Туғруқ комлексининг акушер-гинекологи ишига қайта тикланди

Мажбурий ижро бюроси Андижон шаҳар бўлими иш юритувига фуқаролик ишлари бўйича Андижон туманлараро судининг жорий йил 10 августдаги даъвогар М.И. Андижон шаҳар тиббиёт бирлашмаси 2-туғруқ комплексидаги аввалги 1.0 ставка врач акушер-гинеколог вазифасига қайта тикланиши бўйича ижро варақаси келиб тушган.
Маълумки, амалдаги меҳнат қонунчилигига асосан, меҳнат шартномаси ғайриқонуний равишда бекор қилинган ёки ходим ғайриқонуний равишда бошқа ишга ўтказилган ҳолларда, у иш берувчининг ўзи, суд ёки бошқа ваколатли орган томонидан аввалги ишга тикланиши лозимлиги белгилаб қўйилган.
Мазкур талаб асосида шаҳар тиббиёт бирлашмаси 2-туғруқ комплексига Бюро ходимлари томонидан тегишли тартибда талабнома юборилиб, ижро ҳаракатлари олиб борилган.
Натижада, Андижон шаҳар 2-туғруқ комплекси бош шифокорнининг “М.И. билан тузилган меҳнат шартномасини иш берувчининг ташаббуси билан бекор қилиш тўғрисида”ги буйруғи бекор қилиниб, М.И. ўз вазифасига қайта ишга тикланди.

Каналга уланиш учун:👇
https://t.me/MIBAndijon

Олтинкўллик ота фарзанди учун салкам 3 минг доллар алимент тўлади

Фуқаролик ишлари бўйича Андижон туманлараро судининг суд буйруғига асосан қарздор Отахонов Рўзибойдан ундирувчи Отахонова Саодатхон фойдасига бир нафар фарзандининг моддий таъминоти учун ҳар ой топган даромадининг 1/4 қисми миқдорида алимент ундириш кўрсатилган.
Мажбурий ижро бюроси Олтинкўл туман бўлими ходимлари иш юритувидаги мазкур ижро ҳужжати юзасидан олиб борган ижро ҳаракатлари ҳамда тушунтириш ишлари натижасида қарздор Р.Отахонов 30 млн 102 минг сўм алимент пулларини 2900 АҚШ доллари кўринишида тўлади ҳамда ушбу пуллар ундирувчига топширилди.

Каналга уланиш учун:👇
https://t.me/MIBAndijon

🎥”ZO`R TV” телеканалининг "Бу кун" информацион дастурида - Андижон вилоятининг олдиндан алимент пулларини тўлаб бериш ҳолатлари ҳақидаги лавҳаси намойиш этилди.

Каналга уланиш учун:👇
https://t.me/MIBAndijon

🎥8 000 АҚШ доллари миқдорида алимент тўлаган ота ҳақидаги лавҳа Севимли телеканали "Замон" информацион дастури орқали намойиш этилди.

Каналга уланиш учун:👇
https://t.me/MIBAndijon

Маъмурий қамоқнинг 3-кунида алимент пуллари тўлиқ тўланди

Фуқаролик ишлари бўйича Қўрғонтепа туманлараро судининг 28.07.2015 йилдаги ижро ҳужжатига асосан, қарздор З.Сатимовдан ундирувчи Ф.Турғунова фойдасига бир нафар фарзандининг таъминоти учун қарздорнинг иш ҳақи ва бошқа даромадларининг ¼ қисми миқдорида алимент ундириш белгиланган.
Афсуски, ўз зурриёди тақдирига бефарқ ота 13 ойдан буён ўз фарзанди учун алимент тўламай келган. Натижада салкам 6 ярим млн. сўм қарздорлик йиғилиб қолган. Шу сабаб, Мажбурий ижро бюроси Булоқбоши туман бўлими томонидан иш ҳужжатлари маъмурий судга юборилган.
З.Сатимов алимент пулларини тўлашдан бош тортганлиги сабабли Булоқбоши туман маъмурий суди томонидан 13.10.2020 йил куни унга нисбатан 15 сутка маъмурий қамоқ жазоси тайинланди.
З.Сатимов маъмурий қамоқ жазосини ўташ давомида алимент пулларини тўлаш мажбурийлигини тушуниб, унинг яқин қариндошлари 16.10.2020 йил куни 6 млн 430 минг 784 сўм алимент пулларини тўлиқ тўлаб берди.

P/S. Ўйлаб қоласан киши, отанинг тақдири қариндошларига шу қадар муҳим эканки, маъмурий қамоқда ўтирмаслиги учун белгиланган пулларни топиб келишди. Наҳотки, норасида гўдак тақдири шу вақтгача ҳеч кимга қизиқ бўлмаган бўлса?! Наҳот ота ўз пушти камаридан бўлган фарзандининг еб-ичиши, кийиниши учун шу пулларни ўз вақтида беришдан қочган, маблағини қизғонган бўлса?!

Каналга уланиш учун:👇
https://t.me/MIBAndijon

Қўрғонтепада ота фарзанди учун 15 млн. сўм тўлади

Фуқаролик ишлари бўйича Хўжаобод туманлараро судининг 03.09.2012 йилдаги суд буйруғига асосан қарздор Ж.Қахоровдан ундирувчи Г.Деҳқонова фойдасига икки нафар фарзандининг моддий таъминоти учун ҳар ой топган даромадининг 1/3 қисми миқдорида алимент ундириш кўрсатилган.
Мажбурий ижро бюроси Қўрғонтепа туман бўлими ходимлари иш юритувидаги мазкур ижро ҳужжати юзасидан олиб борган ижро ҳаракатлари ҳамда тушунтириш ишлари натижасида қарздор Ж.Қахоров 15 млн. сўм алимент пулларини тўлади ҳамда ушбу пуллар ундирувчига топширилди.
Шунингдек, тарафлар келишганлиги сабабли ижро иши тамомланди.

Каналга уланиш учун:👇
https://t.me/MIBAndijon

✅ Human.uz axborot portalining rasmiy telegram boti


👇 Boshlash uchun bosing:
https://t.me/Humanuz_GiveAwayBot?start=363462792

Оталик мажбуриятини бажармаганлар жазоланди

Мажбурий ижро бюроси Олтинкўл туман бўлими иш юритувида бўлган алимент иши бўйича қарздор О.Ортиқов фуқаролик ишлари бўйича Андижон туманлараро судининг 08.08.2012 йилдаги суд буйруғига асосан ундирувчи Б.Парпиева фойдасига икки нафар вояга етмаган фарзанди моддий таъминоти учун ҳар ойда ишлаб топган даромадининг 1/3 қисми миқдорида алимент тўлаб бориши белгиланган бўлса-да, қарздор О.Ортиқов белгиланган алимент тўловларини ўз вақтида тўламасдан келган.
Ижро ҳаракатига асосан қарздор О.Ортиқовнинг алиментдан бўлган қарзлари ҳисобланганда қарздор томонидан 01.10.2020 йилга қадар жами 12 млн 251 минг сўм алимент пуллари тўланмай, қарздорлик йиғилиб қолган.
Шу сабабли, Бюро ходимлари қарздор О.Ортиқовнинг алиментдан бўлган қарздорлиги юзасидан тўпланган ҳужжатларни туман маъмурий судига юборади.
Суд ишни кўриб чиқиб, алимент пулларини ўз вақтида тўламай, оталик масъулиятига бепарво юрган О.Ортиқовга Ўзбекистон Республикаси Маъмурий жавобгарлик тўғрисидаги кодекснинг 47-4-модасига асосан 15 кунлик маъмурий қамоқ жазоси тайинлади.
Худди шу каби яна бир ҳолат.
Фуқаролик ишлари бўйича Андижон туманлараро судининг 21.12.2018 йилдаги ижро ҳужжатига асосан, қарздор Э.Шокировдан ундирувчи Ф.Саттарова фойдасига 1 нафар фарзанди таъминоти учун алимент ундириш белгинланган эди.
Бюронинг Олтинкўл туман бўлими ходимларининг огоҳлантиришларига қарамай қарздор Э.Шокиров жами 9 млн 227 минг сўм алимент пулларини тўламай келган. Шу сабабли, Олтинкўл туман маъмурий суди Э.Шокировга нисбатан 15 сутка маъмурий қамоқ жазоси тайинлади.

Каналга уланиш учун:👇
https://t.me/MIBAndijon

Бурчини тушунган ота алимент пулларини тўлиқ тўлади

Фуқаролик ишлари бўйича Бўз туманлараро судининг 21.11.2014 йилдаги суд буйруғига асосан қарздор Ш.Сафаровдан ундирувчи М.Абдуғаниева фойдасига бир нафар фарзандининг моддий таъминоти учун ҳар ой топган даромадининг 1/4 қисми миқдорида алимент ундириш кўрсатилган.
Мажбурий ижро бюроси Улуғнор туман бўлими ходимлари томонидан қарздор Ш.Сафаров алимент тўловларини тўлаши юзасидан мунтазам огоҳлантирилган бўлсада, бироқ ота ўз фарзандининг моддий таъминотидан бўйин товлаб келган. Натижада, қарздор Ш.Сафаровнинг алиментдан 5 млн 982 минг минг сўм қарздорлиги вужудга келган.
Бўлим ходимларнинг ижро ҳужжати юзасидан олиб борган ижро ҳаракатлари ҳамда қарздор маъмурий жавобгарликка тортилиши юзасидан огоҳлантиришлари самара бериб, қарздор Ш.Сафаров йиғилиб қолган барча алимент қарзини, яъни 5 млн 982 минг сўмни тўлиқ тўлади. Бу пуллар ундирувчига тилхат асосида топширилди.

Каналга уланиш учун:👇
https://t.me/MIBAndijon

МИБ Андижон вилояти: қарздорнинг аризасига кўра ижро ҳаракатлари кейинга қолдирилди
 
Жорий йилнинг 22 октябрь куни “Фейсбук” ижтимоий тармоғида “Андижон вилояти, Асака тумани 9-мактабнинг кўмирхонасида яшаб келаётган ака-ука Аширалиевлар Андижон шаҳрида жойлашган ўз уйларига 3 йилдан буён кира олишмаяпти” номли хабар жойлаштирилган.
Ушбу ҳолат бўйича ўрганиш ишлари олиб борилди.
Аниқланишича, фуқаролик ишлари бўйича Андижон туманлараро судининг 01.11.2019 йилдаги  ижро варақасига асосан жавобгар Ибрагимова Гулчехра Кенжабоевна, Нугманходжаев Нурланбек Насибулло ўғли, Нугманходжаева Гўзал Улуғбек қизи ва бошқа оила аъзолари Андижон шаҳар 4-кичик даха 12-б-уй 6-хонадондан мажбурий тартибда кўчириш тўғрисидаги ижро ҳужжати бўлим иш юритувига 26.11.2019 йилда келиб тушган.
Ижро ҳужжатининг ижросини таъминлаш мақсадида 13.12.2019 йил куни соат 14:00га мажбурий ижро ҳаракатлари тайинланган. Бироқ, ушбу мажбурий ижро ҳаракатлари ФИБ Андижон туманлараро судининг 11.12.2019 йилдаги ажримига мувофиқ, қарздор Г.Ибрагимованинг апелляция шикояти Андижон вилоят маъмурий судида кўриб чиқилгунга қадарли ижро ҳаракатлари кечиктирилган.
Андижон вилоят Маъмурий суди апелляция инстанциясининг 11.12.2019 йилдаги қарорига асосан, қарздор Г.Ибрагимованинг “Андижон шаҳар ҳокимининг 19.12.2018 йилдаги 1240-қ-сонли қарорини ҳақиқий эмас деб топиш ҳақида”ги ҳал қилув қарори ўзгаришсиз қолдирилган.
Шунга кўра, 07.01.2020 йил куни соат 14:00га мажбурий ижро ҳаракатлари тайинланган бўлиб, мажбурий ижро ҳаракатлари давомида қарздор Г.Ибрагимова ва унинг оила аъзолари ижро ҳаракатларида қатнашмаганлиги, яъни уйда йўқлиги сабабли мажбурий ижро ҳаракатлари тўхтатилган.
Сўнгра, 25.01.2020 йил куни соат 11:00га мажбурий ижро ҳаракатлари тайинланган бўлиб, ижро ҳаракатлари давомида қарздор Г.Ибрагимованинг фарзанди Нугманходжаев Нурланбек давлат ижрочиси К.Косимовга ва ижро ҳаракатларида қатнашаётган Андижон шаҳар ИИБ, Андижон шаҳар ЁХБ ва МФЙ ходимларига пичоқ билан фаол қаршилик кўрсатганлиги сабабли ижро ҳаракатлари вақтинча кечиктирилган.
Ижро ҳаракатлари давомида, ФИБ Андижон туманлараро судининг 05.02.2019 йилдаги ажримига асосан қарздор Г.Ибрагимованинг “Андижон шаҳар ҳокимининг 19.12.2018 йилдаги 1240-қ-сонли қарорини ҳақиқий эмас деб топиш ҳақида”ги иш бўйича чиқарилган ҳал қилув қарорига нисбатан келтирилган назорат тартибидаги шикояти Ўзбекистон Республикаси Олий судида кўриб чиқилгунга қадарли ижроси кечиктирилган.
Шунданг сўнг, ушбу ижро иши бўйича ФИБ Андижон туманлараро судининг 02.09.2020 йилдаги ажримига асосан ижро ҳаракатларини давом эттириш кўрсатилган бўлиб, ушбу ажримга кўра 24.09.2020 йил куни соат 11:00га мажбурий ижро ҳаракатлари тайинланиб, ўтказилган ижро ҳаракатлари давомида қарздор Г.Ибрагимова ва унинг оила аъзолари уйда йўқлиги сабабли ижро ҳаракатлари вақтинча кечиктирилган.
Бундан ташқари, қарздор Г.Ибрагимова 16.10.2020 йилда МИБ Андижон шаҳар бўлими бошлиғига ариза билан мурожаат қилиб, ушбу аризасида Андижон шаҳар ҳокимлиги томонидан унга ҳозирда уй ажратиш юзасидан ишлар олиб борилаётганлиги маълум қилган. Шу сабабли ижро ҳаракатларини вақтинча тўхтатиб туришни сўраган.
Шунга кўра, ижро ҳаракатлари давлат ижрочисининг 21.10.2020 йилдаги “ижро ҳаракатларини кейинга қолдириш тўғрисида”ги қарорига асосан ижро ҳаракатлари 2020 йил 21 октябрдан бошлаб 2020 йил 2 ноябрь кунига қадарли кейинга қолдирилганлиги маълум қилинади.
 
Бюронинг Андижон вилояти бошқармаси