FVV Hay’at yig‘ilishi bo‘lib o‘tdi

Joriy yilning 20-aprel kuni Favqulodda vaziyatlar vazirligida Markaziy apparat, hududiy boshqarmalar va tarkibiy tuzilmalar rahbar xodimlari ishtirokida videokonfrensaloqa orqali onlayn va oflayn tarzda vazirlikning 2024-yil 1-chorak yakunlariga bag‘ishlangan Hay’at yig‘ilishi o‘tkazildi. Favqulodda vaziyatlar vaziri general-mayor A.X.Qo‘ldoshev rahbarligida o‘tkazilgan yig‘ilishda hisobot davrida favqulodda vaziyatlardan muhofaza qilish, yong‘in xavfsizligini ta’minlash va fuqaro muhofazasi sohasida amalga oshirilgan ishlar sarhisob qilinib, mavjud muammolar, ularning yechimi bo‘yicha amalga oshirilishi lozim bo‘lgan dolzarb vazifalar ko‘rib chiqildi.

Tanqidiy ruhda o‘tkazilgan muhokamalar davomida kelgusida amalga oshirilishi lozim bo‘lgan ustuvor vazifalar belgilanib, har sohaviy yo‘nalish bo‘yicha respublika, viloyat, tuman, shahar darajalarida tadbirlar samaradorligini oshirish yuzasidan mas’ul rahbarlarga aniq topshiriqlar berildi.

Qoraqalpog‘iston Respublikasida “Uch avlod uchrashuvi” davom etmoqda

O‘zbekiston Respublikasi Prezidentining Orolbo‘yi mintaqasini barqaror rivojlantirish masalalari bo‘yicha maslahatchisi general-leytenant T.A.Xudaybergenov boshchiligidagi harbiy-vatanparvarlik tadbirlari doirasidagi “Uch avlod uchrashuvi”ning navbatdagisi Chimboy tumanida tashkil etildi. Unda Qoraqalpog‘iston Respublikasi Jo‘qorg‘i Kenges Raisi, Jo‘qorg‘i Kenges Raisi o‘rinbosari, Qoraqalpog‘iston Respublikasi Favqulodda vaziyatlar, Milliy gvardiya, Soliq, va Bojxona boshqarmalari rahbarlari, Nukus harbiy prokurori, tuman hokimi, nuroniylar, yosh avlod vakillari va Favqulodda vaziyatlar vaziriligiga yangi qabul qilingan muddatli harbiy xizmatchilar ishtirok etdi.

Boshqa yangiliklar
Fvv.uz | Facebook | Telegram | Youtube | instagram | X

Navoiy harbiy prokuraturasi, viloyat favqulodda vaziyatlar boshqarmasi va boshqa mutasaddilar hamkorligida Navoiy shahar "Shirin" madaniyat va ma'rifat markazida yoshlar bilan uchrashuv o‘tkazildi.
Unda biriktirilgan Navoiy shahar "Gulzor" mahallasi yoshlari, faxriylar va keng jamoatchilik vakillar ishtirok etdi.
So‘z olganlar yoshlarga yaratilgan keng imkoniyat va imtiyozlar, vatanga muhabbat va sadoqat, xalqqa xizmat, tinchlik qadri xususida to‘xtalib o‘tdilar.
Muloqot davomida yoshlar o‘zlarini qiziqtirgan masalalarda batafsil ma'lumotga ega bo‘ldilar.

Boshqa yangiliklar
Fvv.uz | Facebook | Telegram | Youtube | instagram

Joriy yilning 17-aprel kuni Fuqaro muhofazasi instituti professor-o‘qituvchilari va Qashqadaryo viloyati FVB Hayot faoliyati xavfsizligi o‘quv markazi o‘qituvchilari tomonidan Qarshi shahridagi 34-sonli umumta'lim maktabi va 17-sonli Eshitish va nutqida muammosi bor bo‘lgan bolalar uchun ixtisoslashtirilgan maktab-internatining pedagog xodimlari uchun amaliy-uslubiy seminar mashg‘uloti o‘tkazildi.

Ushbu tadbir FVV va YuNISEF bolalar xayriya jamg‘armasi o‘rtasida tashkil etilib, asosiy maqsadi – ta'lim muassasalarining, ayniqsa inklyuziv ta'lim muassasa tarbiyalanuvchilari hamda ko‘p sonli mehnat jamoasini turli favqulodda vaziyatlarda to‘g‘ri harakatlanish borasidagi bilim-ko‘nikmasini oshirishga qaratilgan.

Seminar davomida ishtirokchilar hamda maktab-internat tarbiyalanuvchilari maxsus yong‘in-qutqaruv texnikalari va asbob-anjomlari bilan yaqindan tanishib, ulardan foydalanish bo‘yicha birlamchi ko‘nikmalarga ega bo‘ldilar.

Boshqa yangiliklar
Fvv.uz | Facebook | Telegram | Youtube | instagram