الرسالة :- السلام عليكم
طاعة الوالدين في كل شيء؟ عدا الشرك طبعاً
+هل يجوز اخذ موقف منهم وما احجي وياهم او اختلط وياهم؟ بنفس البيت طبعاً

عليكم السلام
ورد استثناء كاختيار الزوجة الي تهواها حتى لو اهلك رادوا غيرها

المهم كمحصلة عندك طاعتهم واجبة فوك متتصور ولازم توصل لتوافق وياهم على مصلحتك الشخصية، ولا تاخذ منهم موقف الهم حقوق هواي عليك

الدعاء للوالدين

عن أحمد بن محمد، عن معمر بن خلاد قال: قلت لأبي الحسن الرضا (عليه السلام): أدعو لوالدي إذا كانا لا يعرفان الحق؟ قال: ادع لهما وتصدق عنهما، وإن كانا حيين لا يعرفان الحق فدارهما، فإن رسول الله (صلى الله عليه وآله) قال: إن الله بعثني بالرحمة لا بالعقوق.

📚 الكافي ، ج ٢ ، الصفحة ١٥٩

يتم زرع الفتنة

الرسالة :- واذا القرب منهم يسببلي ضرر جسيم لدرجة احس بديت افقد عقلي؟ بل حتى ابسط شي ما اگدر اسوية وفقدت إحساسي بكلشي كل الي أريدة ابقى بعيدة عنهم وأنام لحد ما يخلص هذا كله واشوف شنو مصيري
فعلاً دا احس كل الي ديصير فوگ طاقتي تعبت قسمًا باللّٰه تعبت وما ضلت عندي طاقة أحاول اصلح اي شي

حديث الصادقِ (صلوات الله عليه) قال : ما أفلت المؤمن من واحدة من ثلاث و لربما اجتمعت الثلاث عليه :إما بغض من يكون معه في الدار ، يغلق عليه بابه يؤذيه . أو جار يؤذيه. أو من في طريقه إلى حوائجه يؤذيه .و لو أن مؤمناً على قلة جبل لبعث الله عز و جل إليه شيطاناً يؤذيه و يجعل الله له من إيمانه أنساً لا يستوحش معه إلى أحد .

أهلج أنت أعرَف بطريقة معاملتهم المناسبة، حاولي تكسبيهم وتماشيهم في سبيل إبعاد أذيتهم عنج، إذا جنتي تعانديهم بطلباتهم حاولي تسايريهم وتتحملين في سبيل تعاملهم وياج شوية شوية يتغير، لا بُد أكو فد نقطة تغيير تكدرين تستغليها

الرسالة :- اني حالي انكس واسوأ من هاي البنية ما ادري هو بلاء لو شنو بالضبط 19 سنة من حياتي ضاعت ويا اهلي االي ما يتسمون اهل اصلا وعلى شنو اطيعهم ضاعت حياتي بسبب هالشيء وشنو حصلت؟ اني مشخصة باكتئاب وعندي اضطراب قلق وخوف ونوبات هلع تستمر لاكثر من 30 دقيقة عندي اضطراب بالاكل وسواس قهري ومشاكل نفسية لا تعد ولا تحصى عندي خفقان وامراض جسدية حتى اني محد يتزوجني بسببهم وخسرت كلشي من وراهم اطيعهم على شنو بعد حسبي الله عليهم ان شاء الله يموتون كلهم ابشع موتى ولا ممكن اغفر او ابريلهم الذمة

والله ماعرف شكول، أعاتب من ما أدري، شحجي حتى احجي إذا هُمَّ الأهل الي المفروض يكونون مأوى للإبن معيشينه عيشة المضطهد المطرود

بس رب العالمين ما يترك عبده، وسحائب رحمته لا مداد لها، ولا بُد بيوم من الأيام أن تُغيث العبد بالمطر سواء بالدنيا لو بالآخرة، إن شاء الله رب العالمين ضام لج الأحسن بالمستقبل