#እንኳን_ለሊቀ_መላእክት_ቅዱስ_ሚካኤል_ዓመታዊ_ክብረ_በዓል_በሰላም_አደረሳችሁ_አደረሰን♥♥♥

          #ጎጆ_ቀለስኩልህ

         (በሰመረ ፍስሃ)

በአውላላ ሜዳ በጠራራ ፀሐይ
ከአስፓልቱ አጠገብ ስኖር ጎዳና ላይ
የበጋውን ንፋስ በዙሪያዬ ከቦኝ
እንደ ዥዋዥዌ ወዲያ ሲወስደኝ፡፡
...................ወዲህ ሲመልሰኝ

ዝናቡ በተራው ጉዴን ተመልክቶ
...................ጉድፌን አፅድቶ
ይወደኝ ይመስል ልብሴን ያጥብልኛል
ጎጆዬን አፈራርሶ በብርድ ይገርፈኛል፡፡

ከዚህ የባሰ ግን ሰዉ ነው 'ሚገርመኝ
በነጋ በጠባ መተንፈሻ ያሳጣኝ፡፡

ስለተናገርኩኝ ማጣት መከፋቴ
የእውነት ስለኖርኩኝ ውሸትን ጠልቼ
አፋቸውን ሞልተው እብድ ነው ይሉኛል
አንዳንዴ ሲያሻቸውም ድሃ ነው ይሉኛል፡፡

የሆነው ሆነና ቅር አላለኝም
አጣሁኝ ብዬም አላማረርኩም
ጌታ እንዳስተማረኝ ለበጎ ነው ብዬ
የማይቻል የለም እኖራሎህ ችዬ፡፡

ይሄውልህ ግን ሚካኤል ሆይ...
የሰው ልጅ ሲሸሸኝ ማንነቴን አይቶ
ሰላምታ ሲነፍገኝ ኑሮዬን ተመልክቶ
አንተ ግን አንተ ነህ የአምላክ መልእክተኛ
ሁሌ  'ምትጠብቀኝ መቼም የማተኛ፡፡
ምንም ሳይገድብህ ከቤቴ ገብተሀል
ድሃዋን ጎጆዬ በፍቅር ጎብኝተሀል፡፡

እናም ሚካኤል ሆይ....
ከኔ እንዳትርቅ ስለሳሳሁልህ
በንፁህ ልቤ ውስጥም ጎጆ ቀለስኩልህ፡፡
❖==✿==❀==✞==❀==✿==❖
@MENFESAWItsufoche
✧✧✧✧✧✧✧✧✧✧✧✧

የሊቀ መላዕኩ ቅዱስ ሚካኤል ታዓምር
🕯️🕯️🕯️🕯️🕯️🕯️🕯️🕯️🕯️🕯️🕯️🕯️





🎙️በዲ/ን አቤል

🌿🍂🌿🍂🌿🍂🌿🍂🌿🍂🌿
@MENFESAWItsufoche
🌿🍂🌿🍂🌿🍂🌿🍂🌿🍂🌿

ከዘማዊቷ አንደበት
________________
በሰው እጅ ወድቄ በደካማው ጎኔ
ይገባታል ስባል ሞትና ኩነኔ
በፊትህ ለመቆም ሳይገባኝ ለኔ
ባንተ ፊት አቁመው አይሁድ እንዲህ ሲሉህ
መምህር ስለዚች ሴት አንተ ምን ትላለህ
ስትዘሙት አግኝተን ይዘናት መጥተናል
ሙሴ በኦሪቱ በደንጋይ ተወግራ እንድትሞት አዞናል
ብለው ሲጠይቁህ አይሁድ ሊፈትኑህ
አትወገር ብትል ህጋችን አፍርሷል
ትወገርም ብትል እንዴት ይጨክናል
ለሰው ሞት አያዝንም? የእግዜር ልጅ ነኝ ይላል
ለማለት አስበው ወዳንተ ሲመጡ
በዚህ ከባድ ሐሳብ አንተን መልስ ሊአሳጡ
ከናንተ መካከል ኀጢአት የሌለበት
መጀመሪያ አንስቶ ደንጋይ ይጣልባት
ብለህ ስትናገር ስትፈርድ ስለእውነት
ከአይሁድ መካከል ማን ነበር ካንተ ፊት
ቁሞ የተገኘ ኀጢአትን ያልሠራት
ባንቺ የሚፈርዱት ሰዎች ወዴት አሉ
ብለህ ስጠይቀኝ አወቅሁ እንደሌሉ
አይሁድ ሲዘጋጁ በኔ ላይ ሊፈርዱ
ዘማ ናት እያሉ እኔን ሊያዋርዱ
ቃላቸውን ሰምተህ መጻፍ ስትጀምር ያንዱን ኀጢአት ባንዱ
ትንሹም ትልቁም እየወጡ ሄዱ
አቤቱ ጌታየ እኔ ግን ከንቱ ነኝ
ኀጢአቴን ሰውረህ ከሞት አድነኸኝ
ኢየሱስ የት አለ? ብለው ሲጠይቁኝ
በጣቴ ጠቁሜ ለአይሁድ ያሳየሁኝ
መልካም ውለታህን መመለስ ያልቻልኩኝ
ወርቀ ደምህ ዋጅቶኝ በደምህ ስትገዛኝ
ስለመልካም ሥራህ ክፉ የመለስኩኝ
ከንቱ ነኝ ከንቱ ነኝ የከንቱ ከንቱ ነኝ
የአንተን ውለታ መመለስ ያልቻልኩኝ።
ዮሐ ፰ ፥ ፫

🔸ወስብሐት ለእግዚአብሔር !!🔹


ጡት ነካሾችና : ውለታ ቢሶች ከመሆን አምላክ ይጠብቀን!

🪔🪔🪔🪔🪔🪔🪔🪔🪔🪔
@MENFESAWItsufoche
🪔🪔🪔🪔🪔🪔🪔🪔🪔🪔

የሰማእቱ ጊዮርጊስ ተዓምር
🕯️🕯️🕯️🕯️🕯️🕯️🕯️🕯️🕯️





🎤ዲ/ን አቤል
🌿🍂🌿🍂🌿🍂🌿🍂🌿🍂🌿
@MENFESAWItsufoche
🌿🍂🌿🍂🌿🍂🌿🍂🌿🍂🌿

፨ገድል፨
ገድል ያለመለመው ወንጌል የተባለው
የጊዮርጊስ ስሙ እጅግ ያማረ ነው
አይደርቅ አይጠወልግ ሁሌም አበባ ነው
ሹመት ሽልማቱን ክብሩን ሁሉ ትቶ
ታስሮ ተገርፈ ለአምላኩ ክብር ቀንቶ
ኧረ እንደምን ቻለው ያን ሁሉ መከራ
ተቆልቶ ተፈጭቶ እንደ እህል ሲዘራ
እኔስ ይደንቀኛል ገድልህን ሳስበው
ሰባት ዓመት በገድል ይኖራል እንዴ ሰው
ዛሬ ዛሬማ እጅግ ያሳዝናል
ለሰው ምላስ ብሎ ክሩን ይበጥሳል
ሰው ጌታውን ሲክድ ለስጋ እያዘነ
ጊዮርጊስ ለአምላኩ እስከሞት ታመነ
አክሊል የሚያስገኘው ይኸው ስለሆነ።
✤✤✤✤✤✤✞✤✤✤✤✤✤
🕯️🕯️🕯️🕯️🕯️🕯️🕯️🕯️🕯️🕯️
✞@MENFESAWItsufoche✞
🕯️🕯️🕯️🕯️🕯️🕯️🕯️🕯️🕯️🕯️
✤✤✤✤✤✤✞✤✤✤✤✤✤

፨መግባቢያዬ ለኔ፨

የጨለማው ግርማ ሲተካ በብርሃን
በጸናዎኪዳንሽ ፍሬሽን ተማፅነን
አማላጅነትሽን በልባችን ይዘን
እንጠራሻለን ስዕልሽ ፊት ቆመን።
በዓለም ግሳንግስ በጉድባ ወድቄ
ከቅዱስ ተራራው እራሴን አርቄ
በፈተናው ብዛት ስኖር ተጨንቄ
ምሕረት መለመኛ አንቺ ነሽ ሰንደቄ
የነፃነት ዓርማ መንገዴና ጽድቄ
ቋንቋ መግባቢያዬ ልሳኔ ሰምሽ ነው።
የጠላትን ወጥመድ የሚሰባብረው
ከክፉ መናፍስት ከዘንዶው ጠብቂኝ
አውሬ ከቧጨረው ጠላት አይደምረኝ።
የፈጣሪ እናቱ ድንግል ማርያም
አንቺን ያላከመነ ከቶ አይድንም
የገነት ደጃፍ ነሽ የፍቅር የሰላም
ልዑል መሰርቶሻል መድኃኒዓለም።
በልጅሽ መቃብር በዚያ ጎለጎታ
በትጋት የቆምሽው እስሬ እንዲፈታ
የአዳም ተስፋውነሽ የፍጥረት አለኝታ
ምልጃሽ አይለየኝ ጠዋትና ማታ
ልመና ጸሎትሽ ነፍሳት ያረጋጋል
በፊትሽ ተደፍቶ ምስኪኑ ተፅናንቷል
መከራው እርቆለት ለምስክር ቆሟል
ከሳሽ ተሸንፎ ትጥቁን ጥሎ ጠፍቷል።
ሶልያና ድንግል የነቢያት ዜና
ዝናብ የታየብሽ ታናሿ ደመና
የቅንነት መዝገብ የድኽነት ጎዳና
አንቺን የሸለመን ይድረሰው ምስጋና።
እንደ አባቶቻችን እያልን ማርያም
ኪዳን ውዳሴሽን ሁሌ ስንደግም
ጌታን በታቀፉት በሚያምሩት እጆችሽ
ባርኪን ኪዳነ ምሕረት የምንመካብሽ።



እንኳን ለእናታችን ለቅድስት ድንግል ማርያም ልደታ በሰላም አደረሳቹ!
🕯🕯🕯🕯🕯🕯🕯🕯🕯
@MENFESAWItsufoche
❤❤❤❤❤❤❤❤❤

" አዕሩግ አመ በከዩ ብካየ
።።።።።።።።።።።።።።።።።።
ረከቡ ወለተ ዘታሥተሰሪ ጌጋየ
ለወንጌላውያን ኩልነ ዘኮነተነ ምጉያየ
ኢያቄም ወሀና ወለዱ ሰማየ
ሰማዮሙኒ አሥረቀት ፀሐየ
ምስራቀ ምስራቃት ሙፃዕ ፀሐይ
እግዝእትየ ዘመና ሙዳይ
ተወልደት ዮም ዳግሚት ሰማይ "
አረጋውያኑ ― በእጅጉ ቢያለቅሱ፣
በደል በምታርቅ ― በሴት ልጅ ተካሱ፤
ለወንጌልም ልጆች ― መሸሻቸው ካለም ፣
ሰማይን ወለዱ ― ሃናና ኢያቄም ፣
ሰማይዋም (ሰማዯም) ፀሐይን ― አውጥታለች ለዓለም፤
የምሥራቃት ምሥራቅ ― መውጫዋ ለፀሐይ ፣
የፍጥረት እመቤት ― የመናዋ ሙዳይ ፣
ዛሬ ተወለደች ― ዳግማዊቷ ሰማይ ።
እንኳን "ለልደታችን ቀን" አደረሳችሁ!
✨✨✨✨✨✨✨✨✨✨
@MENFESAWItsufoche
✨✨✨✨✨✨✨✨✨✨

*:ጊዜ ምን በደለ;*
፨፨፨፨፨፨፨፨፨፨፨፨፨፨
እውነትን ደብቀን ሀሰትን አንግሰን
አባቶች እያሉ ልጆች እያስተማርን
አርብ እሮቡን ሳናውቅ ሁልጊዜ አየበላን
ቤቱ መመላለስ ጭራሹን አቁመን
*
*
የእግዛብሔርን መቅደስ በሀጢያት ስንሞላ
እንደሰዶም ሆነን ህግን ስንጠላ
አህዛቦች ሲቀድሙን እኛ ቁመን ሇላ
ፀጋችን እያለ እሱን ሳናውቅበት ስንፈልግ ሌላ
*
*
የምንጓዝበት መንገዱ ረዝሞብን ቤቱ መሄድ ሲቀር
ሀይማኖት በገንዘብ እንደስም ሲቀየር
መፅሀፍትን ሳናነብ አባቶች እግር ስር ቁጭ ብለን ሳንማር
ቅዱስ ሁኑ ተብለን ምርጫችን ሲቀየር
*
*
ውበት ከአምላክ በላይ እኛ ስንሰራ
ቀለም እያማረጥን አለምን ስንመርጥ አምላክን ሳንፈራ
ማህሌት አዳር ትተን ስንመርጥ ጭፈራ
ሀብታችን ሀጢያት ገዝቶ ሲያስመስል ተራራ
*
*
ልብሳችንን ጥለን እርቃንን ስንመርጥ
በማናውቀው አለም ከላይ ሁነን ሳለ ወደ ታች ሰንዘቅጥ
አማርጠን ስንበላ ከደረቅ እስከ ቁርጥ
በደካማው ስጋ ለነፍሳችን ስንቅ ጭራሽ ሳናስቀምጥ
*
*
አወቀን ብለን ሳናውቅ በትቢት እየተጓዝን
ምርጫችን ከኛ በልጦ እኛኑ ሲመክረን
አልመለስ ስንል አምላክ እላይ ሁኖ በትዝብት ሲያዩን
ፍርጃ እላይ ቆመን ጌታ ሊመዝነን
እኛ ከሱ በልጠን ጭራሽ ፈራጅ ሁነን
*
*
ክፋትን አንግሰን ጠፋቶብን በጎነት
የውጩን አድንቀን ስንጓዝ በስህተት
ምርጫችን ተምታትቶ ስናማርጥ ውሸት
ሚስጥሩን ሳናውቀው ለመፋረድ ስንዋትት
*
*
በል በትርርህን አፅና የሚባል ሲጠፋ
መገንዘብ ሲያቅተን ምንድነን እንደሆነ የወደፊት ተስፋ
በማይጠቅም ህይወት ስንማስን ስንለፋ
ማወቁ ሲጠፋን ሁሉም ሟች መሆኑን ጠብቆ ወረፋ
*
መቶ ለማይሞላው ለዚህ አጭር እድሜችን
ምን ለማይጠቅመው እንጨነቃለን ለአፈሩ ስጋችን
አድሜአችን ሲቀንስ ከግባራችን ሲለቅ ፀጉራችን
መመለስ ሲያቅተን ዛሬ ነገ እያልን ሲመርሽ ቀናችን
*
አባቶችን ሰምተን ታሪክ ካልጠበቅን
ዘመናዊነት ሚስጥሩ ካልገባን
በአምና ተምረን ዘንድሮ ካልነቃን
ጊዜ ምን በደለ በሱ የፈረድን
*
ጊዜማ ሂደት ነው ድሮም የነበረ
እራሱን ሳይለውጥ ይሆን ሁሉ ዘመን በክብር የኖረ
ታዲያ ምን አጠፋ በሰው ተደፈረ
ንገረኝ ወንድሜ(ቴ) ጊዜ ምን በደለ":;"""''!?
➴💝➴💝➴💝➴💝➴💝➴
@MENFESAWItsufoche
👆👆👆👆👆👆👆👆👆

የአቡነ ገብረ መንፈስ ቅዱስ ታዓምር
🕯️🕯️🕯️🕯️🕯️🕯️🕯️🕯️🕯️🕯️🕯️

🎙️ዲ/ን አቤል

🍂🌿🍂🌿🍂🌿🍂🌿🍂🌿🍂🌿
@MENFESAWItsufoche
🍂🌿🍂🌿🍂🌿🍂🌿🍂🌿🍂🌿

ፃድቅ ሰው አስቀየምን
።።።።።።።።።።።።።።።
ንስጥሮስን ለማውገዝ በ431ዓ.ም በቁስጥንጥንያ በተካሄደው ጉባኤ ላይ ቅዱስ ቄርሎስን ተከትለው በጉባኤው ተገኝተዋል፡፡ ንስጥሮስንም አውግዘው ሃይማኖትን አጽንተው ሲመለሱ መርከበኞች "ሊቀ ጳጳሳቱ በሚሳፈሩበት መርከብ አትሳፈርም " ብለው ቢከለክሏቸው አቡነ ሲኖዳ ሊቀ ጳጳሳቱን እጅ ከነሱ በኃላ ብሩህ ☁️ ደመና ጠቅሰው በደመና ትጭነው ሲሄዱ ሊቀ ጳጳሳቱም መርከበኞቹም አይተዋቸው መርከበኞቹ"ጻድቅ ሰው አስቀየምን" ብለው አዝነው ንስሓ ገብተዋል፡፡
የአቡነ ሲኖዳ ረድኤት በርከታቸው ይደርብን ጽሎታቸውም ይማረን አሜን🙏


🪔🪔🪔🪔🪔🪔🪔🪔🪔🪔🪔
@MENFESAWItsufoche
🪔🪔🪔🪔🪔🪔🪔🪔🪔🪔🪔

መንፈሳዊ ትረካ
፨አርነት፨

➴📌➴📌➴📌➴📌➴📌➴
@MENFESAWItsufoche
👆👆👆👆👆👆👆👆👆

የአቡነ ሃራ ድንግል ተዓምር

🕯️🕯️🕯️🕯️🕯️🕯️🕯️🕯️🕯️

🎙️ ዲ/ን አቤል
🪔🪔🪔🪔🪔🪔🪔🪔🪔
@MENFESAWItsufoche
🪔🪔🪔🪔🪔🪔🪔🪔🪔

የ"7" ቁጥር ምስጢራት"
==============
*ሰባት ቁጥር ጥልቅ ምሳሌና ትርጓሜ አለው።በዕብራውያን ዘንድ ሰባት ቁጥር
ፍጹም ቁጥር ነው።
*.እግዚአብሔር ከሰኞ እስከ ዕሁድ ያሉትን ቀናት በሰባት ቁጥሮች ወስኗል።
(መ.ምሳሌ 24፥16)
*.እስራኤላውያን ከግብፅ ባርነት ነጻ ወጥተው በሲና በረሃ ሲጓዙ ይመሩት የነበረው
በሰባት ደመና ነበር።(ዘዳ 13፥21)
*.እስራኤላውያን ኢያሪኮን ለሰባት ተከታታይ ቀናቶች እንዲዞሯት፣በሰባተኛው ቀን
ደግሞ ሰባት ጊዜ እንዲዞሯት ታዘው ነበር። (ኢያሱ 6፥15)
*.ጴጥሮስ ወንድሙን ይቅር እንዲለው የታዘዘው እስከ ሰባ ሰባት ጊዜ እንጂ ሰባት
ጊዜ ብቻ አልነበረም።
(ማቴዎስ 18፥21, 22)
*ሌላው የሰባት ቁጥር ምሳሌዎች በጥቂቱ እንደሚከተለው ይቀርባሉ።
ሰባቱ አባቶች
=========
1. ሰማያዊ አባታችን እግዚአብሔር
2. የነፍስ አባት
3. ወላጅ አባት
4. የክርስትና አባት
5. የጡት አባት
6. የቆብ አባት
7. የቀለም አባት
ሰባቱ ዲያቆናት
==========
1. ቅዱስ እስጢፋኖስ
2. ቅዱስ ፊልጶስ
3. ቅዱስ ጵሮክሮስ
4. ቅዱስ ጢሞና
5. ቅዱስ ኒቃሮና
6. ቅዱስ ጳርሜና
7. ቅዱስ ኒቆላዎስ
ሰባት የጌታ ቃላት(እኔ ነኝ)
===============
1. የሕይወት እንጅራ እኔ ነኝ
2. የዓለም ብርሃን እኔ ነኝ
3. እኔ የበጎች በር ነኝ
4. መልካም እረኛ እኔ ነኝ
5. ትነሣዔና ሕይወት እኔ ነኝ
6. እኔ መንገድና ሕይወት ነኝ
7. እውነተኛ የወይን ግንድ እኔ ነኝ
ሰባቱ ሰማያት
========
1. ጽርሐ አርያም
2. መንበረ መንግሥት
3. ሰማይ ውዱድ
4. ኢየሩሳሌም ሰማያዊት
5. ኢዮር
6. ራማ
7. ኤረር
ሰባቱ ሊቃነ መላእክት
==============
1. ቅዱስ ሚካኤል
2. ቅዱስ ገብርኤል
3. ቅዱስ ሩፋኤል
4. ቅዱስ ራጉኤል
5. ቅዱስ ዑራኤል
6. ቅዱስ ፋኑኤል
7. ቅዱስ ሳቁኤል
ሰባቱ አብያተ ክርስቲያናት
================
1. የኤፌሶን ቤተ ክርስቲያን
2. የሰርምኔስ ቤተ ክርስቲያን
3. የጴርጋሞን ቤተ ክርስቲያን
4. የትያጥሮስ ቤተ ክርስቲያን
5. የሰርዴስ ቤተ ክርስቲያን
6. የፊልድልፍልያ ቤተ ክርስቲያን
7. የሎዶቅያ ቤተ ክርስቲያን
ሰባቱ ተዐምራት
=========
*ጌታ የሰው ልጆችን ለማዳን በመስቀል ላይ በተሰቀለ ጊዜ የተፈጸሙ ተዐምራት፦
1. ፀሐይ ጨልሟል
2. ጨረቃ ደም ሆነ
3. ከዋክብት ረገፉ
4. ዐለቶች ተሠነጠቁ
5. መቃብራት ተከፈቱ
6. ሙታን ተነሡ
7. የቤተ መቅደስም መጋረጃ
ሰባቱ የመስቀሉ ቃላት
==============
1. አምላኬ አምላኬ ለምን ተውከኝ
2. አባት ሆይ የሚያደርጉትን አያውቁምና ይቅር በላቸው
3. ዛሬ ከእኔ ጋራ በገነት ትሆናለህ
4. እነሆ ልጅሸ እናትህ እነሆት
5. ተጠማሁ
6. ተፈጸመ
7. አባት ሆይ ነፍሴን በእጅህ አደራ እስጥሃለሁ
ሰባቱ ምሥጢራተ ቤተ ክርስቲያን
=====================
1. ምሥጢረ ጥምቀት
2. ምሥጢረ ሜሮን
3. ምሥጢረ ቁርባን
4. ምሥጢረ ክህነት
5. ምሥጢረ ተክሊል
6. ምሥጢረ ንስሐ
7. ምሥጢረ ቀንዲል
ሰባቱ ዐበይት አጽዋማት
===============
1. ዐቢይ ጾም
2. የሐዋርያት ጾም
3. የፍልሰታ ጾም
4. ጾመ ነቢያት
5. ጾመ ገሀድ
6. ጾመ ነነዌ
7. ጾመ ድኅነት
ሰባቱ በእግዚአብሔር ዘንድ የተጠሉ ነገሮች
===========================
1. ትዕቢተኛ ዓይን ምሳ ( 16፥6-19)
2. ሃሰተኛ ምላስ
3. ንፁህን ደም የምታፈስ እጅ
4. ክፉ ሃሳብን የምታፈልቅ ልብ
5. ለክፋት የምትፈጥን እጅ
6. የሐሰት ምስክርነት
7. በወንድሞች መካከል ጠብን የምታፈራ ምላስ
ሰባቱ ፀሎት ጊዜያት
============
1. ነግህ የጠዋት ጸሎት
2. ሠለስት (የ3 ሰዓት ጸሎት)
3. ቀትር (የ6 ሰዓት ጸሎት)
4. ተሰአቱ (የ9 ሰዓት ጸሎት)
5. ሰርክ (የ11 ሰዓት ጸሎት)
6. ነዋም (የምኝታ ጸሎት)
7. መንፈቀ ሌሊት (የሌሊት ጸሎት)
🪔🪔🪔🪔🪔🪔🪔🪔🪔🪔🪔
@MENFESAWItsufoche
🪔🪔🪔🪔🪔🪔🪔🪔🪔🪔🪔

እነዚህን መንፈሳዊ ገጠመኞች ተከታታሉ በርካታ ትምህርቶችን ታገኛላቹ በመንፈሳዊ ህይወት እንድትበርቱ የሚርዳ ነው፡፡
ለመምህራችን ቃለ ህይወትን ያሰማልን ተስፋ መንግስተ ሰማያትን ያውርስልን !!!