينها أساسا بس هيا مفيده جدا واتمني تتعمل فعلا صح بدال كلمة روح لمدام عفاف تختملك ال عايشين فيها دي


وبس 😄

دخول سريع جمعتلكم اكتر قنوات مفيده بالنسبالي في التليجرام وأنا بتابعها دايما في فولدر خلية عندكم 🤍

https://t.me/addlist/NusPNuSlofxmZWM0

عايز أنام بس بفكر كده قولت اكتب ال بفكر فيه معاكم 🫶

السفر ك ادميشن عافين مش أي حد ينفع يسافر حتي لو أتقبل دايما بشوف ناس كتير مجرد متنخرط في الأجواء هناك بتنسي دينها وعقيدتها وطريقة التفكير ال المفروض إحنا نكون عليها وأنا متفهم ده مش بحط لوم عليهم أبدا علي الاقل مش بالجزء الاكبر مش حاجه سهله أبدا إنك تكون وسط ناس محدش فيهم مسلم محدش بيصلي محدش بيفكر يتعلم دينه كويس كفقه وعقيده وغيره إنت بتنسي كل ده وتنجرف وراء الدنيا حرفيا وتنسي كنت المفروض هنا في الدنيا بتعمل إيه ، آه هتلاقي مسلمين أكيد بعدد قليل بس هل إنت معتقد إنك هتكون مرتاح والله أبدا هتكون حرب داخلية إنت هتكون الخسران فيها بنسبه كبيرة وده واقع مش توقع ده لو مأهملتش الموضوع من بابه!.....

إحنا محتاجين إعادة تأهيل وإعادة ترتيب أحلامنا بالنسبه لنظرتنا للحياة بنظارة الدين تداخل الثقافات والعالم قرية صغيرة والكلام ده تأثيرة كبير جدا منه إيجابي ومنه سلبي إنت أقعد قعده هاديه مع نفسك وراجع كل حاجه ، انا كنت بسمع فيديو لعبدالله رخا من كام يوم وهوا قال جمله عجبتني اوي " حياتي عبارة عن علبة كل مكبرتها كل م هيبقي صعب أملاها "


هل أنا بقولك متسافرش تتعلم برا أبدا دي من أحلا واقوي الفرص ال ممكن تاخدها دايما تغيير البيئه له تأثير كبير وهناك التعليم أفضل والحياه أفضل وممكن تفتح فرص وتفضل مابين هنا وهناك وتتغير للاحسن بس زي م إنت بتجهز ملف قوي تأدميشن بيه وبتجهز لغة وبتجهز شخصيه وكل حاجه جهز نفسك دينيا واتعلم كويس عن دينك علشان تحصن نفسك ولو إنت مقصر هنا هتروح هناك تعمل إيه مش بتكلم علي التقصير البسيط كلنا بنبعد ونقرب بس إنت قيم نفسك واتعلم عشان تسافر ولو سبتها صدقني من ترك شيئا لله عوضه الله خيرا منها وبلاش تحط نفسك في مقارنات عيش حياتك إنت.... عارف إن المجتمع فرض علينا طريق معين وإنت هتسلكه بس إنت في أيدك تختار هتسلكه إزاي

جهز نفسك دينيا زي مبتجهز سيرة للأدميشن 🤍

تفصيل وتصحيح مفاهيم المجالات الطبيه والفرق بينهم 👇🏻👇🏻

طبعا أولا لازم تدرك إن الكلية خطوة ضرورية علشان الشغل مش بتختار كلية و إنما بتختار نمط حياة دائم بعد ما حضرتك تخلص الكلية و المجال الي هتحبه هتتحمل وضع الكلية بتاعتك فمترهقش نفسك بتفاصيل الدراسة و إنما بتفاصيل ما بعد التخرج و طبعا بما ان ( الحكم علي الشيئ فرع بسيط عن تصوره ) ففي البوست ده انا مجمعلك معلومات عن وضع كل كلية من الكليات الطبيه علشان تختار بينهم


١ - كليه الطب بشري

كلية الطب البشري عبارة عن 5 سنوات دراسة 2 أكاديمي "مواد اساسية" و 3 كلينكال و 2 امتياز تدريب عملي في المستشفيات و في اخر الكلية فيه اختبار لمزاولة المهنة
ـ بعض الجامعات سنتين ونص اكاديمي وسنتين ونص كلينكال

بعد ما بتتخرج حضرتك بتبقي طبيب ممارس عام و مش من حقك تفتح عيادة بتخصص و علشان تاخد التخصص فانت بتاخد دراسات عليا ( ماجستير أو زمالة ) يعني تقريبا 5 سنين دراسة بعد التخرج علشان تقدر تشتغل بشكل كويس ومميز و تفتح عيادة غير سنتين تكليف بتقضيهم كممارس عام في الوحدات الصحية أو مستشفي حكومي و بعدها براحتك بقي لو عايز تاخد الدكتوراة أو لا

فزي ما هو واضح مده الطب البشري يعتبر اطول مده من ناحية الوقت و كله مذاكرة و امتحانات و طبعا التخصص بيكون بناء علي درجاتك التراكمية في الكلية من خلال نظام تنسيق وفقا لتقديرك الجامعي فكأنك بتدخل ثانوية عامة من تاني بس علي مدار ال7 سنين

و لكن كلية طب هي الاكثر تنوعا في التخصصات اكتر من 20 تخصص ( نسا و جراحه وعنايه ورمد وأطفال و جلديه و امراض دم و باطنه وغيرها الخ الخ الخ )
غير التخصصات الفرعية فده بيديك عامل ندرة التخصص أو ندرة المؤهلين يعني منافسة قليلة ففرصة شغل اكبر فربح مادي اكبر و استقرار وظيفي كويس ودائم

الميزة التانية في كلية طب انه نظرا لصعوبتها و تكلفة تعليم الاطباء في الخارج كبيرة جدا ففيه اعراض عالمي عن دراسة الطب فبناء عليه فرصة السفر عالية جدا تكاد تكون الافضل علي الاطلاق سواء شرقا نحو الخليج او غربا نحو أمريكا و اوروبا و مؤخرا دكاترة مصريين بيسافروا دول افريقية بمرتبات عالية جدا

طبعا تكاليف الدراسة و الشغل تكاد تكون منعدمة غير بعض التخصصات الي بتحتاج ادوات بس في الاغلب مش محتاج رأس مال كبير علشان تبدأ و دي ميزة

ميزة اضافية في كلية طب أنه مفيش دخلاء في المهنة غير في بعض الجزئيات البسيطة الي مش مهمة أوي حقيقة


٢ - كلية طب الأسنان

كلية طب الاسنان عبارة عن 5 سنوات برضو 2 أكاديميك و 3 كلينكال و سنة واحدة امتياز في المستشفيات

اول ما بتتخرج من الكلية بتبقي ممارس عام برضو بس الميزة الكبيرة هنا انه مافيش اي داعي انك تعمل دراسات عليا او زمالة غير في تخصصات معينة انما السوق شغال بشكل الي تعرف تعمله اشتغله عادي و الميزة التانية في اسنان ان الي انتا بتتعلمه في الكلية هو الي انتا بتطبقه عملي في ممارستك بعد التخرج مباشرة

فزي ما هو واضح مده طب أسنان قصيره نسبيا و لكن عدد التخصصات في طب أسنان قليل جدا حوالي 7 تخصصات و مافيهمش شغل فرعي كتير و الحدود بين التخصصات دي مش واضحة اوي فالمنافسة مفتوحة جدا بين الكل

برضو نقطة هنا ان اغلب شغل الاسنان حاليا عبارة عن مراكز اكتر من العيادات فمش محتاج تعمل اسم لنفسك علشان تبدأ شغل و لكن من ناحية تانية منافسة المراكز صعبة لانهم معاهم رأس مال كبير للادوات و التخصصات و الدعاية وهكذا

طبعا اثناء الدراسة و بعد التخرج انتا بتتكلف ادوات كتير حقيقة و مستهلكات كبيرة و بتشتغل حالات علي حسابك و بعد التخرج استقلالك و عيادتك الخاصة محتاجة راس مال علشان تبدأ و هتتبهدل فترة لو معكش راس المال ده

المشكلة مع طب اسنان انه فرص السفر قليلة جدا جدا تكاد تنعدم حاليا لان المجال مش محتاجينه اوي في اوروبا و امريكا و دولة زي السعودية سعودت طب الاسنان بالكامل فلو حضرتك اولويتك السفر فكلية اسنان مش ليك

طبعا غالب شغل الاسنان هو شغل تجميلي في الاساس و بناء عليه انتا بتستهدف الفئة المتوسطة و الغنية و في حالات الركود الاقتصادي الناس بتعتبر ده شغل رفاهيات و بيقللوا منه او يستغنوا عنه

طبعا حاليا فيه زيادة مهولة في اعداد اطباء الاسنان و المتوقع ان في خلال الفترة الي جاية هتبدأ التنافسية تكون عالية نظرا ان مافيش تخصصات كتير ولا فرص سفر كتير

كلية طب أسنان ليهم تكليف برضو في وزارة الصحة و لكن عددهم زايد فممكن يستقيلوا بسهولة عادي
وسيتم تحجيم اعداد المكلفين وتقليلهم مع مرور الوقت والسنين

٣ ـ كلية الصيدلة

كلية صيدلة حاليا عبارة عن 5 سنوات دراسة + سنة امتياز

طبعا النظام الجديد دلوقتي كل الصيادلة حاليا بقوا كلينكال لكن لسه ثقافة الصيدلة الكلينكال في مصر محدودة شويه و مش مفعلة و كذلك شغل التصنيع الدوائي الي اغلب دراسة طلبة صيدلة متعلقة بيه قليل جدا الي بيشتغلوا فيه و الاغلب بيشتغل في الصيدليات او في تسويق الادوية وهكذا

المشكلة الي بتواجه طلبة صيدلة بالتحديد هي زيادة الاعداد المهولة الي بقالها فترة طويلة و بناء عليه التكليف الحكومي حاليا التكليف هيتلغي بداية من الدفعة الجديدة فدي مشكله كبيره

ثانيا وجود كم هايل من الدخلاء الي بيشتغلوا في الصيدليات او في تسويق الادوية و ساعات بيتفضلوا عن الصيادلة علشان ارخص في الاغلب فده مخلي طلبة جدد كتير مش عارفين يشتغلوا

من ناحية تانية شغل الصيدليات فيه مشكلة حاليا لانه في قانون ان فيه مسافة 100 كتر بين كل صيدلية و التانية فاغلب الاماكن المميزة الي فيها تكتلات سكنية فيها صيدليات قديمة مغطية المساحة بالفعل مم ناحية تانية الربح في الادوية قليل و محدد من قبل الدولة لحد هنا الدنيا كانت ماشية لبعض الصيادلة لكن دخول سلاسل الادوية برأس المال العملاق بتاعها و انها عملت خصومات كبيرة و توصيل ببلاش خسر الصيدليات الفردية كتير

مؤخرا برضو فرص العمل في الخليج بتتضائل نتيجة السعودة و الناس دي كلها بدأت تنزل مصر فصدقا مجال الصيدلة مش احسن حاجة حد ممكن يدخلها دلوقتي الا لو معاه راس مال عملاق او هيورث بيزنس العائلة في الصيدلة



٤ - كلية العلاج طبيعي

من الكليات الناشئة و الصاعدة بقوة حاليا ، 5 سنوات دراسة و سنة أمتياز

المشكلة الي بتواجه كلية علاج طبيعي ان لسه الثقافة بتاعته منتشرتش حتي في وسط الدكاترة قبل الشعب نفسه والمجتمع و بناء عليه أغلب دكاترة العلاج الطبيعي شغالين علي التخسيس و التغذية و غيره و ده حقيقي تقليل من شأن المجال بس الموضوع محتاج شوية وقت و الثقافة هتنتشر والموضوع مع مرور الوقت سيختلف تماما

أغلب المجال شغالين مراكز مش عيادات لأنه لازم يكون فيه أجهزة و أدوات و بتكلف ماديا حقيقة بس اقل من تكاليف الاسنان طبعا خصوصا ان مافيش مستهلكات كتيره

الميزة في شغل العلاج الطبيعي ان المريض بيحتاج جلسات كتير متتابعة فانتا مش محتاج مرضي كتير علشان تشتغل كويس

بس المشكلة الي بيواجهها اطباء العلاج الطبيعي ان طلبة تربية رياضية بياخدوا شهادات وهمية و بيشتغلوا كعلاج طبيعي و بيبقوا مقتنعين اصلا انهم مؤهلين للشغل ده و ده من حقهم فللأمانة لو محلوش المشكلة دي في الكام سنة الي جاية فوضعهم هيبقي زي الصيادلة

فرص السفر كويسة شوية أحسن من أسنان بس أقل من بشري

و وضعهم زي أسنان كدا الي بتتعلمه في الكلية هو الي هتمارسه و تراك قصير بتبدأ شغل بعد التخرج علطول و التخصصات مش محتاجة دراسات عليا فالدنيا كويسة الي حد ما


٥ - كلية تمريض
عبارة عن 4 سنين دراسة و سنة واحده امتياز

أول حاجة انت محتاج تدركها عن كلية تمريض هو ان كلية تمريض بتخرج أخصائي تمريض الي هو بيشرف علي التمريض او بيرئسهم و بيشتغل في الحاجات المهمة

الممرضين نفسهم بيبقوا خريجين معهد فني تمريض سنتين

أخصائي التمريض بيقدر ياخد تخصصات زي ( نسا و ولادة - جراحة - عناية مركزة ) الخ و بيبقوا مطلوبين جدا في مصر و برا مصر و فرص سفرهم سهلة و مرتباتهم كويسة جدا

و لكن هي المشكلة هنا انه مفيش نمو وظيفي حقيقي ياعني انتا هتفضل ممرض طول عمرك حتي لو اخدت تخصص فدورك برضو هو مساعدة الدكتور ليس الا و متقدرش تفتح شغل لنفسك طبعا

ده غير السمعة السيئة الي عاملها الاعلام و المجتمع عن التمريض و يمكن دي أسوأ حاجة موجودة

طبعا نقطة واجب طب التنويه عنها ان معاهد التمريض الخاصة الاي كلام دي بتخرج مساعد ممرض و مرتباتهم و شغلهم زي الزفت و دي مختلفة تماما عن كلية تمريض



أخيرا ايا كان مجالك دي شوية نصائح ليك 🤍

- لو ليك اهل و قرايب شغالين في مجال معين هتبقي فرصة كويسة انك تتعلم منهم و تشتغل معاهم و هيختصروا عليك وقت و جهد كبير

- اي كانت كليتك لازم تحدد اولوياتك و هدفك ؟
لو انتا عايز تتعين في الجامعة فاهم حاجة بالنسبالك هتكون الدرجات و الترتيب
لو انتا عايز تسافر هتذاكر لغة او معادلة و تجيب فلوس علشان تعرف تسافر
لو انتا عايز تتعلم بشكل عملي انزل اتدرب و اتفرج علي الواقع بس اوعي تشتغل بفلوس غير لما تكون مؤهل عمليا و قانونا و جيب درجات كويسة برضو
لو انتا مش عارف انتا عايز ايه حاول تستكشف مجالك بسرعة علشان تعرف ايه الي يناسبك و متضيعش وقتك
في النهايه لازم تحاول تتميز في شغلك بتخصصك النادر أو شطارتك فيه أو ادواتك أو دعايتك ولازم تتعلم بيزنس و ادارة و علشان تعرف تعيش حياتك كويس و لازم تفضل تتعلم كل حاجة جديدة في مجالك

By: Dr Islam Omar

#AL_MIG
○ To see all our references and contact us
----------> https://linktr.ee/AL.MIG

خاطرة

ملحوظة الكلام ال هقوله تحت ده أنا رجعت فيه لشيخي وهو أستاذ في جامعة الازهر


كنت في نقاش مع شخص علي حاجتين الحاجه الاولي في اثناء دعاء صلاة التراويح قول يا الله ، حقا ، نشهد وده غلط ويعتبر كلام خارج عن الصلاة ولم يرد عن الصحابة أو النبي ص إنهم عملو كده ممكن إنك تقول أمين بس والحاجه الثانيه قول صدق الله العظيم بعد قراءة القرآن ودي جمله جميله اوي بس لم يرد عن الرسول ص أو عن الصحابه إنهم قالولها وإحنا بنفعل ما كان الرسول وصحابته يفعلونه دون زيادة أو نقصان لو الزياده حلوه من نفسنا نقوم نخلي الضهر بدال أربع ركعات نخليهم عشرة بس احنا مش بمزاجنا ده دين وشرع وإحنا بنحاول كلنا نقلد الرسول قدوتنا فيه ، والرسول ص ورد عنه إنه لما كان بيحب يوقف حد اثناء قراءته للقرآن كان بيقوله حسبك ، فقام قايلي الجمله ديه ....... افتح سورة ال عمران عند قول الله جل جلاله " قل صدق الله فاتبعوا ملة إبراهيم حنيفا " يعني ربنا بيقول لمحمد ص قل صدق الله ، قولتله إنت مفسر الايه علي مزاجك الله سبحانه وتعالي هنا كان بيبين لهم صدقه في كتبه المختلفه في القرآن والتوراة وغيرها وملهاش علاقه بقول صدق الله بعد قراءة القرآن ولم يرد عن الرسول وصحابته إنهم قالو كده


فبدأ يرد علي الحاجتين ويجيب أقول لائمه كبار كلهم ليهم سياق وليهم معني مختلف تماما عن ال هوا فاهمه ومش ميديني فرصه وأنا مش عارف أقول إيه عن أقوال العلماء دول لأني فعلا مش متطلع وأنا قولتله كده فرجعت لشيخي فهمني فرجعتله قولتله أنا سالت شيخي وأنا مش هعرف اشرحلك ال هوا شرحهولي كويس لإنه كلام كبير وكتير أخاف اغلط في حاجه فيه وأنا مش فاهمه كويس برضو وإنت فاهم كل حاجه غلط وراجع نفسك وراجع فهمك للمعاني والاحاديث ده مش عيب وأنا اوعدك إني هراجع برضو ولو كنت إنت صح هرجع اقولك قالي يحبيبي ده مجالي اصلا وبدأ يغلط في شيخي قولتله أنا مقبلش إنك تتكلم عنه كده وأنا قولتله يكلمك بس هوا قالي إنك مش لبق في كلامك وإنه مش حابب يكلمك راجع نفسك ومردتش عليه تاني


هنا فكرت إنه لو شخص كل همه في الحياة يقضي فروض ربنا سبحانه وتعالي ومركز فيها وبيعمل السنن ال عارفها ومش متطلع دينيا اوي أفضل كتير من إنه يكون فيه شخص علي نفس الشاكله دي وده السبب الكبير فيه والله أعلم إنه متعلمش علي أيد شيخ أتعلم من النت والكتب لوحده من غير توجيه صحيح مجاش في باله سيدنا أبو بكر وهو أبو بكر لما تولي الخلافه قال لو فعلت شيئا خطأ فنبهوني


ربنا يهديه ويهديني ويجعل الدين ثابت في قلوبنا كلنا بصحيحه اللهم أمين 🤍

علم الاعصاب | Neuroscience
____


فكرت قبل كدا ازاى بتاخد قرار أو بتتعلم... ازاى بتفتكر معلومة من سنين؟
ليه أحيانا مشاعرك ممكن تسيطر على تفكيرك.... وليه التوتر ممكن يلغبط تركيزك!؟
كل دا مسؤول عنه جهازك العصبي

ودا بالظبط اللى بيفسره علم الاعصاب.
ال *Neuroscience* هو علم دراسة الجهاز العصبي بكل مكوناته وخصوصًا الدماغ وبيحاول يفهم إزاي الإشارات العصبية البسيطة بتتحول لأفكار، مشاعر، قرارات، وسلوك كامل.
الجهاز العصبي مش بس مسؤول عن الحركة والإحساس لكنه كمان مسؤول عن:
1️⃣تكوين الذكريات
2️⃣التعلم واكتساب المهارات
3️⃣تنظيم المشاعر
4️⃣اتخاذ القرار
5️⃣وحتى الوظائف الحيوية زي التنفس وضربات القلب

📌الأساس في المجال ده هو دراسة الخلايا العصبية
*Neurons*
وهي خلايا متخصصة بتنقل إشارات كهربائية وكيميائية داخل الجسم
•التواصل بينها بيتم من خلال نقاط اتصال اسمها *Synapses*
• ومن خلال الشبكات المعقدة دي بيتكوّن التفكير والسلوك والإدراك.

ليه مهم؟
لأنه مش بس بيساعدنا نفهم الأمراض العصبية لكن كمان بيساعدنا نفهم:
1️⃣ إزاي نحسن التعلم
2️⃣ إزاي نتعامل مع التوتر
3️⃣ إزاي نطور طرق علاج جديدة
4️⃣ إزاي التكنولوجيا الحديثة زي الذكاء الإصطناعي مستوحاة من طريقة عمل الشبكات العصبية

باختصار. ال *Neuroscience* مش بس علم عن المخ والجهاز العصبي…
ده العلم اللي بيفسر كل تجربة بتمر عليك، كل شعور تحسه، وكل قرار تاخده.
معاه هتفهم نفسك أكتر، هتعرف إزاي تتعلم بشكل أفضل، وهتكتشف أسرار طريقة عمل عقلك بطريقة علمية ومذهلة
و ده برضوا *file* فيه شرح مبسط من تيم الأكاديميكس لرسالة ستيم هيلبرز تقدروا تبصوا عليه 💗
https://drive.google.com/file/d/1TP5pQzCrX2VnCHABoQB_zE72hc82KrIR/view?usp=drivesdk

و ده ڤيديو لذيذ جدا عن ال *Neuroscience* :
https://youtu.be/qM6jPrMPTKk?si=pdYujoPKwFQlEc2f
و دول ڤيديوهات لذيذه برضوا و يعتبروا زي
Introduction to *Neuroscience* :
https://youtu.be/b2-DEn4hdTU?si=vvycv3E3i-aAFLRk

https://youtu.be/5031rWXgdYo?si=gFGBnLuBEsH2PiKH

______

و عشان لو عايز تدرس و تتعمق أكتر في ال *Neuroscience* جمعنالك كورسات معتمدة كتير و مصادر كتير للكورسات عشان تدرس و تتعلم صح و كمان توثق تعليمك دا

📌Neuroscience caurses:

1️⃣Online caurse من جامعة Boston
https://www.bu.edu/summer/courses/neuroscience/

2️⃣Online Psychology & Neuroscience Course من جامعة Oxford
for students (15-18 years old)
https://www.oxfordscholastica.com/online-summer-school/psychology-neuroscience-course/


📌Course resources :
ده كورس من منصة كورسيرا
1️⃣ https://www.coursera.org/learn/foundations-of-neuroscience

كورس من منصة edx
2️⃣ https://share.google/87YyJT0mYldpJPzBq



📌Playlist Resource :
1️⃣ https://youtube.com/playlist?list=PLoYAKQ4_GWnDKeZwTjxNE2LkLyXil96mt&si=HI2bBgETxxfsXGVg

2️⃣ https://youtube.com/playlist?list=PLoYAKQ4_GWnCV7Hl47DLkic_N_OZ_0_tU&si=oxLnbmGNtXHRRIrb

_______


إنما بقى لو عايز تقدم على *Programs* عالمية خاصه ب ال *Neuroscience* ف احنا جمعنالك كل الPrograms الموجودة و في منها:
«Online أو Offline»
«Paid أو Free»
1️⃣ده بروجرام من جامعة
*Johns Hopkins*
مخصص لطلاب الثانوية لل Neuroscience and Behavioral Science
في البرنامج ورش عمل بحثية، ومشاريع تطبيقية و غيرهم و لكن البرنامج مدفوع
و يستمر لعدة أسابيع خلال الصيف
https://summer.jhu.edu/admissions/

2️⃣ده Online program مقدم من *Harvard university* بيوضح introduction to Neuroscience وبشهادة معتمدة فى آخر البروجرام✨

https://harvardonline.harvard.edu/program/microbachelors-program-in-introduction-to-neuroscience

3️⃣دهNeuroverse Youth Power(Fall Neuroscience Program) برنامج اونلاين مجانى مدته 6 أسابيع
For application
https://forms.gle/Cghe5adaH5T6DHC49

______

ولو إنت بتدور على مسابقات عالمية تطبق فيها إلي اتعلمته و تنافس أكتر مع ناس عندهم نفس شغفك بال *Neuroscience* و كمان منافسة على مستوى العالم ف دي أكتر المسابقات العالمية الي تخص ال *Neuroscience* ✨

1️⃣ The International Neuroscience Olympiad (INO)

The International Neuroscience Olympiad (INO) is research-based competition dedicated solely to the field of neuroscience. The INO is a unique initiative that aims to foster scientific curiosity and promote neuroscience education among young minds.

We believe that cultivating a deep understanding of neuroscience in students aged 13–18 is essential for nurturing the next generation of thinkers, innovators, and problem-solvers. We need to move beyond rote memorization and ignite curiosity through hands-on engagement with real-world challenges.

For More Details :
https://www.ino-global.net/
لينك التقديم :
https://forms.gle/uvigfWfc6mdhh4Jb6


2️⃣ International Brain Bee

The International Brain Bee is an international science competition that tests students’ knowledge about the brain and nervous system, including brain structure, neurons, neurological diseases, memory, learning, and diagnosis. The goal of the competition is to encourage students to study neuroscience, medicine, and scientific research.

The competition started in 1998, and thousands of students from more than 50 countries participate every year.

Who can participate?
High school students, usually between 14–19 years old

Competition Stages
1️⃣ Local Brain Bee – Local competition in a city or university.
2️⃣ National Brain Bee– Local winners represent their country.
3️⃣ International Brain Bee – National champions compete globally.

For More Details :
https://docs.google.com/document/d/14lA0oJviDO-G85Sfn_XGs5gy0fL51sUQ/edit?usp=drive_link&ouid=107000938032532973376&rtpof=true&sd=true\
( ده فايل فيه كل التفاصيل عن المسابقة اللي ممكن تكونوا محتاجينها من تيم الأكاديميكس رسالة ستيم هيلبرز )

3️⃣ BRITISH NEUROSCIENCE OLYMPIAD

1️⃣Online Regional Round
Online test
50 multiple-choice questions
30 minutes only to answer

Example: the 2026 edition was on 15–16 March

2️⃣ National Final
The top 50 students advance to the final

The final includes
Advanced MCQ exam
Patient diagnosis from videos
Neuroanatomy (identifying brain parts)
Oral questions in front of the judges

The final is usually held in London
For More Details :
https://britishneuroscienceolympiad.co.uk/

4️⃣ Brain Bilitiz
Brain Blitz is a high school neuroscience competition destined for nurturing youth skills in neuroscience. It grants high school students the opportunity to showcase their talents and enrich their knowledge in neuroscience

Who Can Participate?
Students Enrolled in educational grades 9 12 (and their equivalent) in the 2024 2025 academic year, gap year students are eligible to participate.
Students from around the world are eligible to participate, with no restrictions regarding the student s nationality.
There are no fees associated with joining the competition.
المسابقة للأسف فتحت و خلصت من فترة بس هي بتفتح في اجازة الصيف ممكن تتابعها.

-------------
By: Resala STEM Helpers Team
#AL_MIG
○ To see all our references and contact us
----------> https://linktr.ee/AL.MIG

دخول سريع

كل عام وإنتم بخير عارف إنها متأخره بس أسف أعذروني كده تالت سنه نعيد فيها سوا 🤍

من فترة كنت بتناقش مع حد من أصحابي عن السوشال ميديا والموضوع ده قتل بحثا بس أنا وقتها دخلت علي إعدادات حساباتي وعملت إن الناس ال أنا عاملهم متابعه يظهرو عادي لأي حد علشان هوا يدخل يشوفهم وينقي منهم ناس يتابعهم

وانا فعلا من زمان مش بعمل متابعه لأي حد علشان الخوارزميات تظهرلي حجات كويسه ف ناس كتير قالتلي إنهم عجبهم جدا الناس ال أنا عاملهم متابعهم ف أنا جاي أقولكم ادخلو عندي شوفو أنا متابع مين وتابعوا ناس منهم بجد هتستفيدو ربنا ينفع بيكم وبس كده هعنعتبر ده مرجع نثبته فوق بسبب إن فيه ناس كتير مهتمه بده وبتسأل عليه علشان توصله بسهوله 😄

@ https://www.facebook.com/MIG.MohamedIssa
@ https://www.instagram.com/mig.mohamedissa

في حاجه كنت بعملها زمان فتره كده وكنت بحكي عليها لحد عايز أقولكم عليها في الفتره دي كنت مرتاح نفسيا جدا إحساس جميل جدا ملهوش وصف مش موجود دلوقتي وبتعامل مع كل ال حواليا بطريقه جميله وحاليا خسرت ده وبتمني منكم من كل قلبي تجربوا ده يوم واحد بس حتي لو مش كل حاجه فيه بس اعقدوا النيه وجربوه يوم واحد بس واثق إن كل شيئ بعدها هيختلف معاكم جدا

كنت بقرا ورد يومي من القرآن منتظم عليه في تطبيق إسمه ختمه هاتلاقوه في جوجل بلاي وكنت بصلي كل الفروض في المسجد وكنت بصحي قبل الفجر بساعه أصلي 5 ركعات قيام ليل ومحدد حاجات معينه في ديني بتعلمها وكنت مظبط وقت يومي علي مواقيت الصلاه يعني من الفجر للضهر هعمل كذا وكنت بنام ساعه بعد الضهر وكنت من المغرب لحد م أنام بلعب أو قاعد مع أهلي أو بعمل أي حاجه عادي


دي كانت من أجمل الفترات في حياتي وال بحاول دلوقتي أعمل كده تاني عارفين إحنا مخلوقين لده روحنا محتاجه كده نفسيتنا محتاجه كده الراحه ال هتخليك تعيش مبسوط هنا انت بتعمل ده علشان نفسك إنت ال محتاج ربنا في الدنيا وفي الاخره والله أنا بقيت بستصغر جدا وقت الحياه لسه قريب كنت مقابل حد بليل ومسلم عليه واصبح كنت في العزاء بتاعه


أنا دايما علي اليوتيوب هيا اكتر منصه بستخدمها كنت بقلب انهارده لأني ملان جدا وسمعت كذا حاجه

عارفين مش مقتنع بفكره شوف شغفك دي مش شرط يكون عندي شغف لحاجه علشان أكون بعملها إحنا لو بنمشي بالشلف والحب مش هنعمل حاجه يعني إيه أشتغل علي حاجه علشان أنا مبسوط دلوقتي ولما ازعل مفيش شغل ، الحياة مش بتمشي كده لو إنت مش بترتاح في الصلاه زي م الناس بتقول مش هتصلي ولو زعلان مش هتذاكر ولا هتشتغل الحياه مش كده شوفوا الاب والام كل يوم شغالين إزاي هل ممكن يقوموا أصبح نفسيتهم مش كويسه يقولوا مش هنشتغل مفيش الاوبشن ده هيشتغل عادي

ال عايز أقوله متسمعش الفيديوهات التحفيزيه وتمشي وراها إنت بتعمل حجات في حياتك حتي لو مش حاببها وده الطبيعي أصلا مفيش حد دايما مبسوط ودايما حابب الحاجه ال بيعملها دلوقتي النفسيه متقلبه جدا مينفعش إنت تمشي بنفسيتك وعالفكره إنت مش مطلوب منك تغير الكون والله إنت بس مطلوب منك تعيش مرتاح وتعيش أهلك مرتاحين وتموت مرتاح وتسيب ذكرى كويسه وبنحاول نعمل حاجه مفيده لنفسنا او للناس وهكذا وننجح زي م بنشوف الناس الناجحه بس متخليش ده ضغط عليك فمتعرفش تعمله تقوم بسبب الضغط ده تعمل حاجه غلط أنا بشوف ده كتير خليك ذكي وابعد النت وال بقينا بنشوفه فيه وتعبا منه ده




حاجه تانيه عايز أتكلم معاكم فيها شوفت فيديوهات كتير بتتكلم عن تقسيم الوقت في المذاكره وطريقة بومودورو

أنا بعترض جدا علي طريقه بومودورو بتاعت المذاکره وخد وقت بريك واحسب الوقت والحجات دي وراك حاجه أقعد أعملها ولما تخلص قوم ولو حسيت نفسك تعبت قوم أعمل حاجه أشربها أو هزر مع حد من أهلك أو ريح شويه من غير تلفون وذاكر تاني

يعني انغمس في الحاجه ال بتعلمها كده وركز وانسي الوقت أصلا والبريك بس لو لسه مبتدئ ومبتقدرش تستحمل وبتكسل ومش بتعرف تركز ماشي أعمل كده واتبع النظام ده يساعدك كبدايه لما تتعود وتبدأ تكون صلد بس مش ده يكون نظامك ال ناوي تكون عليه ده غلظ فاهمني ؟

بس كده اتمني مكونش طولت يارب دايما بخير ❤️