بسم الله الرحمن الرحيم
{قُلْ إِن تُخْفُوا مَا فِي صُدُورِكُمْ أَوْ تُبْدُوهُ يَعْلَمْهُ اللَّهُ} [آل عمران: 29]

ربنا عليم بنوايا كل واحد ومش مطالبين نبرر أي حاجه لأي حد، لكن بما إن مؤخرًا إسم سبّورت بيتذكر بين بعض الناس بشكل مباشر أو غير مباشر بصورة لا تليق بالتيم ولا حتي بالكلية اللي إحنا فيها .. فـ قررنا نوضح بعض النقاط لأول وآخر مرة للكل حفاظًا على صورة أفراد التيم اللي كل شوية يشوفوا مسدجات تُسيء ليهم وتقلل من مجهودهم وشغلهم وتحبطهم أو حتي بتشكك في نواياهم وهما بيعملوا كل دا بشكل خالص لوجه الله

نبدأ ونذكر اسم الله قبل أي حاجة ، قال النبي صلّ الله عليه وسلم (لا ضرر ولا ضرار)، دا المبدأ اللي ماشيين بيه في التيم لا بنبص حد عمل إيه أو إحنا عملنا إيه، إحنا بنشوف إيه اللي ناقص في التيم وممكن يتعمل يساعد الدفعة وبنعمله في العموم لا عشان نضايق حد ولا مهتمين بحد، وكون التيم يحول فايلات أسئلة إحنا مجمعينها وعاملينها بمجهودنا بردو في صورة كويز دا ممكن يأثر على حد بإيه؟ يعني أنا هفترض إن النية لله وهو العليم بيها، فـ هل دا هينقص من أجر حد حاجة؟

ثانيًا: ردًا على الجزئية اللي كل شوية تطلع على سبورت 44 على موضوع إننا بناخد من حد حاجة مع إن أي حاجة بتنزل هي حاجة عادية جدًا معمولة قبل كدا كتير وبنطبقها بمحتوانا إحنا، بفايلاتنا وأسئلتنا وتفريغاتنا مش بناخد شغل حد تاني وننسبه لينا عشان حد يقول إننا بنسرقه أو بنقلده، فـ هل لما أي تيم بيستعين بفايلات سبورت 43 في أي حاجة لانه التيم الوحيد اللي يعتبر كان شغال في الفترة اللي إحنا فيها دي، هل إحنا أو هما بنقول حاجة؟ مع أن دا مجهودهم الأصلي، ورغم ذلك منزلناش أي حاجة تسيء لأي حد ولا إن حد بيسرقنا أو حد بيقلدنا أو أو أو ...
ودا ليه؟ لأن ببساطة لا ضرر ولا ضرار، أنت هتقدر تفيدهم خلاص جو أون.
هل عمرك سمعت إن سبورت اتكلمت عن أي تيم إنه سرق منها حاجة، همنع خير أنت تقدر تعمله ليه؟ أنت ممكن تعمل الحاجة دا أحسن مني وتنفع الناس أكتر مني فربنا هيحتسبلك الأجر وكذلك هيتحسبلي الأجر.

حابين بردو نوضح نقطة تانية لا تتعارض مع النقطة اللي لسه طارحينها
إننا لو اتكلمنا مرة مع أي تيم أنهم عملوا حاجة إحنا بالفعل بنعملها فدا لأن الحاجة دي أول مرة تتعمل في سبورت 44 وفي العموم زي فكرة الرسالة اليومية فبيبقى التواصل برايڤت مع أفراد التيم بشكل محترم لتوضيح وجهات النظر مش بنعمل دوشة على الفاضي كل مرة.

وخصوصًا إن الدفعه لما تلاقي أكتر من مصدر لأي حاجه فهي بتعتمد على الإتنين وقد كان في بنك زي د. وائل و حاجات تانية كتير

وأخيرًا، ياريت لو أي حد شايف إننا عملنا حاجة ضايقته أو وصله مننا إننا أنانيين أو غيره يتواصل معانا ويوضحلنا اللي وصله وإيه اللي كان مستنيه مننا بشكل لائق من غير ما نضطر ننزل حاجة ع القنوات والدفعة تشوف تيمات الدفعة بصورة مهينة شوية وأكيد هنوصل لحل يرضي الطرفين من غير ما نقلل من مجهود الطرف التاني أو من مجهود أفراد التيم الخاص بيه

وبالتوفيق للجميع ♥️

بعد طول انتظار…
نرحّب بكم في عالمكم المفضل، عبر بوابة الكلية، حيث تعود الذكريات للحياة من جديد.
هناك، ستجد نفسك محاطًا بنسختك القديمة؛ بذلك الطفل الذي كان يعيش أبسط وأجمل أيامه، فتتعلّق روحك بتلك اللحظات الدافئة التي لم تغادر قلبك يومًا.
خلف هذه البوابة ينتظرك عالم طالما حلمت بالعودة إليه…
عالم مليء بالنوستالجيا، بالألعاب، بالشخصيات التي صنعت طفولتنا، وبكل التفاصيل التي ما زالت تسكن ذاكرتنا حتى الآن.
بانتظاركم يا سكّان جميع الكواكب…
من “زمردة” وحتى “كوكب المغامرات”،
هنا وحصريًا عبر شاشتكم المفضلة و موطن الحصريات ،
يوم الأحد القادم 10/5/2026
في هول كلية الطب – الدور الأرضي.
نقدّم لكم:
SUPPORT NOSTALGIA 2026