مساء الخير طلابنا وطالباتنا الغوالي..❤️🧡
حبيت ذكركن 💕بحالات التوازي 💕 يلي ممكن نصادفها بأيا طلب من المسألة وخاصة وقت الإثبات..

1️⃣ العامودان على مستقيم واحد متوازيان
2️⃣ المستقيمان الموازيان لثالث متوازيان
3️⃣ عكس مبرهنة النسب الثلاث للمثلثين.
4️⃣ مستقيمان متوازيان وقاطع ( تبادل داخلي - تبادل خارجي - تناظر).
5️⃣المبرهنة الأولى في المنتصفات ( القطعة الواصلة بين منتصفي ضلعين في المثلث توازي ضلعه الثالثة وتساوي نصفها).

ركزوا منيح يا أكابر وتعرفوا إيمتى منستخدم كل حالة..❤️🧡.. وهدول مذكورين بنوطة المكثفة يلي رح تبدأ الأحد إن شاء الله.. لهيك كتبتهم مشان تتذكروهم منيح..

وبعد شوي رح نزل كم شغلة تذكرة لإلكن بتخص المسائل الهندسية وتعتبر أساسية بكل مسألة بس للأسف.. كتير من الطلاب بيجهلوا هي الملاحظات..

ضيفوا رفقاتكن ع المجموعة برضايي عليكن.. ❤️🧡
بتكسبوا ثواب.. وخاصة طلاب الشام.. بدي ياكن تستفيدوا وتجيبوا الكل 600 🥰😎🤩 بإذن الله تعالى.. كلكن قدها وقدود.. وحتى الطلاب يلي مستواهم ضعاف أو وسط.. إن شاء الله بهي الدورة رح تتحسنوا للأفضل إذا الله راد.. لكن بالإضافة إلى جهودكن وتعبكن.. مو بقيان كتير لتخلصوا.. وهانت.. تحملوا شوي واصبروا واتعبوا .. تحملتوا شي 7-8 أشهر.. باقي شهرين وبتخلصوا الامتحانات وإن شاء الله كلكن بتطلعوا مجبورين الخاطر وبتفرحوا على قد ما بتتعبوا وتحصدوا نتائج عالية🧡😎💪..

رابط مجموعة الواتس للدورة المكثفة في دمشق للصف التاسع :

https://chat.whatsapp.com/LiUCFuWAg1LImK5ZDXkhB7


رابط تلغرام:
https://t.me/+dK5JeiItmkdmYzNk

مساء الخير طلابنا وطالباتنا الغوالي..

في خطأ شائع برتكبوها الطلاب بالمعادلات وخاصة لما بيجي السؤال اختيار من متعدد والخيارات بتكون إما حل وحيد أو حلين أو ثلاثة حلول.. وهو مثلاً :
X+3 = 7

❌ بعض الطلاب بهذه الطريقة :
X= 4
للمعادلة حلان.. إما X=2 أو X=-2

✅ الصواب هو حل وحيد وهو X =4..

هون المعادلة من الدرجة الأولى ❗وليست من الدرجة الثانية..❗
لهيك المعادلة لها حل وحيد..

أما لو كانت المعادلة من الدرجة الثانية.. هون منناقش حالات :
1️⃣ إذا الجواب 🟡موجب🟡 لها حلين ✌🏻😎 .. ومنجذر الطرفين يا أما موجب + أو سالب -
2️⃣ إذا الجواب 🟣صفر 🟣
لها حل وحيد وهو العدد صفر 😌💪
3️⃣ إذا الجواب ⚪سالب 🥵⚪
للمعادلة مستحيلة الحل
👉😉

🌸أكييييد كلكن فهمتوا الملاحظة 😎💪

لا حدا يخربط طلابنا الحلوين.. 🌹💕🧡

📝✒️#لا تنسوا الدورة المكثفة.. لحق حالك احجز المكان ستبدأ الأحد إن شاء الله.. في معهد رسالتي بالجسر الأبيض ومعهد حافظ التعليمي بالبرامكة

🔵ملاحظة : يلي ثبت بالمعهد يخبرني مشان احسب حسابه بالنوطة.. ويلي بده يسجل يخبرني اليوم أو بكرا مشان احسب حسابه.. لأنه النوطات ع العدد..

بالتوفيق والنجاح الدائم يارب لطلابنا وطالباتنا الغوالي.. بحبكن كتير.. دمتم بخير 🧡🌹

طلابنا الغوالي.. يلي عم يسألني إذا في حدا بده يسجل جبر أو هندسة...
رح تكون التكلفة 30 ألف..

بينما كامل المادة 50 ألف..
ورح أبدأ بقسم الجبر.. وبعدين هندسة.. ويلي مهتم وبده هندسة يخبرني مشان خبره إيمتى رح تبدأ.. حسب ما خلص الجبر..
بالتوفيق والنجاح للجميع 🌷

مساء الخير طلابنا وطالباتنا الغوالي..

غداً ( في معهد حافظ التعليمي) سنحل أواخر تمارين جبر وسننهي منها ونبدأ بقسم الهندسة.. يعني أول ساعة جبر.. وثاني ساعة رح نبدأ هندسة إن شاء الله..
يلي حابب يبدأ معي بقسم الهندسة بكرا يجي ويدفع بس لقسم الهندسة.. يعني 30 ألف..

ملاحظة : تم تأجيل يوم الأربعاء لجلسة معهد حافظ التعليمي على أن يتم تعويضها لاحقاً..

يعني بكرا في جلسة بمعهد رسالتي و معهد حافظ

يلي مهتم وحابب يحضر هندسة سواء بمعهد حافظ أو برسالتي.. خبروني.. والتكلفة نفسها 30 ألف..

بالتوفيق والنجاح للجميع 🌺🌹

مساء الخير طلابنا وطالباتنا الغوالي.. اليوم أنهينا قسم الجبر في معهد رسالتي.. وسنبدأ بالهندسة غداً إن شاء الله.. وتكلفتها 30 ألف.. يلي مهتم وبدو يسجل هندسة غداً لآخر الدورة.. يحاكيني.. ومدتها 4 أيام..

ورح نكمل الهندسة في معهد حافظ التعليمي يوم الخميس.. يعني بكرا مافي جلسة..

بالتوفيق للجميع❤️

لا تيأسوا طلابنا الأكابر.. فقد اصبروا.. 🌹🌸

مساء الخير طلابنا وطالباتنا الغوالي...
ما بتعرفوا أديش كمية الفرح والسرور🌹🌸😍 لما بتحضروا الجلسات عندي وبقدم يلي عليي وبساعدكن قدر الإمكان.. الشهادة لله.. وخاصة في طلاب كانوا من البداية مستواهن سيئ.. وشفت الفرق بعد 4 جلسات وصرتوا شاطرين بالمادة بفضل الله وبفضل جهدكن وتعبكن.. 💕🤲🏻وإن شاء الله الكل بجيب 600🤲🏻.. طبعاً بعد عمل وبذل جهد وسعي كبير بالدراسة.. وإن شاء الله بتوصلوا لهدفكن وهو 600 بالرياضيات بالإضافة لبقية المواد بدنا نسكرها..
نسأل الله التوفيق والسداد والنجاح الدائم لطلابنا وطالباتنا.. وأن يكون لي سهم في مساعدة الطلاب وتحقيق آمالهم وطموحاتهم..

محبكم مازن هدلا 🌹🌸

طلابنا الأكابر يمكن حضور جلسات منفصلة غداً..

رح نحل بكرا مسألتين عن النسب الثلاث ونسبه التشابه.. بالإضافة إلى الطلبات بتتعلق الرباعي الدائري
بالإضافة إلى مسألة بتتعلق بالنسب المثلثية لزاوية حادة مع طلبات تتعلق بالكسر المختزل و القواسم المشتركة عددين صحيحين..

يعني 3 _ 4 مسائل .. كل مسألة ممكن تكون ب 80 - 100 درجة

تكلفة الجلسة غداً : 10000 ل. س

هي الجلسة رح تكون غداً في معهد رسالتي.. في دمشق

ملاحظة.. يلي حابب يجي ويكمل معي بكرا.. يخبرني مشان احسب حسابه بالنوطة
بالتوفيق والنجاح للجميع🌺🌹

مساء الخير طلابنا الأكابر..
في ملاحظة بدي أعطيكن ياها أغلب الطلاب بتجهلها تبع المستقيمات المميزة في المثلث وهاد الشي أخديهن بالصف الثامن ورح ذكركن فيهم :

1) الارتفاع في المثلث : هو المستقيم العمودي( النازل) من أحد رؤوس المثلث على الضلع المقابل له..

🔵يعني الارتفاع له شرطان:
* المار من الرأس
* العمودي على الضلع المقابل له.

2) المحور في المثلث : هو المستقيم العمودي على الضلع المقابل في منتصفه.
🔵يعني المحور له شرطان :
* العمودي على الضلع "مو شرط مار من الرأس"
* المستقيم ينصف الضلع المقابل له.

3) المتوسط في المثلث : هو المستقيم المار من أحد رؤوس المثلث و ينصف الضلع المقابل إلى قطعتين مستقيمين متساويتين.
🔵 يعني المتوسط له شرطان :
* المار من الرأس.
* ينصف الضلع المقابل له.

4) منصف الزاوية ولتكن A : هو المستقيم المار من أحد رؤوس المثلث ويقسم الزاوية إلى زاويتين قياساهما متساويان.
🔵يعني منصف الزاوية A له شرطان :
* المار من الرأس.
* ينصف الزاوية إلى زاويتين متساويتين..

🌸🌸💕أكييييد فهمتوا هي الملااااااحظة.. 👌🏻🌹💕

الله يرضى عليكم طلابنا وطالباتنا.. لا تخربطوا بيناتهن..😉 وافهموا التعاريف الأربعة فهم مو بس حفظ.. ومتعة الرياضيات هي فهم واستنتاج وتحليل..😎 مو كله حفظ.. لهيك مو صعب عليكن تجيبوا ال600.. يلي عم يشتغل على حاله بهي العوامل فهم وحفظ وممارسة التمارين.. صدقوني مو بس الرياضيات رح تجيبوا ال 600.. وحتى فيزياء وكيمياء واللغة الإنجليزية والفرنسية... الخ

ركزوا بدراستكن.. وشدوا همتكن.. كلها شهر ونص وبيخلص الامتحان.. وتذكروا منيح طلابنا الأكابر.. بقدر ما بتزرعوا بتحصدوا.. يعني يلي شاغل على حاله من أول السنة لآخر يوم امتحان بإذن الله بيجيب تامة وبيطلع مجبور الخاطر وبيكون مبسوط قد الدنيا ..
وحتى يلي مقصر شوي بالدراسة.. لسه في وقت وتلحقوا ترمموا الأفكار والنكشات.. وقادرين تجيبوا علامات عالية..
بس هدفنا الأكبر نسكر كل المواد.. وكلكن شاطرين و أذكياء..
فاعملوا جهدكن وتوكلوا على الله.. الله يرضى عليكن😌💪

🌹😍وربي يفرحني فيكم جميعاً وشوفكم من الأوائل وتجيبوا أعلى وأفضل العلامات بجاه النبي 🌹😘😍

بكرا الجلسة الأخيرة رح أعطي وحدة المجسمات..
بالإضافة إلى توزيع نماذج امتحانية..
يلي بده يحضر بكرا بمعهد حافظ التعليمي بالبرامكة أو بمعهد رسالتي.. يخبرني
مشان احسب حسابه بالنوطة..

تكلفة الجلسة غداً : 10000 ل. س

مساء الخير طلابنا التواسع الأكابر..
جلسات امتحانية لمادة الرياضيات قبل الامتحان :

رابط مجموعة الواتس للجلسات الامتحانية للصف التاسع لمادة الرياضيات في دمشق أ. مازن هدلا :


https://chat.whatsapp.com/LiUCFuWAg1LImK5ZDXkhB7
رابط قناة التلغرام :
https://t.me/+dK5JeiItmkdmYzNk

#رياضيات_مع_مازن_MH_Math

🔴#هام #طلاب_الشهادات💜
#نصائح لكم عند استلام البطاقات الامتحانية الانتباه بشكل جيد للتالي:
💥ان يكون الاسم والرقم الامتحاني واضح ومطبوع بشكل جيد.
💥أن تكون الصورة الشخصية مطابقة للاسم.
💥اسم المركز الامتحاني الذي ستقدم فيه.
💥التعرف جيدا على المعلومات الواردة في البطاقة.
💥الختم على الصورة .
في حال وجود أي خطأ يجب مراجعة إدارة المدرسة مباشرة.

مساء الخير طلابنا وطالباتنا الغوالي..
في كم نقطة مهمة حابب احكيها بخصوص امتحان أيا مادة..سواء للتاسع أو بكالوريا..
🌹 النقطة الأولى .. لا تقارن نفسك برفقاتك.. سواء من ناحية المادية أو المعنوية أو الخ.. وتقولوا هاد فلان أشطر مني ورح يسكر المجموع وأنا ما بيطلع بإيدي سكر المجموع مثله.. تذكر يا صديقي.. أنك أنت عملت يلي عليك والباقي على الله.. ورب العالمين بيقلك " لا يكلف الله نفساً إلا وسعها"
.. لذلك لكل إنسان الله عاطيه طاقة يستثمرها سواء من خلال الدراسة أو العمل..
مثال على ذلك.. إذا أنت لا سمح الله ماطلعلك غير مهني ورفيقك طلعله علمي.. هذا لا يعني أنك فاشل وهو مستقبله رح يكون مشرق وعلى مستوى.. لا أبداً..
ممكن بمجالك المهني رح تنجح أكثر من يلي فات علمي.. ولكن تذكر أنك عملت يلي عليك وسعيت كرمال لتحقق طموحك.. فرب العالمين رح يتداركك ومطلع على عملك ودراستك بكل خطوة عم تخطوها...
ثق تماماً يا صديقي.. أنه كل إنسان ناجح سببه التعلم من أخطائه السابقة..
على سبيل المثال وبفضل الله.. الطلاب يلي درستهن كانوا عندهن مشاكل بالمادة بسبب قلة التمارين وعدم التعلم من أخطائهم.. وبسبب ممارسة التمارين وتعلم الأخطاء أصبحوا باستطاعتهم حل أي تمرين خارجي بدون اي خطأ..

🌹 النقطة الثانية طلابنا الغوالي.. وهي الأهم.. ادرسوا المادة من مصدر واحد...
يعني يلي عنده أكثر من أستاذ وأكثر من نوطة وعامل أكثر من دورة.. صدقوني رح تضيعوا ومارح تعرفوا تشتغلوا وتدرسوا..
ممكن ببحث معين أو فكرة أو درس نستعين بمصدر ثاني إي.. أما المادة كلها.. من الصعب أنه نجيب العلامة ( طبعاً أنا عم احكي عن الطلاب يلي مستواهن جيد وتحت..)

لهيك طلابنا وطالباتنا الغوالي اعملوا جهدكن وتوكلوا على الله.. ولا تعتمدوا على حدا ولا تسمعوا من حدا ويقلك أنه لسه ما خلصت المادة ومارح أنجح وهيك.. هيك ناس ابتعدوا عنهم.. أنت اعمل يلي عليك والباقي على الله.. وأنتوا قدها وقدود طلابنا وطالباتنا الغوالي 🌹..

ربي يفتح عليكم فتوح العارفين ويوفقكم وتحققوا حلمكم يارب🌹🌸
وماتنسونا من صالح دعائكم 🌺🌸