*ተመለሺ ሱላማጢስ*
ተመለሺ ሱላማጢስ ተመለሺ
እናይሽ ዘንድ ተመለሺ
የአባትሽን ቤት አትርሺ
አዝ...
ኢሳያስ ዘምሮልሽ ፈጣን ደመና ያለሽ
ጌታን በጀርባሽ አዝለሽ በግብጽ በርሃ የዞርሽ
የበርሃው ሙቀት ንዳድ የለሊቱ ግርማ ከባድ
በአራዊት ድምፅ ሁካታ ልብሽ በጭንቅ ሲንገላታ
አዝ...
ስለ ልጅሽ ተርበሻል ጥማትንም ተጠምተሻል
ድካም መንገድ እንግልቱ እንዴት ቻልሽው አዛኝቱ
መሰደዱ ይበቃሻል ቅድስት ሀገር ይሻልሻል
አዝ...
በኢትዮጵያም እለፊ ደብር ቁስቋም ላይ እረፊ
ለዘላለም ከብረሽ በአርያም ንገሽ
አዝ...
የበደሌ ሸክም በዝቶ ብሰደድ ስንቄ ጠፍቶ
በይ መልሽኝ ከደጃፍሽ በክንዶችሽ እቅፍ አርገሽ
በአለም ስጓዝ አንቺን ትቼ ከኔ ርቆ ፍቅር ጣእምሽ
በበደሌ በኃጥያቴ ዛሬ እንኳን ብሸሽ
ተመለስ በይኝ እመቤቴበእናትነትሽ
አዝ...
የአዳም ተስፋው መድሃኒቱ ድንግል ማርያም አዛኝቱ
በሃዘንሽ በስደትሽ ታጥቦ ይጥራ እድፌ በእንባሽ
በቃኝ ዛሬስ ተሸነፍኩኝ እናቴ ሆይ በይ መልሺኝ
ፍቅር ጣእምሽ ታትሞብኝ ዛሬ ድህነት ባንቺ እንዳገኝ
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

ደረሰ ሰዓቱ
🌹🌹🌹🌹🌹🌹🌹🌹🌹
ደረሰ ሰዓቱ_እንገስግስ መቅደሱ
ሊዘረጋልን ነው_ቅኔ መወድሱ
የአባ ጽጌ ድንግል_የምስጋናው ሻማ
ሊበራ ሊነድ ነው_ለነፍስ የሚስማማ።

የተመረጠቱ _ እንደየ ፀጋቸው
መቋሚያ ጽናጽል_ ከበሮውን ይዘው
የድንግልን ስደት_ በዜማ እያዋዙ
በአንደምታው ምስጢር_ በረከትን ገዙ።

ተጠርተው በፍቅሩ_ የሄዱት ምዕመናን
መስቀልያ አጣፍተው_ተውብው በብርሃን
ሐሴት ተጎናፅፈው_በቅድስቷ ድንኳን
ሲታይ በረከቱ_ መዓዛ ወ ዕጣን
ይወስዳል በሀሳብ_ ወደ ሰማይ ዙፋን።

የአምላክን ምሕረት_ፈቅዶ መሰደዱን
ከከበረው ዙፋን_ ስለኛ መውረዱን
የላከው ወደ ግብጽ_ ሙሴን ያናገረው
እሱ ነው ጌታችን_ በማርያም ያደረው።

የቅዱሳን አበው _ የነ ኢሳይያስ
የአማልእክት አምላክ_ የሁሉም ንጉስ
አዶናይ መሆኑን_የጽድቃችን ልብስ
የማኅሌት ሲሳይ_ ለኛ ሲዳረስ
ዕጹብ ድንቅ ያሰኛል_ ፍቅሩ የኢየሱስ።

የቅዱሱን መጽሐፍ_ ተርጉመው ሊቃውንት
አልቀው አርቅቀው_ ፈጽመው ሰማዕታት
ግራ እንዳይገባን_ ቀምረው ስርዓት
በደም አጥንታቸው_ለኛ አስቀመጡት
ምስጋና ይግባቸው_ በቀን በሌሊት።

የኪዳን የሳዓታት_ የቅዳሴን ትርጉም
ያስተማረን ጌታ_ ቸሩ መድኃኒአለም
ከመምህሩ ሰምተው_ ከተቡት በእምነት
በክፉዎች ሴራ_ እንዳይፋቅ እውነት።

ዛሬ የምናየው _ ኹከት ልብሱ የሆነው
በሐሰት ኑፋቄ_ ትውልድ የሚያውከው
የበግ ለምድ ለብሶ_ የዋሕ የሚያስተው
ቀድሞ ይታወቃል_ አሁን ወቅቱ እኮ ነው።

ይልቅ ይሄ ሲያይል_ ክኽደት ሲበረታ
ፈርቶ ተደናግጦ_ በመጨነቅ ፈንታ
የጸኑት ያሉትን_ የጻፉትን እንይ
ቃሉን ከሸቀጡት_ በፍጥነት እንለይ
ወርደን እንዳንጣል_ በትጋት እንጸልይ።

የተዘጋች ደጃፍ_ሕዝቅኤል የሚላት
የእሰይ ልጅ ዳዊት_ የሚያመሰግናት
ሰሎሞንም ብሏል _ የታተመች ገነት
ነቢዩ ኢሳይያስ_ የመሰከረላት
ልዑል ለማደሪያው _ አንዴ የቀደሳት
ከተሰጣት ክብር_ ማን ነው የሚያወርዳት?
ይልቅ የታደለው_ስሟን እየጠራት
በፍቅሯ ይኖራል_ ብጽዕይት እያላት።

ጊዜ የማይሽረው_ በዐለት የተጻፈ
ከሰማይ ከምድር_ እጅግ የገዘፈ
ቃሉ የማይሻር_ በዘመን እርዝማኔ
መርጧታል ኢየሱስ_ ምስክር ነኝ እኔ።

የስደቷን ነገር_ መከራዋን አይቶ
ከአለማመን መንፈስ_ ፈቅዶ ተለይቶ
የክርስቶስ ፍቅር_ እውነቱ ሲገባው
ጣቶቹን አንስቶ_ ማሕሌቷን ጻፈው
አባ ጽጌ ድንግል_ የእውነት አበባ ነው።

በብዙ ምሳሌ _ እያመሳጠረ
ለትውልደ ትውልድ_ ቅኔን አስተማረ
ኋላ የተጠራው_ ቀድሞ ተከበረ
ወድቆ መነሳቱን_ ቆሞ መሰከረ
እናት ተዋሕዶ_ምስጢርሽ ደመረ።

ድንግል ሆይ
በስደትሽ ስደታችንን _ባርኪልን
ከልጅሽ ቸርነት _ ለምኚልን
ፍቅር አንድነትን_ ደራርቢልን
ከክፉ መናፍስት_ በኪዳንሽ ጠብቂን
መስሏቸው ከበረቱ_ ክደው የወጡትን
በአማላጅነትሽ_ መልሽልን
አሜን አሜን አሜን
ከእህተ ማርያም
♦️♦️♦️♦️♦️♦️♦️♦️♦️
@MENFESAWItsufoche
👆👆👆👆👆👆👆👆👆

፨ድንግል በስደትሽ፨
በወርሀ መስከረም በዓመቱ መግቢያ፣
እስኪ ትንሽ ልበል ስለ እመቤታችን ስደት በኢትዮጵያ።
የወራት መነሻ የአበቦች ማፍሪያ፣
መአዛሽ ያውዳል የለሽም አምሳያ፣
ለ 7ቱ አጽዋማት መንገድ ጠራጊ ነሽ፣
ሰው ሁሉ በፍቃድ ሁሌ የሚጾምሽ፣
በአበባዎች ዘመን ሰው ሁሉ ሲደሰት፣
ወላዲተ አምላክ ወጣች ወደ ስደት።
ህጻኑን ታቅፋ ከነዮሴፍ ጋራ፣
ስደትን ጀመረች አቋርጣ ተራራ፣
ይህ ሁሉ መከራ መች ለእሷ ይገባል፣
ለእኛ ለልጆችሽ ምሳሌ ሆኖናል።
ስደት ጀማሪዋ ወላዲተ አምላክ፣
ሁሌ የምትሰጠን አዲስ ህይወት ታሪክ፣
በዛ በግብፅ ሀገር ሀሩር በበዛበት፣
እርሃብና ጽሙ የአሸዋውም ግለት፣
ሁሉንም ታግሰሽ ካሳ ከፈልሽልን፣
አንች ተቀብለሽ ስደት መከመነሻ።
ያዳም ልጁ ተስፋ ከሞትም መነሻ፣
ድንግል እናታችን የገነት መውረሻ፣
የነገስታት ንጉሥ በእጅሽ ታቅፈሽ፣
ውሃ ጥሙን ሁሉ ኧረ እንደምን ቻልሽ፣
አንች መልካም እርግብ የትህትና እናት፣
በዛ በመከራ በስደትሽ ወራት፣
ዬሴፍ ሰሎሜ ከልጅሽ በስተቀር፣
ኧረ ማን ነበር የሚያጽናናሽ በፍቅር?
ኮቲባ በንቀት ልጅሽን ስጥለው፣
የትዕማር ክፉ ሃሳብ ልብሽን ሲያደማት፣
አምላክነቱን ገልጦ ምድር ሲወጣቸው፣
አይተናል ሰምተናል ሁሉ ይቻለዋል፣
ለበዛው ምህረቱ ክብር ይገባዋል፣
የሽፍቶቹን ኮቴ ከእሩቅ ስትሰሚ፣
ልጄን ሊገድሉት ነው ብለሽ ስትሰጊ፣
ይህን ሁሉ ሰቆቃ መራሩ ሀዘንሽ፣
መዳኛ ሆኖናል ለአስራት ልጆችሽ።
በስደትሽ ወራት ሀዘን በበዛበት፣
ሰሎሜና ዪሴፍ አገኙ በረከት፣
በጽጌ ማህሌት ካህናት ድያቆናቱ፣
ምዕመናን ምእመናት አዛውንት ወጣቱ፣
ንኢ ንኢ ብለው በፍቅር ሲጣሩ፣
የሁሉ እመቤት መጣች ከቤታቸው ለሁሉም ማህበሩ፣
ድንግል ባንቺ ስደት እንድንማር ጽናት፣
እኛንም አድኝን ከመከራ ጭንቀት።
የልጆችሽን ልመና ድንግል ትሰሚያለሽ፣
እሩህሩህ ነሽና ታማልጂናሽ።
ይህን ካልኩ ይብቃኝ ድንግል ለስደትሽ፣
መቼም አልጨረሰው ስዘረዝር ብውል።
የአማኑኤል እናት ክብር ይገባሻል፣ የአስራት ልጆች ሁሌም ይጠሩሻል፣
ከጭንቅ ከመከራ ሁሌ እንድታወጭን፣
ሰላምና ጤና ፍቅርንም አድይን፣
በሄድንበት ሁሉ ጠበቃ ሁኚልን።

ከዲ/ን ሃብተ ማርያም 2011ዓ.ም
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

አንድም መፃፋን በመግዛት የነፍስ የስጋ ምግብ እናግኝ በሌላ በኩል ለታላቁ ለግሽን ደብረ ከርቤ ህንፃ ቤተክርስቲያን እድሳት ተሳትፎ በማድረግ ሰማያዊ በርከት ለማግኘት እንሽቀዳደም።
🪔✨🪔✨🪔✨🪔✨🪔✨🪔✨🪔
@MENFESAWItsufoche
🪔✨🪔✨🪔✨🪔✨🪔✨🪔✨🪔

አዝላው_ወረደች
💧💧💧💧💧

አዝላው ወረደች ወደ ግብፅ /2/
ስደተኘዋ ያምላክ እናት
ይህች ዓለም ለእርሷ መች ተገባት
ዓለም በምንዋ ታስተናግዳት
የፍቅር ምንጩ ተሟጦባት
እነ ኮቲቫን እየላከች
የአምላክን እናት ተሳደበች
እነ ሄሮድስን እዬላከች
ህፃኑን ልትገድል አሳደደች
የክብርን ጌታ ተሸክማ
ውርደት ለበሰች እንደ ሻማ
የሀብቱን ጌታ በጀርባ አዝላ
ሰው ተዘከራት ተቸግራ
በቃሉ ትዕዛዝ ምድርን ሰርቶ
ተንከራተተ ማደሪያ አቶ
ጌታ ሲወለድ የምስራች
በረት ሰጠችው ዓለም ታካች
ግና መላእክት በሰማያት
ሀሌ ሉያ አሉ በፍርሃት

🌹🌹🌹🌹🌹🌹🌹🌹🌹🌹
@MENFESAWItsufoche
🌹🌹🌹🌹🌹🌹🌹🌹🌹

በዘማሪት እስክዳር
🌹🌹🌹🌹🌹🌹🌹🌹🌹🌹
@MENFESAWItsufoche
🌹🌹🌹🌹🌹🌹🌹🌹🌹🌹

መድሃኔዓለም ነው!
📍📍📍📍

ከሰማያት ወርዶ
ከድንግል ተወልዶ
ክብሩን ሁሉ ትቶ
ያከበረኝ ሞቶ
የነፍሴ ቤዛዋ
ዘውድ ማአረጉዋ
የንጉሶች ንጉስ
የድኩማን ሞገስ
አምላኬ የምለው
መድሃኔዓለም ነው።
         ✍ቃልኪዳን ተፈራ

📌➴📌➴📌➴📌➴📌➴📌
  @MENFESAWItsufoche
☔☔☔☔☔☔☔☔☔

፨ስደቷ ፍቅር ነው፨
ከአረጋዊው ዮሴፍ ጋር-ኤልሻዳይን አዝላ
ሰሎሜም ሳትቀር-ወጡ ከገሊላ
የአስራአምስት ዓመቷ-ድንግል ማርያም
በግብፁ በረሀ-ገጠማት ድካም።
ዐፈሩ ረመጥ ነው-እጅግ የሚያቃጥል
አሸዋ ድንጋዩ-እንደ ብረት የሚግል
አየር እንፋሎቱ-ልብን የሚሰውር
የነበረው ስቃይ እንደምን ይዘርዘር?
ያስጨንቃል በጣም-የመከራሽ ነገር።
በትንቢተ ሆሴዕ-የተጻፈውን
ምስጢራዊ ትንቢት -ሄደ ሊከውን
የድንግል ማርያምን ልጅ-እየሱስ መድኽን
እፁብ ድንቅ ያሰኛል-የእግዚአብሔር ማዳን።
በፈጣን ደመና-ወደ ግብጽ በረረ
በማለት ኢሳይያስ -ተናገረ
ፈጣኗ ደመና-ወለተ ኢያቄም
ማህደር መለኮት-ነጻነቱ የአዳም።
ከሶስቱ አካል አንዱ-ኢየሱስ ክርስቶስ
ተወልዷል በበረት-ሞትን ሊደመስስ
በገባው ቃልኪዳን -በቀጠሮ መጣ።
በከብቶቹ በረት-ቢታይ በትህትና
የሕይወት እንጀራ-የሰማዩ መና
የዳዊት የሙሴ-የነቢያቱ ዜና
ተፈፅሞ ስናይ-ዘመረን በበገና።
እረኞች በቦታው-ከመላእክት ጋራ
ስብሐት ለስላሴ-ብለዋል በጋራ
ንጉሥ ተወለደ-በዳዊት ከተማ
እሰይ የምስራች-በዓለም ይሰማ
ነበረ የዚያን ጊዜ-የደስታቸው ዓርማ።
መወለዱን የሰማው-የሄሮድስ በውሸት ተነስቶ
ብዙ ህጻናትን-ቦታው አስጠርቶ
እርዳታ ልሰጥ ነው- በሚለው ትዕዛዝ
የዋሃን እናቶች-የሆዳቸውን ፍሬ ወደ እሱ አበጋዙ።
ገስግሰው ሲደርሱ-የሆነው ሌላ ነው
ለጨካኝ ሰራዊት -ደም ለጠማቸው
የህፃናቱን አንገት-ቆራርጡት አላቸው
ለወንበር ለስልጣን -ስለ ተማረከ
የስላሴን ዘፍጥረት-በሰይፉ አወከ።
የሰባሰገሎች-ጥበብ ስላልገባው
የተወለዱትን-በሙሉ አስጠራቸው
የተባለው ትንቢት-እንቅልፍ ስለነሳው
የነገስታትን ንጉሥ -አስቦ ሊያገኘው
ከዚህ ድንቁርና-ሰውረን ማለት ነው።
የነፍሳቱ ደም-ወረደ እንደ ጎርፍ
በዚያች ከተማ-ቤቴሌሔም ደጃፍ
በከንቱ ሰዋቸው-በመሰለው ነገር
ህፃኑ ግን ሸሽቷል-ወደ ሌላ ሀገር
የስላሴ ጥበብ -ከቶ አይመረመር።
ዛሬም በዚህ ዘመን-አሉ ብዙ ሞኞች
በአለማዊ ጥበብ -በባዶ ተሟጋች
ማመን አለማመን-የነሱ ድርሻቸው
እውነትን መመስከር -የልጅ ግዴታ ነው
ሂዱና አስተምሩ-መልሱ ነው የሚለው።
ሰለኛ ተሰዳ-ተስፋን ለሰጠችን
በልጇ ቸርነት-ስለተጎበኘን
እንደ ቅዱሳኑ-ነይ ነይ እንላለን።
በአፀዷ በቅጽሯ-ጽዮንን ከበናል
የአባ ጽጌ ድንግል-በረከት ደርሶናል
በሰማያዊው ስልት-ማኅሌት ቆመናል
አቤት ያለው ደስታ-ዓለምን ያስረሳል።
ዶግማ የማይሻር-ከቶ የማይታደስ
ሕጉ አምላካዊ-በፍፁም የማይፈርስ
ሕጉ አምላካዊ-በፍጹም የማይፈርስ
ቀኖና ፍትሐዊ-ጭንቀት የሚበጥስ
ትውፊት ታሪካዊ-ለልጅ ልጅ የሚደርስ
የእውነት ቅብብሎሽ-አንዱም አይፋለስ
በዋሻ ገደሉ-ጤዛውን በመላስ
ተግተው ይቆማሉ-እንዳለው ጳውሎስ።
በምድራችን ሰላም-እንዲሆን ደስታ
ትውልዱ እንዲጠግብ-በአጋፔው ገበታ
በንስሐ ታጥቦ-ልቡ እንዲበረታ
ድንግል ሆይ አሳስቢ-ለታቀፍሽው ጌታ።
የቤሌሖር ልጅ-ወድቆ እንዲሰበር
ዳጎናዊው መንገድ-በእውነት እንዲታጠር
የዲያብሎስ ውጊያ -በቃልህ እንዲሞት
አስነሳልን አምላክ-የበረታ አባት
ለመንጋው እራርቶ-የሚያፀና በእምነት።
ነኽምያን ላከው-ያንጽ ቤተመቅደስ
የአምልኮ ስፍራ-ለሁሉ እንዲደርስ
ሳሙኤልን ስጠን-ወንጌልን ሰባኪ
በፀጋው በጥበብ -ራዕይን አሳኪ።
አባታችን ሙሴ-የማርያም ወንድም
ስማን አሳስብልን-ለመድሃኒዓለም
በኑፋቄ ባሕር -ገብተን እንዳንሰጥም
ክፍልና አሻግረን-ተጨንቀናል በጣም
በተሰጠን ጊዜ -ለመኖር አልቻልንም።
ከውብ ዜማው ጋራ-ቅዱስ ያሬድ ይምጣ
ምስጢር በማፋለስ -ከሕግ እንዳንወጣ
እናንብብ እንጠይቅ-እንማር ከአበው
ከእውነተኛ መምህር -ለኛ ከሚገባው
አምላክ ይሰውረን -ለኛ ከሚገደው
አምላክ ይሰውረን -አሁን ከምንሰማው።
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

ንግስተ ሰማያት ወምድር ማርያም ድንግል/×2
ተፈፀመ/×5 ማኅሌተ ፅጌ
እንኳን ለማኅሌት ፅጌ ፍፃሜ በሰላም አደረሳችሁ አደረሰን
🌹🌹🌹🌹🌹🌹🌹🌹🌹🌹🌹
@MENFESAWItsufoche
🌺🌺🌺🌺🌺🌺🌺🌺🌺🌺🌺

*እቴ ውቤ*
እቴ ውቤ ሙሽራዬ/2/
የባሕርየ መመኪያዬ
የክብር አክሊል መጽናኛዬ፡፡
ምሥራቅ ሆነሽ ፀሐይን ወልደሽ
ደኅንነት ሰላም በእጅሽ ይዘሽ
ለዲያብሎስ መርዶ ሆነሽ፡፡
ሻማ ሆነሽ ልታበሪ
ድርሺልኝ ስትበሪ፡፡
ሱላማጢስ አንቺ እናቴ/2/
ፈጥነሽ ነይ እመቤቴ
በአንቺ ሊጠግ የአዳም ቁስሉ
ሊጠፋልን ሊከስምልን
ያ የሲኦል ነበልባሉ፡፡
እቴ ውቤ እመቤቴ/2/
ፍጠኚልኝ ነይ በሞቴ
ለእርቃኔ ልትሆኚኝ ልብስ
ለሕመሜ ልትሰጪኝ ፈውስ
ረሀቤም እንዲታገስ
ሕብስት ይዘሽ ሆነሽ መቅደስ
ውዴ ነይ ከሊባኖስ፡፡
ክብር ሰጥቶሽ ህያው ልጅሽ
ወረቅ ለብሰሽ ተጎናፅፈሽ
የምትቆሚ በልጅሽ ቀኝ
እኔ ኃጡኧን አማልጅኝ አክብሪኝ
ውዴ እርሺው ያን ቤትሽን
የቀድሞውን ያባትሽን፡፡
ውቤ ውዴ እመቤቴ/2/
የክብር ማማ ሰገነቴ
መርሕ ፋና ለህይወቴ
ፈጠኚልኝ ነይ በሞቴ/2/
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

እንኳን ለቁስቋም ማርያም በሰላም አደረሳችሁ አደረሰን!
🌺🌺🌺🌺🌺🌺🌺🌺🌺🌺
@MENFESAWItsufoche
🌺🌺🌺🌺🌺🌺🌺🌺🌺🌺🌺

፨ጨረስኩ ሳልጀምረው፨ 📝✏️
ከፊደላት ተራ ከሆህያት ገብቼ
ክብርሽን ለመግለጽ አሙልቼ አስፍቼ
አበው ሲናገሩ ስላንቺ ሰምቼ
ቃላትን ከቃላት መርጬ አሳክቼ።
<ሀ>ብዬ ጀመርኩኝ ልናገር ጸጋሽን
መጽሐፍ ከሚለው በልቢም ያለውን
አባቶች ቅዱሳት ያስተላለፉትን
በሕይወት ከነሱ የተቀበልኩትን።
ከነ<ሀ> ነጎርቤት ከነ <ለ> አዝማዳት
በሰባት በሰባት ከተከፋፈሉት
ከላይ እስከታች የተደረደሩት
እስከነ <ፐ >ድረስ ከተሰበሰቡት።
ያንንም ሳወጣው ይንንም ስመዘው
ጥንት የመረጥኩትን መልሼ ስተወው
ፊት ያስገባሁትን ኃላ ስመልሰው
አንዱን አስገብቼ ሌላውን ሳወጣው
ፈጽሜአለሁ ብዬ የፃፍኩትን ሳየው
ድንግል ውዳሴሽን ጨረስኩ ሳልጀምረው።
🌺🌺🌺🌺🌺🌺🌺🌺🌺🌺

የፆመ ፅጌ ፍፃሜ
@MENFESAWItsufoche
🌺🌺🌺🌺🌺🌺🌺🌺🌺🌺

ቀፀላ መንግስቱ
🌺🌺🌺🌺🌺🌺🌺🌺🌺
@MENFESAWItsufoche

፨የአፎምያ አጽናኝ፨
            🕯
     🕯🕯🕯🕯
            🕯
            🕯
            🕯
ከቀደመው መንገድ ከላይ በተሰጠን
ዕድሳት በማያውቅ በማይሻርው ዘመን
በድንቅ ምስክሮች ብርሃን በሆኑን
እንድንጓዝ ሁሌም የአፎምያ አጽናኝ
ጠላት ቀስቱን ሰብቆ ሊያጠፋን ሲመጣ
እንደ ቋጥኝ ከቦን የዚህ አለም ጣጣ
በከንቱ ስንሮጥ ኋላ እንዳንቀጣ
አማልደን መላኩ የነፍሳችን ዕጣ
የሁሉንም ጸሎት ከአምላክ የምታደርስ
ፍቅር እና ርህራሄ በሰው የምታለብስ
ልክ እንደ ትላንቱ ዛሬም ፈጥነህ ድረስ
በአንደበትህ ፍሬ ውስጣችን ይታደስ
የዳንኤል አጽናኝ የአፎምያ ረዳት
በህይወት የቀየርክ የባህራንን ጽሕፈት
በለአምን የታደክ ከእርግማን መቅጸፍት
እኛንም ጠብቀን ከምናየው መአት
የምጽአት ዋዜማ ለመሆኑ ምስክር
በመጽሐፍ ያለው ቃሉ ሲተገበር
መተማመን ጠፍቶ ሲቀዘቅዝ ፍቅር
በወንጌሉ አንድምታ ልባችን ይታጠር
ይቅርታ ምህርቱ ይምጣልን የእግዚአብሔር
እረኛ እንደሌለው ሲጨነቅ ትውልዱ
ተመሳስሎ ቆሞ ሲያስት በመንገዱ
ግራ በመጋት ስንቶቹ ተጎዱ
በየዋህነታቸው አብረው ተሰደዱ
ዘንዶ አፉን ከፍቶ ነፍሳት እንዳይወጥ
የተዋህዶን መዝገብ እውነቱን ለመግለጥ
የቆመውን ሁሉ በአውደ ምህረቱ
ያበረታን አምላክ እሰከ ምጽአቱ።

           🕯🕯🕯
እንኳን ለሊቀመላአኩ ለቅዱስ ሚካኤል ክብር በዓል በሰላም አደርሳቹ አደረሰን የመላአኩ ረድኤት እና ምልጃው አይለየን አሜን!

✤✤✤✤✤✤✞✤✤✤✤✤✤
  @MENFESAWItsufoche
✤✤✤✤✤✤✞✤✤✤✤✤✤

#እንኳን_ለሊቀ_መላእክት_ቅዱስ_ሚካኤል_ክብረ_በዓል_በሰላም_አደረሳችሁ_አደረሰን♥♥♥

          #ጎጆ_ቀለስኩልህ

         (በሰመረ ፍስሃ)

በአውላላ ሜዳ በጠራራ ፀሐይ
ከአስፓልቱ አጠገብ ስኖር ጎዳና ላይ
የበጋውን ንፋስ በዙሪያዬ ከቦኝ
እንደ ዥዋዥዌ ወዲያ ሲወስደኝ፡፡
...................ወዲህ ሲመልሰኝ

ዝናቡ በተራው ጉዴን ተመልክቶ
...................ጉድፌን አፅድቶ
ይወደኝ ይመስል ልብሴን ያጥብልኛል
ጎጆዬን አፈራርሶ በብርድ ይገርፈኛል፡፡

ከዚህ የባሰ ግን ሰዉ ነው 'ሚገርመኝ
በነጋ በጠባ መተንፈሻ ያሳጣኝ፡፡

ስለተናገርኩኝ ማጣት መከፋቴ
የእውነት ስለኖርኩኝ ውሸትን ጠልቼ
አፋቸውን ሞልተው እብድ ነው ይሉኛል
አንዳንዴ ሲያሻቸውም ድሃ ነው ይሉኛል፡፡

የሆነው ሆነና ቅር አላለኝም
አጣሁኝ ብዬም አላማረርኩም
ጌታ እንዳስተማረኝ ለበጎ ነው ብዬ
የማይቻል የለም እኖራሎህ ችዬ፡፡

ይሄውልህ ግን ሚካኤል ሆይ...
የሰው ልጅ ሲሸሸኝ ማንነቴን አይቶ
ሰላምታ ሲነፍገኝ ኑሮዬን ተመልክቶ
አንተ ግን አንተ ነህ የአምላክ መልእክተኛ
ሁሌ  'ምትጠብቀኝ መቼም የማተኛ፡፡
ምንም ሳይገድብህ ከቤቴ ገብተሀል
ድሃዋን ጎጆዬ በፍቅር ጎብኝተሀል፡፡

እናም ሚካኤል ሆይ....
ከኔ እንዳትርቅ ስለሳሳሁልህ
በንፁህ ልቤ ውስጥም ጎጆ ቀለስኩልህ፡፡
❖==✿==❀==✞==❀==✿==❖
@MENFESAWItsufoche
✧✧✧✧✧✧✧✧✧✧✧✧

እንኳን ለፆመ ነብያት/የገና ፆም/
በሰላም አደረሳችሁ አደረሰን!
የበረከት ፃም ይሁንልን 🙏
ህዳር 15/2017 ዓ.ም የፆሙ መግቢያ ነው ።
✨🪔✨🪔✨🪔✨🪔✨🪔✨
@MENFESAWItsufoche
✨🪔✨🪔✨🪔✨🪔✨🪔✨

+++ድንቅ ልዩነት ተመልከቱ+++

በዓለም ለመጀመሪያ ጊዜ ፈርዲናንድ ማጄላን ዓለምን በመርከብ ዞረ።

👉ሐዋርያቱ ደግሞ መርከባቸውን ጥለው ዓለምን ዞሩ!

ዛሬ ይዘንባል እያሉ ትንቢት የሚተነብዩ ሜትሮሎጂስቶች ሞልተዋል።

👉እንደ ኤልያስ ዝናብ እንዳይዘንብ ሰማይን የዘጋ ዳግመኛም ዝናብን ያዘነበ ከቶ የለም።

በላብራቶሪው ተመራምሮ ህሙማንን የፈወሰ ሞልቷል።

👉እንደ ጴጥሮስ ጥላው ድውይ የፈወሰ ከቶ አላየሁም።

በዘፈኑ አጋንንትን የጠራ እንደ ማይክል ጃክሰን ሞልቷል።

👉እንደ ዳዊት በበገና መዝሙሩ አጋንንትን ያስወጣ እስከ ዛሬ አልተገኘም።

ከረቫትና ሱፉን ለብሰን የምንጎራደድ ሞልተናል።

👉የልብሱ ቁጨት አጋንንት ያስወጣ እንደ ጳውሎስ ከቶ አልተገኘም።

የግብጽ ነገሥታት አጽማቸው በክብር ይቀመጣል።

👉ዐጥንቱ ሙት ያስነሳ እንደ ኤልሳዕ ከቶ አላየንም።

በአሜሪካ የነገሥታትን ምሥጢር የሚሰልሉ ድርጅቶች ሞልተዋል።

👉እንደ ኤልሳዕ በእስራኤል ሆኖ በሶሪያ ቤተመንግሥት የሚደረገውን ምሥጢር ያወቀ አልተገኘም።

ለመጀመሪያ ጊዜ ጨረቃን በእግሩ የረገጠ ዩሪ ጋጋሪ ዛሬ ብዙዎቹ አድርገውታል።

👉እንደ ኢያሱ ፀሐይን ያቆመ ከቶ አልተገኘም።

በነገራችን ላይ በተፈጥሮ ሕግ መሰረት ፀሐይ በመሃል ቆማ መሬት ዙሪያውን ትዞራለች። በፀሐይ ፊት ያለው የመሬት ክፍል ቀን ሲሆን ሌላኛው ጎን ደግሞ ማታ ይሆናል።

እነ ኢያሱ በሚዋጉበት ጊዜ መሬት ከፀሐይ ፊቷን አዙራ ቀኑ ሊጨልም ነበር።

👉ኢያሱ ግን መሬት እንዳትዞር አደረጋት! ፀሐይን በገባኦን አቆመ ተባለ! መጽሐፈ ኢያሱ ወልደ ነዌ

ሕዝቡም ጠላቶቻቸውን እስኪበቀሉ ድረስ ፀሐይ ቆመ፥ ጨረቃም ዘገየ። ይህስ በያሻር መጽሐፍ የተጻፈ አይደለምን? ፀሐይም በሰማይ መካከል ዘገየ፥ አንድ ቀንም ሙሉ ያህል ለመግባት አልቸኰለም።

👉 እግዚአብሔር ለእስራኤል ይዋጋ ነበርና ((እግዚአብሔር የሰውን ቃል የሰማበት እንደዚያ ያለ ቀን ከዚያም በፊት ከዚያም በኋላ አልነበረም።))
የዓለም መሪዎች ከአስር በላይ ቋንቋ መናገራቸውን እንጃ፤

👉ሐዋርያቱ ግን 72 ቋንቋ ተገለጠላቸው።

ኃያላን ነገሥታት ድውይ እንኳን መፈወስ አይችሉም።

👉ቅዱሳኑ ግን የ70 የ80 ዘመን ሬሳ አስነሱ።

👉ጠቢባን ነን የሚሉ ጸሐፍት ፈሪሳዊያንን ምላሽ ያሳጣቸው ዘንድ ጥበብ ያልነበራቸውን ዓሳ ወጋሪ የነበሩ ሐዋርያትን መረጠ።

ኃያላን ነገሥታት የመሰሉ መሪ ዳዊትን የመሰሉ ነገሥታትን የወለዱ የከበሩ እናቶች ሞልተዋል።

👉የነገሥታትን ንጉሥ ክርስቶስን የወለደች እናት ግን አንድ ብቻ ናት።

ይህችውም ከሴቶች መካከል ተለይታ የተባረከችው ድንግሊቱ 👉 ማርያም ናት 👈


ስብሐት ለእግዚአብሔር!

📌📌📌📌📌📌📌📌📌
@MENFESAWItsufoche

~ኅዳር 21~

እንኳን-ለቅድስት_ጽዮን_ድንግል_ማርያም አመታዊ በአል በሰላም አደረሳችሁ🙏🙏

  ~ኅዳር ሃያ አንድ ቀን ጽዮን ማርያምን የምናከብርባቸውን ምክንያቶች ~።

በዚህች_ቀን:-
✞ ታቦተ ጽዮን (ጽላተ ኪዳን) ለሊቀ ነቢያት ቅዱስ ሙሴ መሰጠቷን እናስባለን።

✞ ታቦተ ጽዮን በምርኮ በሄደችበት በሀገረ ፍልስጤም ዳጎን የተባለ የአህዛብን ጣኦት አድቅቃ በድል የተመለሰችበትን ዕለት በማሰብ።

✞ በዘመነ ልበ አምላክ ቅዱስ ዳዊት በአሚናዳብ ሠረገላ ሁና ከአቢዳራ ቤት ስትመጣ ቅዱሱ ንጉሥ በታላቅ ሐሴት በፊቷ ዘመረ። አገለገለ። ምድራዊ ክብሩን እስኪረሳ ድረስ ለታቦተ አምላክ የተቀኘላት በማሰብ።

✞ ታቦተ ጽዮን ንጉሥ ሰሎሞን ወደ ሠራላት ቤተመቅደስ በክብር የገባችበትን ዕለት በማሰብ፤

✞ የቀደሙ ነብያት ስለእመቤታችን በተለያየ አምሳል ያዩበት ለምሳሌ፦ ነብዩ ዕዝራ በሃገር መንፈሳዊት፣ ሕዝቅኤል በተዘጋች ቤተመቅደስ፣ ዘካርያስ በተቅዋመ ወርቅ ወዘተ ያዩበትን ዕለት በማሰብ፤

✞ ቀዳማዊ ምኒሊክ ከዐሥራ ሁለቱ ነገድ እስራኤል የበኩር ልጅ ጋር ሊቀ ካህናቱን  አዛሪያስንና ታቦተ ጽዮንን ይዞ አክሱም የደረሰበትን ዕለት በማሰብ፤

✞ በዘመነ አፄ ባዜን (በ4 ዓ/ም አካባቢ) አማናዊት ጽዮን ድንግል ማርያም ወደ አክሱም ጽዮን በስደት መጥታ ገብታለች። በዚህ ጊዜም 2ቱ ጽዮኖች ሲገናኙ ታላቅ ብርሃን አክሱምን ውጧታልና ይህንንም በማሰብ፤

✞ በአብርሃ ወአፅብሃ ዘመነ መንግስት ክርስትና የኢትዮጵያ ብሔራዊ ሃይማኖት ሆኖ አዋጅ የታወጀበትን በማሠብ፤

✞ አብርሃ ወአጽብሃ በወርቅና በዕንቁ ያሠሩት ባለ አሥራ ሁለት ክፍል ቤተ መቅደስ ለመጀመሪያ ጊዜ ቅዳሴ ቤቱ የተከበረበት ዕለት በመሆኑ፤

✞ በዘጠነኛው መቶ ክፍለ ዘመን ዮዲት ጉዲት አብያተ ክርስቲያንን ስታቃጥል ታቦተ ጽዮንን ይዘው ወደ ዝዋይ ሀይቅ ከተሰደዱ በኋላ ዘመነ ሰላም ሲጀመር አክሱም በነበሩ ካህናት አስታዋሽነት ከዝዋይ ወደ አክሱም የገባችበት ዕለት በመሆኑ፤

በእነዚህ ምክንያቶች በመላው ኢትዮጵያ በተለይም በርእሰ አድባራት ወገዳማት አክሱም ጽዮን ከፍ ባለ መንፈሳዊ በዓል እናከብራለን።

#ድምፀ_ተዋህዶ

🕯🕯🕯🕯🕯️🕯️
🕯ፅዩን ማርያም🕯
🕯🕯🕯🕯🕯🕯

ፅዮን ማርያም አማላጅዋ
ግሩም ድንቅ ነው ከለላዋ
ተነግሮ አያልቅ ጥበቃዋ።
ስሟን ስጠራ ተጨንቄ
ፅዮን ማርያም ስላት አጥብቄ
ሰለምናት ለመንገዴ እንድትሆነኝ ስንቄ ፣
ተናግሬ ሳልጨርስ
ከተፍ አለች እኔኑ ልታድስ።
ልትመራኝ ደግፋ ልትሆነኝ ተስፋ
ልትታደገኝ በይፋ።
ምኞትህ መልካም ነው ልጄ፣
አትጥፋ እንግዲ ከደጄ
ብፅዕት ነሽ በለኝ አሁንም ወዳጄ
አስታርቅሃለሁ አማልጄ፤
እያለች ስታፅናናኝ
ፅዮን ማርያም እመቤቴ
መታወቂያ የእኔነቴ
መንገድ መሪዬ መስታወቴ
የኑሮዬ ትርጉም የልማቴ
የድካም ሁሉ ብርታቴ
ምቹ ማረፊያ የስደቴ።
ርቄ ብሄድ ባህር ማዶ
መቼ ሆነ ቤቴ ማዶ
እንባዬ ታብሶልኝ
ፀሎቴ ተሰምቶልኝ
መውደዴ ተቆጥሮልኝ
ፅዮን ማርያም አብራኝ መጣች
ጣፋጭ ቃሏን እያሰማች
ብፅዕት ነሽ በለኝ እያለች።
* * */ /* * *
ወስብሐት ለእግዚአብሔር
ወለወላዲቱ ድንግል
ወለ መስቀሉ ክቡር።
**********
🔔🔔🔔🔔🔔🔔🔔🔔
እንኳን ለእናታችን ለቅድስት ድንግል ማርያም ዓመታዊ ክብረ በዓል በሰላም አደረሳቹ አደረሰን!!!
የእናታችን ፂዮን ረድኤት እና በረከት በሁላችንም ላይ ይደር አሜን!!!
🔔🔔🔔🔔🔔🔔🔔🔔🔔

🕯❖🕯❖🕯❖🕯❖🕯❖🕯
✨ @MENFESAWItsufoche✨
🕯❖🕯❖🕯❖🕯❖🕯❖🕯