የንጉስ ጭካኔ ፥ ክንዱ ቢበረታ፤
ለጣዖት ሳንሰግድ፥ እኛ ሳንረታ፡፡
የምናምነው አምላክ፥ ሊያድነን ወደደ፤
ገብርኤል መጣና፥ እሳቱ በረደ፡፡
፤
ፍላፃና ሠይፉን፥ አጠፈው መላኩ፤
ሰላም ይዞ መጣ፥ ባለም ለታወኩ፡፡
አትጠራጠሩ፥ ምልጃው ያስምረናል፤
የሚነደው እሳት፥ ሳይነካን ወተናል፡፡
፤
የሰልስቱ ደቂቅ፥ የእጠሉጣ ብርታት፤
የድንግል አብሳሪ፥ የቂርቆስ ረዳት፡፡
በሚመጣው አለም፥ እንዳይበላኝ እሳት፤
አማልደኝ ከጌታ፥ ነፍሴን እንዲምራት፡፡
፤
የነገርኩህ ሁሉ፥ በቀኑ ደረሰ ፤
በዘብር ገብርኤል፥ እንባዬ ታበሰ፡፡
ና ልጄ ስትለኝ፥ አልልህም እንቢ፤
ስለቴን ተቀበል፥ አባቴ ቁልቢ፡፡
፤
የልቤን ነግሬህ፥ የቁልቢው ገብርኤል፤
ሳትረሳ ፈፀምከው፥ ስለቴን ተቀበል፡፡
ለንግስ እንመጣለን፥ አንተ አትረሳምና፤
ደሞ የዛሬ አመት፥ አድርሰን በደህና፡፡
+++++++

እንኳን ለሃያሉ ለቅዱስ ገብርኤል ዓመታዊ የንግስ ክብረ በዓል በሰላም አደረሳችሁ አደረሰን!!!

🪔✨🪔✨🪔✨🪔✨🪔✨🪔
@MENFESAWItsufoche
🪔✨🪔✨🪔✨🪔✨🪔✨🪔

።።ቅኔና--ውዳሴሽ።።
፨፨፨፨፨፨፨፨፨፨፨፨፨፨፨፨፨፨

ቅኔና ውዳሴሽ ምግብ መጠጣችን
ማር የሆነው ስምሽ የመንገድ ስንቃችን
ፍቅርሽ እንደ ዕሳት__ ይነዳል ውስጣችን
ንኢ ንኢ ስንል ባርኪን እናታችን።

ልቡ ያዘነውን አዳምን ሊያፅናና
ትካዜውን ሊቀብር__የሞቱን ጎዳና
ማደሪያው አድርጎሽ__የሰማዩ መና
አዳነው ክርስቶስ__ ይድረሰው ምስጋና
ከወጣበት ገነት___ ተመልሷልና።

ካንቺ ተወለደ__ ያለ ወንድ ዘር
የሔዋን እርግማን__ወድቆ ሊሰበር
ያሳታት ዲያቢሎስ__ሲዖል ሊታሰር
ሥጋ ለብሶ ታየ__ ወልደ እግዚአብሔር።

ሰው የሆነና በኛ ያደረ ቃል
ኢየሱስ ክርስቶስቅዱስ አማኑኤል
መሆኑን ነገረን__ነበዩ ኢሳይያስ
አየነው ተጽፎ__ በመጽሐፍ ቅዱስ።

ሰው ሆይ ደስ ይበልህ__ተነስ ለምስጋና
እግዚአብሔር ዓለሙን__እንዲሁ ወዷልና
በአንድ ልጁ እንድናምን
ልዑል ክንዱን ሰደደልን።

የነበረው የሚኖረው__የማያልፈው ለዘለአለም
ከላይ ወርዶ ሰጠን ሰላም
በሥራው ሁሉ አልተለየም
ወልደ እግዚአብሔር__ ወልደ ማርያም።

ቅድስት ሆይ ለምኝልን
በበደልነው እንዳይቀጣን
ለንሰሀ ዕድሜን ይስጠን
በኪዳንሽ ተማፀንን።

የእግዚአብሔር ቃል መለኮት
የለበትም ሦስትነት
አንድ ብቻ__ነው እውነት
የሥላሴ__ቸርነት።

እንደ አበው__ ባንበቃ
ስምሽ ሆኖን__ ዋስ ጠበቃ
ደስታችን ሆኖ__ሲቃ
ልመናችን ሰምሮ ባንቺ
አማለደሽን ሳትሰለቺ።

ተሰበሰብን ልንጠራሸ
ማርየም ሆይ ቆምን ደጅሽ
የዘለአለም ዓንባችን ነሽ
ዕርስታችን የወረስንሽ።

እመቤታችን ሆይ የቅዱስ ኤፍሬምን በረከት አሳድሪብን Amen
ኢትዮጵያን ሰላም አድርጊልን
ልመናችንን አሳ ርጊልን።

➴ ከእህተ ማርያም
➴💝➴💝➴💝➴💝➴💝➴
@MENFESAWItsufoche
👆👆👆👆👆👆👆👆👆

​​እንኳን ለቅዱስ ዑራኤል አመታዊ የመታሰቢያ በዓል በሰላም አደረሳቹ አደረሰን!

መልዐኩ ቅዱስ ዑራኤልና አገልግሎቱ በጥቂቱ

✍ ዑራኤል የሚለው ስም "ዑር"እና ኤል ከሚለው ሁለት ቃላት የተመሰረተ ነው ። ትርጉሙም ብርሃነ ጌታ አምላክ ብርሃን ነው። ማለት ነው።

✍ ቅዱስ ዑራኤል ከ7ቱ ሊቃነ መላእክት አንዱ ሲሆን ከፍጥረተ ዓለም ጀምሮ መብረቅና ነጎድጓድ ላይ የተሾመ መልአክ ነው።በመሆኑም መባርቅት ለጥጋብና ለበረከት እንዲበቁ ነጓድጓድ ለሰላም እንዲሆን ያሰማራል። (መጽሐፈ ሄኖክ ፮፥፪)

✍ እመቤታችን ቅድስት ድንግል ማርያም ከልጇ ከወዳጇ ከጌታችን ከመድኃኒታችን ከእየሱስ ክርስቶስ ጋር ወደ ግብጽ ስትሰደድ መንገድ እየመራ፤ ከእስራኤል ወደ ግብጽ ከዚያም ከእመቤታችን ጋር በሀገራችን ኢትዮጵያ እየመራ ያመጣት መልአክ ነው።

✍ጌታችን መድኃኒታችን እየሱስ ክርስቶስ ለዓለም ቤዛ ሆኖ በተሰቀለበት ጊዜ፥ክቡር ደሙ በብርሃን ጽዋ ተቀብሎ በብርሃን ነሳንስ የረጨው እሱ ነው።

✍ ለነብዩ ዕዝራ ሱቱኤል ጽዋ ልቦና ያጠጣው፥ጥበብን ማስተዋልን የሰጠው የጠፉ መጽሓፍት በቃሉ አስታውሶ እንደገና ያጻፈው የረዳው መልአክ ነው።(ዕዝ፲፫፥፴፱)

✍ አባ ጊዮርጊስ ዘጋስጫ በእመቤታችን ቅድስት ድንግል ማርያም አማላጅነትና ትዕዛዝ ብዙ ድርሰት የደረሱት መልአኩ ቅዱስ ዑራኤል ጽዋ ህይወት ስላጠጣቸው ነው።

✍ በዓላቱም በዓመት 3ናቸው።
፩...ጥር። 22 በዓለ ሲመቱ፤
፪....መጋቢት 27 የጌታችንን ደም በዓለም የረጨበት፤
፫...ሐምሌ 21 እና 22 ቅዳሴ ቤቱ የተከበረበት ።

✍ በጸሎቱ የተማጸነ ከእግዚአብሔር አምላክ በረከትን ፣ምህረትን የሚያሰጥ አዛኝ ጠባቂ ና የዋህ መልአክ ነው።በተለይም ህጻናትን የሚጠብቅ የሚለምኑትን ሁሉ የሚሰማ ፥ኃጢአተኞች ካሉበት ቦታ እኔን ላከኝ እያለ አምላኩን የሚማጸን አዛኝ የዋህ መልአክ ነው።

✍ ይህ አለም በአማላጅነቱ አምኖ በእምነት ጸበሉን ቢጠጣ ፥ዝክሩንም ቢዘክር ከክፉ በሽታው እንደሚድን፤ እንደሚፈውሰው ቃል ኪዳን ተሰጥቶታል ።

✍ ቅዱሳን መላዕክት እግዚአብሔርን በሚፈሩ ሰዎች ዙሪያ ይሰፍራሉ ከመከራም ያድኑዋቸዋል።(መዝ ፴፫÷፯) የአባታችን የጠባቂያችን የአማላጃችን የመልአኩ የቅዱስ ዑራኤል ቃል ኪዳን አይለየን።

ወስብሐት ለእግዚአብሔር
💚 @ortodoxmezmur 💚
💛 @MENFESAWItsufoche💛
❤️ ✨🪔✨🪔✨🪔✨🪔✨❤

፨ገድል፨
ገድል ያለመለመው ወንጌል የተባለው
የጊዮርጊስ ስሙ እጅግ ያማረ ነው
አይደርቅ አይጠወልግ ሁሌም አበባ ነው
ሹመት ሽልማቱን ክብሩን ሁሉ ትቶ
ታስሮ ተገርፈ ለአምላኩ ክብር ቀንቶ
ኧረ እንደምን ቻለው ያን ሁሉ መከራ
ተቆልቶ ተፈጭቶ እንደ እህል ሲዘራ
እኔስ ይደንቀኛል ገድልህን ሳስበው
ሰባት ዓመት በገድል ይኖራል እንዴ ሰው
ዛሬ ዛሬማ እጅግ ያሳዝናል
ለሰው ምላስ ብሎ ክሩን ይበጥሳል
ሰው ጌታውን ሲክድ ለስጋ እያዘነ
ጊዮርጊስ ለአምላኩ እስከሞት ታመነ
አክሊል የሚያስገኘው ይኸው ስለሆነ።
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

🆕 መንፈሳዊ አጭር ዜና 🆕
ቁጥር ሁለት
🆕🆕🆕🆕🆕

ትላንት ከረፋዱ ጨው የተባለች ግለሰብ፣ ለመዝናናት ከቤቷ አንደ ወጣች አልተመለሰችም።
〰〰〰〰〰〰〰〰
ትላንት ከረፋዱ ጨው የተባለች ግለ ሰብ፣ ለመዝናናት ከቤቷ እንደ ወጣች አልተመለሰችም።
ግለሰቡዋ ከቤት ከመውጣቷ በፊት፤ለጎረቤቶቿ እና ለወዳጆቿ ፣ተሰናብታ እንደ ወጣች ተነገረ
ይቺም ግለሰብ ለወዳቾቿ እንደ ተናገረቺው ከሆነ ፣እኔ እስከ መቼ ጨው ተብዬ እኖራለሁ ፣አልጫውን አጣፍጣለው ወጣ ብዬ ተዝናንቼ እኖራለሁ ፤ ብላ በፍልስፍና ባስ ተሳፍራ እንደ ሄደች ጎሮቤታቸው ወ/ሮ ሽሮ እና አቶ በርበሬ ተናግሯል ።
ቢሆንም ግን ፖሊስ ባደረገው ምርመራ፤ ገለሰቧ ጉዞዋን ወደ አባይ ወንዝ እንዳደረገች፤ የፍልስፍና እና የታሃድሶ መንገድ ትራንስፖርት ዋና ፃፊ አቶ ጌታን ተቀበሉ ተናግሯል ።
ይሁን እንጂ ይቺ ግለሰብ ፣ ወደ አባይ ፏፏቴ ፤ ልብሶቿን አወላልቃ ለመዋኘት እንደ ገባች በዚያ የነበሩ አቶ ጌታ ይበቃናል ተናገሩ።
ሆኖም ግን ገለሰቧ ጨው ፣በፏፏቴ ውስጥ ስትዋኝ እዛው የነበሩ አቶ ድኛለው ተናገሩ።
ለጨው ቤተሰብ እና ለወዳጅ ዘመድ መፃናናትን እንመኛለን።

✍️ዜናው ከሃብታሙ አበራ
✨🌿✨🌿✨🌿✨🌿✨🌿✨
@MENFESAWItsufoche
✨🌿✨🌿✨🌿✨🌿✨🌿✨

፨ፆም፨

🍁 ከሥጋ ፍቃድ መለየት ነው። ኢሳ 58:3


🍁 ሥጋን እያደከሙ ነፍስን ለማጠንከር እግዚአብሔርን መለመን ነው።
መዝ108:24


🍁 ለሰው ልጆች የተሰጠ የመጀመሪያው ትዕዛዝ ነው።
ዘፍ3:3

🍁 ከጸሎት ጋር ከሆነ የጦር ዕቃ ነው። ማቴ17:21

🍁 የእንባ መፍለቂያ ምንጭ ናት።
ማር ይስሐቅ

🍁 አርምሞን የምታስተምር ናት።
ማር ይስሐቅ

🍁 የንጽሕና መገለጫ ናት።
ማር ይስሐቅ
እንኳን ለፆመ ፍልሰታ ቅበላ በሰላም አደረሳቹ አደረሰን!!!
በዕለተ እሁድ ፆመ ፍልሰታ ይጀመራል።
የበርከት ፆም ያድርግልን 🙏

➴🍁➴🍁➴🍁➴🍁➴🍁➴
@MENFESAWItsufoche
👆👆👆👆👆👆👆👆👆

፨ፍልሰታ፨
🍁🍁🍁🍁
ትፈራው ነበረ ያን መልአከሞት
የልጅሽን ፅዋ ቅመሽው አላት
ይጠፋል ኩነኔ ይጠፋል አበሳ
እንደ ፈጣሪያችን ማርያም ስትነሳ
እየባረከቻት ኢትዮጵያን በእጆቿ
በይባቤ አረገች እሷም እንደ ልጇ
ከሰው የተለየች መሆኗን ሲያበስር
ሞት በጥር ሆነ ነሃሴ መቃብር
አይሁዳዊው ቀንቶ ሲሰርቅ ሥጋዋን
የመለኮቱ ሰይፍ ቆርጠው እጁን
ብዙው ይጾመዋል የፍልሰታን ፆም
ከእህል ተከልክሎ ከሥጋ ከደም
ሐዋርያው ፊሊጶስ ትንሣኤዋን ሲሻ
ከወንድሞቹ ጋር ዕርገቷንም ሲሻ
በስሟ ተነሱ ሊፆሙ በጋራ።

የበረከት ፆም ያድርግልን!

➴🍁➴🍁➴🍁➴🍁➴🍁➴
@MENFESAWItsufoche
👆👆👆👆👆👆👆👆

፨ ጸደንያ ማርያም፨


መንፈሳዊ ትረካ
🕯🕯🕯🕯🕯🕯🕯🕯

✨✨✨✨✨✨✨✨✨
@MENFESAWItsufoche
✨✨✨✨✨✨✨✨✨

💗እናቴ ስማፀን በስምሽ💗

ድንግል ማርያም ብዬ ስማፀን በስምሽ
በቅድመ እግዚአብሔር ልመናዬን አድርሽ
እኔ ደካማ ነን ኃጢአቴ የበዛ
እኔ ጎስቋላ ነኝ በደሌ የበዛ
ጊዜዬን ያባከንኩ በዋዛ ፈዛዛ
ጊዜዬን ያባከንኩ በከንቱ በዋዛ
እመብርሃን ስልሽ ፈጥነሽ ድረሽልኝ
ልመናዬን ሰምተሽ ቆመሽ ለምኝልኝ
ኃጢአቴ ቢበዛም ይዣለው አንችን
አስምረሻልና በላዔ ሰብን
አንገቴን ቢያስደፋኝ በዝቶብኝ ኃጢአቴ
ምልጃሽን ፈለኩኝ ድንግል ሆይ እናቴ
ያን ክፉ ጨለማ እንዳላይ አደራ
ድንግል ሆይ ከልይኝ ከዲያብሎስ ጭፍራ
እመብርሃን እያልኩ ቆሜ ከደጅሽ
በብርሃን እጆችሽ እንባዬን አብሽ
አለም አታላይ ነች ወደሷ ተሳብኩኝ
ታማልጅኝ ብዬ አንቺኑ ተራብኩኝ

ከእህተ ማርያም
➴💝➴💝➴💝➴💝➴💝➴
@MENFESAWItsufoche
👆👆👆👆👆👆👆👆👆

በደብረ ታቦር
🌿🌿🌿🌿
መለኮት ተገለጠ በደማቅ ብርሃን አበራ
በተቀደሰው የታቦር ተራራ።
የአብ አባትነት የወልድ ልጅነት
በግልጽ ታወቀ ተነገረ በእውነት
ዮሐንስ ጴጥሮስን ያዕቆብን ጠርቶ
ሙሴን ከመቃብር ከሙታን አንሥቶ
ከብሔረ ሕያዋን ኤልያስን አምጥቶ
በአምላክነቱ ፍጹም አንጸባርቆ
በሕያው መለኮቱ በብርሃን ደምቆ
አብም ተገለጠ በብሩህ ደመና
የምወደው ልጄ ክርስቶስ ነውና።
እርሱን ብቻ ሰሙት እስከ ዘለዓለም
ሕይወት በእርሱ ነው ያለርሱ አትድኑም።
ብሎ ስለልጁ በግለጽ መሰከረ
አምላክነቱንም በተግባር ነገረ።

➴ከሀብታሙ ገበያው

እንኳን ለደብር ታቦር በዓል በሰላም አደረሳችሁ አደረሰን!!!

➴🍁➴🍁➴🍁➴🍁➴🍁➴
@MENFESAWItsufoche
👆👆👆👆👆👆👆👆👆

*እቴ ውቤ*
እቴ ውቤ ሙሽራዬ/2/
የባሕርየ መመኪያዬ
የክብር አክሊል መጽናኛዬ፡፡
ምሥራቅ ሆነሽ ፀሐይን ወልደሽ
ደኅንነት ሰላም በእጅሽ ይዘሽ
ለዲያብሎስ መርዶ ሆነሽ፡፡
ሻማ ሆነሽ ልታበሪ
ድርሺልኝ ስትበሪ፡፡
ሱላማጢስ አንቺ እናቴ/2/
ፈጥነሽ ነይ እመቤቴ
በአንቺ ሊጠግ የአዳም ቁስሉ
ሊጠፋልን ሊከስምልን
ያ የሲኦል ነበልባሉ፡፡
እቴ ውቤ እመቤቴ/2/
ፍጠኚልኝ ነይ በሞቴ
ለእርቃኔ ልትሆኚኝ ልብስ
ለሕመሜ ልትሰጪኝ ፈውስ
ረሀቤም እንዲታገስ
ሕብስት ይዘሽ ሆነሽ መቅደስ
ውዴ ነይ ከሊባኖስ፡፡
ክብር ሰጥቶሽ ህያው ልጅሽ
ወረቅ ለብሰሽ ተጎናፅፈሽ
የምትቆሚ በልጅሽ ቀኝ
እኔ ኃጡኧን አማልጅኝ አክብሪኝ
ውዴ እርሺው ያን ቤትሽን
የቀድሞውን ያባትሽን፡፡
ውቤ ውዴ እመቤቴ/2/
የክብር ማማ ሰገነቴ
መርሕ ፋና ለህይወቴ
ፈጠኚልኝ ነይ በሞቴ/2/
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

“የህይወት ዋጋው ስንት ነው?”
🔖🔖🔖🔖🔖🔖🔖🔖🔖


ከእለታት ባንዱ ቀን አንድ ታዳጊ አባቱን፤ “የህይወት ዋጋው ስንት ነው?” ሲል ጠየቀው፡፡ አባትም መልስ በመስጠት ፈንታ ልጁን እንዲህ ሲል አዘዘው፡፡ “እንካ ይህንን የድንጋይ ቁራጭ...ወደ ገበያ ውሰደው " "ሰዎችም ዋጋውን ከጠየቁህ በጣቶችህ ሁለት ቁጥርን ብቻ አሳያቸው እንጂ ምንም አትናገር” አለው፡፡ ልጁም ድንጋዩን ወሰደ፡፡
ወጥቶም በገበያ መሃል ቆመ፡፡ አንዲት ሴትም መጣች፡፡
“ይህ ድንጋይ ዋጋው ስንት ነው? ብትሸጥልኝ ወስጄ ግቢዬ ውስጥ አስቀምጠዋለሁ” አለችው፡፡ ልጁም እንደታዘዘው ምንም
ሳይናገር ሁለት ጣቶቹን አሳያት፡፡ እሷም አለች “ሁለት ብር? እወስደዋለሁ!!” ልጁም ወደ ቤቱ ተመለሰ፡፡ በገበያ ያጋጠመውንም ለአባቱ ነገረው፡፡
አባትየውም አለው “አሁን ደግሞ ድንጋዩን ይዘህ ወደ ሙዚየም ሂድ ዋጋውን ሲጠይቁህም ሁለት ጣቶችህን አሳይ” ልጁም ወደ ሙዚየም ወጣ፡፡ ገዢም መጥቶ ዋጋ በጠየቀው ጊዜ ሁለት ጣቶቹን አሳየው፡፡ ገዢውም “ሁለት መቶ ብር? እወስደዋለሁ!” አለው፡፡ ልጁም በድንጋጤ ወደ ቤቱ ተመለሰ፡፡ ያጋጠመውንም ለአባቱ ነገረው፡፡ አባትየውም ተናገረ፡፡ “አሁን ደግሞ በመጨረሻ ድንጋዩን ይዘህ ወደ የከበሩ ማዕድናት መሸጫ ሂድ ለባለቤቱም አሳየው” አለው፡፡ ልጁም ሄደ ለሱቁም ባለቤት አሳየው፡፡ የሱቁ ባለቤት
በመገረም “ይህ እኮ አለም ላይ እጅግ ውድ ከሆኑ የከበሩ ድንጋዮች አንዱ ነው” አለ፡፡ “ከየት አገኘኸው? ስንትስ ትሸጠዋለህ?” ሲልጠየቀው፡፡ ልጁም ምንም ሳይናገር ሁለት ጣቶቹን አሳየ፡፡
የሱቁም ባለቤት አለ.... “ይህንን ድንጋይ በሁለት መቶ ሺህ ብር
እወስደዋለሁ፡፡” ልጁም በመገረም እየሮጠ ወደ ቤቱ ተመልሶ ያጋጠመውን ለአባቱ
ነገረው፡፡ አባትየውም “ልጄ አሁን የህይወትህ ዋጋ ተገልጦልሃል” አለው፡፡
አየህ የመጣህበት ቦታ፣ ዘርህ፣ ሃይማኖትህ፣ የቤተሰቦችህ ሃብት፣
የተወለድክበት ቦታ ልዩነት አይፈጥርም፡፡ ዋናው ራስህን
የምታስቀምጥበት ቦታ፣ ራስህን የምታገኝበት የሰዎች ስብስብ
ነው፡፡ ልዩነቱ ያለው ራስህን ለመሸከም በምትመርጥበት መንገድ ነው፡፡ ህይወትህን ሙሉ የሁለት ብር ድንጋይ ዋጋ ስትሰጠው ኖረህ ይሆናል፡፡ ህይወትህን ሙሉ የኖርከው ዋጋህ ሁለት ብር ብቻ እንደሆነ በሚያስቡ ሰዎች ተከበህ ይሆናል፡፡ ነገር ግን እያንዳንዱ
ሰው ውድ የሆነ የከበረ ድንጋይ በውስጡ ይዟል፡፡ ልዩነቱም ያለው
ውስጣችን ያለውን የከበረ ድንጋይ አይተው ዋጋ በሚሰጡን ሰዎች መሃል መገኘትን ስንመርጥ ነው፡፡ ራሳችንን በገበያ ወይም በከበሩ ማዕድናት ሱቅ የማስቀመጥ ምርጫው አለን፡፡ በሌሎች ሰዎች
ውስጥ ያለውንም ውድ ዋጋ ለማየት ምርጫው የኛው ነው፡፡
ሌሎች ሰዎችም የከበረ ዋጋቸውን እንዲረዱ ማድረግ እንችላለን፡፡
አብረህ የምትውላቸውን ሰዎች በጥንቃቄ ምረጥ፡፡

➴☀➴☀➴☀➴☀➴☀➴
@MENFESAWItsufoche
👆👆👆👆👆👆👆👆👆

የሰርግ ልብስ
፨፨፨፨፨፨፨፨

አንድ ሰው መጥቶ እናንተ የምትለብሱትን አንዲት ቁራጭ ልብስ እንኳ ሳይሰጣችሁና ሰውነታችሁ በብርድና በዋዕየ ፀሐይ እየተቆራመደ ሳለ ቤታችሁን በወርቅና በተንቆጠቆጠ የመጋራጃ ዓይነት ቢያስጌጥላችሁ ምን ጥቅም አለው? እኛስ ነፍሳችን ዕራቁቷ ሳለች ሥጋችንን ወርቅ ብናለብሰው በወርቅ ብናስተኛው ምን ትርጉም አለው? ነፍሳችን በመሬት እየተንፏቀቀች ደሳለኝ ሥጋችን በከበሩ ሠረገሎችና የተለያዩ ማጓጓዣዎች ብትንፈላሰስ ምን ጥቅም አለው?ልጆቼ! እውነተኛውን ልብስ ልበሱ። የሰርጉን ልብስ ልበሱ። እስኪ ወደየገዳማቱ ሒዱና ይህን ከቅዱሳን አበው ወእማት ተማሩ።
እነዚህ ቅዱሳን በእልፍ ወትእልፊት ዕንቁ የተሽቆጠቆጡ ልብስ ብትሰጥዋቸው አይቀበልዋችሁም። ለምን?እነእረሱ ጋር ያለው ልብስ እናንተ ይዛችሁት ከሔዳችሁ ይልቅ በእጅጉ እንደሚበልጥ ስለሚያውቁ። ይኸውም የነፍሳቸው ልብስ ማለቴ ነው። ለነእርሱ ይዛችሁት የሔዳችሁት ልብስ ለአንድ ምድራዊ ንጉሥ ብትሰጡት እጅግ ያመሰግናችኋል። እነእርሱ ግን ከዚህ ንጉሥ በላይ በከበረ ልብስ ያጌጡ ናቸውና አይቀበልዋችሁም። ወርቃቸውን ወደሚያስቀምጡበት መዝገብ
/ልቡናቸው/ ገብታችሁ ስታዩማ ራሳችሁን ሰታችሁ ትወድቃላችሁ።የሀብታቸውን/ምግባር ትሩፋታቸውን/ ብዛት የወርቃቸውን ንጻት እንዲህ ነው ተብሎ የሚነገር አይደለም። እናንተም ከእነእርሱ ተማሩና እውነተኛውን ልብስ ለመልበስ ተሽቀዳደሙ።

➴💝➴💝➴💝➴💝➴💝➴
@MENFESAWItsufoche
👆👆👆👆👆👆👆👆👆

እንኳን ከዘመነ ማርቆስ ወደ ዘመነ ሉቃስ እግዚአብሔር አምላክ በሰላም አሸጋገርን!
ዘመኑ ዘመነ ሰላም ዘመነ ፍስሃ የተባርከ ይሁንልን!!!
🌼✨🌼✨🌼✨🌼✨🌼✨🌼
@MENFESAWItsufoche
🌼✨🌼✨🌼✨🌼✨🌼✨🌼