*የቃናዋ እመቤት*
ወይን ጠጁ ሲያልቅባቸው፤
የሚያደርጉት ሲጠፋቸው፤
መች ዝም አለች እናታቸው፤
እመብርሃን መውጫቸው።
የዶኪማስ ባለውለታ፤
የአገልጋያቹ ትዝታ፤
የእድምተኞቹ እርካታ፤
የሓዋርያት አለኝታ።
የምልክቶች መጀመርያ፤
ሲያደርጋት ልጇ አክብሮ፤
ለእኛ እንድትሆን አዘክሮ፤
ሲለመነን በእሷ ላይ አድሮ፤
ፈጥኖ ሰማት በአንክሮ።
የቃናዋ እመቤት አማላጅዋ፤
የማይቋረጠው እርዳታዋ፤
የማይቆጠረው ስጦታዋ፤
የማይለካው ዋጋዋ፤
ልጆቼ ትለናለች፤
በፍቅሯ እየሳበች፤
በክንዷ እያቀፈች፤
ልታወጣን ከዓለም፤
ወድቀን እንዳንሰምጥ፤
ልትመራን ደግፋ፤
ልትሆነን የኛ ተስፋ፤
ልትታደገን እንዳንጠፋ።
ከተፍ አለች ፈጥና፤
መላእክተ ብርሃንን አስከትላ፤
እየመራች ልታደርሰን፤
የገነትን ደጃፍ ልታሳየን፤
አይ እመቤቴ እሩህሩሃ፤
መቼ ያልቃል ደግነቷ፤
ይፈውሳል መድሃኒቷ፤
ለአመነባት በአማላጅነቷዋ።
ተራው ውሃ ተለውጦ፤
ስም ተሰጥቶት ፀብል ተብሎ፤
እውሩን እያበራ፤
ጎባጣውን እያቀና፤
አንካሳውን እየረታ፤
ለምፃሙን እያነጻ፤
ዲያብሎስን እየቀጣ፤
መግቢያ መውጫ እያሳጣ፤
የቃናው ውሃ ዛሬም አለ፤
የድንግልን ትዕዛዝ እየተቀበለ፤
እስከ ምጻት ሳይቋረጥ፤
ድህነት ሰላምን ለኛ ሊሰጥ።
✤✤✤✤✤✤✞✤✤✤✤✤✤
✞@MENFESAWItsufoche✞
✤✤✤✤✤✤✞✤✤✤✤✤✤

፨ለምኚ ድንግል ለምኚ
ለሃጣን ለሃጣን አይደለም ለጸድቃን፨

ይህን ያውቁ ኖራል?
አዳም ማለት ያማረ የተዋበ እና ከመሬት የተገኘ ፍጥረት ማለት ነው።
ኖኅ፡-ዕረፍት ማለት ነው
ሄኖክ፡-ሐዲስ፣ተሐድሶ ማለት ነው
ይስሐቅ:-ይስቃል፣ ይደመም፣ ይገረም ማለት ነው።
ዮሴፍ፡-ይጨምር ይድገም ማለት ነው ። ሩት፡-መልክ፣ውበት፣ቆንጆ፣ወዳጅ ማለት ነው፡፡
ናሆም፡-መጽናናት፣ዕረፍት ማለት ነው።
ዕንባቆም፡-ማቀፍ ማለት ነው፡፡
ሶፎንያስ፡-እግዚአብሔር ጠብቋል፣ ሰውሯል ማለት ነው፡፡
ሐጌ፡-በበዓል እለት የተወለደ ማለት ነው፡፡
ዘካርያስ፡-እግዚአብሔር ያስተምራል፣ ያስታውሳል ማለት ነው፡፡
ማቴዎስ፡-የአምላክ ስጦታ ማለት ነው።
ቲቶ፡-ወርቅ ማለት ነው።
ቀለሜንጦስ፡-ግምብ ማለት ነው፡፡
✤✤✤✤✤✤✞✤✤✤✤✤✤
@MENFESAWItsufoche
✤✤✤✤✤✤✞✤✤✤✤✤✤

ዓለም🌍😁 ተስቃለች

ራሱን የገዛ ለእምነቱ የኖረ
ዘላለም ይኖራል እንደተከበረ
መረን በለቀቀ ስሜቱን ባልገዛ
ዓለም ትስቃለች አስተክዛ አናውዛ
አፍዛ አደንዝዛ ጥላው እንደዋዛ።

👇👇👇👇👇👇👇👇👇
@MENFESAWItsufoche
👆👆👆👆👆👆👆👆👆

የመልአኩ የቅዱስ ገብርኤል ረዴት እና በረከት በሁላችንም ላይ ይደርብን አሜን!
አብሳሪው መልአክ ሃሴትን ከፈጣሪያችን ዘንድ ምህረትን ይቅርታውን ያብስረን
አሜን። 🕯🕯🕯@MENFESAWItsufoche

የሲና ሃመልማል /ዕፀጳጦስ/
🔥🔥🔥🔥🔥🔥
🔥🌱🌿🌴🌿🌱 🔥
🔥🔥🔥🔥🔥🔥🔥

ሙሴም የምድያምን ካህን በጎች ይጠብቅ ነበር። ወደ ምድረ በዳም ዳርቻ በጎቹን ነዳጅ።
ወደ እግዚአብሔርም ተራራ ወደ ኮሬብ መጣ። የእግዚአብሔርም መልአክ በእሳት ነበልባል በእሾህ ቁጥቋጦ መካከል ታየው። እነሆም ቁጥቋጦ በእሳት ሲነድ ቁጥቋጦው ሳይቃጠል አየ።🔥 ሙሴም ልሂድና ቁጥቋጦውን ስለምን አልተቃጠለም? ይህን ታላቅ ራእይ ልይ አለ። እግዚአብሔር እርሱ ይመለከት ዘንድ እንደ መጣ ባየ ጊዜ እግዚአብሔር ከቁጥቋጦው ውስጥ እርሱን ጠርቶ 🌴🔥ሙሴ ሙሴ ሆይ አለ። እርሱም እነሆኝ አለ። ወደዚህ አትቅረብ አንተ የቆምህባት ስፍራ የተቀደሰች መሬት ናትና ጫማህን ከእግርህ አውጣ አለው። ደግሞም እኔ የአባትህ አምላክ የአብርሃም አምላክ የይስሐቅም አምላክ የያዕቆብም አምላክ ነኝ አለው። ሙሴም ወደ እግዚአብሔር ያይ ዘንድ ፈርቷልና ፊቱን የሸፈነው። ዘጽ3:1-6
ሙሴም አንዱ ሌላውን ሳያጠፋ እሳትና ሐመልማል ተዋሕደው አየ። 🔥🌴🔥ይኸውም ነበልባሉ ሐመልማሏን ሳያቃጥላት ሐመልማሏ ነበልባሉን ሳታጠፋው ነው። ይህ ምስጢር ድርጊቱ ለተፈጸመበት ዘመን ተሰጥቶ ሲተረጎም ሐመልማል የቤተ እስራኤል ነበልባል የመከራ ምሳሌ ነው። ሐመልማል በነበልባሉ ሳትቃጠል መታየቷ እስራኤል በደረሰባቸው መከራ አዝነውንስሐ ገብተው ነፃ ለመውጣት አለመዘጋጀታቸውንና በሕይወታቸውም አለመለወጣቸውን ያሳያል። ነበልባሉ ሐመልማሏን ሳያቃጥላት እና ሳይጠፋ መታየቱ መከራ ቢያጸናባቸውም እግዚአብሔር እስራኤልን ጨርሶ እንደማያቸው የሚያመለክት ነው።
የዚህ ምሳሌ ፍጻሜ ግን ቅዱስ ቄርሎስ እንደመሰከረው 🌴🔥የእመቤታችን ምሳሌ ነው። ቅዱስ ኤፍሬምም እመቤታችንን ነበልባል ባላቃጠላት ሐመልማል መስሏታል።
🔥ነበልባሉ በአከባቢው የነቀሩትን ቁጥቋጦዎች ሲያቃጥል አንዷን ቁጥቋጦ ብቻ አለማቃጠሉ
መለኮታዊ እሳት በማህፀኗ ለመሸከም የተመረጠችው ቅድስት ድንግል ማርያም ብቻ ስለመሆኗ ነው።
አካላዊው ቃል ኢየሱስ ክርስቶስ ከስጋዋ ስጋ ከነፍሷ ነፍስ ነስ ቢነሳ ጊዜ መለኮታዊ ባሕርዩ አላቃጠላትም። ለእመቤታችን የተሰጠ ጸጋ ለማንም አልተሰጠምና ከፍጡራን ወገን የሚመስላት የለም።
ቅዱስ ኤፍሬም ሶርያዊው ''ሙሴ በነደ እሳት ሳትቃጠል ያያት ዕፅ አንቺ ነሽ ይኽውም መጥቶ በማህፀንሽ ያደረው የእግዚአብሔር ልጅ ነው። የመለኮትነቱም እሳትም ስጋሽን አላቃጠለውም'' ሲል እድንቋታል።በውዳሴ ማርያም ዘሐሙስ
* ስብሐት ለእግዚአብሔር *

✤✤✤✤✤✤✞✤✤✤✤✤
@MENFESAWItsufoche
✤✤✤✤✤✤✞✤✤✤✤✤

🕯🕯🕯🕯🕯🕯🕯🕯
እንኳን አደረሳቹ!
ታለቅ የንግስ በዓል በርዕሰ አድባራት ወገዳማት አክሱም ፅዮን
''እንሂድ ወደ እክሱም እንሂድ ወደ እናታችን እንሂድ ወደ እናታችን''

✨✨✨✨✨✨✨✨✨
@MENFESAWItsufoche

🕯🕯🕯🕯
🕯ፅዩን ማርያም🕯
🕯🕯🕯🕯🕯🕯

ፅዮን ማርያም አማላጅዋ
ግሩም ድንቅ ነው ከለላዋ
ተነግሮ አያልቅ ጥበቃዋ።
ስሟን ስጠራ ተጨንቄ
ፅዮን ማርያም ስላት አጥብቄ
ሰለምናት ለመንገዴ እንድትሆነኝ ስንቄ ፣
ተናግሬ ሳልጨርስ
ከተፍ አለች እኔኑ ልታድስ።
ልትመራኝ ደግፋ ልትሆነኝ ተስፋ
ልትታደገኝ በይፋ።
ምኞትህ መልካም ነው ልጄ፣
አትጥፋ እንግዲ ከደጄ
ብፅዕት ነሽ በለኝ አሁንም ወዳጄ
አስታርቅሃለሁ አማልጄ፤
እያለች ስታፅናናኝ
ፅዮን ማርያም እመቤቴ
መታወቂያ የእኔነቴ
መንገድ መሪዬ መስታወቴ
የኑሮዬ ትርጉም የልማቴ
የድካም ሁሉ ብርታቴ
ምቹ ማረፊያ የስደቴ።
ርቄ ብሄድ ባህር ማዶ
መቼ ሆነ ቤቴ ማዶ
እንባዬ ታብሶልኝ
ፀሎቴ ተሰምቶልኝ
መውደዴ ተቆጥሮልኝ
ፅዮን ማርያም አብራኝ መጣች
ጣፋጭ ቃሏን እያሰማች
ብፅዕት ነሽ በለኝ እያለች።
* * */ /* * *
ወስብሐት ለእግዚአብሔር
ወለወላዲቱ ድንግል
ወለ መስቀሉ ክቡር።
**********
🔔🔔🔔🔔🔔🔔🔔🔔
እንኳን ለእናታችን ለቅድስት ድንግል ማርያም ዓመታዊ ክብረ በዓል በሰላም አደረሳቹ አደረሰን!!!
የእናታችን ፂዮን ረድኤት እና በረከት በሁላችንም ላይ ይደር አሜን!!!
🔔🔔🔔🔔🔔🔔🔔🔔🔔

🕯❖🕯❖🕯❖🕯❖🕯❖🕯
@MENFESAWItsufoche
🕯❖🕯❖🕯❖🕯❖🕯❖🕯

በዛሬው እለት ቡጹእ አቡነ ማቲያስ ፖትርያርክ ዘኢትዮጵያ ዘመንበረ ተከለሃይማኖት ወጨጌ መንግሥት ዘአክሱም እና ሌሎች በረካታ ቡጹአን ሊቀ ጳጳሳት፣ካህናት፣ሊቃውንተ ቤተክርስቲያን፣ መነኮሳት እና ምዕመናን በተገኙበት የህዳር ጽዮን በዓል በድምቀት በመከበር ላይ ይገኛል።
ቀጥታ ከአክሱም
✤✤✤✤✤✤✞✤✤✤✤✤✤
@MENFESAWItsufoche
✤✤✤✤✤✤✞✤✤✤✤✤✤

# የማርያም_ንግስ_እለት ።
.
አዳፋ ነጠላ በቀጠነ ገላ ፥ ነፋስ የሚጥለው
የነተበ ጫማ. ጥቁር ያዘን ቀሚስ ፥ ኑሮ ያጨቀየው
ለብሳ የተገኘች .........
ከቤተክርስቲያን አፀድ ፥ ቆማ ከዋርካ ስር
አንዲት ምስኪን ባልቴት .....ትለማመን ነበር
,
አደራሽን ማርያም
አደራሽን ማርያም
እበላው የለኝ መሶቤ ተራቁቷል
እለብሰው የለኝም ጀርባዬ በርዶታል።
,
ወድቃ እየተነሳች
እምባ እያፈሰሰች
ተስፋዋ ማርያምን ትለማመን ነበር
ከቤተክርስቲያን ጓሮ ቆማ ከዋርካ ስር።
,
የደብሩ አለቃ
የንግሱን ምዕመን ወደፊቱ ስቦ
ጮክ ብሎ ያወራል
ጮክ ብሎ ያስተምራል።
,
1
የመቅደሱ ቀለም ሊታደስ ይገባል
2
ደጀ ሠላም ወንበር እጅጉን ያንሰናል ......
.
እናም.......
በዚህ ታላቅ ደብር ይህ ችግር ስላለ
ለማርያም የሚሆን እጃቹ የት - አለ?
እያለ።.....
ህዝቡን ያስተምራል::......
ለንግሱ የመጡ.....
ብዙ ባለጠጎች....
ጥለት የለበሱ ፥ በሽቶ የራሱ
ቆመው የነበሩ....እፊት ከመቅደሱ
ቀለም እንዲቀባ እንዲታደስ ደብሩ
ለደጀ ሠላሙ ደግሞም ለወንበሩ
በሺ .....የሚቆጠሩ
ብሮች ወረዋሩ....
.
የዛች የምስኪን ነፍስ
ያች ታላቅ መቅደስ
ቆማ ከዋርካ ስር
ተስፋዋ ማርያምን ትለማመን ነበር::
,
ኣደራሽን ማርያም
አደራሽን ማርያም
እበላው የለኝም መሶቤ ተራቁቷል
እጠጣው የለኝም ማድጋዬ ጎድሏል
እለብሰው የለኝም ጀርባዬ በርዶታል
አንቺ ነሽ ተስፋዬ የኔስ ተስፋ ሞቷል
ወድቃ እየተነሳች
እምባ እያፈሰሰች።
,
,
ግና ግን ለዛሬ ፥ ለክብርሽ እንዲሆን
ተቀበይ ስጦታ ውሰጂ አምሃዬን
የሟች ባሌን ማስታወሻ የኣንገት ሃብሌን::
(በኤፍሬም_ስዩም)
@MENFESAWItsufoche

✞ አላፍርም✞
የብርሃን ጅረት ከእጆችሽ ይፈልቃል
ጨረቃ ከእግርሽ ከጫማሽ ሥር ወድቋል
ከዋክብት በዙሪያሽ ይመላለሳሉ
የጌታችን እናት አንቺ ነሽ እያሉ
ፈጣን ደመና ነሽ ገስግሰሽ ስትደርሺ
ስምሽን በሚጠራው በህዝብሽ ንገሺ
ንገሽ እመቤቴ ግነኚ በዓለም
ከፍጡራን መሐል የሚመስልሽ የለም
ማነው ልበ ንፁህ የሃሳብ ድንግልና
አጣምሮ የያዘ ከሥጋ ንፅህና
እናትም ድንግልም ለመሆን የቻለ
ቅድስት ሆይ አንቺ እንጂ ሌላ ወዴት አለ?
ብርሃን አፍልቃ ወልዳ ፀሐየ ጽድቅ
ማናት የተሰኘች አማናዊት ምሥራቅ?
እመቤቴ አንቺ ነሽ ድንቅ ምልክቷ
በኪዳናት መሐል ምሥክር ሐውልቷ
ጽዮን ቅድስቲቷ ማርያም ንግስቲቷ
ርኅርይተ ኅሊና ድንግል አዛኝቷ
አምሳለ ኪሩብ ነሽ መንበረ መንግስት
የእሳት መቅረዝ ይዘሽ ወለድሽ መለኮት
ለማይነገረው ለክብርሽ ብዛት
እጅ እነሳለሁኝ የጌታዬ እናት
የባለፀጋ እናት ፀጋሽ በእኔ በዝቶ
ባዶ ማድጋዬ በረከት ተሞልቶ
ሃፍረቴ ይከደን ይቅር ነውር እርሜ
ቀና ብዬ ልሂድ ተጠግኖ ቅስሜ
በልጅሽ ፀጋ ውስጥ በክብርሽ ተውጬ
የመንግሥቱ ዜጋ ልሆን ተለውጬ
ፊትሽ በሚፈሰው ብርሃን ተጥለቅልቄ
ቃላት በማይገልጠው ግርማሽ ተደንቄ
ለመኖር እሻለሁ ናፍቄያለሁ በጣም
ዕድል ፈንታዬ ነሽ እመቤቴ ማርያም
ምልጃ ቃልኪዳንሽን አንቺን ተመርኩዤ
የልጅሽን መስቀል ቸርነቱን ይዤ
አምናለሁ እናቴ አልጠራጠርም
ተሥፋዬ ጽኑ ነው እኔ በአንቺ አላፍርም!
ስብሐት ለእግዚአብሔር
ወለወላዲቱ ድንግል
ወለ መስቀሉ ክቡር!

ከማርያማዊት ገብረመድኅን

💎💎💎💎💎💎💎💎💎
@MENFESAWItsufoche
💎💎💎💎💎💎💎💎💎

እውነት ነው!!
:
የጎልያድ ትዕቢት
የ'ጎልያድ ንቀት
ከስሩ እንዲጠፋ .. .. ከጅምሩ እንዲቀር
ከወንጭፉ ጀርባ
ከ'ጠጠሩ ጀርባ .. .. ፅኑ እምነት ነበር
✍ ኒር ቫና
@MENFESAWItsufoche

የተከበራቹ የዚህ መንፈሳዊ ቻናል ተከታታይ የሆናቹ የተዋህዶ ልጆች የእግዚአብሔር ሰላም ከሁላቹ ጋር ይሁን እያልን እኛ የተማርነው እኛ ያገኘነውን መንፈሳዊ ትምህርት ሌሎችም እንዲያገኙ የቻናሉን ሊንክ ለወዳጅ ዘመዶቻችን በማጋራት እግዚአብሔር በአንድም በሌላም የሚያስተምርንን የነፍሳችንን ምግብ በጋራ እንመገብ! አዎ እግዚአብሔር ዛሬም
✧ በግጥም ወስጥ ያስተምረናል፣
✧ በመነባንብ '' ይገስጸናል፣
✧በትረካ '' ይመክረናል፣
✧ በአበው ብሒል ይጠራናል....

📌📌📌📌📌📌📌📌📌
@MENFESAWItsufoche
📌📌📌📌📌📌📌📌📌